жанко зш – Вистина.мк

Водителот ја распосла змијата на маса: „Питон палачинка“ на метар, ала Жанко – З’ш (ФОТО)

Антонио Димитриевски — Wed, 06 Jun 2018 08:29:37 +0000

Познатиот охридски водител Жанко З'ш Голабоски не само што е голем љубител на природата туку е познат и како голем шегаџија. Угостителството некогаш му беше една од дејностите за егзистенција, па така работејќи по популарните охридски кафулиња, Жанко научил и по некој гастрономски марифет.

Летната сезона во Охрид веќе започна, па бројните странски и домашни туристи покрај сите други активности сигурно ќе посакаат и да се засладат. Палачинките се еден од вообичаените слатки десерти кои секогаш набрзина ќе ти го качат, кога ќе ти падне шеќерот. Навидум ништо необично и веќе видено би помислил секој, се додека не се соочи со изумот на популарниот Жанко.

Палачинки - да, ама на метар! Ам, ако моит во Охридон да имат скара на кило и пица на парче, з'ш да не моит и палачинка на метар? Затоа популарниот водител ги засука ракавите и ја приготви најдолгата „питон палачинка“ во Охрид и пошироко. Нарасната колку споменатата змија, декорирана со шлаг и разни додатоци од свежо сезонско овошје, Жанко ја распосла слатката змија на маса ставајќи ја во понудата и праша: „За палачинка кој е?“ гордо нудејќи 10, 20, 30... море кој колку сака сантиметри слатка должина!

Ем идеално засладување, ем оригинална идеја. Непозната остана само цената?! Пошто сантим мајсторе? И секако стравот „змија дан' те изеит ко ќе требет да платиш“!?

Сите ја дочекавме пролетта со снег, само Жанко – З’ш ја виде и доживеа… „расцветана“! (ФОТО)

Антонио Димитриевски — Thu, 22 Mar 2018 09:56:43 +0000

Годинава климата тотално се шашардиса. Годишните времиња како да се измешаа, па не знаеш дали пролетта подзадоцни, или на зимата доцна и текна да дојде? Како и да е пролетта цела Македонија ја дочека со нов снег, освен тој... Жанко - З'ш. Само тој пролетта ја дочека и виде поинаку!

До душа познатиот охридски радио и ТВ водител, инаку пасиониран љубител на природата, прво се судри со циклонот Хектор кој го опустоши охридското крајбрежје. Откако успеа да ги спаси двете најважни работи: главата и велосипедот, Жанко пристапи кон лична евакуација, па му ја киниса в планина.

Ем за да избега од невремето, ем за да го дочека будењето на природата на првиот пролетен ден... Арно ама, како баба Марта знае да биде немилосрдна, пролетта ја дочекавме со снег! Сите ние, ам не и тој... Жанко -З'ш!

Тој имаше среќа пролетта да ја види и доживее сосема поинаку! Многу поубаво, поромантично, посимпатично, многу повозбудливо и посекси... Или со еден збор кажано - расцветана!

На што наиде Жанко – З’ш во снегот: По трагите на дејствието! (ФОТО)

Антонио Димитриевски — Wed, 28 Feb 2018 09:23:58 +0000

Познатиот охридски радио и ТВ водител и шоумен, Жанко - З'ш Голабоски, е познат како голем љубител на природата.

Планината и планинските врвови му се втор дом, па затоа снегот и снежната покривка него баш и не можат нешто многу да го изненадат.

А кога си в планина, покрај познавањето на временските прилики, треба да знаеш да ги ослушнуваш звуците на природата и да умееш да ги следиш трагите...

Планината, особено зиме, крие во себе многу непредвидливи нешта и носи безброј неочекувани ситуации, па затоа навистина треба да се биде внимателен...

Ама бате Жанко и тоа како знае да ги следи трагите, з'ш во таа работа веќе има стекнато големо искуство, па ништо не може да му избега од вид.

Жанко наш точно знае на што ќе налета, па дали е мечка или волк или е... Снежана во снегот... не е важно! Важно е да знаеш со што се' можеш да се соочиш! За да не се најдеш неспремен и затечен... од ситуацијата!

„Снег је опет Снежана“... а на снегот најдобро се... ползи! Трагите ионака ќе ги избрише времето, откако снегот ќе се стопи! Освен, ако некој веќе не го овековечил моментот! Е сега, што тука навистина се случувало, одново ќе ви објасни трагачот по возбуди, бате Жанко-З'ш... Со сликовита илустрација и асоцијација на целата ситуација!

ШОК: Жанко „З’Ш“ сега дозна дека имал брат -„близнак“ во Америка (ФОТО)

Антонио Димитриевски — Thu, 16 Nov 2017 10:46:42 +0000

Повеќето од нас барем еднаш доживеале изненадување, ама во вистинска смисла на зборот. Шок од некое сознание за кое сте биле до вчера убедени дека не е така... или не е можно! Епа можно е! Така мислеше и нашиот познат радио и ТВ водител Жанко „З’ш“ Голабоски, па кога дозна го дочека шок!

Имено, Жанко е лик кој е по многу нешта специфичен. И по физичкиот изглед и по карактер. Особено е впечатлив неговиот физикус кој толку уникатен, колку и неговиот имиџ, така што сите мислевме, а најмногу самиот тој, дека Жанко - „З’ш“ е уникат! Арно ама, дека не така се погрижи да го демантира Марк Цукенберг. Чичко Фејсбук - што би рекле. Токму оваа социјална мрежа на Жанко му ги урна сништата дека е оригинал(ен)... лик.

Имено, „копајќи“ по неа, охридкиот водител дозна дека не е „one and only“ на овој свет! Не барем во суратот, зашто во Америка се појави „копија верна на оригиналот“! Само со малку поинаку облечена, со поразличен имиџ!

Така наш Жанко „З’Ш“ сега дозна дека некаде по светов имал брат -„близнак“! Некое бате од Америка е... Или некое наше бате, одовде ќе да е, што добро го владее фотошопот, па го „фотокопирал“ Жанко и го спакувал во USA пакување. Него го фотошопира за нас да не шокира!