заедничка песна – Вистина.мк

Ако не може политиката, може музиката: Македонецот StarBoy и Бугаринот DushkovTwenty4 имаат „меѓународна вежба“ преку заедничка песна – „International Drill“ ( ВИДЕО)

Антонио Димитриевски — Thu, 27 Jul 2023 06:20:33 +0000

Македонскиот трап артист кој живее во париз, познат под уметничкото име StarBoy и неговиот колега од бугарската сцена која негува ваков жанр на музика DushkovTwenty4 имаат заедничка песна. Имено, ако не може политиката двајцата артисти решија да се здружат и да пробаат за да видат дали може музиката да ги „стопли односите“ и зближи двата народа?! Политичарите и историчарите тотално ја утнаа работата, ама затоа музичаритен по се' изгледа си ја знаат својата, па така за само неколку дена нивниот обид за „меѓународна музичка вежба“ преточена во темата во нивни стил насловена „International Drill“, успева не само да собере бројни прегледи, туку и да добие пофални критики. На тоа Стар Бој веднаш преку своите Инстаграм приказни се заблагодари и ги повика своите следбеници песната да одекне уште појако. За соработката со бугарскиот колега вели: „Со него се запознабвме сосема случајно, преку Интернет. Кога го извадив албумот „Infinity“ тој ме исконатктира, а јас во музабетот му кажав дека следно што подготвувам е албум со интернационални соработки. Идејата му се допадна и така за брзо време наоправивме заедничка песна“ - вели велешанецот од Париз - Ванчо, како што му е вистинското име на нашиот StarBoy. Инаку, темата е во неговиот препознатлив стил, а за истата музиката и битот се на Taip on the beat, стиховите заеднички ги напишале Star Boy & Dushkov Twenty4, миксот и мастерингот го потпишува Iso Miki Kukus, а зад комплетната реализација на видеото и фотографијата стои Mariyann Shrub (M.S.). Како звучи и изгледа заедничката интернационална музичка вежба на двајцата артиси од македонија и Бугарија, проследете во видеото во продолжение:

Пајак и Џехва имаат дует: Македонскиот трапер и познатата српска пејачка со заедничка песна и спот (ФОТО)

Антонио Димитриевски — Tue, 30 May 2023 05:58:13 +0000

Младиот и супер талентиран музичар од Охрид, 22-годишниот Христијан Настески- Пајак продолжува со музички изненадувања и го најавува дуетот со познатата српска пејачка Теодора Џехверовиќ. Теодора на нејзиниот профил на Instagram објави неколку секунди од снимањето на спотот, а во разговор со фановите напиша: Песната со Пајак е втора песна која ја слушав повеќе од 500 пати. Пејачката исто така најави и дека дуетот со Пајак ќе излезе набрзо. Двајцата престојуваат на Кипар каде што снимаат и спот за песната. – Нова песна ќе имам за многу брзо, а албумот почна полека да се подготвува. Се надевам дека до следната година ова време ќе излезе, напиша Теодора.

Заедно со Mc Stojan во февруари годинава го Пајак го објави хитот „Мала моја“, откако претходно го издаде синглот „Хабиби“, во дует со Антониа Гиговска. Заедно со Лара Иванова ја надминаа и фантастичнатабројка од над 16 милиони прегледи на одличната макфестовска дует песна „Bella“.

Младиот трап артист со музика започнал да се занимава уште од негова 6-годишна возраст, а талентот го наследил од неговиот татко кој е поранешен гитарист и љубител на рок музиката. Вели дека инспирација добива од други артисти, љубител е и на многу други стилови на музика, затоа што секоја музика си има своја тема, убавина и порака…

„Паркети“ и „Зоки – Агресор“ „испукаа“ заеднички „музички панк-рок рафал“ од нивниот ресор во – „Pornoboungiorno“ (ВИДЕО)

Антонио Димитриевски — Fri, 05 May 2023 06:20:20 +0000

По изчегувањето на нивниот последен албум со наслов „Treinta Putos Anos“ во 2021 година и последната песна со наслов: “Дојди да ме бакниш бејбе“ која ја промовираа во февруари годинава (2023), битолскиот панк - рок бенд „Паркети“ има нова песна. Овој пат „трансформираните“ битолски панкери решиле малку да им се вратат на корените, но овој пат преку своевидна заедничка соработка со еден „стар шизик“ од скопската панк-рок сцена - некогашниот лидер на групата „Рок Агресори“ , Зоран Трпков, попонат како „Зоки - агресор“. Нивната заедничка тема носи наслов „Pornoboungiorno“ (Добредојде порно), нешто и што може да се очекува познавајќи ја претходната работа на секој од нив одделно. Музички, во нивен стил, жесток панк-рок со кус риф кој вози и минималистички текст со стихови кои со малку зборови многу кажуваат. Енергично, тензично, кусо, ама бомбастично, конкретно и ефектно. Па, кој ја сфатил пораката - ја сфатил, што во една минута и дваесет и некоја секунда колку што трае песната ја испраќаат, кој не... мора да е навлечен. Музиката и текстот се на Саш0 - Паркет, гостин вокал е секако Зоки Трпков, а песната е снимена и миксана во „Fushrecords студио“, мастерирана од Огнен Оги Зафировски. Вокалот на Зоки Трпков е снимен во студиото на Александар Ристовски Пинц, а видеоото со кое е взиуелизирана музичката „Бонџорно порно“ приказна ја потпишал исто така Сашо Паркет. Бендот и нивниот гостин се обиделе и да го образложат видеото со зборови, појаснувајќи дека не случајно се избрани сите локации на кои тие се појавуваат во истото. „Археолошкиот музеј (северна е пречкртана) од кај што одиме кажува дека сме стари фосили... МКЦ и МРТВ се првите места каде што настапувавме и се афирмиравме, а ГТЦ и Камениот мост се местата каде што се врткавме во раните 90-ти пред и по свирка“ - раскажуваат „Паркети“, споделувајќи ги песната и видеото за „Pornoboungiorno“ кои можете да ги проследите во продолжение.

Ѓоко Јовиќ и Теодора – таткото и ќерката со заедничко авторство во песната – „Пламен на љубовта” (ВИДЕО)

Антонио Димитриевски — Mon, 25 Jul 2022 05:40:10 +0000

Миленикот на сите генерации, фолк пејачот Ѓоко Јовиќ остана доследен на своето, па така и овој пат во етер пушти ново парче музика со што донесе свежина и кај публиката во ова жешко лето. Она што е посебно за почит и што разбуди емоции кај многумина е тоа што текстот за „Пламен на љубовта” го напишала токму ќеркичката на Ѓоко, Теодора Јовиќ, на чиј текст музиката ја компонирал самиот Ѓоко, додека аранжманот, миксот и мастерингот го потпишува Иван Јованов, попознат како Iwayo. Спотот со кој е визуелизирана песната е изработен од „M16 - Sydney“ и “IN- Production“ сниман во Австралија, а кадри од Ѓоко се снимени во Македонија и со тоа е направен функционален видео спој на илјадници километри далечина, видео кое содржински ја следи приказната од стиховите во целост. Дека Теодора Јовиќ е талентирана и цврсто чекори по стапките на нејзиниот татко Ѓоко говори токму оваа песна. На Вас останува да ја слушнете, погледнете видеото и да уживате во нивната... „Пламен на љубовта“.

Сузана Турунџиева и Атиџе Муратова ја објавија својата прва заедничка песна – „Иста судбина“ (ВИДЕО)

Христина Ѓоргиевска — Wed, 24 Mar 2021 06:55:27 +0000

Македонската пејачка, водителка и писателка Сузана Турунџиева е добра пријателка со хероината од „Медена земја“, Атиџе Муратова. Нивното пријателство сега прерасна и во нивна заедничка соработка, oдносно снимија две песни „Добро раѓа добрина“ и „Иста судбина“. -Имавме идеја со Сузана да воскреснеме некои стари македонски и турски песни заедно со ансамблот Мерак Чалгии, кои се едни извонредно талентирани професионални музичари. Идејата да снимиме нови песни дојде на покана од нашиот најдобар текстописец Огнен Неделковски, поттикнат од нашето пријателство“, изјави Атиџе неодамна за „Женски магазин“. Турунџиева на својот Фејсбук ја објави песната „Исти судбини“ а во видеото се нижат фотографии од Атиџе и Сузана. Музиката и аранжаманот се на Роберто Кентаур Поп Димитров, а текстот е дело на Огнен Неделковски. Во продолжение слушнете ја „Иста судбина“. https://youtu.be/2wyHvWLN5x0

Новата заедничка песна на бугарската пејачка Гери Никол и нашиот Слаткаристика претрпе тотално фијаско: Бугарите ја прогласија за евтин турбо фолк! (ФОТО)

Антонио Димитриевски — Thu, 22 Oct 2020 10:53:32 +0000

Долго очекуваната заедничка нова песна на бугарската поп ѕвезда Гери-Никол и нашиот Слаткаристика не и го донесе очекуваниот успех на пејачката, дури и го навлече гневот на нејзините обожаватели, кои ја категоризираа како евтин турбо фолк, а бугарските медиуми ја окаректеризираа како тотално фијаско. Фановите дури и ја опишаа како имитатор на еден од најзапазените изведувачи во фолк жанрот - Емануела. „Гледај ме“ има изразен турбофолк звук, што е забележливо уште од почетокот на песната. Текстовите исто така потсетуваат на поп-фолк-хитовите на Анелија и Емилија, со кои беше споредена и Гери-Никол. „Моќен народњак, батка“, „Паметам колку потенцијал имаше до пред 5 години... А сега како да ја слушам Анелија“, „Очекував нешто многу повеќе! Текстот е типичен народњак , како да слушам нешто на Емануела“... - гласат само дел од коментарите на разочараните обожаватели, цитирани од веб-страницата show.bg. Што се однесува до видеото на Гери-Никол, таа долго време се потпира на она што го прават нејзините колешки од турбофолкот. Имено, голи гради и задник, провокативни кадри и оскудна облека - пишува бугарскиот портал „HotNews.bg“, карактеризирајќи го заедничката песна и видеото на Гери-Никол и Слаткаристика, (кого патем, не го ни споменуваат во написот), како целосно промашен проект!

Кортекс и Симеон Коруноски здружрени во – „Don’t You Know“ (ЛИРИК ВИДЕО)

Антонио Димитриевски — Fri, 08 Jun 2018 11:11:33 +0000

Битолскиот диџеј и продуцент Константин Марковски - Кортекс ги здружи силите со својот кичевски колега Симеон Коруноски за потенцијалниот хит насловен „Don’t You Know“, кој воедно е и прва, а се надеваме не и последна соработка за 17-годишните музичари.

Идејата, мелодијата и аранжманот на песната се дело на Кортекс, додека вокалот и текстот се на Симеон Коруноски, а проектот студиски е потпомогнат од македонскиот продуцент Дарко Димитров.

Со на моменти прогонувачката мелодија на Кортекс и трепеливиот вокал на Коруноски, кој одлично ја доловува емоцијата на стиховите, оваа соработка е вистински погодок за младите музичари.

Сето тоа спакувано во лирик видеото со текстуалната визуализација на Дарко Лековски и продукцијата „Дримкаст“ ве очекува во продолжение: https://www.youtube.com/watch?time_continue=2&v=wQXvZsLsaUA

Пеце-Супехикс и Валентино ДеВаско ќе ви објаснат што е – „Развиена Европа“ (АУДИО)

Антонио Димитриевски — Fri, 11 May 2018 10:37:46 +0000

Фронтменот на популарната „банда инструментале“ - Суперхикс, басистот и вокал Петар Младеновски и неговиот перуански колега Валентино ДеВаско имаат нов хит. Станува збор за темата насловена „Развиена Европа“, која тие ја опишуваат како „химна на годината“.

„Ајде да разговараме за Развиена Европа! Петар Младеновски (од Суперхикс) и јас сме горди што ја претставивме оваа химна на годината. Реалноста на македонската ситуација и животот во Перу не се толку различни, зошто е тоа?“, прашува Перуанецот?

„Суперхикс“ пак, кои минатата година ја заокружија со концерт во малата сала на ВИП арената „Борис Трајковски“, од денеска ја започнуваат својата мини-турнеја со настап во Љубљана, Словенија, а в сабота ќе настапат во чешката престолина Прага.

Групата е актуелна и со неодамна објавеното видео за соработката со Канџија и Токсара за темата „Шабан шаолин“ која е искористена е и во новиот филм на Владимир Блажевски, „Година на мајмунот“, со актерот Игор Ангелов во главната улога. Како звучи најновото од Валентино и Пеце - Суперхикс слушнете во продолжение:

„Академци“ и Наум Петрески имаат заедничка… „Маалска“ песна (ВИДЕО)

Антонио Димитриевски — Wed, 17 Jan 2018 12:32:50 +0000

Кога ќе се спојат мајстори во музиката како што се членовите на групата „Академци“ и македонската фолк легенда, единствениот Наум Петрески, тогаш публиката сигурно треба да очекува нешто навистина квалитетно и убаво за душа.

Имено, при крајот на минатата година, „Академци“ и Петрески, работеа на заедничката песна и видеоспотот за неа, која носи интересен наслов - „Маалска“.

Автор на музиката и стиховите е тапанарот на групата Даме Коларовски, а снимањето на спотот го реализираа Дејан Геогриев и неговата „Арт Продукција“ на неколку локации, меѓу кои хотел ресторанот „New Star“ и ресторанот „Кај Науме“. Интересно е тоа што како специјален гостин на гитара се појавува познатиот фанк-џез гитарист Димитар Кочев.

Вие можете низ фотографиите и видеото да видите како помина снимањето и како изгледеа финалната верзија на спотот и секако да ја преслушате „Маалска“ песна на „Академци“ и Наум Петрески во продолжение: https://www.youtube.com/watch?feature=youtu.be&v=wU-c-5fce5M&app=desktop

Јана Стојановска запеа со „Чалгии мерак“ во „Ка ми испаднала мома Катина“ (ВИДЕО)

Антонио Димитриевски — Mon, 15 Jan 2018 11:05:33 +0000

„Официјално Ви го претставуваме нашиот прв проект. Преработката на песната “Ка ми испаднала мома Катина ( Катерина) “ со актерката Јана Стојановска . Потеклото на песната е од воденскиот регион, Егејска Македонија. Се надеваме ќе Ви се допадне и ќе уживате. Инаку наша цел е негување на македонската чалгаџиска музика, која е заборавена во ова современо општество. Да не дозволиме да се искорени од историјата, бидејки е од голема важност за нас како нација.

Наскоро ке има и нови преработки на песни...“ - со ова обраќање до јавноста македонскиот чалгаџиски состав „Чалгии Мерак“ ја најавуваат својата дејност, како и својот прв видеопроект. Како главен вокал во песната и лик во видеото сае појавува македонската актерка Јана Стојановска, во моментов актуелна не само во Македонија туку и во регионот по улогата на македонската патриотка Јована во мегапопуларната серија „Сенки над Балканот“. Инаку составот на чалгијата го сочинуваат : Оливер Настовски - ут Иван Божиновски - виолина / кемане Филип Михајловски - канон Анастасиос Јоану - кларинет Шериф Мустафа - тарабука Песната е снимана и миксана од William Leroy , а видеото го снимал и режирал Dimitri Geukenne. Погледнете го и слушнете како звучат „Чалгии мерак“ и Јана Стојановска заедно во продолжение: https://www.youtube.com/watch?v=RqXo_5nCzxU