жаре бербер – Вистина.мк

Гавазова и Гиговска галамеа во пакет кај Жаре Бербер: И двете без мажите не одат на настап, а открија и зошто… (видео)

Слободанка Илиева — Mon, 22 Jan 2024 09:23:24 +0000

Во најновото издание на „Галама шоу“, домаќинот Жаре Бербер имаше две атрактивни гостинки, едната ѕвезда од фолк сцената, а другата од забавната. Прва наспроти Жаре седна Антониа Гиговска, а веднаш до неа се смести и Сузана Гавазова. Ред муабет, ред песна, гледачите имаа речиси еден час забава со едни од најактуелните пејачки од Македонија. Освен тоа што имаа можност да ги слушнат како пејат заедно и нивните вкрстени гласови, се свртеа и интересни муабети. Жере беше оној што на ја начна темата за тоа дека девете се атрактивни, постојано околу нив има погледи, па се сети дека тие две можеби се единствените кои секогаш до себе ги имаат сопрузите. Роберт секогаш е со Антониа заедно на сцена, бидејќи и свири клавијатури во бендот, а пак сопругот на Гавазова, Јасмин секогаш и прави друштво на настап и снимања како нејзина поддршка. Антониа немаше што да потврдува, а Гавазова беше децидна за тоа дека е така, па оттука изведе и заклучот дека веројатно и кај двете тука лежи тајната за успехот на нивниот брак. Жере задоволен од одговорот, а колешките слатко се изнасмеаја. За крај, гледачите беа почестени и со изведбата на хитот на Сузе „Бум, бум“ овој пат во дуетска верзија.

View this post on Instagram

A post shared by Тв Телма / TV Telma (@tvtelma)

Јасмин веројатно беше зад камерите, а Роберт овој пат оправдано отсутен бидејќи во бендот свиреа други колеги зад Антониа. фото:Instagram printscreen/ galamashow

Миро Кацаров направи голема свадбена журка во родниот Штип: Естрадни фаци, познати ТВ лица, бројни гости и забава до бесвест… на свадбената веселба на водителот (ВИДЕО)

Антонио Димитриевски — Mon, 18 Sep 2023 08:28:45 +0000

Со црвен тепих, многу познати гости и богата програма, како и еден куп македонски музички ѕвезди од различни жанрови, познатиот македонски ТВ водител Миро Кацаров викендов (17.09.2023) направи голема свадбена забава во еден познат ноќен клуб во неговиот роден Штип. Неколку недели претходно тој и неговата избраничка Ивана склучија граѓански брак во матично, а исто така се венчаа и заколнаа пред Бога на вечна љубов на црковна церемонија, за потоа да прослават со семејствата и најблиските. Меѓу поканетите званици на свадбената журка биле некои од најпознатите и најпопуларни македонски лица од eстрадата, модата, медиумите... Пејачи, музичари, актери, политичари, водители, инфлуенсери и многу нивни блиски пријатели. Свадбената забава ја отворил Слаткар(истика) со неговата „свадбена ода“ - „Кажи да“, на која наместо свадбен валцер или танго, младите во придружба на дел од гостите танцуваа пред бината. Без Лила Филиповска тешко дека може нешто да помине, па таа исто така така беше меѓу поканетите званици. Најпознатата македонска ТВ водителка расположена и весела не можеше да одолее да не танцува боса, откако културно ги собула розовите чевлички и се качила на софата од сепарето... Заради подобра прегледност на ситуацијата! Нејзината екс ТВ колешка и позната инфлуенсерка Миа Костова заедно со нејзиното женско друштво исто толку весела, распеана и расположена... Наздрави за љубов, наздрави за среќа и бериќет на младите, а Бога ми со високо крената чаша наздрави и за бидермаерот... За кој од разбирливи причини, не беше меѓу оние што се трудеа да го фатат! Познатиот ТВ водител и музички забавувач Жаре - Бербер беше дел од гостите кои исто така се фатија за микрофонот да ги забавуваат останатите. Како и фолк „кралот без круна“ Миле Кузмановски кој беше поканет меѓу гостите - забавувачи на веселбата, а со своите безвременски фолк хитови дополнително ги крена расположението и атмосферата до ниво на еуфорија. Настапија и други познати естрадни уметници како Ивона Јо, Мартинијан Кириловски, Бока Конга... а меѓу гости беа и водителките Елена Најдовски и Ивана Јанковска, како и познатата модна двојка Светлана и Мики Црнокрак... Но и многу други! Невестата Ивана била променета во свечена светкава минималистичка тоалета со длабоко деколте, висок шлиц и линија која го нагласува телото, додека младоженецот Миро во бело сако и црн елек со бела кошула и црна „пеперушка“ вратоврска. Свадбената журка на Миро и Ивана имаше и своевидна хумана нота. Имено, младите ги повикаа своите гости наместо да им купуваат букети цвеќе или бонбониери, да остават донација во кутија поставена на влезот на клубот, за собраните средства тие подоцна да ги донираат за дечиња од ранливите категории. По „лудата и незборавна“ свадбена журка Миро и Ивана се повлекле во својот хотелски апартман каде ги дочекала „цветна постела“ со мирисна моќ, за нивно добредојде на официјално првата брачна ноќ на младите... Или барем нејзината реприза! Останува уште штркот да долета! Нека им е со среќа! Фото: Инстаграм/lilafilipovska/miandrija/miroslavkacarov

Анета – Молика на гости кај Жаре – Бербер: „Сакам да се напијам, почнав да пијам во короната“ (ВИДЕО)

Антонио Димитриевски — Tue, 11 Jul 2023 06:04:58 +0000

Во последното издание од полусезоната на „Галама шоу“, Жаре креваше галама во друштво на македонската Витни Хjустон која со својот ангелски глас никого не остава рамнодушен. Помеѓу сите патувања, гостувања, настапи и со „живот на тркала” Анета Мицевска успеа да ги почести со своето присуство во ова шоу. А, четвртото издание на „Галама шоу “ со Жаре Бербер не смееше да помине и без првата Мис на Македонија. Денес како времето да застанало во 1996-та и воопшто не оставило трага на нејзината убавина. Подеднакво е убава и згодна како и пред 25 години, една и единствена, некогашната мисица и модел, денес ТВ водителка Вера Мештеровиќ. Опуштен разговор од кој се дознаа многу работи кои не сме ги знаеле до сега, како на пример на прашњето на Жаре до Анета: „Знаеш ли понекогаш да се напиеш“? „Пијам да, сакам да се напијам“ - одговори Анета и додаде: „Се имам напиено, расположено, од 1 до 10... 9 и пол, тука негде“. Знаеш кога почнав да пијам? Почнав така да си пијам за време на короната, пред тоа не“ - одговории фолк пејачката, на што Жаре се надоврза: „Значи, ти си тазе алхохоличар?!“ , а Анета одговори: „Да, тазе... ама далеку од алкохоличар“! Што се' друго беше кажано и која песна Анета и Вера ја испеаа во дует погледнете во видеото во продолжение:

Во премиерното издание на шоуто „Галама“ за Жаре – Бербер беше прво појавување на ТВ по пауза од десет години, за Ферус Мустафов за жал… последно! (ВИДЕО)

Антонио Димитриевски — Tue, 06 Jun 2023 08:27:40 +0000

Во саботата на 3-ти јуни започна новото телевизиски шоу на Канал 5 телевизија, „Галама шоу“ во продукција на „Бекстејџ медиа“, онакво какво што одамна недостасуваше бар кога се нашите телевизии во прашање. Пејачот и шоумен Жаре Бербер по десет години се врати на екраните со новиот телевизиски забавно-музички проект „Галама шоу“. И како што Жаре вети пред почетокот: „Ќе креваме галама со највлијателните личности од светот на музиката, филмот, спортот, па и политиката. Македонската, балканската и светската естрада ја носиме во вашите домови.Ќе вмешаме прсти во животите на познатите пред и зад камерите, но и нескромно ќе кажеме дека ќе ги поместиме границите на естрадата во Македонија, затоа што не следиме трендови, туку ги креираме. Подготвени сме да ја вратиме вашата доверба и да ви обезбедиме вистинска забава, онаква каква што одамна недостасуваше” - така и со случи во првата епозода. Во неа гости беа Панки од дуото „Куку Леле“, фолк ѕвездата Елена Велевска, мисицата, модел и пејачка Кристина Димитри и најпознатиот македонски кларинетист и саксофонист и крал на ромската музика, Ферус Мустафов, кој не напушти на 72-годишна возраст и ова му беше последно телевизиско појавување.

View this post on Instagram

A post shared by Галама шоу by Zare Berber (@galamashow)

Насмеан, расположен, се присети на некои анегдоти, и потсети на тоа дека токму тој е музичарот од Македонија кој го земал најголемиот бакшиш на сите времиња. Ве потсетуваме зошто покојниот Ферус беше најдобар во она што речиси целиот живот го правеше.

View this post on Instagram

A post shared by Галама шоу by Zare Berber (@galamashow)

Жаре-Бербер заврши во болница, ама не од корона: Еве од што настрадал пејачот (ФОТО)

Антонио Димитриевски — Wed, 24 Jun 2020 07:55:25 +0000

Познатиот пејач, скопски забавувач и екс-водител Жарко Богатинов, попознат како Жаре- Бербер е хоспитализиран во болница, објавија пред некој ден повеќе медиуми. Тој ја потврдил оваа вест преку порака и информирал дека не се работи за коронавирус, туку за физичка телесна повреда, со потешки последици меѓу кои и неколку скршени ребра.

„Корона не е. Од рендгенот знам дека 2-3 ребра се скршени, за друго ќе видиме. Да се опоравам, за неколку денови ќе ви ги раскажам деталите“ - рекол Жаре-Бербер кој и покај повредите се наоѓа надвор од животна опасност. И тука застана приказната со информациите... Сите објавија, никој не кажа ниту напиша од што настрадал пејачот!? Редакцијата на Вистина.ком.мк прва ја дозна причинита, па ексклузивно ја објавуваме и вистината. Како што самиот пејач напишал на својот Фејсбук неодамна, Жаре - Бербер настрадал од „лош вкус“ или поточно, штитејќи се од „невкус“! „Дваесет минути пред да започне изолацијата на видот, многу лошо облечена девојка (такво нешто не сте виделе, мислиш целиот шифоњер од дома го имаше натискано на неа)... И мислам дека едново окото малку ми го оштети, така што од денес ќе започнам да го применувам новиот начин на заштита од невкус, а тоа е: Штитење од вирус по моделот на Бојко. Ако ништо друго, барем едното око ќе го спасам“ - напиша неодамна Жаре - бербер на својот Фејсбук профил, демонстрирајќи на фотографија како планира тоа да го стори. Применувајќи го приложеното, за да си го одржи зброт и заштити себе си, ем од коронавирус, ем од невкус, му се случи нов циркуз... Несреќа, која е за Рипли, за рубриката: „Верувале или не“? Шегата на страна, го исконтактиравме пејачот кој ни ја откри несреќната случка што му се случила, а му се случува на еден во милион. Не, не е сообраќајка, ниту некаква физичка пресметка како што почна да се шпекулираше во кулоарите, туку нешто што само кај нас може да ти се случи: Да паднеш во дупка! Или поточно во отворен, незаштитен и непокриен, длабок бетонски канал! А токму Жаре - Бербер тоа го доживеал приквечерината, кога веќе почнало да се стемнува, како страсен риболовец, одејќи по риба во струшко, крај едно село, покрај еден маркет... „Каналот отворен и длабок, како оној за автомобили, притоа незаштитен, а времето на стемнување... Мало невнимание, ногата во празно и... Се најдов во бетонскиот канал! Пад со тешки последици... неколку скршени ребра, набиеници и модринки по целото тело со голем хематом од 40 сантиметри кај слезината и уште еден на градите, голем колку тениско топче“ - раскажува повредениот пејач кој сега полека заздравува, иако како што вели, опоравувањето оди споро. Како и да е, шпекулациите за сообраќајка или тепачка се јавно демантирани, иако повредите за жал, се тие... Но, Жаре-Бербер е познат како силно момче, градско дете со цврст карактер и силна волја, па затоа не се сомневаме дека брзо ќе оздраве... Впрочем, кафеаните, кафулињата, клубовите... веќе ги отворија. Угостителските објекти чекаат на „кралот на ноќните свирки“... да се врати што побрзо!

Кралот на ноќните свирки меѓу убави жени, вино, песна и пари во спот од „милион долари“: Жаре-Бербер ја претстави – „Циганко мала“

Антонио Димитриевски — Fri, 07 Feb 2020 10:15:36 +0000

Кога некој трае дваесет и кусур години на естрадната сцена, значи дека не е случајно... Мора да вреди. За Жаре-Бербер доволно е да се каже дека најдобрите забави изминатите години не поминале без него во главна улога. Впрочем, скопјани, но и цела Македонија тоа го знае. Деновиве Жаре е повторно актуелен со нова песна и спот, по промоцијата на неговата последна ,,Понекад”. За спотот за „Циганко мала“ може да се каже дека вакво нешто ретко се гледа кај нас. Сценарио на кое можат да позавидат дури и во соседството. „Идејата за спотот е моја, ја реализирав вложувајќи многу енергија и сè што е потребно за високо квалитетен спот. Со момчите од бендот одлучивме дека од сега па во иднина сите видеа ќе ги работиме во нашa продукција, бидејќи заклучивме дека ова е само еден показател дека човек може сè да направи кога ќе вложи многу љубов и енергија“ - вели популарниот скопски забавувач. Ентериерот и гардеробата во видеото потсетуваат на некои минати времиња, за кои Жаре појаснува: „Тие се дел од сцената и се изработени за приказната во видеото да изгледа како да е некаде од почетокот на минатиот век, со цел да се прикаже убава и топла атмосфера во која сите уживаме“. Инаку, приказната во опишува сцена од една нивна свирка. Жаре и бендот се наоѓаат во кафеана, каде ги служи и забавува девојката која случајно ќе се најде на вистинското место во моментот кога бендот е предаден на добрата песна, доброто вино и прекрасната атмосфера се' со цел Жаре да ја заборави љубовта на неговиот живот за која се пее во песната и каде ја троши целата заштеда која се наоѓа во куферот. Спотот изобилува со преубави девојки за кои Жаре открива кои се: „Девојките се мои пријателки и пријателки на бендот, девојки кои доаѓаат на нашите настапи“. Како автор на песната се потпишува Горан Јовановиќ –Топче, а аранжманот е на Боби Василевски, гитаристот од групата „Нон стоп“, кој се покажува како многу добар и во овој музички правец. „Видеото носи и одредена порака. Ова е видео во кое сакаме точно да ја прикажеме единствената поента на животот, дека љубовта е единственото нешто што може да ве помести од колосек и да ве натера инспирирани од неа да се препуштите на кафеанското и боемско уживање. Добра чашка и добра музика, се' со цел да ја заборавите љубовта на вашиот живот, која може да остави трага на вас. Ваква ситуација во животот, верувам дека секој од нас барем еднаш почувствувал“ - заклучува Жаре, канејќи ве премиерно да ги проследите песната и видото во продолжение:

Жаре Бербер и +18 Бенд Ви ја подаруваат – „Понекад“ (ВИДЕО)

Антонио Димитриевски — Thu, 08 Mar 2018 12:53:00 +0000

Жаре Бербер, денес по повод интернационалниот празник на жената 8 Март, на жените од регионот им ја подари својата нова песна со наслов „Понекад“. Песната е дело на Јован Јованов и Елвир Мекиќ, и е поразлична од се што досега Жаре пеел. Романтична забавна балада со која ја раздвижуваат македонската но и регионалната музичка сцена.

„Песната e наменски направена за фестивалот Сунчане Скале, пред некоја година. Но тогаш се повредив и наместо на фестивал со награда, завршив во болница на операција. 8 Март ми се виде како убав ден и празник за да ја промовирам оваа песна за која се надевам дека ќе си го најде патот до слушателите но и до гледачите, со оглед на тоа што во песната освен нас, се појавуваат и две убави дами“ - вели Жаре.

Видео спотот е дело на Томато продукција и е снимен во околината на Скопје. Во него, главната улога ја има македонската манекенка Симона Станковска.

Најголемиот дел од публиката на Жаре Бербер и неговиот + 18 бенд се жени, па токму затоа одлучија денес оваа песна да биде нивна осмомартовска честитка. Освен во Македонија, песната ќе биде промовирана и во регионот. Во меѓувреме, Жаре Бербер и неговиот бенд не застануваат тука. Продолжуваат да работат на нови песни и паралелно да ја забавуваат публиката низ македонските клубови. https://www.youtube.com/watch?v=LZadxmlPUrY&feature=youtu.be

Жаре-Бербер им одржа лекција на неуките фејсбукџии: Не стискај “Like” кога пријател ќе објави дека некој близок му починал! ! (ФОТО)

Антонио Димитриевски — Thu, 08 Feb 2018 08:54:50 +0000

Познатиот македонски кафеански забавувач и едно време ТВ водител, популарниот Жаре - Бербер изнервиран од неукоста на народот, реши да ги едуцира корисниците на Фејсбук. Очигледно него најмногу го иритирале нечии „допаѓања“ на „жална вест“!

Затоа Жаре седнал па не го мрзело да „скоцка“ едукативен текст за правилна употреба на најпосетуваната социјална мрежа во вонредни ситуации... како што е смртен случај на некој што го познаваш или во семејството на близок пријател. „ВНИМАНИЕ!!!...... Дај да се договориме као луѓе........Значи некој коа ќе објави вест дека некој близок му починал немој да стискате “ЛАЈК” ........Лајк или во превод (ми се допаѓа) не се стиска ако на некој твој близок пријател, роднина, другар му починал некој драг (освен ако тој што “умрел” не сте можеле до толку да го смислите па ви се “ДОПАЃА “ што отишол).........Пишете: Бог да го прости, нека му е лесна земја, нека почива во мир итн......... П.С На еден мој другар у старо маало кога умре баба му, една комшика рече кога дојде дома на сочувство “Ајде далеко било од вас - Бог да ја прости!.....А овој комшијата мој цел збунет и рече на жената : Фала, да ви се врати! На цела мука малце хумор не е на одмет. Ве поздравувам и ви посакувам многу здравје!“ - напишал Жаре во „Упатството“ за изразување сочувство на Фејсбук!

И не дека не во право... Напротив! Жаре - Бербер им одржа лекција на неуките фејсбукџии... Сам против сите... Им „отпеа“ без музика... Акапела за тоа кога се стиска, а кога не Лајк... на живо и мртво! А капела?

Не, берберот не пеел во капела...Скраја да е! Капела е едно, акапела е нешто сосема друго! Ова како со лајкот... Чисто за споредба, за малку доедукација и... за добро здравје и од нас!