заминува – Вистина.мк

„Патот до успехот“ на Мишко Иванов заврши со негово заминување… или „изнуден отказ“ од ТВ 24?! (ФОТО)

Антонио Димитриевски — Mon, 11 Mar 2024 10:25:28 +0000

Мишко Иванов беше долгогодишен новинар и една од ударните перјаници во „ТВ 24“! Еден од главните ликови на вестите но и автор и водител на серијалот на “Патот до успехот”, каде правеше интервјуа за животните приказни на познатите фаци и јавни личности не само од Македонијам туку и од целиот регион! И кога по речиси 12 години верност се очекуваше напредок, можеби повеќе од она што беше, Иванов одненадеж како „гром од ведро небо“ ја информираше и шокираше јавноста дека се повлекува од телевизијата. Роден штипјанец, како и основачот на ТВ 24 и кабловскиот оператор Телекабел, Роберт Димитров, па многумина уште со првото појавување на Мишко Иванов на телевизијата, прокомнтираа дека е во прашање „штипска врска“. По 12-ина години Иванов ја напушта ТВ 24. Самиот по своја волја си заминува или е во прашање „изнуден отказ“, е друго прашање?! Како и да е, очигледно се работи за некакво недоразбирање помеѓу сопственичката структура и новинарот, па „патот до успехот“ на Мишко Иванов заврши со заминување од ТВ 24! За потсетување кон крајот на јануари годинава, дојде до промена на сопственичката структура на 24 Вести, откако скопјанецот Зоран Киш, инаку поранешен директор на кабелскиот оператор „Телекабел“ преку фирма регистрирана во Србија е новиот сопственик на телевизијата. Тој, лани во септември ја основал фирмата „Комнет 328“ во Белград, со дејност „производство и емитување телевизиска програма“. Телевизијата неодамна доби и нов главен и одговорен уредник, па така на местото на Анета Додевска, беше назначена Мирјана Трпчевска. Одлуката за ваков радикален чекор Мишко Иванов ја обзнанил и на својот Фејсбук профил каде срамежливо ги наговестил причините... Финансиски, политички или обете, знае само тој самиот кога ги споменува „новите ветришта“ и самиот тој на таа „ветрометина“! Како и тоа каде ќе ја продолжи својата новинарско-водителска кариера. Она што е сигурно дека повеќе не е дел од ТВ 24, но и дека од професијата, во која пред многу години почна како музички новинар во штипското радио со национална фреквенција Канал 77 - не се откажува. Еве што споделил Иванов на својот Фејсбук:

КРАЈ НА ЕДНА ЕПОХА ОД МОЈОТ ПРОФЕСИОНАЛЕН ЖИВОТ!

Драги мои пријатели

Сакам да ве информирам дека мојата приказна со ТВ 24 заврши денеска, и официјално. Се разделивме спогодбено.

Прво, сакам да ја искористам приликата да се заблагодарам на менаџментот на ТВ 24 за дадената можност да бидам дел од тим со кој изминативе скоро 12 години (од септември 2012) успеавме да ја етаблираме телевизијата во вистински бренд и да ја направиме вистинска граѓанска телевизија.

Сакам да им се заблагодарам на сите колеги од уредници, репортери, момтажери, сниматели, камермани, организатори, реализатори, на оние кои беа и кои се во ТВ 24 за се што поминавме заедно и во добро и во лошо.

Благодарам.

Овие 12 години горд сум на Патот до успехот, на Студио 10, на дневниците кои ги уредував, за тоа впрочем говорат и наградите.

Но, сепак најголемата и најдрага награда ми е подршката од вас почитувани мои гледачи.

Е сега, тргнувајќи од пораката - Во Македонија се ќе ти простат, но успех никако, веројатно тука некаде ќе треба да бараме некакви причини.

Почнаа да дуваат некои нови чудни ветришта, во кои едноставно не се разбравме, дополнително што влегуваме во предизборен период. И како велат, време е да се прекине нешто, кога е најубаво.

Драги мои

Време е за нови предизвици. За многу скоро повторно ќе се дружиме. Одиме уште посилно.

… До успехот со Мишко Иванов, не смее да прекине. Едноставно тоа е најдоброто нешто кое ми се има случено мене, на вас, на сите во ова време невреме. И затоа мора да продолжи.

Бидете живи и здрави. Се гледаме наскоро.

Со почит Мишко Иванов.

Фото: Фејсбук/Инстаграм/patotdouspehot_miskoivanov

Ведрана Ѓорѓевиќ со големи промени во 2023-та: Водителката заминува од „Златниот тепих“, но и се сели пред олтар… или тоа само така изгледа? (ФОТО)

Антонио Димитриевски — Fri, 13 Jan 2023 08:14:57 +0000

Атрактивната ТВ водителка и модел Ведрана Ѓорѓевиќ во новата 2023-та година влегува со најава за големи промени. И приватни и професионални. Имено, во естрадно-медиумските кулоари веќе наголемо се зборува дека долгоногата убавица на крајот од јануари си заминува од Канал 5. Или поточно од „Златниот тепих“ по кој чекореше и го водеше од самото негово востановување како естрадно-забавен продукциски ТВ проект, заедно со својот колега Миро Кацаров. Имало ли концепциски недозразбирања, мешање во работата, непочитување на договорот, едноставно „секнал“ финансискиот прилив од спонзорите или е во прашање нешто сосема трето? Шпекулациите дополнително ги подгреја и фактот дека убавата водителка веќе подолго живее заедно со својот партнер во Скопје, инаку момче од Србија, па затоа конечно решила врската да ја озакони со брак и да застане пред олтар. Фотографиите на кои Ведрана се појави во венчаница, меѓу кои и онаа профилната на нејзиниот Фејсбук, како дополнително да ги зачинија ваквите претпоставки за кои се почесто почна да се говори дека „каде што има чад, мора да има и оган“? Овој пат љубовен, со тенденции наскоро да се распламти и прерасне брачно-семеен? Сите овие тврдења или поточно нагаѓања, Ведрана не сакаше многу да ги објаснува во детали.Таа во куса изјава за порталот „Музика24“ само изјави дека едноставно на крајот од месец јануари 2023-та и истекува договорот и нема повеќе да биде дел од споменатата ТВ емисија. “Дел сум од “G-Carpet” додека трае договорот на моите спонзори, а тоа е крај на јануари. Ако имате такви сознанија од неофицијални извори, верувам дека ви било кажано зошто нема да соработуваме повеќе. Не станува збор за некакво недоразбирање со Миро, не знам од каде сето тоа, тоа се само шпекулации. Што се однесува за стартување на нов тв проект, секако тоа не е исклучено, но за сето тоа ќе Ве известам кога ќе дојде време за тоа. Сега главниот фокус ми е снимање на реклами, имам и сопствена продукција и постпродукција va_dventure е нашиот официјален профил на Инстаграм кога можете посетете го истиот и видете со што се занимавам“ - ќе потврди убавата водителка. А фотографиите во венчаница, дали се подготовка или поточно генерална проба за нејзиниот нов живот, Ведрана вака ги објаснува: „Освен тоа, периодов работам и на претстојниот Саем на венчаници што ќе се одржи од 10-ти до 12-ти март во Скопје, каде ќе бидам водител-промотер”, ќе изјави Ведрана! Неофицијално, сепак информациите говорат дека иако заминува, Ведрана Ѓорѓевиќ брзо ќе се врати на ТВ екраните. Или барем во медиумскиот бизнис, зашто како пшто наголемо се зборува, еден голем мобилен оператор од соседството кој веќе е влезен во Македонија и нуди телекомуникациски и интернет услуги, а наскоро отвора и своја телевизија, па Ведрана ќе биде едно од првите ТВ лица во тој нов голем проект!? А, за олтарот...? Веројатно и тоа ќе дојде... Кога ќе и дојде денот... Ако веќе не е дојден?! Фото: Инстаграм и Фејсбук принтскрин/vedrana_edrana/miroslavkacarov

„Заминувам наскоро, време е за нови почетоци“- Драгојевиќ ја напушта Србија, ова е местото што го избра, за да го заборави бурното минато (фото)

Слаѓана Атанасова — Wed, 14 Sep 2022 07:56:24 +0000

Поранешната ријалити учесничка Далила Драгојевиќ заинтригира многумина кога објави нова „приказна“ на Инстаграм. Освен што не крие дека е заљубена и ја објави новата врска со Лука Николиќ, Далила сподели дека ја напушта Србија. Таа на Инстаграм објави порака во која се гледа дека лета за Хамбург. „Па-па за неколку дена. Наскоро заминувам, време е за нови настани“, напиша Драгојевиќ на Инстаграм и не прецизираше кога ќе патува и поради која причина. Да потсетиме, новиот задругар Билал Брајловиќ вели дека со Далила Драгојевиќ се познава долги години, а открил дека момците од Тузла ја влечеле наоколу користејќи ја само за секс на една вечер. "Кога ќе ме прашате за Далила, тоа што го покажа во реалното шоу не е ништо во споредба со она што го правеше порано. Сите ја влечеа по Тузла, таа менуваше многу момчиња, а тоа место не е мало. Зборот брзо се пробива", рекол тој.

Дарко Лазиќ се сели од Србија и започнува нов бизнис: „Доста ми е од оваа лудница овде“

Христина Ѓоргиевска — Tue, 15 Jun 2021 10:43:02 +0000

Дарко Лазиќ по раскинувањето со Марина Гагиќ наводно донел одлука која ќе го промени неговиот живот. Тој за курир.рс изјави дека во септември ќе се пресели во Германија каде што ќе започне нов живот. „Сите ме прашуваат за новите песни, но искрено не работам на новиот албум, имам други планови. По летната сезона се селам во Германија“, вели Лазиќ и откри кои се причините за неговото заминување. „Да, дефинитивно е. Одлучив да започнам некој нов живот. Имам 30 години и доста ми беше зезање. Живеав и проживеав, сега е време нешто да направам. Во план ми е таму да отворим кафана или ресторан. Ќе видиме како ќе испадне“, вели Лазиќ кој сепак нема да ја запостави музичката кариера. „ Пеењето е моја прва љубов и ќе продолжам да пејам. Тоа сакам и знам да го работам, само сакам да се повлечам од тука. Повеќе не ми се допаѓа овој начин на живот и целото лудило што се случува околу мене. Сигурно е дека ќе ми недостига семејството, мајката, децата, но ќе се гледаме. Не планирам да се заљубувам. Ако се случи тоа океј, ако не тоа не ми е примарна цел. Можеби ќе си ја најдам среќата таму и ќе изградам семејство“, вели Дарко кој во текот на летото има многу работа. „ Имам закажани настапи за целото лето, само да не ги заострат мерките и ќе биде одлично. Најмногу ќе пеам покрај крајбрежјето и во странство, Хрватска, Црна Гора, Австрија - заклучи Лазиќ. По раскинувањето со Марина, Дарко остана во добри односи со мајката на неговиот син.

Спои убаво и корисно: Миа Костова летото ќе го помине надвор од Македонија – еве каде заминува (фото)

Христина Ѓоргиевска — Thu, 27 May 2021 06:28:03 +0000

Некогашната водителка Миа Костова често е активна на социјалните мрежи. Имено, Миа како Инстаграм инфлуенсерка често се дружи со нејзините следбеници, се фали што има ново, што подготвува, рекламира одредени производи, модни парчиња, снима „Јутуб“ видеа, а знае да се вклучи во живо и да дебатира со своите следбеници или пак да некој совет, мислење. Така пред некое во кратките приказни на „Инстаграм“ таа откри дека заминува од Македонија на некое време, но тогаш не откри детали каде оди и на колку време. „Периодов што следи најавувам уште еден Охрид и едно поинакво патување кон крајот на април во Албанија. На почетокот на летото ја напуштам Македонија на неколку месеци. Сè тоа ќе биде споделено со вас. Сега може да си помуабетиме…“, напиша тогаш водителката, Миа Костова на неколку месеци ја напушта Македонија, а еве што вели на прашањето дали би влегла во „Задруга“ – Вистина.мк (vistina.com.mk) Меѓутоа, сега Костова одлучи да открие каде заминува и зошто. Имено, на „Инстаграм стори“ некој од следбениците ја праша Миа каде заминува, а таа одговори: „Дерми, Албанија на едно 2, 3 месеци“, а потоа откри и зошто нема да биде тука следниот период. „Дел сме од приказната на Хавана во Дерми. На наше огромно задоволство преку нас ќе гледате се што се случува таму и добредојдени сте, секако“, напиша водителката. Миа овојпат спои убаво и корисно, па сигурно ќе ужива и ќе ги наполни батериите, а на нејзините следбеници ќе им пренесе како си поминува.

Миа Костова на неколку месеци ја напушта Македонија, а еве што вели на прашањето дали би влегла во „Задруга“

Христина Ѓоргиевска — Mon, 29 Mar 2021 07:29:24 +0000

Водителката и македонската инфлуенсерка Миа Костова е една од најактивните и најангажираните корисници на социјалните мрежи, посебно на Инстаграм кој во последните неколку години важи за одлична алатка за рекламирање, бизнис, комуницирање. Костова е активна на „Инстаграм“ каде што често рекламира одредени брендови. Покрај, тоа, таа често дели совети, но и комуницира со своите следбеници кои наскоро ќе бидат 40 000. Миа овојпат во кусите приказни на „Инстаграм стори“ откри дека заминува од Македонија на неколку месеци, па по тој повод одговараше на прашања на своите виртуелни пријатели. „Периодов што следи најавувам уште еден Охрид и едно поинакво патување кон крајот на април во Албанија. На почетокот на летото ја напуштам Македонија на неколку месеци. Сè тоа ќе биде споделено со вас. Сега може да си помуабетиме...“, напиша водителката, а корисниците на Инстаграм започнаа со прашања. „Каде ни бегате?“, беше првото прашање. „Кога ќе дојде време ќе ви кажам сè затоа што сум суеверна. Не е далеку и не е на долго“, вели водителката и додава дека заедно со Тијана Кулиќ заминуваат работно на 2,3 месеци. Некои од следбениците ја праша Миа дали би се вакцинирала против Ковид 19, а таа одговори: „За волја на вистината – не. И воопшто не планирам да се вакцинирам и тоа е една долга и широка тема која што не би ја отварала овде и сметам дека не треба да коментирам на оваа тема, не во овие моменти и не сега“. Исто така следбениците ја праша Миа дали би влегла во реалното шоу „Задруга“. „Не. Никогаш. Ја нема таа пара, барем не засега затоа што психичкото здравје ми е далеку поважно од парите“, вели Костова. Освен прашања, Миа доби комплименти за изгледот, за позитивната енергија, а некои побараа и совети за инфлуенсер. Какви работни ангажмани подготвува останува да видиме.

Марија Шерифовиќ дефинитивно заминува од „Ѕвездите на Гранд“: Пејачката потврди дека го напушта жирито (ВИДЕО)

Антонио Димитриевски — Mon, 13 Jan 2020 09:11:21 +0000

Пејачката Марија Шерифовиќ е членка на жирито на „Ѕвездите на Гранд“ веќе неколку сезони, но изгледа дека гласините дека пејачката навистина решила конечно да замине од шоуто, ќе се обистинат. Судејќи според нејзиниот последен пост на Инстаграм, Марија решила да се повлече од шоуто. Пејачката одговарајќи на прашањата на фановите, на едно кое беше врзано за нејзиното останување во „Sвездите на Гранд“ одговори со негативно вртење на главата. Кликнете на твитот за да го видите видеото:

Marija Šerifović napušta Zvezde Granda?! pic.twitter.com/lxGzei2c6r
— glziv (@glupostziva) January 13, 2020