здрава врска – Вистина.мк

Седум знаци дека сте во здрава врска: Ова треба да го препознае секој пар

Слободанка Илиева — Thu, 03 Aug 2023 12:51:28 +0000

Врските се различни бидејќи секој пар е различен, но сепак некои „норми“ треба да се подразбираат. Што точно ја прави врската здрава? – Одличната врска е безбедно место за двајцата. Можете да ги изнесете вашите желби, потреби и граници, како и да ја сослушате другата личност. Здравата врска е важно да се негува бидејќи спротивното – токсичната врска – влијае на квалитетот на вашиот живот, зголемувајќи ја депресијата и анксиозноста – вели Мери Џо Рапини, лиценциран стручен советник во Хјустон, специјализирана за терапија за врски, пишува „Everyday Health“. Да се биде во висококвалитетна романтична врска е поврзано со поголема благосостојба. Но, да се биде сам е многу подобро за нечија благосостојба отколку да се биде во помалку среќно партнерство, покажуваат истражувањата. – Многу парови во нездрави врски не знаат дека се во нив, особено ако пораснале во домаќинство каде што тоа било норма – вели Рапини. Затоа, уште поважно е да можете да препознаете каде е вашиот однос. Знаци дека сте во здрава врска Не се плашите да зборувате Лесно е да знаете кога вашиот партнер прави нешто што не ви се допаѓа, но не е секогаш лесно да зборувате и да кажете како се чувствувате. За ова е потребно многу сила, самодоверба и храброст, бидејќи треба да дојдете од ранливо место. Во здрава врска ќе се чувствувате доволно безбедно за да бидете отворени со партнерот. Довербата е основата на врската Довербата е основата на сите односи. Партнерите го покажуваат тоа давајќи слобода и простор што му е потребен на секој поединец. Се согласувате дека не се согласувате за одредени прашања Секој пар се кара, но не мора да го решавате секој проблем. Всушност, во ред е да имате неколку теми за кои никогаш нема да се согласите. Се охрабрувате еден со друг да ги следите вашите цели Во ред е ако вашите соништа не се совпаѓаат се додека се почитувате и се охрабрувате еден со друг во остварувањето на вашите цели. Вие и вашиот партнер имате посебни интереси – Паровите кои најмногу се согласуваат се оние кои се способни да ги задржат своите интереси, но не го обвинуваат партнерот што тоа не го дели со нив. Што значи, и двајцата го охрабрувате другиот сам да го истражува она што го сака. Иако е лесно да ги усвоите навиките и интересите на вашиот партнер, со текот на времето ако премногу се потпирате еден на друг може да доведе до незадоволство. Развивањето и инвестирањето во себе гради самодоверба, љубов кон себе и радост – објаснува д-р Рапини, пишува „Everyday Health“. Здравата врска значи дека и двајцата сте во ист тим – Во здравите врски и двете страни разговараат и се договараат за важни теми кои се важни. Се чувствувате среќно и поддржано Кога ќе помине почетната возбуда од новата врска, размислете дали се чувствувате среќно и дали партнерот ве поддржува? Какво е вашето расположение и самодоверба? Ако чувствувате некаков напор или недостаток на поддршка, разговарајте со вашиот партнер. извор:popara.mk

Колку секс е потребно за здрава врска?

Слаѓана Атанасова — Tue, 18 Apr 2023 11:28:11 +0000

Дури и ако прашувате за пријател, сигурно е дека има едно мало, љубопитно делче од вашиот мозок што секогаш се прашува дали врската без секс може да се одржи во живот. Всушност, многумина се збунети зошто не секогаш се чувствуваат расположени за секс. Како резултат на ова, едни имаат секс поради својата совест, односно поради фактот што физичкиот контакт му е многу важен на партнерот, а други сами туркаат низ „сушните периоди“. Но, дали врската без секс навистина толку треба да ве загрижува? Експертите велат дека и таквата врска може да биде потполно здрава. „Врската може да биде здрава ако партнерите не практикуваат секс многу често, но само ако и двајцата се сложуваат околу фреквентноста. Не постои универзално правило за тоа што значи да имате редовен секс – за некој тоа би можело да значи еднаш неделно, додека за друг би можело да значи секс само на годишнина. Ниту едното, ниту другото не е погрешно. Луѓето не треба да гледаат надвор од својата врска за да утврдат дали нивниот сексуален живот е задоволителен и здрав, туку треба да го прават она што им одговара во оваа смисла.“ Не постои ниту универзална формула за тоа колку секс е доволен за секоја дадена врска да се одржи во живот. За сексуалните луѓе, сексот и интимноста се лепилото кое ја чува врската во форма. Можеби ова е многу груб опис, но без секс, во суштина вие сте само цимери со партнерот. Може да се појави проблем во инаку здрави односи ако постои несовпаѓање во желбата. Неусогласеното либидо и / или интересот за секс се сосема нормални, бидејќи е невозможно секогаш да се чувствувате подеднакво сексуално како и вашиот партнер. Предложениот план за акција е двете страни да го разберат сексуалниот нагон во зависност од тоа што се случува во животот. Бидејќи одредени лекови, изборот на начин на живеење и здравствените состојби можат да влијаат на либидото, размислете дали постои можна надворешна причина за вашата незаинтересираност. Многу причини може да објаснат зошто некој воопшто не е заинтересиран за секс – хронична болест, сексуална траума во минатото, општо претпочитање за допир и интимност од асексуални активности, менопауза и / или стареење, и уште безброј други фактори. Без оглед на тоа што е најблиску до описот на вашата ситуација, комуникацијата е клучна, бидејќи кога не се исполнети или обработени потребите на еден или на двата партнери, последицата е огромна. Без комуникација, чувството на отфрлање, осаменост и разочарување само ќе се таложат, а потоа ќе доведат до незадоволство и гнев. Незадоволството од сексуалниот живот може да се прелее во другите сфери на врската, што го отежнува постигнувањето на здраво партнерство. Никогаш не е лоша идеја да побарате советник за двојки или сексуален терапевт кој може да помогне во ваква ситуација. Ако еден или двајцата партнери не се задоволни со фреквентноста на сексот, но обајцата се посветени на компромис и комуницирање, лесно ќе изнајдат решение да ја одржат врската здрава. Извор: Попара.мк

За да ја зачувате здравата врска, исфрлете го ова: 5 реченици кои не треба да ги кажете на саканата личност

Христина Ѓоргиевска — Wed, 09 Mar 2022 14:30:10 +0000

Разговорите се основа на сѐ, без разлика за која сфера од животот, секогаш е важно да се држи на високо ниво и да се трудиме се да разјасниме на време. Ова е најлесниот начин да избегнете недоразбирања. Како и со сè, постојат мали трикови за комуникација кои можат да не научат како да пливаме во морето од меѓучовечки односи, кои честопати знаат да бидат нездрави и лоши. Сепак, има некои ситуации каде што нема многу простор за филозофија, размислување и криење. Кон кого ќе бидеме искрени, ако не кон партнерот? Искреноста е суштината на секоја врска, но понекогаш не треба да претеруваме и да плескаме се во лице. Издвоивме неколку реченици кои ниту еден партнер не би сакал да ги слушне, изговарајќи ги нема да постигнат ништо друго освен да го продлабочат конфликтот и да водат до, можеби, поголеми последици. Тие ја прават вашата врска лоша, нездрава и го оддалечуваат партнерот од вас:

Ништо страшно, ќе преболиш.
Ти си ист/а како татко ти/мајка ти.
Ти секогаш / Ти никогаш…
Доста ми е.
Премногу си чувствителн/на.

извор: попара.мк

Осум неромантични знаци кои укажуваат дека сте во здрава врска

Христина Ѓоргиевска — Fri, 10 Sep 2021 12:15:02 +0000

Готвење или чистење, перење или средување на дворот... сето ова покажува дека обрнувате внимание и се грижите за потребите и желбите на партнерот. Плус, паровите кои можат да се расправаат без да се навредуваат, навистина се сакаат. За време на романтичната врска учиме многу за себе, за другата личност и за другите луѓе во вашиот живот. Врската ве учи многу, и што е најважно, не мора да бидете романтични за да ја докажете љубовта и да бидете во здрава врска. 1. Не го вмешувате минатото во врската Секој носи багаж во врските. Но, партнерите кои навистина се сакаат, поставуваат граници за да го обезбедат својот сопствен раст, како и взаемно охрабрување кога ќе се појават проблеми од „минатиот живот“. Тие не го користат минатото против својот партнер и не дозволуваат минатото на нивниот партнер да се меша во нивната сегашност. Ова е од суштинско значење за вистинска интимност во врската. 2. Успехот на вашиот партнер не ве загрозува Ако се вознемирувате бидејќи вашиот партнер работи добро и можеби е поуспешен во кариерата од вас, тоа е огромен аларм за вашата врска. Славењето на успехот на вашиот партнер покажува дека сте тука за него и дека негвата среќа ви е важна. 3. Си помагате и се грижите еден за друг Ова варира особено од личност до личност и врска до врска, но готвењето или чистењето, перењето или средувањето на дворот или што било друго, особено ако не ви се допаѓа или ви е тешко да го правите тоа, покажува дека обрнувате внимание и грижа за потребите и желбите на вашиот партнер. 4. Делењето простор со партнерот е природно за вас Не мора да значи живеење заедно, но ако сте во врска со некого и делите заеднички простор и се чувствувате сосема природно, како да сте на вистинското место, тоа е многу добар знак. 5. Луди сте по него Секоја врска поминува низ период на возбуда и луда заљубеност. Но, после тоа започнува сериозниот дел и покажувањето вистинска љубов. Ќе знаете дека вистинска љубов ако се возбудувате еден за друг иако работите не се возбудливи. Ако гледате серии на каучот со денови и не правите ништо интересно, а уште лудувате по вашиот партнер кога го нема еден час или кога оди на работа - тогаш тоа е знак дека сте во одлична врска. 6. Дискутирате конструктивно Постои разлика помеѓу расправија и кавга, а паровите кои се во врска долго време учат како да се расправаат на начини што им овозможуваат да се слушаат и да се разберат еден со друг. Паровите кои навистина се сакаат можат да се расправаат без да се поткопуваат, да се навредуваат или целосно да ја прекинат врската. 7. Тука сте еден за друг дури и кога е лошо Лесно е да се биде со партнер за време на среќни прилики или настани, но како се чувствувате со него кога доаѓаат тешки времиња? Без разлика дали станува збор за операција, погреб или нешто слично, важно е партнерот да е со вас сто проценти во тешки времиња. Ако не е, не сте во добра врска. 8. Најважно, не се срамите за ништо еден пред друг Ја користите бањата заедно. Не се срамите да покажете кој сте и што сте. Не се срамите да ждригнете или да испуштите гасови пред вашиот партнер. Звучи глупо, но размислете за момент: ако не можете да извршите многу едноставна, всушност потполно неопходна и претежно неконтролирана телесна функција пред вашиот партнер, најверојатно не е вистинска љубов. извор: Кајгана