загина – Вистина.мк

Македонија и Балканот тагуваат: 16 години без Тоше Проески

Слободанка Илиева — Mon, 16 Oct 2023 06:54:07 +0000

Македонија и Балканот тагуваат и се сеќаваат на Тоше Проески кој на денешен ден пред 16 години трагично го загуби животот во сообраќајна несреќа кај Нова Градишка, на пат кон Загреб. Тодор Проески – Тоше е роден на 25 јануари 1981. и својот музички талент го покажал уште како петтоодделенец на фестивалот „Златно славејче“ (1992) каде испеал песна на влашки јазик. Музичката кариера ја почна со победата на „Мелфест“ во Прилеп, во 1997. година, и оттогаш настапуваше на сите значајни фестивали во земјава и регионот, а во 2004-та ја претставуваше Република Македонија на Евровизија во Истанбул. Таа година стана и амбасадор на УНИЦЕФ. Објави седум албуми – неколку и во превод на српски/хрватски јазик. Последниот – „Игри без граници“ беше промовиран две недели пред несреќата, а последниот концерт го одржа на Градскиот стадион на 5 октомври 2007. Спомен-куќата на Тоше Проески на Гумење во Крушево за десет години ја посетиле преку 700 000 гости. На 25 април 2011 година е отворен овој импозантен музеј, Спомен дом кој една деценија ја раскажува приказната за Тоше, за големиот музичар, за хуманистот, човекот кој и денес ги плени срцата на луѓето од земјава, Балканот и од Европа. Спомен-куќата е симболиката на сѐ во што веруваше Тоше, најпосетуваниот музеј на овие простори и со меѓународна награда за уникатно архитектонско дело. Во него се изложени 350 експонати, предмети, дел од животот на Тоше, а во депото има уште.

Тажна вест: Славниот глумец загина во сообраќајка (видео)

Слаѓана Атанасова — Tue, 13 Jun 2023 09:40:16 +0000

Американскиот глумец Тријт Вилијамс, чијашто речиси 50-годишна кариера вклучува главни улоги во телевизиската серија „Евервуд“ и филмот „Коса“, загина во сообраќајна несреќа со судир на мотор и теренец во американската сојузна држава Вермонт, соопшти полицијата. И агентот на актерот ја потврди неговата смрт. Полицијата соопшти дека 71-годишниот Вилијамс бил на својот мотор и носел кацига. Тој не можел да го избегне судирот и паднал од возилото, здобивајќи се со сериозни повреди, па со хеликоптер бил пренесен во Медицинскиот центар во Олбени, во сојузната држава Њујорк, каде што бил прогласен за мртов. Возачот на теренецот се здобил со полесни повреди. Глумецот, чие целосно име е Ричард Тријт Вилијамс, живееше во Манчестер Центар, јужен Вермонт. Тој ја почна својата филмска кариера во 1975 година како полицаец во филмот „Смртоносен херој“ (Deadly Hero), а потоа се појави во над 120 филмски и ТВ-улоги, меѓу кои и во „Орелот слета“ (The Eagle has Landed), „Принцот од градот“ (Prince of the City) и „Беше еднаш во Америка“ (Once Upon a Time in America). Тој беше номиниран за наградата Златен глобус за неговата улога во мјузиклот „Коса“ (Hair) од 1979 година. Фото:Принтскрин/Индех.хр/Профимедиа

Стиховите на последната песна што ја слушал загинатиот пејач Немања Вуковиќ во автомобилот, како да ја наговестувале трагедијата: „Милион солзи, а јас еден…“ (ФОТО)

Антонио Димитриевски — Tue, 07 Mar 2023 12:25:56 +0000

Младиот пејач од „Ѕвездите на Гранд“, Немања Вуковиќ (22) трагично загина во понеделникот, 6-март 2023 година во вечерните часови на автопатот Шид-Белград, кога откако удрил во заштитната ограда со својот автомобил излегол од него, а на момчето налетал автобус и го усмртил. Несреќниот пејач на своите Инстаграм приказни непосредно пред смртта, објавил снимка која е снимена наводно пред да се случи самата несреќа. Немања го слушал Џеј и песната „Животе, жено без морал“. Стиховите како да наговестувале трагедија: „Милион солзи, а јас еден, додека ја гушкам темнината, се прашувам дали овој живот е вреден ...“? Немања е по потекло од Фоча, а се натпреваруваше во „Ѕвездите на Гранд“ на 18 -годишна возраст, по што неговата кариера тргна по нагорна линија. Фото: Инстаграм принтскрин/nemanjavukovicc

Младиот пејач од „Ѕвездите на Гранд“, Немања Вуковиќ загина во бизарна сообраќајна несреќа

Антонио Димитриевски — Tue, 07 Mar 2023 12:03:40 +0000

Пејачот во „Ѕвездите на Гранд“, 22-годишниот Немања Вуковиќ вчеравечер, 06-ти март 2023 година загина во сообраќајка на автопатот од Шид кон Белград. Медиумите пренесоа дека со автомобилот излетал од патот и удрил во заштитна ограда. По ударот излегол од автомобилот и почнал да оди по патот. На него налетал автобус кој се движел во правец кон Бања Лука. Откако удрил во заштитната ограда и излегол од автомобилот, очевидец му пришол и го прашал дали е добро, тој рекол дека е добар и почнал да трча, сакајќи да го премина автопатот. Потоа, според извори на српските медиуми, бил прегазен од автобусот кој налетал на несреќното момче. „Непосредно пред несреќата, Немања доживеал незгода кога со автомобилот излетал од патот и удрил во заштитна ограда. Потоа, наводно излегол и се обидел да го премине патот и да дојде на лентата за спротивен правец, односно од Шид кон Белград“ - ги потврдил деталите извор запознат со истрагата, за српските медиуми. Фото: Инстаграм принтскрин/nemanjavukovicc

Починал на лице место: Актерот од серијата „Вил и Грејс“ го загуби животот во сообраќајна несреќа

Слободанка Илиева — Wed, 26 Oct 2022 11:09:23 +0000

Познатиот актер од серијата „Вил и Грејс“ трагично го загуби животот, пренесуваат светските медиуми. Американскиот комичар Лесли Џордан (67) загина во сообраќајна несреќа во понеделник наутро во Холивуд. Официјални лица веруваат дека Џордан претрпел некоја форма на сериозна здравствена состојба кога изгубил контрола и удрил со својот автомобил во ѕидот на зградата. Лесли Џордан има повеќе од 130 улоги, почнувајќи од 1986 година. На публиката и е најпознат по улогата во серијата „Вил и Грејс“, за која во 2006 година се закити со наградата „Еми“, а се појави и во сериите „Жерени срца“, „Кул деца“ , „Call Me Kat“, „American Horror Story“... фото:Guliver/Getty Images

На денешен ден немаше да биде жива: Теа Таировиќ откри зошто не се качила во автомобилот на Шабан Шаулиќ

Антонио Димитриевски — Thu, 17 Feb 2022 13:56:58 +0000

Теа Таировиќ која последна настапуваше со Шабан Шаулиќ неколку часа пред сообраќајната несреќа откри детали за последните моменти на пејачот. „Нашите музичари забележаа дека многу брзаше, а јас тоа не го забележав. Забележав дека беше расположен и дека атмосферата беше одлична. Се шегувавме пред настапот, разговараме и никој не претпоставуваше дека ќе се случи несреќа. Некако ми изгледа дека било судено, да настрадате после 50 години кариера, 50 години патувања, а притоа возеше Мирсад кој не пиеше алкохол“ изјави Теа. Инаку, Теа последна настпуваше со кралот на народната музика и требало да се врати со него, а пејачката на бизарен начин ја избегнала несреќата. Имав среќа бидејќи не се враќав со нив. Мојот лет беше закажан за 13 часот, а тие имаа утрински лет. Но ситуацијата можеше да биде сосема поинаква. Имено мене ми се случи незгода бидејќи го изгубив куферот во текот на летот, додека доаѓав во Германија. Шабан и неговиот колега ми рекоа: Да идеше со нашиот лет, немаше да ги изгубиш личните работи! Но ете што може да биде судбина, да одев со нивниот лет и со нивниот автомобил кога се случила несреќата сега не ќе бев жива. „Шабан по неговиот последен блок песни отишол хотелот, од каде утрото од Дизелдорф требаше да лета директно за Белград. -Кога тргнавме на аеродромот ни кажаа дека Шабан имал несреќа и бил повреден, но кога стигнав на аеродромот дознав дека тој починал … “, изјави Теа. За потсетување, Шабан почина во сообраќајна несреќа на 17 февруари во Германија каде имал настап.

Загина организаторката на ТВ серијалот „Куќа од срце“: Нејзината работа на бројни семејства им донесе радост и среќа, а нејзе – трагична несреќа! (ФОТО)

Антонио Димитриевски — Sat, 17 Apr 2021 07:18:42 +0000

Организаторката на шоуто „Куќа од срце“, Јасмина М. (47) вчера, петок 16 април 2021 година, загина во сообраќајна несреќа што се случи кај селото Лаѓевци кај Краљево, на Ибарската магистрала. Организаторката, која заедно со возачот беше тешко повредена во сообраќајна несреќа почина и покрај напорите на лекарите да го спасат нејзиниот живот, додека возачот се' уште е во животна опасност, потврдија за српските медиуми во Општата болница „Студеница“ во Краљево. Двајцата биле во камиочето кое се судрило со шлепер на главниот пат Краљево - Прељина, обидувајќи се да се приклучат на главниот пат од спореден

Јасмина зад себе остави мнштво добри дела, семејства на кои несебично им помагаше, на кои со помош на тимот им даде покрив над главата и им обезбеди подобра иднина. Семејствата со насмеани лица ги поздравуваа нејзините хумани гестови, а сега жалат за личноста која, според поранешниот сопруг на Јасмина, го оставила срцето и секој слободен момент на теренот, за оние на кои им е најпотребно. За Јасмина во јавноста малку се знае бидејќи таа секогаш била зад камерите, а како што се наведува, таа станала член на тимот „Куќа од срце“ токму поради нејзината хуманост. Всушност, кога екипата на шоуто дошла во нејзиниот крај да му помогне на едно семејство, таа веќе била таму и им помогнала, вели изворот. „Таа се покажа како многу способна. Покрај тоа, Јасмина ги воодушеви сите со својот гест. Таа дојде на сопствена иницијатива и му помогна на целиот тим. На тој начин го воодушеви Жарко Лазиќ, кој е главен продуцент на ова шоу и кој и понуди работа“ - вели изворот. Да биде тажната иронија на судбината поголема и постаршна, пред три години и поранешната водителка и продуцентка на споменатото шоу, Сандра Денда, имаше сообраќајна несреќа кај Ковин. Таа се здоби со сериозни телесни повреди, па дури била и во кома, а лекарите предвидуваа дека нема да може повеќе да оди , што сепак за среќа не се случи иако водителката остана со извесен инвалидитет. На нејзино место тогаш се појави сега загинатата Јасмина М.

Фото: Курир.рс/Инстаграми Јутјуб принтскрин

Битолскиот музичар Горан Јосифовски загина во сообраќајна несреќа

Антонио Димитриевски — Wed, 17 Feb 2021 13:06:18 +0000

Горан Јосифовски, познат музичар од Битола, и своевремено тапанар во групата ,,Екстра Бенд” утринава загина во сообраќајна несреќа, пренесува „Фокус“. Триесет и шест годишниот битолчанец излетал од патот со возилото, додека одел на работа, односно разнесувал прехранбени продукти во маркети. Од СВР Битола ја потврдија веста. жжНа 17.02.2021 околу 05.25 часот во СВР Битола било пријавено дека на магистралниот пат Битола – Прилеп, патничко возило „комбе“, со битолски регистарски ознаки, управувано од Г.Ј. (36) од Битола, излетало од патот. Од здобиените повреди возачот починал на самото место. Лекар од итната медицинска помош констатирал смрт, а во координација со јавен обвинител телото е предадено на обдукција. Извршен е увид на местото на несреќата од увидна екипа на СВР Битола“ - информираат надлежните органи. Горан зад себе ја остави сопругата и две малолетни деца, синче и ќеркичка. Беше добар соработник со речиси целата естрада и честа музичка придружба на многу познати пејачи за време на нивните настапи. Неговиот близок пријател, фолк пејачот Марјан Коцев во телефонски разговор за ,,Фокус” вели дека е скршен од веста. „Огромна загуба за семејството, но и за цела естрада. Се подготвувам да тргнам во Битола, постојано само лоши вести слушаме изминатиот период. Одејќи на работа загинал, премногу е тешко сето ова“ – низ солзи раскажал Коцев. Околу тоа колку беа блиски, зборува и настанот кој што се случи во 2014 година за време на јубилејниот 20-ти концерт на Марјан, кој се одржа во Универзална сала. Тогаш, среде концерт, Горан пред камерите ја запроси својата долгогодишна девојка, а веста ја пренесоа голем број на медиуми. Естрадата денес се простува од него на социјалните мрежи. Извор: Фокус.мк/В.К.

Загина светската шампионка во качување откако падна од карпа висока 150 метри

Антонио Димитриевски — Tue, 16 Jun 2020 12:06:11 +0000

16-годишната Луси Дуади која беше една од најголемите таленти во качување, загина по пад од над 150 метри за време на тренинг. Дуади се качувала на карпа кај Гренобл кога се лизнала, паднала и починала на самото место, јавуваат француските медиуми. Точните околности за несреќата се' уште не се познати. Отворена е истрага. Луси Дуади важеше за иднината на качувањето. Откако стана млада светска шампионка таа се проба и во сениорска конкуренција. На 15 годишна возраст дебитираше на сениорско светско првенство и заврши како петта. Овој спорт со една дисциплина ќе дебитира на Олимписките игри во Токио, а Лус Дуади требаше да биде претставник на Франција.

Во сообраќајна несреќа загина Благоја Георгиевски – „Буштур“ (ВИДЕО)

Антонио Димитриевски — Thu, 30 Jan 2020 09:01:33 +0000

Легендарниот македонски кошаркар, тренер и спортски функционер, Благоја Георгиевски – Буштур изминатата ноќ трагично го загуби животот во сообраќајна несреќа. Официјални детали како дошло до несреќата засега нема, но со оглед на тоа како изгледа возилото станувало збор за прилично силен удар во бетонскиот столб.