заедничка – Вистина.мк

Калиопи и Жељко Самарџиќ ја имаа својата македонска промоција на заедничката дует балада „Знам“ во скопска „Аудиокултура“ (ФОТО)

Антонио Димитриевски — Tue, 25 Apr 2023 12:45:36 +0000

По белградската промоција која се одржа на 19-ти април, нашата Калиопи Букле и српскиот пејач Жељко Самарџиќ денес, вторник, 25 април 2023 година точно напладне, во скопскиот аудиобар „Аудиокултура“ ја имаа и македонската промоција на нивната заедничка песна, дует баладата „Знам“. Пред рекорден број новинари, претставници на медиумите, соработници, пријатели и гости, македонската поп дива и српскиот шармер ја раскажаа својата приказна за 40-годишното пријателство преточено во заедничка песна. Калиопи честа и задоволството да го отвори дружењето со седмата сила му го препушти на својот гостин, секако откако модератоторот на настанот, нопвинарот Иван Беќковиќ претходно ги воведе колегите во промоцијата. Калиопи раскажа дека песната настанала сосема случајно и спонтано, по еден нејзин концерт во Будва, по кој таа и Самарџиќ се слушнале и седнале да се видат и дружат, бидејќи тој со своето семејство бил закотвен во блиското пристаниште во Котор, со својот глисер. Заедничката селфи фотографија му ја испратила на својот некогашен сопруг, а доживотен пријател и соработник Ромео Грил, со пост покрај истата дека „овие двајца чекаат од него заедничка песна“. Ромео тоа го сфатил сериозно и така од неговата креативна душа и музичка работилница се изродиле стиховите и музиката, кои како што спомена Калиопи, кај неа, а и кај Жељко будат посебни емоции, зашто во нив има дел од нивните животни вистини. Откако заврши говорниот дел, видеоспотот за „Знам“ иако веќе виден, беше уште еднаш пуштен на големиот екран, по што следеше вториот дел од промоцијата во која на двајцата уметници им се придружи авторот Ромео Грил, кој за оваа, како и за белградската прилика беше специјално допатувал од Швајцарија каде што живее. Откако и тој ги евоцираше своите спомени и ги искажа зборовите на задоволство што 40 години соработува со уметник како што е Калиопи, а сега и со Самарџиќ, следуваше заеднуичко фотографирање и новинарските изјави за медиумите на двајцата изведувачи, секој одделно. Промоцијта генерално побуди голем интерес и беше одлично организирана, а бројните ТВ и радио екипи, новинарите од печатените медиуми и порталите со своето бројно присуство ја удостоија македонската поп дива Калиопи која беше добра домаќинка и какоми Жељко, остана долго да разговара со сите нив.

Пријатели или нешто повеќе? Прва заедничка фотографија на Тања Савиќ и Драшко Станивуковиќ

Христина Ѓоргиевска — Mon, 24 Jan 2022 10:14:32 +0000

Пејачката Тања Савиќ постојано е во центарот на вниманието поради нејзиниот љубовен живот. Имено, српските медиуми пишуваа дека Тања е во емотивна врска со градоначалникот на Бања Лука, Драшко Станивуковиќ. Иако, двајцата останаа таинствени кога станува збор за нивната врска, сега се појави нивна заедничка фотографија. Се појави фотографија на која Тања и Драшко седат еден покрај друг, но не се сами. Друштво им правеле пријатели и познаници со кои уживаа во вечерата. Фотографијата на Тања и Драшко од ресторанот ги зголеми приказните дека тие се заедно. фото: Весна Лалиќ/ нова.рс/ е -сток/ Часлав Вукојиќиќ/приватна архива

„Ураганките“ најавија дека годинава се мажат: Сите три со заедничка свадба и концерт во Арена во ист ден?

Антонио Димитриевски — Tue, 04 Jan 2022 10:22:17 +0000

Девојките од групата „Ураган“ Сања Вучиќ, Ксенија Кнежевиќ и Ивана Николиќ откриваат дека имаат голема желба да се омажат во 2022 година и сите три да направат заедничка свадба. „Ивана, Ксенија и јас сакаме да се венчаме во 2022 година. Во исто време ќе правиме и заедничка свадба. Тоа би бил спектакл. Замислете како би изгледале сите тие гости на едно место. Колку гости би имале, лесно би можеле да ги поканиме сите да дојдат во Арена и во исто време таму да направиме и свадба и концерт. Но, секој ќе мора да донесе подароци, особено пликови со пари“ - дала необичен свадбен предлог Сања Вучиќ. Дали ќе дојде до негова реализација и дали воопшто некоја од нив сепак ќе застане пред олтар... да почекаме. Годината тукушто започна!

Ненадејно почина познатиот српски композитор Александар Бањац: Балашевиќ и тој само пред неколку месеци заедно снимаа во студио, кога настана и оваа тажна фотографија… за жал последна за обајцата! (ФОТО)

Антонио Димитриевски — Wed, 28 Apr 2021 12:30:43 +0000

Уште една тажна вест одекна во медиумите низ регионот. Познатиот композитор Александар Бањац (45) ненадејно почина на 45-годишна возраст во неговото студио, каде што беше и пронајден. Соработуваше со многу домашни музички sвезди, а меѓу нив е и покојниот кантавтор Ѓорѓе Балашевиќ, кој почина на крајот на февруари 2021 година. Една фотографија на Александар Бањац привлече големо внимание, бидејќи таа е последниот заеднички спомен на двајцата музичари. Имено, Бањац кон крајот на декември минатата година сподели фотографија од своето студио со Ѓорѓе Балашевиќ, кој почина по 2 месеци, а потоа никој не ни помислуваше дека всушност таа фотографија наместо само работен, ќе биде и последен спомен и тажно сеќавање на двајцата врвни музички мајстори. Фото: Инстаграм принтскрин/aleksandar_banjac

Карлеуша во Истанбул славеше „Св. Валентин“ или „Св. Трифун“: За „Денот на вљубените“ зедно на вечера со Душко и пријателите, ама дали таа ноќ и во ист кревет со сопругот? (ФОТО)

Антонио Димитриевски — Tue, 16 Feb 2021 11:00:50 +0000

Наголемо се пишува за новата брачна криза на фолк пејачката Јелена Карлеуша и нејзиниот сопруг, фудбалерот Душко Тошиќ, кој од пред некое време е нов фудбалер на турскиот прволигаш „Касимпаша“ од Истанбул. Токму во Истанбул, Карлеуша го помина „Денот на вљубените“, каде реши за празникот да отпатува заедно со својот ПР менаџер Зоран Бирташевиќ и уште еден нивни пријател. Пејачката вечерта ја помина со својот сопруг, но не на интимна вечера, туку на заедничка со нејзините и уште некои негови пријатели, па објави и неколку фотографии од заедничката дружба за Свети Валентин. Вечер која очигледно повеќе личела, како што може да се види, на прослева на Свети Трифун, со чашите вино в раце. Некои од српските медиуми кои ја поддржуваат белградската „скандал мала“ напишаа дека со овој потег Карлеуша им ја затнала устата на озборувачите, хејтерите и злобниците... ...Додека други гласно го поставууваат прашањето: Карлеуша - да, на заедничка вечера со Душко и пријателите за „Денот на вљубените“, ама дали и во ист кревет таа ноќ со сопругот? https://arhiva.vistina.com.mk/radio-mileva/ljubovnicata-i-soprugata-se-menuvaat-vo-novoto-ljubovno-gnezdo-na-dushko-toshikj-vo-istanbul-ana-zaminala-karleusha-dojde-foto/ Да потсетиме, како што веќе објавивме, сопругата на Душко Тошиќ отпатува во Турција со својот ПР менаџер и неговиот пријател, а само неколку часа претходно неговата љубовница Ана Јовановиќ се врати во Белград. Сопругата на Душко мораше да оди на извидување по секоја цена за да се увери дека сопругот не ја лаже. Сепак, Ана и Душко се веќе добро уиграни и како одлично координиран тим се грижат за секој детал, па и љубовницата и сопругата никогаш да не се сретнат, пишуваше српски Курир.

Тијана прва и го честиташе роденденот на сестра и Тамара со заедничка желба (ФОТО)

Антонио Димитриевски — Mon, 01 Jun 2020 06:58:53 +0000

И малите деца знаат дека роденден е денот што го чекаме, цела година... До душа, најмногу кога сме деца, но и возрасните подеднакво му се радуваат на денот кога се родени, една година позрели, повозрасни, поискусни... А токму денес , 1-ви јуни е денот кога пред не е важно колку години, зашто на дамите не им се бројат годините е родена, нашата пејачка Тамара Тодевска. Откако пред неколку дена одново стана актуелна во јавноста (иако рака на срце, никогаш и не престанала да биде) со новата песна „Слобода“, Тамара денес одново има повод за славење. А кога се слави роденден, правилата се јасни: едната страна чести и прима честитки, а другите честитаат и подаруваат... Не е важно кој што: Од убави зборови и желби, преку ситни и покрупни подароци, до емоции. Кој што и колку има, а и колкаво и колку широко срце поседува. Фото: Инстаграм принтскрин/Мартин Трајановски И бидејќи „крвта не е вода“, кој прв побрза со роденденските честитки, ако не таа - нејзината сестра Тијана. Познато е дека сестрите не само што се крвно, туку и многу емотивно се поврзани, особено, откако Тамара влезе во брачните води и се реализираше како мајка, па оттогаш секогаш кога е тоа можно, физички се заедно, но и кога се разделени, се чини дека се во мислите неразделни. Затоа постарата побрза и јавно, преку социјалните мрежи прва да и го честита роденденот на својата помала дадичка. Подарокот можеби ќе стигне подоцна, и веројатно ќе биде единствен како и честитката, ама затоа желбата на Тијана уникатна и... заедничка: „Љубов моја прва, среќен нека ти е роденденот, да си здрава, среќна и насмеана цел живот, и пак да бидеме слаби како на оваа слика... Те сакаааааам“ - напишала Тијана во роденденската порака до Тамара, покрај заедничката фотографија, веројатно од пред неколку години, кога Тијана ја претставуваше Република Македонија на „Евровизија“, а Тамара беше придружен вокал на сестра и. Очигледно, посткарантинската „слобода“ покрај тоа што Тамара ја дочека со нова песна, сестрите од изолација по се' изгледа излегле и со по некој килограм повеќе. Како и да е, пораката - една, желбите - рој... Нека им се остварат и на обете, а роденденот...? Среќен нека е и од нас! Фото: Инстаграм принтскрин

Рада Манојловиќ со една фотографија стави крај на шпекулациите дека раскинала со Харис

Христина Ѓоргиевска — Mon, 10 Jun 2019 07:43:59 +0000

Во медиумите често се пишуваше дека Рада Манојловиќ и Харис Берковиќ раскинале. Тие многу ретко се појавуваат заедно во јавност, а веќе некое време не зборуваат еден за друг. Меѓутоа, сега Манојловиќ стави крај на шпекулациите и откри како стојат работите меѓу нив. Младата пејачка на својот „Инстаграм“ објави фотографија и му го честиташе роденденот. „Среќен роденден“ напиша Рада.