жаклина – Вистина.мк

Македонска турбо-фолк класика во џез варијанта: Игор Џамбазов сними спот за „култ(ивира)ната“ „Жаклина“, а познатата скопска професорка е во главна улога (ВИДЕО)

Антонио Димитриевски — Tue, 27 Sep 2022 08:29:43 +0000

Игор Џамбазов на социјалните мрежи уште кон крајот на мај 2022 сподели видео од снимањето на обработката на еден стар македонски, некогаш новокомпониран фолк хит. Помладите и денес го пејат, а повозрасните се сеќаваат и кога се појави „Жаклина“, некаде во 1990/91 година, испеана од некогашниот рокер („Мадригали“, „Трн во око“), подоцна познат битолски фолкер Цане Николовски како главен вокал на тогашната фолк група „Елита“. Песната беше прогласена за фолк хит на годината, а нејзината популарност и денес не стивнува, па „Жаклина“ ја пејат и старо и младо, на свадби, семејни веселби, прослави… Или само онака, на вообичаен провод по различни локали и кафеани.

View this post on Instagram

A post shared by Игор Џамбазов (@igordzambazov)

Во почетокот на месец ноември ланската, 2021-ва година, Игор Џамбазов влезе во студиото „Алшар“ одново да ја снима споменатата „Жаклина“, македонска турбо-фолк класика. Тогаш на рокерите, блузерите, џезерите… на сите што го знаат и познаваат Џамбаз им се исправи косата, како тоа токму тој да се прешалта во ним „омразената“ музика? Од блузер – турбофолкер? Не ќе да е можно!? И не е! Ама е изводливо! Така, македонска турбофолк класика доби и своја џез варијанта. Досега само музичка, а отсега и визуелна! „Конечно!!! Го завршивме спотот за 'Жаклина'. Некогашниот огромен фолк-хит, доби и своја џез верзија во аранжман на Симеон Ангеловски. Спотот е во режија на , во продукција на Гоце Трајковски. Улогата на Жаклина ја толкува професорката Татјана Алексиќ. Камера - Тони Величковски, светло - Меанџи - Сашко Стојановски. Благодарност до Кинотека на Македонија (каде што е сниман спотот)“ - напиша тогаш Џамбазов на својот Инстаграм обзнанувајќи дека наскоро ќе следува и промоцијата на новата „Жаклина“. Освежена, подмладена, во ново руво, со нов лик...! „Жаклина ривајвал“…! Во меѓувреме, едно видео на веќе готовата џез верзија на „Жаклина“ на која во неговата џез ривајвл варијанта Џамбазов и додаде и цела една, нова строфа со свои стихови, веќе беше емитувано во рамките на новогодишната програма на МТВ. На сето ова, по пременото емитување на спотот се надоврза и споменатиот главен лик во видеото, познатата македонска професорка, ТВ автор и водител, Татјана Алексиќ со свој коментар на Фејсбук: „Ах мори Жаклино чупе битолско, ја помниш ли игранката во Домот на културата... Премиерно спотот, џез преработка на песната 'Жаклина'! Благодарам на довербата, учителката е цепки, ама со Џамбазов сѐ изгледа светски“ - сподели професорката најавувајќи го видеото“. Проследете како звучи и изгледа официјалната верзија на култ(ивира)ната верзија на „Жаклина“ (КЛИКНИ ТУКА): Фото: Инстаграм принтскрин/igordzambazov

Ова се ќерките на Тома Здравковиќ и Силвана Арменулиќ: Жаклина и Гордана се нивни наследнички (ФОТО)

Антонио Димитриевски — Sat, 17 Sep 2022 08:37:47 +0000

Иако во филмот „Тома“ не беа прикажани ниту едната ниту другата и Тома Здравковиќ и Силвана Арменулиќ имаат ќерки. Тома Здравковиќ има ќерка Жаклина, која ја добил со својата прва сопруга Олгица која исто така ја нема во филмското сценарио, од која подоцна ќе се разведе. Жаклина живее во Холандија и има два сина, а во Србија доаѓа повремено за да учествува во манифестациите кои се поврзани со нејзиниот татко. Жаклина не контактира често со последната сопруга на Тома, но тие две имаат сосема коректни односи. „Живеев еден период од мојот живот со него, но кога почина многу ми беше тешко. Тој постои во сите нас, во нашите спомени и во неговата музика“ – вели Жаклина Здравковиќ за српските медиуми. Таа вели дека секогаш се потсетува на неговата музика и дека нејзина најомилена песна е „Киша је падала“. Силвана Арменулиќ кога починала во страотната сообраќајна несреќа на 37 годишна возраст, зад себе ги оставила сопругот Радмило и ќерката Гордана. По повод 45-годишнината од заминувањето на Силвана Арменулиќ, големата љубов на Тома Здравковиќ, но и по повод филмот „Тома“, нејзината ќерка Гордана остави трогателна емотивна порака на социјалните мрежи. „Драга мајко, се враќам во детството, во тие среќни денови што ги поминавме заедно… Тешко е без тебе… Ти благодарам за сите прегратки, топли зборови и бакнежи што ми ја загреваат душата. Живееш секој ден низ моите мисли сите овие години. Ќе живееш во мене засекогаш. Копнеев по тебе, мајко. Нека те чуваат ангелите и Бог. Те сакам многу“ - напишала ќерката на Силвана Арменулиќ во посветата. Фото: Приватна архива/Gordana Goga Armenulić

Ова само Игор Џамбазов „под рака“ со „Жаклина“ го може: Македонска турбофолк класика во џез – блуз варијанта (ВИДЕО)

Антонио Димитриевски — Thu, 11 Nov 2021 10:13:54 +0000

Помладите и денес го пејат, а повозрасните се сеќаваат и кога се појави големиот македонски фолк хит „Жаклина“, некаде во 1990/91 година, испеан од некогашниот рокер („Мадригали“, „Трн во око“), подоцна познат битолски фолкер Цане Николовски како главен вокал на тогашната фолк група „Елита“. Песната беше прогласена за фолк хит на годината, а нејзината популарност и денес не стивнува, па „Жаклина“ ја пејат и старо и младо, на свадби, семејни веселби, прослави... Или само онака, на вообичаен провод по различни локали и кафеани. Од 2004 Цане Николовски се исели од Македонија и живее во туристичкото место Аликанте во Шпанија. Во 2016 година, продукцијата „Лотус“ од Битола, дури и снимила документарен филм за Цане Николовски со наслов „Патот за Аликанте“. Цане замина, ама „Жаклина“ остана... да се пее до ден денес, белким и довека. Токму еден од највпечатливите македонски мултимедијални ликови, Игор Џамбазов деновиве влезе во студио да снима. И тоа не сам, туку токму „под рака“ со споменатата „Жаклина“, како македонска турбофолк класика. И сега на рокерите, блузерите, џезерите... на сите што го знаат и познаваат Џамбаз веројатно ќе им се исправи косата, како тоа токму тој да се прешалта во ним „омразената“ музика? Од блузер - турбофолкер? Не ќе да е можно!? И не е! Ама е изводливо! Имено, Игор влезе во студиот „Алшар“ кај Ивица Јанкуловски за да и направи најпрвин музички ривајвал на старата добра „Жаклина“, ама во сосема поинаква изведба. Така, македонска турбофолк класика доби и своја џез - блуз варијанта. Засега само музичка, наскоро и визуелна! „Жаклина ривајвал“... Што ли само ќе рече стариот рокер Цане на сето ова? А како ли ќе реагираат и фолкерите? Ќе се појави ли „Жаклина“ освежена, подмладена, во ново руво, со нов лик или ќе се случи она: „Од секоја зурла не бидува саксофон“? Како и да е новата „Жаклина“ е тука и наскоро ќе биде промовирана. Џамбазов веројатно знае што прави, а дали вие знаете како новата „Жаклина“ би можела да звучи? Еве само едно мало парче, еден сегмент од новата верзија на „старата турбофолк дама“, како „нова џез-блуз мома“:

View this post on Instagram

A post shared by Игор Џамбазов (@igordzambazov)

Фото: Википедија принтскрин/Инстаграм принтскрин/igordzambazov

Ги сакаше жените и животот, а од бракот со Олгица ја доби Жаклина: Еве како изгледа ќерката на легендарниот Тома Здравковиќ (фото)

Слободанка Илиева — Tue, 01 Oct 2019 07:37:56 +0000

Поминаа 28 години откако нè напушти легендарниот пејач на српска народна музика Тома Здравковиќ, но неговото сеќавање сè уште живее. Покрај песните кои припаѓаат во вечните хитови, тој зад себе ја остави и својата ќерка Жаклина. Пејачот ја доби Жаклина во бракот со Олгица. Тие двајцата се запознале во хотел Зрењанин, а љубовта брзо се развила, но бракот не траеше долго. Тие се разведоа само неколку месеци по свадбата. Таа е првото дете на легендарниот пејач, а денес живее во Холандија и е мајка на две момчиња. Таа исклучително потсетува на нејзиниот татко и редовно доаѓа во Србија. Како што еднаш изјави во медиумите, омилената песна од Томо и е „Тажно лето“. https://arhiva.vistina.com.mk/radio-mileva/nepoznat-detalj-od-zivotot-na-toma-zdravkovikj-koga-kje-slushnete-shto-napravil-za-edna-devojka-kje-vi-potechat-solzi/ Покрај ќерката Жаклина, Тома Здравковиќ има и син, Александар, кој го доби во бракот со сопругата Гордана. Во љубовниот живот на Тома Здравковиќ, се вбројуваат и браковите со Милица и Нада.

Жаклина е најсекси баба на светот, а потекнува од Србија

Слободанка Илиева — Fri, 09 Aug 2019 11:35:55 +0000

Оваа модна блогерка има 50 години и изгледа неверојатно иако низ животот поминала низ многу проблеми. Жаклина Беридо Пизано потекнува од Србија и е најсексапилната баба во светот. Ако не верувате, погледнете ги нејзините фотографии.

View this post on Instagram

A post shared by Zaklina Pisano (@realfashionist) on Aug 8, 2019 at 9:06am PDT

Таа вложува големи суми за својот изглед и гардероба, но позади нејзиниот беспрекорен изглед се крие голема тага. Во 2016. година таа го изгубила својот син во сообраќајна несреќа во Белград. Оттогаш на секоја фотографија го става хаштагот #rememberstefan, во сеќавање на Стефан кој го нарекува свој ангел чувар.

View this post on Instagram

A post shared by Zaklina Pisano (@realfashionist) on Jul 23, 2019 at 2:07am PDT

Родена е во Белград, но веќе многу години живее во странство. За Жаклина и нејзиниот живот пишуваат многу модни магазини. Соработува со бројни луксузни брендови, а нејзиното тело навистина е префектно. „Јадам многу овошје и пијам многу вода. Јадам по едно авокадо на ден, не пушам и не пијам. Јадам риба, морски плодови, месо и зеленчук. Од свои 10 години барем 45 минути на ден вежбам. Неопходно е редовно да се вежба. Ја негувам и својата душа“, открива Жаклина.

View this post on Instagram

A post shared by Zaklina Pisano (@realfashionist) on Jan 10, 2019 at 2:30am PST

Таа е омажена за Италијанец чиј идентитет вешто го крие од јавноста, а иако има и тој свој Инстаграм профил запишан е како „Таа ме нарекува господин Совршен“. извор:среќа.мк