здрава – Вистина.мк

Здрава замена за кафе и чај пред појадокот

Слаѓана Атанасова — Tue, 12 Sep 2023 10:00:04 +0000

Многу луѓе имаат навика да пијат кафе или чај веднаш штом ќе се разбудат, на празен стомак. Сепак, колку и да се мисли дека на телото му е потребна таа напивка, некои стручњаци велат оти тоа не е здраво да се пие на гладно. Причината е тоа што пиењето чај или кафе веднаш по будењето може да води кон зголемено лачење стомачна киселина, нарушено варење и складирање на хранливите материи и флуктуации на нивото шеќер во крвта. Следат неколку напитоци коишто се доволно делотворна замена. Вода со куркума и црн пипер По два – три прстофати овие зачини во топла вода може да бидат исклучително здрав и моќен утрински напиток. Тоа може да помогне за будност, побрз метаболизам, но и отстранување на вишокот маснотии. Ким и анасон Се земаат две чаши вода и по еден прстофат од овие состојки што се варат во неа. Откако ќе се преполови количината вода, таа се цеди и се пие полека. Ова е и напивка за слабеење што може да го подобри варењето и да ја намали надуеноста, особено при менструација. Лимон Се цеди половина овошка во топла вода. Ако е премногу кисело, можете да се додаде и малку мед во напитокот. Пиењето на празен стомак може да биде исклучително освежувачко и да ги исфрли токсините од телото. Полезно е и за кожата. За сѐ тоа да биде поделотворно, може да се додаде и прстофат цимет. Обична или топла вода За да се избегне усложнување на работите наутро, едноставно испијте чаша обична, млака или можеби малку потопла вода на празен стомак, велат стручњаците. Ова го хидрира телото и ќе го забрза метаболизмот. Може да помогне и во исфрлање на токсините од организмот. Кога се пие утринското кафе или чај? По некој од овие пијалаци, многу препорачливи се јаткасти плодови – бадеми, семки од тиква или семки воопшто. Ако телото има потреба од нешто слатко, дозволено е суво грозје, урми или свежо овошје. Потоа веќе може да се ужива во утринскиот чај, т.е. кафето. Важно е да се напомене дека ќе треба малку време за одвикнување од вообичаените утрински ритуали наместо прв оброк и заменувањето со некоја од споменатите напивки. Меѓутоа, ако новите напитоци не му годат на телото, се препорачува и консултација со нутриционист заради персонализирано советување. Извор: Курир.мк

3 совети како да ја одржите врската среќна и здрава

Слободанка Илиева — Fri, 25 Mar 2022 15:00:45 +0000

Заљубувањето не е тешко, но чувањето и одржувањето на љубовта е малку покомплицирано. Луѓето често забораваат на важните работи за опстанок на врската, карактеризирајќи ги како тривијалности и занемарувајќи дека тие се суштински за среќна врска. Романтиката е исто толку важна за среќна, исполнета и страсна врска. Сепак, постојат некои важни работи кои ќе ви помогнат да одржите или изградите здрава и среќна љубовна врска. Одвојте време за себе секој ден Секој ден поминувате квалитетно време со себе, за да направите нешто што го сакате, можеби читате книга, се бањате, поминувате време во природа, медитирате, пишувате дневник…Направете листа на работи кои ве прават среќни и кои обожавате да ги правите, па свесно и систематски одвојте време за себе секој ден. Запишете го сето тоа во календар и држете се до планот колку што можете повеќе.Тоа време поминато во активности кои сакате сами да ги правите ќе ве исполни со позитивна енергија и чувство на задоволство, а тоа е одлично за среќна љубовна врска. Ако сте среќни, ќе биде среќен и вашиот партнер. Дајте му до знаење на вашиот партнер дека повремено ви требаат 30 до 60 минути дневно кои сакате да ги поминете сами. На тој начин партнерот ќе знае дека поради некоја причина не го избегнувате и ќе ве поддржи во тоа. Исто така, кажете му да одвои време за себе, ако треба. Одвојувањето време за себе е еден од најздравите начини на кои можете да ја одржите љубовната врска стабилна и среќна, без разлика колку тоа може да изгледа контрадикторно. Вежбајте активно слушање Активното слушање значи дека и вие и вашиот партнер сте свесни еден за друг и слушате што зборува другата страна без мешање. За тоа одвојте време во текот на денот, наутро со кафе или навечер кога ќе си легнете. Важно е тогаш ништо да не ви пречи – без телефон, ТВ …Активното слушање е најдобриот подарок што можете да го дадете и примите. Најпрво, бидете пријатели Пријателството со партнерот треба да ви биде приоритет бидејќи ќе ви биде полесно и поуспешно да ги пребродите тешките времиња. Не е важно само да сакате некого, важно е и да ви се допаѓате како личност, исто како на почетокот на врската. извор:popara.mk

Ја немате видено во вакво издание: Ана Бекута во кожни хеланки испрати моќна порака до жените: „Секоја жена мора да биде здрава“

Христина Ѓоргиевска — Wed, 09 Mar 2022 11:14:32 +0000

Пејачката Ана Бекута последната година успеа да ослабне, а посебно откако остана без нејзиниот емотивен партнер Милутин Мркоњиќ Мрка. Пејачката на последната објава на Инстаграм во тесни кожни хеланки и мајца ја покажа својата нова линија, а на жените им испрати моќна порака по повод 8ми март. -Гледам дека цел Белкан пее – „уметница мора биди здрава“, па мислам дека овој 8ми март е идеален да го посветиме на женското здравје. Секоја жена мора да биде здрава. Девојки, немојте фризерот и шминкерот да бидат поважни од гинеколог и мемографија. Немојте козметиката да биде поважна од вежбањето. Немојте она што е на вашето тело да биде поважно од она што е во вас. Медиумите и Инстаграм знаат да бидат нереални стандарди за убавината и стилот на животот. И поради тоа многу жени се незадоволни со себе, порача Бекута,па откри како се чувствува. - Тоа многу ме растажува. Љубовта кон себе лекува. Среќен ден на жената, напиша Бекута. За потсетување, кон почетокот на декември почина партнерот на Ана Бекута, па тогаш на краток период се повлече од медиумите. фото: нстаграм/анабекута

Заборавете на совршенството: Три начини до здрава и успешна љубовна врска

Христина Ѓоргиевска — Fri, 16 Oct 2020 12:30:44 +0000

Романтичните филмови и книги, трогателните објави на социјалните мрежи и слично се карактеризираат со идеализирање на љубовта и врските. Голем број луѓе веруваат дека во светот постои личност која им е судена токму ним. Но, дали поимот „сродна душа“ може да биде потенцијално опасен? Професорот по психологија Гери Левандовски вели дека може, бидејќи кај многумина тој содржи и перфекционизам, а совршеноста во врските долгорочно е неиздржлива. „Доколку загрижено верувате во сродни души, вашата врска има помали шанси да успее бидејќи мислите дека сè треба до оди лесно и да биде совршено. За здрава врска е битно решавањето проблеми и конфликти, за да учите од вашите грешки“, вели Левандовски. Луѓето кои постојано бараа совршена врска на крај завршуваат во маѓепсан круг од кој тешко наоѓаат излез, бидејќи не сакаат да ги менуваат своите уверувања. Наместо да го барате оној вистинскиот за вас, почнете да трагате по врска која е искрена, здрава и реална.

1. Направете список

Рамани Дурвасула, психолог од Калифорнија, советува на хартија да ги напишете квалитетите кои се приоритет кај партнерот. Таа вели дека на овој начин може да дознаете по ќе за себе, но и да бидете реални со очекувањата, да се фокусирате на најважните карактеристики. Сочувајте го тој лист и ѕиркајте во него кога ќе почнете нова врска, за да процените колку од вашите очекувања личноста ги исполнува.

2. Набљудувајте ги врските околу вас

За да имате најдобра перцепција за врските и за тоа какви се навистина односите меѓу паровите, набљудувајте ги блиските. Ќе сфатите дека ниту една врска не е совршена и дека секоја има подеми и падови. Интернетот може да ве доведе до заблуда, не се лажете од трогателните објави на Instagram и на Facebook, туку најдете ја вистината во реалниот свет.

3. Вложувајте во себе

За да придонесете во здрава и посветена врска првин мора да бидете на чисто со себеси. Дурвасула вели дека најдобар период да најдете партнер е тогаш кога сте 100 проценти задоволни на сите други полиња во животот. Затоа, работете на себе, на кариерата и на тоа што мислете дека е важно. Кога сте задоволни со себеси, ќе бидете многу позадоволни и среќни во врската. извор: Kajгана

Колку е здрава замрзнатата храна?

Христина Ѓоргиевска — Fri, 15 May 2020 12:45:00 +0000

Нутриционистот Никола Шубрук тврди дека замрзнатото овошје и зеленчук имаат скоро иста количина на хранливи материи во споредба со свежото. Замрзнатиот грашок има околу 70 калории на 100 грама, a 79 калории доколку е свеж. Замрзнатиот грашок содржи 5,5 грама протеини, 1 грам масти, 11 гр јаглехидрати и 5,5 гр влакна на 100 грама; свежиот грашок содржи 7 гр протеини, 1,5 гр масти, 10 гр јаглехидрати и 5,6 гр влакна. Замрзнатите производи имаат и слична количина на витамини и минерали како и свежите, можеби во некој случај помалку, но разликите се минимални. Од една страна, количината на сол и шеќер може да биде малку поголема во замрзнатото овошје и зеленчук. Овошјето и зеленчукот се замрзнуваат брзо, во рок од неколку часа од бербата. Се подготвува и се пакува брзо за да се зачува нивната хранлива вредност.

Конзервираните и замрзнатите намирници можат да се складираат доста подолго од свежите производи со што се елиминира можноста да се расипат, а цената на несезонското овошје и зеленчук во текот на годината варира, додека цените на замрзнатите е стабилна.

извор: Кајгана

Миа Костова има рецепт за здравје, добар изглед и обично задоволство… по потреба! (ФОТО)

Антонио Димитриевски — Wed, 17 Apr 2019 07:47:43 +0000

Миа Костова секој ден ја гледате на ТВ екраните во магазинот од зад сцената. А, секој лик од сцената си ја знае цената, па така и Миа обично многу добро знае како да си го наплати своето. Работата си е работа и таа се работи од љубов и за плата, ама она што покрај неа може да се „протне на мала врата“ е таканареченото инфлуенсерство или рекламирање на разни помалку или повеќе познати брендови преку својот профил на социјалните мрежи.

На Миа очигледно тоа повеќе од добро и лежи, па по примерот на некои постари и помлади колешки и Миа својот Инстаграм профил го полни со разни рекламни фотографии. Во зависност од фотката зависи и заработката,а ама овој пат нема да зборувуме за тоа. Она што особено паѓа в очи се нејзините текстуални пораки во вид на приказни или случки, а сторијата до фотографијата само ќе ја збогати понудата на инфлуенсерот, повеќе ќе го привлече оној што го следи, а со тоа рекламата двојно вреди!

Миа како необична девојка, обично знае што прави, затоа и некој од производите на последната реклама кои обично се за една намена, овој пат можат да бидат за двојна употреба.

Пожелно е да сте женско, а во денешно време и не мора, пожелно е да сте русокоса, а и тоа не мора, освен ако не сакате да изненадите некоја здрава и „плава“ пријателка со подарокот од Миа, зашто подарокот е навистина чудо.

Не се сомневаме во неговото дејство, напротив... Веројатно совршено си ја врши работата и функцијата. Прашање е само изборот на употребата? Како козметички препарат или...? Чисто заради обликот и формата! Ама, како и да го употребат, оние што ќе го употребат, веруваме дека ќе бидат задовол(е)ни!

Како што веруваме дека Миа има право кога вели: „Колекцијава е чудо за вас“, зарем не?

Храна која треба да ја избегнувате после тренинг

Љупчо Најчевски — Mon, 13 Aug 2018 12:53:44 +0000

Тоа што редовно трчате и вежбате е многу корисно и здраво за вашето тело, но не вреди ништо доколку веднаш по тренингот изедете храна која ќе ги анулира бенефитите од него. Откако ќе истрчате десетина километри и ќе направите неколку тешки вежби, веројатно првото на што помислувате е храна. Воопшто не е погрешно да јадете по тренинг, но мора да знаете што треба, а што не треба да јадете. Еден од најдобрите британски нутриционисти, Ријанон Ламберт, вели дека храната по тренинг е и тоа како потребна, најмногу за да помогне да закрепнат мускулите. Таа напомена дека јаглехидратите се подеднакво важни за исхраната како и протеините. „Комбинацијата од двата типа на храна ќе помогне мускулите побрзо да заздрават и да се развијат правилно“, рече Ламберт. Според неа, не смеете да пиете алкохол по тренингот, па дури ниту пиво. Иако многумина велат дека пивото е многу здраво за пиење по тренинг, тоа нема да ви помогне при хидратацијата на телото и нема никаква нутриционистичка вредност. Наместо пиење на било каков алкохол, таа предлага да пиете вода по тренингот, бидејќи тоа ќе ве освежи и ќе го хидрира телото. Ламберт вели дека треба да почекате околу 45 минути откако ќе заврши тренингот, за телото да се смири и да може да се врати во состојба во која правилно ќе ја вари храната. Таа предлага да не јадете мрсна храна или тестенини, бидејќи телото дополнително ќе се напрега да ја свари храната, иако е веќе уморно. Сепак, тоа не значи дека треба да се опуштите целосно и да изедете неколку парчиња сиров зеленчук, бидејќи ниту тоа не се препорачува. Зеленчукот е одличен како дел од јадењето, но не смее да претставува целосен оброк, бидејќи едноставно не е доволно хранливо. Кога ќе заврши тренингот најдобро е да јадете јајца, сирење и житарици, бидејќи овие храни лесно се варат, а имаат доволно калории за да ги закрепнат мускулите.

15 совети за здрава храна

Љупчо Најчевски — Thu, 19 Jul 2018 12:10:48 +0000

1. Започнете го денот со една порција на свежо овошје и чаша сок. Зошто? Со цел да се поттикне мокрење и да се елиминираат токсините и нус-производите од телото. 2. Кога да јадете овошје? Во утринските часови, како прв оброк ! Овошје треба да се јаде 1/2 – 1 час пред оброкот или 3 часа по ручекот ! Зошто? Овошје е лесно сварливо и ако се јаде веднаш по оброкот гние од храната што претходно сме ја конзумирале. 3. Овошје може да се јаде и навачер, но наутро како прв оброк е најпрепорачливо затоа што не е добро да јадете тешка и долговарлива храна за појадок Зашто?

Нашето тело има циклична структура. 1. Од 4-5 сум до 12:00 се чисти од сите нус-производи и токсини. 2. Од 12 часа до 20 часа нашиот организам прима храна. 3. Од 20 часот до 4-5 во утринските часови нашето тело ја користи храната која се внесува и хранливите материи од неа. 4. Концентрирани протеини (месо, живина, риба) не консумирајте во ист оброк со концентрирани јаглехидрати (тестенини, ориз, компири). Зошто? Научниците откриле дека кога се внесуваат заедно имаат обратен ефект и целокупното нивно дејство е слабо. На пример, риба, месо или живина јадете заедно со порција на салата, исто така тестенини, ориз или компири консумираат со обилен тањир од салата! 5. Секој ден, јадете балансирани (биолошко ефективни) дневни оброци. Зошто? Со цел да ги внесете во вашиот организам потребните хранливи материи – протеини, јаглехидрати, незаситени масти, течности! 6. Кога да се земе последниот дневен оброк и зошто? Минимум 3-4 часа пред спиење, со цел да се минимизира притисокот врз телото пред спиење и одмор! 7. Во подготовка на оброци треба да се употребуваат т.н.. – ладно цедени масла, како што се маслиновото, сончоглед и соја масла. Зошто? Бидејќи овие масла се одличен извор на корисни незаситени масни киселини, неопходни за организмот. 8. Вашата телесна тежина поделете ја со 8 и ќе го добиете бараниот бројот на дневните чаши течност (2 дл) кои се непоходни да ги испиете. (Ако вашата телесна тежина е 72 килограми, тоа значи дека ќе пијат 9×2 дл, 1 I-800. Набљудувајте ја вашата урината ако е светла и транспарентна, тоа е знак дека пиете доволно течности. Ако урината е густа –и со жолта боја, итно Започнете да пиете најмалку 1,5 до 2 литри течност на ден! 9. Се грижите да внесете доволно, но не премногу (не повеќе од 25 g) од влакна од различни извори! Јадете тестенини, ориз, компири и овошје! Зошто? Влакната го штитат срцевиот мускул, дигестивниот систем го заздравуваат, ја одржуваат оптимална тежина и дозволениот холестерол, ја спречуваат појавата на висок крвен притисок и дијабетес, венски заболувања и рак.

10. Јадете по можност свежа храна (не замрзнат), сезонски одгледувана во нашата област, таа се одгледува без пестициди и ѓубрива! 11. Пиј те свежо млеко (не е трајно, има голем број на хемикалии) и ферментирани млечни производи: кефир, пробиотици и сурутка. 12. Јадете риба барем два пати неделно, затоа што таа е лесно сварлива и е богата со есенцијални амино киселини, есенцијални масти, како и витамини и минерали. 13. Секојдневно консумирајте ги дополнителните сугерирани дози на витамин Ц, Е, комплекс витамини и минерали и олигоелементи. Зошто? Бидејќи кај старите луѓе тешко може да се апсорбира од храната и сите потребни микронутриенти. 14. Задолжително секоjдневно треба да имате умерена физичка активност – одење, возење велосипед, пливање, гимнастика и фитнес. 15. Трудате се во семејството, соседството и во вашата животна средина, каде што живеете да се ширитепозитивна енергија. Така ќе го избегнете стресот и пред се ќе го зачува своето здравје.

Како до здрава и добро испеглана коса

Моника Манасиевска — Tue, 10 Jul 2018 19:09:20 +0000

Добро исправената (испеглана) коса, е уредна, сјајна и здрава, а истовремено ги истакнува и цртите на вашето лице… И покрај тоа што изложувањето на косата на високи температури може да резултира со нејзино сушење и трајно оштетување, негативните ефекти можат да бидат елиминирани или сведени на минимум со правилно користење на пеглата за коса и неколку трикови кои ќе ги откриеме: Правилно подесување на температурата Пеглите за коса развиваат температува повисока и од 260 степени целзиусови. Истата е тотално излишна. Доколку имате тенка коса пеглајте со температура од 90 до 150 степени, ако вашата коса е покрута и потешка за обликување засилете од 150 до 170 степени. Ништо повеќе од тоа! Користете соодветна заштита Пред користење на пеглата испрскајте ја косата со спреј за заштита од високи температури. Вака оштетувањето ќе го сведете на минимум. Повторување на прамени НИКАКО! Почекајте пеглата да ја развие соодветната температура па почнете да ја користите. Еден прамен пеглајте го само еднаш, евентуално два пати со последното дотерување на косата за сјаен финиш. Подгответе ја косата за стресот кој и претстои Пред пеглањето на косата, нанесете маска за заштита на суви врвови или маска за длабока хидратација. Препорачливо е да ја почестите косата со некое масло кое ќе и’ го врати сјајот и ќе надомести за претрпениот стрес. Одвојте време Никогаш немојте да ја пеглата косата за колку да се рече дека е испеглана. Одкако добро ќе ја исушите, расчешлајте ја и поделете ја на 3 до 5 дела, во зависност од густината. Пеглајте дел по дел. Обидете се пеглањето на косата да не стане еден од вашите секојдневни ритуали како би и дале време на косата да се регенерира од претходниот третман и останатите штетни надворешни влијанија.