зачнување – Вистина.мк

Клучен период за зачнување бебе: Научниците открија кога треба да имате секс за да забремените

Слаѓана Атанасова — Wed, 21 Jun 2023 14:00:59 +0000

Едно ново истражување им понуди на паровите совети за тоа кога да имаат секс за да зачнат бебе. Паровите кои се обидуваат да добијат дете по природен пат треба почесто да имаат секс за време на овулацијата, велат научниците. Имено, едно ново истражување од болница во Шангај им понуди одлични совети на сите парови кои се обидуваат да зачнат. Врз основа на истражувањето, било откриено дека спермата три часа откако мажот ја достигнал кулминацијата е посилна од онаа во првиот круг. Во исто време сперматозоидите пливаат побрзо и има поголеми шанси за оплодување на јајце клетката поради огромниот број на протеини во спермата, пренесува „Daily Mail“. Употребата на сперма која настанала помалку од 180 минути откако мажот го доживеал последниот оргазам, ја зголемува стапката на успех на ин витро оплодување за една третина. Д-р Да Ли, кој ги водел истражувачките проекти, вели дека е погрешно мислењето дека на мажите им требаат помеѓу 24 и 36 часа за да ја надополнат својата сперма по ејакулацијата. „Пред неколку години, на мажите обично им се советувало да ја ограничат сексуалната активност за да ги зголемат шансите за бременост“, изјави таа за „Mirror“. „Сега е време за промена на мислењата. Нашите податоци покажуваат дека паровите со релативно нормални параметри треба да имаат чест секс во периодот на овулација. Извор: Попара.мк

Сакате бебе? Експертите откриваат кога е најдоброто време за зачнување

Христина Ѓоргиевска — Fri, 16 Jul 2021 12:30:30 +0000

Најдобриот дел од денот за зачнување е во утринските часови, велат научниците. Истражувањето спроведено на Универзитетската болница во Цирих покажа дека сексот пред 7:30 часот ги зголемува шансите за забременување. Тие објаснуваат дека ова е последица на внатрешниот часовник на ејакулатот. Утрото е подобро време за спермата, во споредба со ноќта. Над 7.000 мажи учествуваа во оваа студија во Универзитетската болница во Цирих. Тимот откри дека примероците собрани во текот на пролетта имаат посилна концентрација на сперма и е забележано намалување кај примероците собрани во текот на летото. Двојките кои се обидуваат да забременат треба да имаат секс наутро во текот на март, април и мај. Овие три месеци имаат највисоки резултати за зачнување. Според истражувачите и експертите, семето е во најздрава форма и големина во текот на пролетта. Истражувачите се надеваат дека оваа информација ќе им го олесни зачнувањето на паровите, особено ако досега се бореле со проблеми со зачнување, и се надеваат дека оваа студија ќе го зголеми успехот во третманот со вештачко оплодување Целата студија е објавена во научното списание Chronobiology International. извор: кајгана

Кои пози се најдобри за зачнување

Наташа Тасевска — Wed, 27 Jun 2018 21:25:27 +0000

Зачнувањето може да биде забавен процес, но многу парови чувствуваат напнатост и стрес во тие моменти. Најдоброто нешто што може еден пар да го направи кога сака да создаде семејство е да се релаксира и да ужива во времето поминато под чаршафите. И мажот и жената треба да бидат расположени за секс и да не ја прескокнуваат предиграта. Бакнувањето и еротските масажи ги стимулираат ерогените зони и предизвикуваат сексуална возбуда. Кога атмосферата е доволно жешка, практикувањето на следните пози може да придонесе за успешноста на процесот на правење на бебе:

Мисионерската поза. Родителите и експертите се согласуваат дека позата кога жената лежи, а мажот е над жената ја зголемува веројатноста за зачнување. Таа поза овозможува длабока пенетрација и поголема блискост и интимност помеѓу партнерите, па затоа и е најдобра.
Кучешката поза. Позите кои му овозможуваат на мажот длабока пенетрација одназад се одлични за зачнување. Без разлика дали жената е потпрена на рацете и нозете или пак е легната, со оваа поза спермата достигнува подлабоко. Оваа поза предизвикува и поинтензивен оргазам кај мажите.
Легнати настрана. Двајцата легнуваат настрана во иста насока, при што мажот е одназад. Оваа поза, освен длабоката пенетрација, им овозможува на партнерите да бидат релаксирани и со тоа да го потпомогнат зачнувањето.