жарко димитриоски – Вистина.мк

По аферата со владините тендери на Жарко Димитриоски, неговата емисија го менува името: Падна предлог како да се вика „Еден на еден“ и еве кој е новиот кум на името (ФОТО)

Антонио Димитриевски — Tue, 19 Oct 2021 09:35:04 +0000

Откако медиумите објавија дека фирмата “Еден на еден“ на ТВ водителот Жарко Димитриоски само годинава добила на 9 тендери од различни институции околу 18 милиони денари или 300.000 евра, лавината реакци не запира. Порталите не престанаа да пишуваат за неверојатните суми кои владините институции и компании кои му дале тендери на Димитроски, меѓу кои и Генералниот секретаријат на владата кој го води кумашинот на премиерот Мухамед Зекири, Државна Лотарија и Министерство за финансии, но и Управата за јавни приходи. Меѓу добиените тендери на неговата фирма има и такви со наслов „Набавка на услуги за двонасочна комуникација” - напиша порталот Експрес. Откако тендер сумите беа обелоденети, социјалните мрежи се усвитија и не престанаа да горат, а народот насмеаниот водител „да не го вади од уста“. Твитерџиите, фесјбукџиите и инстаграмџиите исто така... Меѓу сите оние што фрлаат „дрвја и камења“ по „Жаре - „бизнисменот“ осамнаа и некои довитливи постови или споделени хумористични „сечени, лепени, монтирани“ фотографии, иако вистината немонтирана и сурово реална. По џебот на народот, секако! Најпознатиот македонски камионџија ем истаграмџија, Дарко - Влогс исто така го „зеде водителот под свое“, па сликовито кажа и прикажа се' во една слика и три збора. Емисијата на ТВ водителот Жаре Димитриоски го менува името. Ток шоуто повеќе нема да се вика „Еден на еден“... Сега има дебела причина за тоа. Камионџијата е новиот кум на името. Ја искористи банер рекламата на водителот за му го прекрсти шоуто. „Еден на еден“ сега прераснува во „Тендер на Тендер“... Дефинитивно пологично, а и поискрено звучи, иако е само Инстаграм шега на Дарко - Влогс, на сметка на водителот... И тоа во четири очи, без тендер! Тендерите претходно завршија... на истата сметка! Фото: Инстаграм принтскрин/darkovlogs/edennaeden

Тијана Дапчевиќ во „Еден на еден“ за несогласувањата со Тамара: „Ме избриша од сите социјални мрежи“ (видео)

Слободанка Илиева — Mon, 05 Apr 2021 07:07:03 +0000

Ѕвезда надвор, ѕвезда и дома. Одблизу, лично и приватно со Тијана Дапчевиќ, вака Жарко Димитриоски ја опиша својта нова гостинка во 12-та сезона на неговото телевизиско шоу „Еден на еден“. Тијана зборуваше на повеќе теми, од кои за животот во Белград споредено со Скопје, се осврна на снимањето на македонскиот ситком „Преспав“ каде ја игра Ула, дружбата и помошта од колегите актери, а потоа зборуваше за синот и за членовите на семејството, од што најинтересен беше делот за сестра си Тамара Тодевска. Имено, Тијана откри дека во сестринскиот однос не им цветаат ружи, но тоа е така бидејќи се бремногу поврзани една со друга. -Кога беше мала добиваше серозен ќотек, па после јас од мајка ми, открива Тијана низ смеа и додава дека и денес знаат да имаат несогласувања, па Тамара знае дури да ја избрише од социјалните мрежи. Знаат ли да ескалираат несогласивањата и да не си правите муабет? – ја праша Жаре. -Знааат, знае да ескалира и да ме избрише од сите можни мрежи. Ме брише да, блок на вибер,на ватс ап, на инстаграм, на се ме брише. И потоа имаме потешкотија кога ќе ме врати, во комуникација конкретно на „ватс ап“ зашто таму тоа го памти, и јас кога и се јавувам пишува недостапна. И пракам порака, дај жити се јави ми се ,не можам стварно... Она е таа што брише, апсолутно, јас заборавам се’ за два саата. Она е во стање да де лути пет дена да не се јави. и ќе и се јави на мама она изигрува Унпрофор или на тато. Им викам што направивте бе,се поншатате како да имате 12,13год. Ама тоа е така затоа што сме поврзани, како црева, она е моја половина, тоа е многу природно и нормално, открива Тијана. Во продолжение од видеото погледнете го целото интерву на Тијана Дапчевиќ:

„1 на 1“ или „1 против 1“: На Жаре можеби му фали бербер, ама не и духовитост, па вака го имитира „Миленко Неделко“ (ВИДЕО)

Антонио Димитриевски — Thu, 09 Apr 2020 07:37:39 +0000

„Короната пуста да остане... Таа од вообичаениот начин живот не раздели, живот што го живеевме со години. Шегата настрана кога за здравјето се работи, иако шегата е велат, добра за здравјето, особено за здравјето на духот, кој и во овие тешки времиња никако не смее да клоне. Затоа шегата им е и главен адут на многумина, па и на оние кои се спречени да си ги извршуваат секојдневните работни задачи и работата од која живеат, а работата, поточно професијата им е јавна. Во тој случај алтернативните онлајн решенија од дома се единствениот начин колку-толку да останат во дослух со народот, во контакт со својата публика, или во случајов ТВ гледачите. „1 на 1“ е една од најгледаните забавни ТВ програми, веројатно најгледаното забавно „ток шоу“ кај нас, а неговиот идеен творец, автор и водител Жарко Димитриоски со текот на годините и од него и од себе направи бренд. И сега, кога брендот не може да се реализира на вообичаениот начин, Жаре бара чаре, како да го има, и како неговите гледачи да не останат покуси за неговото „1 на 1“, а притоа тој и понатаму да биде оригинален и забавен за својата публика. И кога веќе не може онака, како што вообичаено го тера своето „1 на 1“ шоу, Жаре најде терк како да го тера поинаку. Иако белјата што не снајде и нас и светот не е воопшто за смеење, Жаре поучен од максимата дека смеата и хуморот се лек за секоја болест, ја употреби токму таа формула, како алтернација за својата емисија во даденава ситуација. Скечеви за душа или поточно „Скеч шоу“ во кое Жаре со лик и дело, карактер и однесување ги имитира познатите македонски јавни личности... Најмногу, неговите колеги, познати и влијателни новинари, ТВ водители, шоумени... Покрај сите ѕвезди на ред дојде и тој... Миленко Неделковски, познат како „медиумски булдожер“ со „тврд“ политички став, без „влакна на јазикот“, бескомпромисен, директен, радикален, контроверзен, омилен и омразен... Но, по многу нешта единствен и оригинален. И додека водителот на „1 на 1“ се подготвуваше за супертешката задача да влезе во ликот на „Миленко - Неделко“, брзо сфати дека сета коса што ја има не е доволна, иако претходно констатираше дека во изолација „зараснал“, па на Жаре му фали - бербер! Ама не оној што пее, туку што потстрижува. Но, по веста дека токму берберот го заразил градоначалникот на едикојаси општина со коронавирус, по што берберот починал, водителот брзо се откажа од идејата „кој те шиша“, но не и од имитацијата, зашто емисијата, а и народот не може да чека! Откако во долгата перика го најде спасот, а ги собра и сите останати пропратни реквизити од арсеналот на Миленко, Жарко Димитриоски тргна во... „1 на 1“ или „1 против 1“ и за миг се претвори во ликот кој треба да се глуми. Теорија на вистината или теорија на заговор, само Миленко - Неделко го знае вистинскиот одговор. А вие, погледнете како изгледаше дозата добар хумор во лошо време, во „Скеч шоу“-то на Жаре, во улогата и ликот на Миленко-Неделко Велики...

View this post on Instagram

Теорија на заговор или теорија на вистината? Неделко Миленко го знае одговорот. ? ??

A post shared by Жарко Димитриоски (@edennaeden) on Apr 5, 2020 at 11:07am PDT

Саша Ковачевиќ избра подарок за девојката на Жаре Димитриоски (видео)

Слободанка Илиева — Mon, 25 Mar 2019 09:01:20 +0000

Балканската музичка ѕвезда Саша Ковачевиќ како и своите српски колеги има правило од кое не отстапува. Имено, како и останатите пејачи од соседството, кога имаат концерт во Македонија, неколку недели порано доаѓаат во Скопје во медиумски поход. Така и Саша! Посетата пред концертот на 6-ти април му беше исполнета со многу интервјуа и гостувања во емисии. На агендата не изостана ниту „Еден на еден“ кај Жарко Димитриоски, каде Ковачевиќ зборуваше на разни теми, од приватни, до професионални и такви за бизнис.

Жаре како добар домаќин имаше многу што да го распраша пејачот, кој пак не се штедеше на одговори, а публиката во студиото најмногу му ракоплескаше кога кажа колку многу ја сака ќерката на неговата сегашна девојка. Меѓудругото Жаре побара помош од Саша, која веројатно моногумина момци не би ја сакале.

Имено, водителот извади две кутии за накит и побара помош од Саша да одлучи или избере кое парче накит да биде за девојката, а кое за неговата братучетка матурантка.

Саша му помогна со изборот, па му препорача нежното ѓерданче да биде за саканата на Жаре, додека алката за рака како подарок за братучетката.

Жаре се покажа како самоуверен џентлмен, а и ништо помалку ниту Саша.

Инаку, Жаре неколку години е во врска со убавата Марија со која не често се појавуваат заедно и на јавни настани.

https://www.youtube.com/watch?v=N8zC6wZ-tOg

Миа Костова му удри шлаканица на Жаре во „Еден на еден“ (видео)

Слободанка Илиева — Tue, 06 Nov 2018 08:30:12 +0000

Водителките Миа Костова и Милена Антовска-Станковска беа гостинки во последната емисија од новата 10-та сезона кај Жаре Димитриоски. Колешките имаа доста да кажат во врска со професијата и приватноста, а пак Жаре не пропушти да ја потпраша до детали Миа за новите силиковски гради кои ги има.

Па така Миа на Жаре јавно му раскажа колкава е вистинската големина на нејзините гради, а за да биде појасно ги според со градите на Јелена Карлеуша и кажа дека нејзините се една величина помали.

Ја откри и цената на корекцијата за која вели дека чини 4 илјади евра, а пак Жаре се пошегува дека е 2 илјади по града. На почетокот од емисијата, кога се поздравуваа, Миа сакаше да го бакне Жаре двапати како поздрав, но нему му беше доволен само еден бакнеж од атрактивната русокоса.

А зошто..? Бидејќи веројатно сакаше да и врати.

Имено, уште во бекстејџот Жаре сакаше да сподели бакнеж со Миа, но таа на тоа му возврати со шлаканица, а тоа изгледаше вака:

https://www.youtube.com/watch?feature=youtu.be&v=U4Vr490HRfY&fbclid=IwAR1EQwFoOQxWon386xy0n0TzUv9cduLIsel0Or-8e_FqoczxfBfTI225hO4&app=desktop фото:printscreen youtube

(ФОТО) Риба ипол: Водителот Жарко Димитриоски и новата сакана во први редови на Моден викенд Скопје!

Слободанка Илиева — Mon, 02 Apr 2018 08:13:35 +0000

Изминатите неколку дена на Скопје му се случуваше пролетното издание на модниот викенд, каде љубителите на модата имаа можност да присуствуваат на ревиите од неколку домашни дизајнерски имиња и нивните сезонски колекции. Меѓу присутните се појавија и познати личности од јавниот живот во земјава, а меѓу нив, место резервирано во првите редови имаше и ТВ водителот Жарко Димитриоски и неговата девојка Марија. Жере не крие дека неколку години е во врска и е среќно заљубен, а овој пат решија двајцата заедно да се појават на ова модно случување и со тоа да покажат интерес кон модата.

Е сега, дали следењето на ревијата беше по иницијатива на Жаре или неговата понежна половина, не знаеме, но очигледно дека од дизајнерката чија ревија ја следеа, имаа привилегија да седат во прв ред и убаво да ги погледнат креациите и манекенките на писта. За оваа прилика двојаката се појави во елегантно издание, тој во костум , а таа во макси сако од кое се истакнаа нејзините нозе. По ревијата Жаре и Марија беа и на коктел во друштво на деверот на Kаролина Гочева и брат на Михаил и неговата девојка.

Минималистички „скоцкани“ во склад со пригодата, нема сомнеж дека ги предизвикаа погледите на присутните. фото:Моден викенд Скопје/facebook

„Жаре – 1 на 1“ фатен на препад кај Бојана Скендеровски во „Улица Македонија“: Еве кој негов колега напиша специјално за него песна, па му ја отпеа во шоуто! (ВИДЕО)

Антонио Димитриевски — Mon, 19 Mar 2018 08:12:54 +0000

Во последното издание на ТВ шоуто „Улица Македонија“ што премиерно се емитува секоја сабота во 14.35 часот на „ТВ 24“, гостин на Бојана Скендеровски и беше уште една добро позната телевизиски фаца. Лик која исто така е актуелен на ТВ екраните години наназад во неговото „1 на 1“ ТВ шоу - популарниот Жарко Димитриоски.

И како што е познато Жаре има навика со своите довитливи прилози, коментари, прашања, игри... да ги става гостите „во тесно“ во својата емисија, но овој пат улогите целосно беа заменети. Тој не само што беше наместо домаќин - гостин кај Бојана, туку уште на самиот старт на шоуто таа му приреди изненадување кое Жаре не го очекуваше.

Имено, неговиот некогашен ( и сегашен) колега, спортскиот ТВ водител и актуелен Пи-Ар на ФФМ - Златко Андоновски се појави во студиото со специјално напишани стихови на песна посветена на Жаре, па му ја отпеа во живо во емисијата.

Жаре евидентно не можеше да ги сокрие возбудата и изненадувањето, па покрај аплаузите паднаа и прегратки со „неоткриениот талент“. Заради честа и задоволството што му ги приреди, Жаре го покани Златко да им се придружи нему и на Бојана во првиот дел на шоуто.

Каква песна му смисли Златко Андоновски на Жарко Димитриоски, какви стихови содржи таа и како реагираше Жаре на изненадувањето, ако не сте погледнале во саботната премиера во 14.35 на „ТВ 24“, погледнете во видеото во продолжение. https://www.youtube.com/watch?v=NarYZgd_NSg&feature=share