здебелени – Вистина.мк

Славица Ќуктераш се поздрави со својата публика… на (не)одредено време: Пејачката на хоспитализација (ФОТО)

Антонио Димитриевски — Tue, 14 Mar 2023 11:16:08 +0000

Пејачката Славица Ќуктераш им се обрати на своите следбеници на Инстаграм и откри дека има проблеми со гласните жици. По опсежните медицински прегледи, сите настапи беа откажани, а пејачката се огласи со следниов напис: „Како пејач, најтешкото нешто што може да ти се случи е да ти се каже: „Не можеш да пееш!“ И не зборувај преку ден, зборувај тивко, само ако треба. Инхалации со кортикостероиди, адреналин, пантенол и разни други средства. Цигари ни случајно (тука качувам плус 10 килограми за еден месец сигурно). Искрено, ова ми беше најтешко кога вечерва од ОРЛ слушнав дека имам задебелување на гласните жици и дека треба со голема дисциплина да работиме на нивното закрепнување. Малку е да се каже дека сум тажна, бидејќи првпат ова ми се случува и дека настапите се откажуваат додека не закрепнам целосно“ - сподели пејачката. Славица Ќуктераш од 2020 година има бројни здравствени проблеми, но и лоша среќа. Откако се заразила со коронавирусот, пејачката набрзо развила гнојна ангина и била хоспитализирана. Исто така, на Ќуктераш и беше оштетен слухот по короната, за што таа зборуваше исто така на Инстаграм. Славица во 2021 година повторно заболела од Ковид, но истата година го повредила и окото и морала повторно да биде хоспитализирана. Фото: Инстаграм принтскрин/cukterasslavica

Повеќе на vistina.mk

Зошто се враќаме здебелени од летен одмор?

Христина Ѓоргиевска — Fri, 23 Jul 2021 13:30:02 +0000

На годишен летен одмор одиме за да се опуштиме, а тоа значи дека ќе се опуштиме и во навиките на јадење и физичка активност. Тоа веднаш се покажува на линијата или на вагата. Секој има потреба од одмор и релаксација од стресот, а тоа често вклучува и фина храна и некои алкохолни пијалоци. И, тоа е во ред, сѐ додека не претераме и сфатиме дека сето тоа почнува да се одразува на килажата. Ова се едни од најлошите навики, кои скоро сите ги прават кога се на летен одмор и се здебелуваат. Не пиете доволно вода Бидејќи го носите шишето со вода насекаде, треба да го носите и на одмор. Без разлика дали сте на активен одмор или уживате на плажа, важно е да пиете доволно вода. Така се ладиме, но исто така ја надополнуваме течноста што телото ја изгубила преку потењето. „Заборавате“ да ја спакувате облеката за вежбање Најдовте место во куферот за комбинации за сите временски услови, но не и за облеката за вежбање? Ако не понесете опрема за вежбање, многу е веројатно дека нема да извежбате ниту еднаш додека сте на одмор, а со опуштеноста во однос на исхраната, ќе направите двојно поголема штета. Јадете сè Без разлика дали сте во хотел каде имате понуда „all inclusive“ или сте во нова и непозната дестинација и сакате да ги испробате сите специјалитети, ова не е добро за вашата линија. Кога ќе пробате од сè по малку, калориите се натрупуваат во текот на денот, и ако не вежбате, нема каде да ги потрошите. Пиете само коктели Алкохолните пијалоци сами по себе се празни калории, а коктелите се уште и полни со шеќер. Сето ова во никој случај не оди во прилог на вашата линија. Легнувате доцна и спиете до доцна Добро е познато дека недостатокот на сон лошо влијае на телото, па дури и на телесната тежина. Телото едноставно нема доволно време да се опорави и да се одмори и немате доволно енергија за вежбање во текот на денот. Откако ќе легнете доцна, спиете повеќе следното утро, а тоа не е добитна комбинација за одржување на линијата. Имено, едно истражување покажало дека луѓето кои стануваат подоцна внесуваат скоро 300 калории повеќе дневно отколку ранобудниците. Го прескокнувате појадокот Едноставно кажано, луѓето кои појадуваат здрав и нутриционистички богат појадок, во просек губат повеќе тежина од оние кои го прескокнуваат тој оброк. извор: Kajгана

Повеќе на vistina.mk

Љубовта е тешка: Колку се дебелеат мажите, а колку жените во првата година од врската?

Христина Ѓоргиевска — Wed, 28 Oct 2020 14:30:03 +0000

Ново истражување покажува дека луѓето добиваат доста килограми во првата година или две од врската. Еве го објаснувањето и бројот на килограми што можат да се соберат кога ќе се најдеме во сериозна врска. Се чини дека со влегување во сериозна врска, добиваме повеќе од љубовен партнер и пријател – добиваме и нови килограми. Американците дури го измислија терминот „љубовна тежина“, откако истражувањето покажа дека 3 од 4 лица (во САД) додаваат неколку килограми кога ќе стапат во постојана врска. Анкетата е спроведена од компанијата за истражување на пазарот OnePoll на 2.000 луѓе. Просечен учесник во истражувањето добил дури 16 килограми од првиот состанок со нивниот партнер, а само во првата година 7 килограми! Мажите се здебелувале почесто од жените, 70% од нив „пријавиле“ нова тежина во првата година, додека само 45% од жените се здебелиле во истиот период. Зошто е тоа така? Причините за зголемување на бројката на вагата се однесуваат типично за многу нови врски – често паровите се среќаваат надвор, се запознаваат со малку храна, на вечера. 41% од испитаниците изјавиле дека се плашат дека излегувањето замислено околу храната е одговорно за дебелеењето. Следниот виновник е поврзан и со навиките на хранење: повеќе од 30 проценти од паровите рекле дека причината е во готвењето и пиењето заедно дома, како и во нарачката на храна со достава. И изборот на храна? Дел од проблемот е во тоа. Луѓето признаа дека, еднаш во врска, повеќе не чувствуваат притисок да изгледаат одлично, па затоа се релаксираат. Со други зборови, тие не порачуваат салата и чаша вино, туку пица со екстра кашкавал. Заеднички оброк, дома или надвор, е една од најпопуларните активности што ги споделува парот, објасни д-р Алисон Чајлдрес, професор по исхрана на Техничкиот универзитет во Тексас. „Споделувањето оброци ни овозможува да се поврземе уште повеќе. Можеби на тој начин ќе се препуштите на храна што повеќе сакате да ја одбиете или едноставно да јадете повеќе или почесто”. 64% од испитаниците на тој начин признале дека се чувствуваат доволно пријатно и повеќе не треба да обрнуваат внимание на нивниот физички изглед. Интересно, најмладите, оние на возраст од 18 до 24 години, попуштаат најбрзо. Постарите партнери, луѓето на возраст од 45 до 54 години се во врска во просек година и пол сѐ додека не се релаксираат толку многу што повеќе не гледаат што јадат. Бракот исто така придонесува за зголемување на телесната тежина: 57% од луѓето признале дека се здебелиле во првата година од бракот – во просек 7 килограми. Повторно, мажите кои добиваат 10 килограми се во водство, а жените 5,8. Луѓето најмногу се дебелеат во првите пет години, а „виновниците“ се големите барања што доаѓаат во тој период пред паровите: основање семејство, мали деца, работа – тешко е тогаш да се фокусирате на сопственото тело. извор: убавина и здравје

Повеќе на vistina.mk

Не излегоа сите здебелени и запуштени од карантинот: Емилија Розман – бујна и расцветана ја дочека „слободата“! (ФОТО)

Антонио Димитриевски — Wed, 27 May 2020 08:00:51 +0000

Кукавме, плачевме, се жалевме... и дојде денот. Навистина, корнавирусот и пандемијата воопшто не се безазлени и за занемарување, но и слободата, како и животот, исто така - нема цена! Како и да е, карантинот и изолацијата се веќе минато, белким така и ќе остане?! Во меѓувреме, нацијата наголемо се подготвува за „слободен проток на луѓе и стоки“, па ќе биде интересно да се видат првите „блиски средби“ во живо од враќањето кон социјализацијата. Кафулињата, кафеаните и локалите несомнено ќе бидат првото „зборно место“ за толку очекуваната „фејслук“ дружба, за која секако треба да си подготвен по долгото „лежење“ меѓу „4 ѕида“! Освен тоа, летото е на прагот, па кусите фустанчиња, проѕирните блузичиња и кратките маички се аутфит кој многу не може да сокрие... Ниту вишокот килограми, ниту подраснатите препони, пазуви и се друго што оди со бричот, од под папок до глуждови! Шминката, фризурата, педикирот, маникирот... се подразбираат. Бидејќи долго време бевме дома, многумина толку многу се опуштија, што се запуштија! Но, дали баш сите излегоа здебелени и запуштени од карантинот? Истото ова прашање јавно го постави и македонската мисица, модел, манекенка... Емилија Розман! Имено, македонската убавица сподели фотографија на која госпоѓица „Розмантична“ е сликана на својот цветен балкон во полн сјај. Зеленило насекаде околу неа, цвеќето го краси пролетниот пејсаж во позадина, а и како украс во вид на цветно венче на нејзината убава глава. Но, она што домиинира во прв план и она на што погледот заедно со здивот запира се... Нејзините крупни, зелени очи? И тие секако, но машките сепак имаат малку поинаква перцепција на цветната концепција на македонската мисица. Емилија Розман - бујна и расцветана, а вашиот поглед тет - а - тет со длабокото деколте. И секако, нејзиното прашање до Вас од почетокот на приказната за изолацијата и карантинот: „И велите во ова карантинов се запуштивме сите, а?“ Ако треба одговорот да го дадеме судејќи по фотографијата, карантинот и изолацијата кај некои очигледно делувале стимулативно и мотивирачки како кај госпоѓица Розмантична. Емилија дополнително разубавена, бујна и расцветана, широкоградо, како цвеќе водата, ја дочека „слободата“!

Повеќе на vistina.mk