Сите сакаат да ослабат во лето, а многумина всушност се здебелуваат – поради овие навики и намирници растат бројките на вагата

Слаѓана Атанасова — Mon, 18 Jul 2022 12:21:56 +0000

„Ќе јадеме повеќе салата“, „Ќе јадам само овошје и ќе ослабам“, „Ќе ми биде доста кога ќе има домати и сирење“… сето тоа се само празни приказни, бидејќи истражувањата покажуваат дека повеќето луѓе се дебелеат во летото. Ова важи дури и за децата, иако нема долго седење на училиште и вршење домашна работа. Експертите велат дека причината лежи во начинот на живот кој се менува во лето. – Има многу повеќе собири, секогаш има некои прослави, свадби, годишнини кога пријателите се гледаат, а секој викенд се поминува со скара – тврди американскиот психолог Хејли Перлус. Во текот на летото се пијат големи количини на сок и други безалкохолни пијалоци, од кои многу содржат високо ниво на засладувачи. Преку алкохолните пијалоци и разните вкусни коктели влегуваат силни „скриени“ калории. Ниту летните слатки не се „безопасни“, бидејќи постојано не теши тоа што се „само овошни“ задоволства, а се полни со креми и шеќер. Така е и со сладоледот – едноставно, не можеме да одолееме за да се оладиме. Денот е подолг, па се зголемува и времето во кое уживаме во храната и пијалоците. Како да излеземе од овој „маѓепсан круг“ кој нè води до дебелеење? За почеток, нутриционистите советуваат засладените сокови да ги замените со незасладени чаеви или освежителна вода со вкус на краставица, јагоди или кое било друго овошје по ваш избор. Сладоледот заменете го со разладено овошје, но внимавајте и на количините. Кога сте на прослава или патување на скара, обидете се секогаш да го „мерите“ вашиот оброк така што ќе ставите измерена количина храна во чинијата, наместо да јадете малку по малку, и сето тоа „на нога“. Тоа е единствениот начин да го контролирате вашиот дел. Извор:Курир.мк

Зошто се дебелееме во првата година од врската?

Христина Ѓоргиевска — Thu, 12 Sep 2019 12:45:47 +0000

Дебели и среќни. Ова низ смеа најчесто го кажуваат луѓето кои значително се здебелиле во првата година од врската, но кога ќе помине „грејс периодот“, веќе не е смешно. Здебелувањето во првата година од врската, што може да се случи и во првата година од живеењето заедно или во брак, најчесто е резултат на опуштање. Луѓето кои се во врска сметаат дека не треба да изгледаат секогаш во форма, бидејќи нивниот партнер ќе ги сака во секој случај, па затоа си дозволуваат да јадат многу повеќе отколку оние кои не се во љубовна врска, потврди истражувањето на Централниот универзитет на Квинсленд од Австралија спроведено на 15.000 испитаници. Резултатите покажаа дека луѓето на почеток на среќна љубовна врска се здебелувале во просек по 5,8 килограми повеќе од оние кои не се во врска. Љубовна тежина Истражувањето исто така покажа дека вљубените парови се хранат многу поздраво од оние кои не се во врска, но затоа пак вежбаат многу помалку. Афинитетите кои луѓето во врска ги имаат еден према друг им се доволна причина за да останат во домовите и да поминуваат повеќе време заедно. Поради тоа, многу често како заедничка активност се зема готвењето, што пак резултира во покачување на килограмите кај двајцата партнери. Романтичните вечери многу често вклучуваат јадење и вино заедно, а многу често партнерите знаат да одат на заеднички вечери и забави каде има храна, па и самото тоа влијае на нивната тежина. Како да останете во добра форма? Тоа што сте среќни и заљубени не треба да ви биде изговор за да се запуштите и да дозволите да се здебелите толку многу што ќе почнете да станувате незадоволни. Кога луѓето не се задоволни со својот изглед, тоа почнува да се одразува на комуникацијата со партнерот и на квалитетот на врската. Ќе станете раздразливи, нераспопложени, несигурни, а може да си навлечете и здравствени проблеми. Затоа, преземете ја ситуацијата во свои раце и почнете да внимавате на исхраната, пијте многу вода и почнете да се занимавате со некаква физичка активност. Ако ова го правите заедно со партнерот, ќе бидете поистрајни во напорите и двајцата за кратко време ќе имате видни резултати. извор: Кајгана

здебелување – Вистина.мк

Сите сакаат да ослабат во лето, а многумина всушност се здебелуваат – поради овие навики и намирници растат бројките на вагата

Зошто се дебелееме во првата година од врската?