зајко – Вистина.мк

И “The Backdoor Band” имаат лик за „леле мајко“ кого го викаат – „Зајко“ (ВИДЕО)

Антонио Димитриевски — Mon, 06 Nov 2023 10:14:07 +0000

Членовите на охридскиот рок состав “The Backdoor Band”, во петокот вечер одбележаа респектабилен 13 годишен естраден стаж со голема роденденска журка во популарното Liquid Cafe во нивниот роден Охрид. На роденденот го промовираа и новиот видео запис за синглот “Зајко”, односно за песната која е настаната пред 10 - тина години како сатиричен и другарски опис на личноста спомената во истата и нејзиниот "рокерски" начин на живот. Автор на музиката е Лазе Фармакоски, текстот е на Влатко Митревски и Жарко Јакимоски, а аранжманот е на целиот бенд. Должноста за снимање на аудиото, микс и мастерингот му припаднала на Ивица Јанкуловски, во неговото студио "Алшар" е финализиран синглот, додека видео записот е сниман на локации во Охрид, а за негово комплетирање и обработка бил задолжен Бојан Симјаноски. Голема благодарност бендот изразува и до СУ Холдинг и клубот Рокенрола, како и до сите учесници во реализација на овој проект кој можете да го проследите во видото во продолжение.

Милица Павловиќ со секси велигденски фото-перформанс: Едниот го јавна, другиот го легна меѓу вапцаните јајца (ФОТО)

Антонио Димитриевски — Sat, 01 May 2021 07:14:15 +0000

Атрактивната српска пејачка Милица Павловиќ на необичен начин реши да им го честита големиот христијански празник Велигден на своите следбеници и обожаватели. Имено, таа по тој повод направи интересна велигденска фото сесија, а целиот фото-перформанс го зачини со еротски набој.

Српската „секси сењорита“ на фотографиите изгледа не само привлечно, туку и многу возбудливо. Најпрвин пејачката во своите раце го зема големиот зајак па направи неколку пози со него. Така топло гушнат и свиен во нејзините топли прегратки, на зајко ушите му се исправија нагоре, па никако не му се напушташе комотната позиција.

Ама сакал-нејќел, тука дамата е таа која го диктира темпото, па Милица се подготви за следната поза. Нежно го јавна стариот велосипед, ги истури бујните гради напред, а зајко го смести или поточно го легна во сламената корпа меѓу вапцаните велигденски јајца.

Можеби на зајко и не му беше баш право и удобно како во прегратките на убавицата, ама за утеха имаше прекрасен поглед... на длабокото деколте и бујниот телесен раскош на пејачката!

А „секси сењорита“ овој секси велигденски фото-перформанс го искористи за да им го честита празникот на сите што го слават: „Христос воскресна добри луѓе“! - напиша таа.

Фото: Инстаграм принтскрин/senoritamilica

Откако од него кренаа раце и пајташите од Софија, Зајко се врати дома… во кафезот на улица Македонија!

Антонио Димитриевски — Fri, 28 Feb 2020 09:40:31 +0000

На 25-ти февруари 2020 година, илјадници луѓе на улиците на македонската прстолнина протестираа против неправдите. За тоа време, во тајната операција на улица Македонија се случуваше евакуација на Зајко. Се водеше тешка битка за извлекување од скривалиштето... Луѓе во црно, со црно БМВ со бугарски регистерски таблички го земаат Зајко и го носат „на прав пат“. Правец Софија... на „пријателско соземање од реалноста“! По Зајко брзо се распишува потерница... Сепак, отсуството не траеше долго. Очигледно, откако од него бргу кренаа раце и пајташите од Софија, еве го Зајко назад, во својот „нов дом“, на улица Македонија. Потиштен, со свитканао опавче и клапнати уши, знае дека разврската е близу. Уште само 40-ина дена... Доволно време Зајко да се навикне на живот во својот иден „нов дом“!

Тајна акција во центарот на Скопје: За време на протестот против неправдите, непознати лица во црно БМВ го однесоа Зајко на „прав пат“!?

Антонио Димитриевски — Wed, 26 Feb 2020 08:50:46 +0000

25-ти февруари 2020 година... Во македонската престолнина врие како во кошница. Илјадници на улиците на метрополата во протест против неправдите. Оние истите што тие неправди ги донесоа, никаде ги нема. Скриени како зајци, ѕиркаат зад завесите на околните витрини, со широко ококорени очи и начулени уши! И додека надвор атмосверата доживува кулминација од незадоволство против неправдите, во строгиот во центар на градот се одвива тајна операција. Скришна акција во која цела ноќ на ул. Македонија се води тешка битка за извлекување на Зајко. Мистериозни луѓе во црно наоколу... Се паркира црно БМВ со бугарски ознаки, поточно софиски регистарски таблички, а непознатите влегуваат во кафезот и го „крадат“ зајакот. Уплашен и блед од големите протести, со подвиткана опашка и клапнати уши, од скривалиштето Зајко одново се упатува на „прав пат“... Овој пат за Софија! Зајко го зедоа, ама „шарените пилци“ ги оставија во кафезот... со нив и понекоја кокошка! Македонија нема време за чекање, веднаш е распишана Потерница: „Исчезнат е Зајко. Последен пат е виден вчеравечер, на 25.02.2020 година во својот привремен дом, „кафезот“ на улица Македонија околу 22 часот и 45 минути. Оттаму насилно е извлечен и ставен во патничко возило марка БМВ со бугарски ознаки, односно софиски регистерски таблички. Потоа „ослободителите“ заедно со него по „прав пат“ се оддалечиле, а во кафезот останала да тагува само една осамена шарена кокошка...! Фото извор: Фејсбук