жалфија – Вистина.мк

За подобар сон: Направете топло млеко со лаванда или жалфија

Слаѓана Атанасова — Tue, 21 Mar 2023 12:54:35 +0000

Оваа стара народна приказна никогаш не е научно докажано дека навистина функционира, но тоа не значи дека не треба да пробате комбинација на млеко со додатоци кои, како што докажа науката, навистина ни помагаат да заспиеме побрзо. Тие изгледаат вкусно, и се, и можат да ни помогнат да се опуштиме, да ја ублажиме мускулната тензија и да спиеме подобро. Се пијат како здрав вечерен десерт или можете да ги додадете во вашиот вечерен ритуал пред спиење. Топло млеко со жалфија За да заспиете на здрав начин, експертите сугерираат дека најдобро е да се искористи моќта на лековитите билки. Еден од испробаните пијалоци е топло млеко со жалфија. Во чаша врело млеко растворете една лажица корен од жалфија. Во млекото додадете 5 гр мед. Сè добро измешајте. За полесно да заспиете, неопходно е да го пиете овој топол напиток 30 минути пред спиење. Топло млеко со лаванда За блажен сон доволно е да се напиете топло млеко со лаванда. Од чај до ароматерапија, лавандата често се користи за подобар и мирен сон и релаксација. Но, наместо само да го вдишувате корисниот мирис на лаванда, зошто да не пробате да пиете млеко со ова растение за релаксирање. Терапевтската природа на лавандата е очигледна, од помагање при анксиозност до заздравување на рани на кожата. Извор: Курир.мк

Жалфијата ублажува многу здравствени тегоби

Слободанка Илиева — Mon, 20 Jun 2022 11:57:07 +0000

За време на владеењето на Карло Велики, жалфијата се садела во секоја градина и се сметала за најлековита билка. Таа се користела за лекување на речиси сите болести и имала статус на свето растение. Латинското име на жалфијата (Salvia officinalis) потекнува од зборот „salvare“ што значи „да се спаси/да се излекува“. Оваа билка се користела како главна состојка во смесите за балсамирање во гробниците на фараоните. Грчкиот лекар Диоскорид ја користел за лекување на крварење, треска, камења во бубрезите и нередовна менструација. Од активни состојки, жалфијата содржи етерични масла салвиол, пинен, цинеол, борнеол, камфор, како и танини, горки супстанци, протеини и скроб. Освен етерични масла, таа содржи и калиум, калциум и натриум, а во народната медицина е позната како една од билките кои најдолго се користат. Жалфијата има исцелувачки ефект бидејќи ја чисти крвта, стимулира исфрлање на слуз од респираторните органи и помага при враќање на апетитот. Таа е исто така одлична и за лекување на воспаленија на грлото и крајниците. Жалфијата може да влијае на лекување на ревматизам, гихт и нервни нарушувања поврзани со овие болести. Чајот од жалфија е многу важен за доилките бидејќи истиот го поттикнува лачењето на млеко, а се верува и дека може да ги намали шансите од спонтан абортус. Лековитите својства на жалфијата најдобро можете да ги искористите доколку направите чај или сируп. Чај од жалфија Прелијте 1-2 лажички жалфија со 200 мл. зовриена вода и оставете да отстои 10 минути. Чајот треба да се консумира барем 2 пати дневно. Сируп од жалфија За сирупот од жалфија е најдобро да ги берете врвовите кои само што расцветале бидејќи тие содржат најмногу активни и лековити состојки. Потребни состојки: 300 гр. цвет од жалфија, 50 гр. лимонтус, 3 литри вода, 2,5 килограми шеќер. Подготовка: Ставете ги цветовите од жалфија заедно со лимонтусот и водата да зовријат, а потоа оставете ги да отстојат 24 часа во поклопен сад. По 24 часа, процедете низ газа, додајте го шеќерот и повторно варете додека не зоврие смесата. Врелиот сируп ставете го во претходно дезинфицирани стаклени шишиња и добро затворете. извор:точка.ком.мк

Ве мачи сува кашлица? Во чаша топло млеко додадете ги овие состојки, па проблемот ќе го решите „преку ноќ“

Слободанка Илиева — Mon, 16 Nov 2020 13:40:49 +0000

Кашлицата е грчевита контракција на мускулите која што може да се излечи со т.н. народни лекови. Доколку во млекото додадете и малку жалфија тогаш тој проблем ќе исчезне за краток временски период, велат луѓето кои што се добро запознати со таквите методи на лечење. Високиот процент на етерични масла кои што содржат антибактериски и антифламаторни дејства, како и големата количина фосфорна киселина, витамин Ц, Б1, П и тианин, ја прават жалфијата многу моќен сојузник во борбата со кашлицата. Во комбнација со млеко таа дава одлични резултати, но само доколку ја подготвите вака: Неопходно е во тенџере да ставите 250 милилитри млеко, да додадете една супена лажица жалфија и да оставите да врие на умерена температура. Кога млекото ќе зоврие, тргнете го тенџерето од огнот. Во напитокот додадете и една лажица путер, поклопете и оставете да отстои околу 15 минути. Напитокот процедете го и додадете една лажица мед и прстофат куркума, па сè добро промешајте. Пијте ја оваа мешавина еден час пред да си легнете! извор:точка.ком.мк

Го зајакнува имунитетот подобро од витамин Ц: Овој чај проверено ги уништува вирусите и ги чисти дишните патишта

Христина Ѓоргиевска — Tue, 13 Oct 2020 12:00:17 +0000

Чајот од жалфија се користи за зајакнување на организмот и во борбата против многу здравствени тегоби. Овој напиток со децении се користи во народната медицина и е еден од најмоќните за зачувување на здравјето на комплетниот организам. Листовите од оваа билка содржат разни минерали како магнезиум, калциум и железо, витамини А, Ц и Б како и есенцијални масла, танини и флавони. За жалфијата често велат дека е лек за целото тело. Таа може да се користи за орална и за надворешна употреба - од неа се прават облоги, но може да се консумира и како чај или во облик на масло. Исто така, ова растение е богато со антиоксиданси кои му помагаат на телото во борбата против токсините. Со самото тоа, благотворно делува врз спречување на развој на карцином во организмот и ја подобрува работата на мозокот и помнењето. Жалфијата го стимулира централниот нервен систем и дигестивниот тракт. Таа е одлична во намалување на телесната температура, а освен тоа е природен прочистувач на крвта. Чајот од жалфија максимално го зајакнува имунитетот, па затоа се препорачува во периодите на активни вируси. Оваа моќна билка има многу благотворни својства помеѓу кои се зголемување на концентрацијата и помнењето, намалување на воспаленијата на грлото и дишните патишта, воспаленија на различни внатрешни органи, инфекции на гениталните органи, габични инфекции на слузокожата и кожата, главоболка, напнатост... Жалфијата се покажала и како многу ефикасна кај симптомите на менопауза и нарушувања во менструалниот циклус, како и во чистење на црниот дроб од токсини. Жалфијата надворешно се применува за запирање на крварење и дезинфекција на рани и чиреви. Бидејќи има спазмолитичко дејство, се користи и за инхалација кај астма, бронхитис, но и кај инфекции на дишните патишта. извор: точка.мк

Ја нарекуваат најлековита билка на светот – помага при температура, крајници, висок шеќер и болки

Слободанка Илиева — Wed, 09 Jan 2019 11:56:28 +0000

Жалфијата е билка која сите ја фалат, а оние кои веруваат во народната медицина, топло ја препорачуваат. Таа може да ја добие титулата најлековита билка на светот, со оглед на тоа дека ги лечи речиси сите болести. Има антибактериско дејство, помага за смирување, освежување, енергија, против болки и висока температура, а го намалува и нивото на шеќер. Помага за дијабет и за Алцхајмер. Се користи и за лекување авти, за непријатен здив, за проблеми со грло и крајници, против дијареа и повраќање. Помага како ниедна друга билка за желудникот и работата на цревата. Пијте чај од жалфија барем еднаш неделно. Жалфијата (науч. Salvia) е род на растенија во фамилијата усноцветни. Името жалфија генерално се однесува на обичната жалфија (Salvia officinalis), но може да се користи и за секој член на овој род. Родот Salvia вклучува близу 700 до 900 видови на грмушки, тревести повеќегодишни растенија и едногодишни растенија со речиси светско распространување. Центарот на диверзитетот и потеклото на овој род по сѐ изгледа дека е Средна и Југозападна Азија. Украсните растенија најчесто се нарекуваат со нивното научно име Salvia. Блискиот род Perovskia и Phlomis се исто така познати како жалфии. Некои видови од нероднинскиот род Artemisia исто така се познати под името жалфија. извор:sitel