затвор – Вистина.мк

Ако Брега може да има „Оркестар за свадби и погреби“, зошто да не може Марија Луиса Тодоровска да е пејачка за затворска прослава? (ФОТО+АУДИО)

Антонио Димитриевски — Tue, 20 Feb 2024 09:37:09 +0000

Какви чудни времиња дојдоа, човек да не може да си изначуди што се се слави прославува. Родендени, имендени, слави, празници, веридби, свадби, годишнини... се некако вообичаени датуми за прослава, на сите нам добро познати... Арно ама, последниве години почнаа да се слават и одбележуваат некои работи кои во најмала рака се чудни и невообичаени. До душа, во „новото нормално“ се помалку може да не изненади ненормалното, ама сепак... Луѓето почнаа да слават речиси се' што прават! Така, последниве години на пример, почнаа да се слават празници кои воопшто не православни како „Ноќ на вештерките“ или Свети Валентин, попознат како „Денот на вљубените“... Иако е „друго прашање“ за каква љубов се работи?! Некој ги слави љубовта и бракот, а има и такви што наголемо го слават разводот! Повторната „лична слобода“ се слави бетер од свадба! Но, кога сме веќе кај слободата, веројатно најважното и најелементарно нешто во животот на еден човек, има и такви кои слават малку понаков вид на овој благодет! Можеби не е вообичаено, ама нашата фолк пејачка Марија Луиса Тодоровска тоа го знае најдобро. Или барем го дозна неодамна, кога доби „невообичаена понуда“ да пее на една чудна забава или поточно прослава. Имено, пејачката објави преписка на своите Инстаграм приказни, каде непознат лик ја бараа за да пее на една забава. Откако и ги соопштија датумот, бројот на гости и локацијата, Марија пред да се пазари за хонорарот и ја соопшти цената, праша по кој повод е забавата, а одговорот што го доби прво ја изнаненади, а потоа и слатко ја изнасмеа. Впрочем, истиот може да се додаде како уште еден доказ дека нема што не може да се прослави... со песна! Особено оноа за кое копнееш, додека си на „ поправно ладење и каење“! Конечно, ако Брега може да има „Оркестар за свадби и погреби“, зошто да не може Марија Луиса Тодоровска да е пејачка за (пост)затворска прослава? Фото: Архива/Инстаграм/luisa.todorovska

Ноне тргна кон локалниот угостителски локал, а заврши во затвор… поточно во неговиот ресторан!? (ВИДЕО)

Антонио Димитриевски — Wed, 03 Jan 2024 11:13:45 +0000

Велешката морепловка, бившпта пејачка Ноне Неделковска работата ја одведе на нова егзотична дестинација - Занзибар... Еден од најфасцинантните острови на крајбрежјето на Танзанија. Познат како родно место на единствениот Фреди Меркјури, а последниве години една од најбараните туристички дестинации на светот. Последниот ден во старата 2023-та година Ноне го помина во бикини. Испружена на широката песочна плажа, со дедомразовско капче и темни очила за сонце, во дводелен костим за капање на летно уживање во последниот ден од декември! Човек да и позавиди... И на егзотиката и на еротиката со која ги почести своите машки обожаватели и следбеници на социјалните мрежи, на кои ги сподели возбудливите кадри олицитворени во убавините на локацијата на која престојубва, но и на нејзиниот телесен раскош. И сето тоа спакувано во еден „новогодишен кош“ од подвижни слики, за сеќавања и убави спомени во некои идни прилики.

View this post on Instagram

A post shared by Nona 🌸 (@nona.nedelkovska)

А приликата да го разгледа островот пред, за време и непосредно по новогодишните празници Ноне никако не ја пропушти. Прошетките по прекрасните широки плажи под сенките на зелените разгранети дрвја, на кои златните зрна песок се слеале синиот океански бескрај и даваат друга димензија на егзотичната убавина. Возењето со старите локални чунови по окенаското синило е доплнително непроценливо... А средбата со џиновските, копнени многулетни желки, белким е замена за емпатијата која велешката морепловка ја има кон животните што ги чува дома во вид на куќни миленичиња. И кога опиена од сета таа убавина, Ноне си посака малку оддишка во ресторан ,за малку што не ја заплисна студен бран на жешкото сонце. Зашто велешанката тргна кон локалниот угостителски локал, поточно кон неговиот двор, а веќе во следниот миг се најде пред вратите на затвор! Збунета, но не и уплашена, малечката сирена влезе во локалот кој ниту оддалеку не наликуваше на она што пишува на влезот, па велешанката побара образложение каде тоа се наоѓа и зошто ова место така се вика? И дали ќе биде притворена без причина или брзо и квалитетно услужена? Одоговорот стигна веднаш заедно со нарачката, па велешката морепловка, сега за искуство побогата, на својот Фејсбук веднаш ја сподели оваа сторија за „Затворскиот ресторан“ и неговата историја. „Го посетив затворскиот остров на кој не ми пречи да бидам затвореник барем еден месец. На островот всушност не беа изградени затворски институции, туку станаа карантинска станица за случаи на жолта треска. Сега е само голема атракција за туристите и секако светилиштето на џиновските желки Алдабра, кои всушност беа подарок од Сејшелите“ - запишала Ноне во својот „морски дневник“ кој еден ден кога со сите океански авантури ќе заврши, би требала да го објави. Фото и видео: Facebook & Instagram/nona.nedelkovska

Боки 13 излегува од затвор: Бојан Јовановски е пуштен на слобода

Антонио Димитриевски — Wed, 29 Nov 2023 10:53:19 +0000

Осудениот во случајот „Рекет“, Бојан Јовановски-Боки 13 е пуштен на слобода, потврдува неговиот адвокат, а неофицијална потврда има и од Кривичниот суд. Причината е лошата здравствена состојба, за што Кривичен суд добил лекарски извештаи од повеќе доктори, како и цели лекарски козилиуми. Адвокатот Владимир Туфегџиќ, бранител на Јовановски посочува дека ја добиле одлуката, за која вели дека иако задоцнета, е праведна. „По однос на прашањето за кое пројавувате интерес, како бранител ја потврдувам информацијата дека Основниот кривичен суд Скопје донесе одлука за прекин на издржувањето на казна затвор за осуденото лице Бојан Јовановски и истата е доставена до осуденото лице. Ваквата одлука иако е задоцнета истата е за поздравување како законита, правична и пред се хумана, донесена врз основа на две последователни позитивни мислења од надлежниот Јавен обвинител во рамки на иста постапка и врз основа на комплетната медицинска документација за здравствената состојба на осуденото лице“, посочува Туфегџиќ.

Јовановски во 2020 година беше осуден на по девет години затвор за случајот „Рекет“ за изнуда и примање награда за незаконско влијание и перење пари, а во случајот „Меѓународen сојуз“ за измама. Јовановски казната ја отслужуваше во најголемиот македонски затвор „Идризово“ крај Скопје, а неговите адвокати постојано бараа да му биде укината казната, бидејќи неговото здравје е нарушено и не може соодветно да се лекува во затвор.

Извор: Danas Фото: Инстаграм/boki13official

Кејт Мидлтон во јавноста се појави со повредена рака, а еве како дошло до тоа (фото)

Слаѓана Атанасова — Wed, 13 Sep 2023 07:29:07 +0000

Принцезата од Велс Кејт Мидлтон го посети машкиот затвор во Сари, Англија. Секогаш скромна, принцезата, облечена според протоколот, разговарала со првите луѓе на затворот. Покрај совршениот стајлинг, многумина веднаш забележаа дека Кејт носи гипс на десната рака, на два прста и веднаш се запрашаа што и се случило. Наскоро британскиот печат откри дека принцезата претрпела „лесна повреда“ за време на омилената семејна активност. Кејт си ја повреди раката додека си играше на трамболина со своите деца принцот Џорџ (10), принцезата Шарлот (8) и принцот Луис (5). Портпаролот на палатата Кенсингтон потврди дека се работи за „лесна повреда, ништо сериозно“. Трамболината е омилено место за играње на принцезата и нејзините деца, а во една прилика откри дека често скока во неа со Џорџ, Шарлот и Луис. - Секогаш кога можам, сакам да скокам на трамболина со децата и да се забавуваме заедно пред училиште - изјави Кејт претходно за „Dailymail“. Во неколку наврати Кејт и Вилијам зборуваа за тоа како сакаат нивните деца да имаат нормално детство, како и сите други семејства. Затоа Кејт не се однесува како принцеза во удобноста на нејзиниот дом, туку како мајка која сака нејзините деца да ја чувствуваат топлината на вистинскиот дом и да имаат родители кои не се идниот крал и кралица, туку само мама и татко на Џорџ, Шарлот и Луис. Фото: Принтскрин/Профимедиа

Нејзината мајка влезе во затвор наместо неа, а таа се венчаше со пријател на татка си: Бар Рафаели поради долг кон државата доживеа тешки денови (фото)

Слободанка Илиева — Tue, 06 Jun 2023 07:04:14 +0000

Бар Рафаели е манекенка, телевизиска водителка, актерка и претприемач. Се смета дека спаѓа меѓу најуспешните манекенки од Израел. Таа се појавила на насловната страница на изданието „Sports Illustrated Swimsuit Issue“ во 2009 година, а исто така и во „Maxim“ во 2019 година. За два дена, на 4 јуни оваа жена ќе наполни 38 години, а изгледа барем една деценија помладо. За тоа покрај одличната генетика заслужни се и редовните тренинзи, но и здравата исхрана. Со оглед на тоа што е мајка на две деца, таа изгледа навистина феноменално. Како телевизиски водител, Рафаели била домаќин на шоуто „The Ks Factor Israel“ во 2013 година, а и ко-домаќин на натпреварот за Песна на Евровизија во Тел Авив во 2019 година. Како резултат на нејзините манекенски и инвестициски кариери, нејзината нето вредност е проценета на 20 милиони американски долари во 2015 година. Таа била најплатениот модел во Израел според „Forbes“ во 2013 година. Судот ѝ наредил да плати сума од осум милиони долари долг од 2009 и 2010 година поради неплаќање данок. Нејзините адвокати ја бранеле тврдејќи дека речиси цело време била во Америка и дека живеела со тогашното момче Леонардо ди Каприо, но докажано било дека поминала повеќе од 150 денови годишно во Израел. Сепак, на крај нејзината лага била откриена. Манекенката платила казна, а наместо неа во затвор отишла нејзината мајка. Таа била осудена на 16 месеци затвор и 2,5 милиони долари парична казна и плаќање на заостанати даноци. Поранешниот ангел на „Викторија Сикрет“ од 2015 година е во брак со претприемачот Ади Езра (46) којшто е по потекло од Израел, исто како и таа. Сопружниците ги имаат ќерките Лив и Ела и синот Давид. На многумина им е позната и по тоа што четири години била во врска со Леонардо ди Каприо. Бар Рафаели предизвикала контроверзни мислења кога одбегнала да ги отслужи двете години задолжителен воен рок така што се венчала за пријател на нејзиниот татко, а потоа се развела од него. Инаку, мажените жени и трудниците се ослободени од отслужување на воениот рок во Израел. фото:Инстаграм принтскрин/Бар Рафаели

Се огласи полубратот на починатиот син на пејачот Синан Сакиќ: „Како живееше, така и умре“

Слободанка Илиева — Wed, 17 May 2023 12:00:59 +0000

По повод ненадејната смрт на Рашид Сакиќ, синот на пејачот Синан Сакиќ, се огласи и неговиот полубрат Ален со кој имаше повеќе од заладени односи. Синот на Синан Сакиќ Рашид почина во Сремска Митровица каде ја издржуваше затворската казна, а неговата мајка Велида е неутешна поради трагедијата што ја снајде. За смртта на Рашид беше известен и неговиот полубрат Ален, кој сега проговори: - Што да кажам кога не бевме во контакт. Не ми е грижа. Како што живееше, така и умре. Немам никакви информации за него ниту сега ниту претходно – изјави Ален за 24sedam. Семејството Сакиќ во текот на животот на фолкерот се карактеризирало со исклучително лоши односи, но по неговата смрт тие станувале се полоши и полоши. Покојниот Рашид и неговата сестра Ѓулкица особено биле во лоши односи, а тој неколку пати и се заканувал. фото:Фејсбук

Ќе ја памети за цел живот врската со неа: Екс- момчето на Теа Таировиќ оди во затвор поради закани кон пејачката

Слободанка Илиева — Wed, 29 Mar 2023 09:58:30 +0000

Поранешното момче на пејачката Теа Таировиќ С.Џ е осуден на казна затвор од три месеци поради закани кои и ги упатил на пејачката. Имено, тој се терети дека откако во март 2018 година пејачката раскинала со него во повеќе наврати по пат на телефон од повеќе броеви и упатувал сериозни закани по нејзиниот живот.

View this post on Instagram

A post shared by Tea Tairović (@tea_tairovic)

По пат на телефонска комуникација и пратил фотографии од женско лице кое било претепано и и кажал дека тоа може да биде таа доколку не се смират. -На ден 21.04.2018 година во близина на дискотеката „Gaudeamus“ покрај мотелот во кој била сместена Т.Т откако ја побарал на нејзиниот мобилен телефон и рекол да се симне доле пред мотелот како би разговарале и да и врати некои нејзини лични работи, а откако таа го одбила тоа, тој и се заканил дека ќе и направи проблем во клубот додека пее и дека ќе ја ишиша келава. Со ова тој направил казнено дело загрозување на безбедноста и сигурноста, пишува меѓу останатото во пресудата. Сепак оваа пресуда не е конечна и тој има право на жалба, пренесуваат српските медиуми. фото:Инстаграм принтскрин

Раста снима филм за својот живот: Раперот признава дека најтешка му била сцената на неговото апсење (фото)

Слободанка Илиева — Tue, 28 Feb 2023 12:58:06 +0000

Како бомба одекна веста дека раперот Стефан Ѓуриќ Раста решил да сними филм по мотиви од неговиот живот. Раперот во разговор за медиумите откри како дошло до идејата за овој проект. – Идејата за филмот ја добив заедно со моите соработници кога работев на нови проекти. После таа видео проекција, дојдовме до идеја да го направиме тоа. Самото снимање траеше малку подолго, бидејќи во тој момент имав повреда на ногата, а навикнат сум снимањето да трае помалку, затоа што кога работиме на спотови е сосема поинаку, рече Стефан и додаде:

View this post on Instagram

A post shared by STEFAN (@stefanrasta)

-Имам искуство пред камерите, но ова е нешто поинакво бидејќи во мојата работа сум се занимавал со големи луѓе. Бев малку нервозен, но мислам дека успеав. Ова е најпребирливата работа на која сум работел бидејќи не е моја индустрија и затоа што сосема неприродно станував рано наутро. Ѓуриќ проговори за својата улога, но и призна дали имал трема за време на снимањето. -Улогата ми е комплицирана затоа што се играм себеси… Многу моменти кои повторно ги доживеав заради снимањето на филмот ми беа непријатни. Сцената со апсење и ставање лисици, искрено беше морничава, имам траги на рацете од тоа. Не би зборувал за други делово, нека биде изненадување, изјави Раста.

View this post on Instagram

A post shared by STEFAN (@stefanrasta)

На прашањето дали дел од филмот ќе биде посветен на неговата љубов со Ана Николиќ со која ја има ќерката Тара, раперот беше краток и јасен. -Филмот конкретно се занимава со периодот додека бев во зарвор, па не, Ана нема да биде во филмот – јасно кажа раперот. фото:Инстаграм принтскрин/Пинк

Виновникот за смртта на Шабан Шаулиќ оди зад решетки, а Гоца го искористи секое право на жалба

Слободанка Илиева — Wed, 01 Feb 2023 11:33:13 +0000

Германскиот суд, како што се наведува, го одбил преиспитувањето на пресудата што ја побарал германскиот државјанин Алсин Левент, откако тој бил прогласен за виновен за сообраќајната несреќа во која животот го загуби пејачот Шабан Шаулиќ. Наводно, судиите утврдиле дека во пресудата не е неправилно применето материјалното право, со што е правосилна и осудениот ќе мора да помине три години зад решетки. Алсин Левент првично беше осуден на три години и три месеци затвор за двојно убиство од небрежност. Но, во октомври минатата година казната му беше намалена за три месеци, а семејството Шаулиќ беше разочарано и покрај тоа што сметаа дека првичната казна е мала.

View this post on Instagram

A post shared by Saban Saulic (@sabanofficial)

– Адвокатот пред судењето ни рече дека пет години е максималната казна, најверојатно ќе добие околу четири години, на крајот беа три години и три месеци. Тоа беше малку шок за нас. Ова е човек кој не се кае, покажува одбивност кон настанот, цело време гледа во подот и молчи. Пред несреќата извршил околу пет кривични дела. Украл автомобил, возел без возачка дозвола, бил пијан, дрогиран и возел двојно поголема брзина - изјави Гоца во октомври минатата година и додаде: - Мислеа дека се доволни три години и три месеци. Беше страшно за нас како семејство. Сега нема години кога би можеле да го осудат на наше задоволство. Ама уништени се три семејства, мизерно е и мало, тие човечки животи се обезвреднети. Не знам дали има врска со тоа што е германски државјанин, сега нема да прејудицирам, но веројатно некаде постои. Но, делото е направено. Потоа се пожаливме, побаравме да го смениме во убиство со умисла, што тие одбија. Апелациониот суд во Билефелд пресуди поради текот на времето и поради неговото покажано каење. Не знам каде го покажа. Му ја намалија казната за три месеци – изјавила вдовицата на пејачот. Гоца тогаш го спомена преиспитувањето на пресудата, која сега е отфрлена. - Тоа не е толку важно. Сега има право на преглед, ќе добие време и каде ќе може, сега влегува во некоја нивна вага, се што оди под две години и седум месеци, да се сервира на отворено, можеби ќе оди на година. Тоа е порака дека животите воопшто не се ценети и важни. Дека секој може да седне во кола пијан и издрогиран - изјави Гоца Шаулиќ и додаде дека нема можност да поднесе натамошна жалба. За потсетување, сообраќајната несреќа се случи на 17 февруари 2019 година, на автопатот кај градот Гитерслох, во близина на Биленфелд. Пијан возач удрил одзади автомобил во кој биле Шабан Шаулиќ, Мирсад Кериќ и Слободан Стојадиновиќ. Како што објавија тогаш германските медиуми, осудениот Турчин возел автомобил со 193 километри на час, а бил под дејство на алкохол и марихуана. фото: ATA Images/Profimedia/ ПРИНТСКРИН/НОВОСТИ.РС

Ја извлекол од затвор: Taa била големата љубов на Масимо Савиќ

Слободанка Илиева — Tue, 27 Dec 2022 10:04:34 +0000

Потресната вест за смртта на големата музичка ѕвезда од просторот на поранешна Југославија продолжува да го тресе регионот, а познато е дека многу жени воздивнуваа по Масим Савиќ, старата кованица со прекрасен глас. Во Белград ја бакнал Беби Дол, но и анонимна девојка на која и го спасил животот. -Таа девојка од Србија беше мојата голема љубов. Заминала во Грција да бере мандарини за да заработи. Но... Во суштина, ја обвинија за проституција и ја ставија во затвор. Кога го слушнав тоа, веднаш отидов во Грција и успеав да ја извадам од затвор. Навистина направив се’ за љубов! Секогаш се трудев да ги завршам работите на џентлменски начин. Ги решив сите нејзини проблеми и дури кога ја донесов дома жива и здрава, ја завршив таа љубовна приказна, изјави пејачот во една прилика за магазинот „Puls“.

View this post on Instagram

A post shared by Massimo Savić (@massimo__fanpage)

Масимо Савиќ зад себе ја остави сопругата Ена, која ја запозна во 1989 година и со која подоцна ја доби ќерката Мирна, на која секогаш беше горд. - Јас и Ени никогаш не сме се правеле беспрекорни еден пред друг. Најголемиот проблем со луѓето кои започнуваат врска е тоа што сакаат да се претстават како совршени: немам валкани чорапи и гаќи, не се потам, секогаш сум беспрекорно чиста и парфимирана. И тогаш се случува вистинскиот живот и почнуваат проблемите. „А, па како да ти смрдат пазувите?! Тогаш другите реалности почнуваат да се мешаат во лажната слика за совршенство, создадена од луѓето. Јас и Ени веднаш се покажавме една на друга со сите наши маани. Затоа што само кога човек сака нечии маани, можеме да зборуваме за вистинска љубов. Имав многу среќа што ја запознав, особено што не е од мојата работа. Овде и таму ми пишува нешто, но не припаѓа на таа работа и свет. Енергиите ни се поклопија, вака зборуваше Масимо за љубовта на својот живот во истото списание. фото:ATA Images/Instagram/Alo.rs