забрана – Вистина.мк

Земји каде што Нова година и Божиќ се забранети и условно ограничени

Слободанка Илиева — Thu, 04 Jan 2024 13:20:31 +0000

Овие празници во некои земји се забранети или условно ограничени – поради разни причини и правила. За голем дел од светот, деновите околу Нова година и Божиќ се најочекуваното, најраскошното, најубавото време во годината. Но, овие празници во некои земји се забранети или условно ограничени – поради разни причини и правила. Следат пет држави каде што новогодишната еуфорија не е така добродојдена. Саудиска Арабија Забраната на божиќните и новогодишните забави во оваа претежно муслиманска земја на Блискиот Исток, важеше до пред извесно време, под изговор дека жителите и туристите мора да го следат лунарниот, а не Грегоријанскиот календар. Но, престолонаследникот Мохамед бин Салман олабави некои од тие строги религиозни правила… Иако прославата на западните празници Ден на вљубените и Ноќ на вештерките, сè уште е забранета. Пазарите во земјата денес го содржат секој предмет поврзан со Дедо Мраз што може да се замисли – новогодишни елки, украси, лажен снег, па дури и црвената капа на „дебелкото со бела брада“ со бело топче на врвот. Таџикистан Оваа држава во Средна Азија, од друга страна, изминатово десетлетие постепено ги заостри ограничувањата во врска со Нова година. Работите тргнале во таа насока 2013 година откога на Дедо Мраз „му е забрането“ да се појавува на телевизија, па следеа и неупотребата на огномет, и на прописите за вообичаените празнични оброци и подароци… Во училиштата и универзитетите, на пр., не е дозволено поставување елка – „било таа да е жива или вештачка“, се вели во Уредбата на Министерството за образование. И прославите на Ноќта на вештерките се забранети во Таџикистан. А пак, погребите и свадбите, исто така, се предмет на строги правила и прописи. Кина И најголемата нехристијанска држава во светот е „растргната“ меѓу тоа – да се заштитат изворните традиции, обичаи и култура – и усвојувањето на западните влијанија. Властите ги следат новогодишните собири. Комунистичката партија на Кина, на пр., им забранува на своите членови, владините агенции, па дури и на универзитетите да учествуваат во какви било прослави, додека на социјалните мрежи со слогани се охрабруваат луѓето да го бојкотираат Божиќ. – Политиката на Владата е суштински да се погрижи Црквата да ги стави партијата и државата над религијата, изјави Шинг Ханг, вонреден професор на Универзитетот Брандејс. Во одредени области, сè уште е недозволено да се прославува. Таков е градот Венжу, каде што на сите училишта и јавни центри им е забрането да учествуваат во божиќни и новогодишни активности. Брунеј Во 2014 година, Хасанал Болкијах – султанот на оваа мала далекуисточна исламска апсолутна монархија, соопшти дека празничните новогодишни прослави се забранети затоа што „има стравувања дека тие веселби би можеле да го одведат муслиманското население на погрешен пат“ во таа држава богата со нафта. Луѓето – жители на Брунеј од другите верски заедници сè уште можат да прославуваат, но само ако тоа го чинат зад затворени врати и во целосна приватност, но и со дозвола од властите. Ако се случи забава на Божик без соодветно известување на надлежните, казната е над 18.000 фунти, затвор од пет години, или и двете. Северна Кореја Државата на Ким Јонг-ун им дозволува на жителите да го почитуваат само семејството лидерот, владејачката партија и нејзините водачи, а не Исус Христос или Дедо Мраз. Божиќ не се слави во Северна Кореја откако династијата Ким почна да ги затегнува и сузбива верските слободи во 1948 година, па секој што ќе биде прогласен за виновен за славење „туѓи“ верски или световни празници, се сооочува со затвор, па и построги казни. Во 2016 година, Ким Јонг-ун целосно ги забрани прославите на Божиќ и им порача на своите поданици да го слават 24 декември, но како датум на раѓање на неговата баба, која Севернокорејците треба да ја чествуваат на тој ден. Според Националната разузнавачка служба на Јужна Кореја, во Северна Кореја се забранети сите собири кои вклучуваат пиење, пеење и друга забава. Некои луѓе сè уште тајно слават одредени денови, но под постојана присутна закана и страв. извор:курир.мк фото:Feepik

Миа Костова обожава пушење: Најпознатата македонска инфлуенсерка не може без цигара, па прва јавно почна да се бунтува против најавената забрана (ФОТО)

Антонио Димитриевски — Tue, 26 Dec 2023 09:09:30 +0000

Пушење... Уживање во тутунот и неговите дривати, навика, порок, зависност... Кој како сака си го толкува, ама секој втор го практикува. „Пуши, пуши, пуши ме, гајле си немаме, пуши цела нација со гаранција...“ - како што велат и стиховите од еден од најголемите македонски хитови на сите времиња, песната „пушење“ на Роберт Саздов и Владо Јаневски, во почетокот на 90-ите познати како ултрапопуларно дуо „Ластовица“! А кога сме веќе кај познатите и пушењето, речиси да нема позната личност, особено оние од естрадата, музиката, медиумите, модата... која не пуши... Или барем еднаш не запалила некој тутун. Таквите се „природна реткост“ и кај нас! Порано чуреше кој кај ќе стигне, па пушењето со закон го забранија во угостителските локали, кафеани, ресторани, хотели, кафулиња, ноќни клубови... За подоцна да ја „избришат“ забраната, која остана да важи само таму кај што се јаде. Ама и покрај се', пушеа сите и речиси секаде... И кај што може и кај што не може! Сега власта решила да заведе одново ред... И тоа со закана дека „ќе тренира строгост“ и то на најсилно... Дали „заканите“ ќе се остварат или одново ќе биде „секое чудо за три дена“ па власта ќе се смени пред да успее било што да стори, ќе видиме набргу. Арно ама „стравот лозје чува“, како што вели старата народна поговорка, па уште отсега некои „страсни пушачи“ почнаа да си спремаат терен... меѓу познатите фаци, Миа Костова е секако нејгласна и секогаш со отворен гард ги сочекува нештата. Русокосата екс водителка и сега можеби највлијателна инфлуенсерка уште отсега фаќа тактика. Социјалните мрежи и се најсилното оружје, па позната како дама „без влакна на јазикот“, веднаш почна да се бунтува против ризикот од евентуалните мерки и забрани што ги чекаат пушачите. А, Миа очигледно обожава да пуши. Оддамна, уште од девојче... До душа во последно време тутунот го заменила со т.н. електронска цигара, ама сеедно, нешто да се има в уста... Нешто што ти го прави ќеифот, некое задоволство... што чури! Та биле електронски цигара, со класичен тутун или пури! Зашто најпознатата македонска инфлуенсерка не може без цигара... Особено не кога оди некаде на забава, на дневен или ноќен провод, кога излегува во разни локали и клубови, каде власта се закани дека одново нема да се пуши, а казните за сите „непослушни“ ќе бидат ригорозни! Затоа, за да не и биде скратено тоа неодоливо задоволство, македонската инфлуенсерка гласно се побуни против оваа најавена мерка. „Стварно не знам што се напнаа пушачиве, па еве просто, ја не излагам кај што не се пуши. Се извинувам културно и не доаѓам затоа што, нит ми се пие пијачка нит ми е забавно да излагам надвор. Инаку се пуши и во Србија и во Грчка и во Дубаи… Нормално, не по молови и маркети… Е сега, ако сакате да мирисате на неонатологија излагајте у чекална у Систина. У друштво стално има пушач. Најчесто тој решава кај ќе се иде и ако може да се пуши у коцкарница, стварно не знам зашто они што губат се понервозни од мене што не можам да запалам цигара со винце. Да си се пуши, на кој му смета нека излага по хотели“ - споделила Миа на својот Фејсбук профил, како превентивен бунтовнички пост против „противниците“ на пушењето. Се' со надеж дека ќе биде разбрана и сфатена колку многу го обожава ова задоволство. Просто “ужива до уши“ кога пуши! Фото: Инстаграм и Фејсбук/miandrija/Миа Костова

Кортни Кардашијан ги изненади сите со новата одлука: Ријалити ѕвездата му забрани на семејството да го гледа детето, а ова е причината (фото)

Слаѓана Атанасова — Tue, 14 Nov 2023 08:00:44 +0000

Старлетата Кортни Кардашијан и тапанарот на Блинк 182, Тревис Баркер неодамна го добија своето прво заедничко дете. Корни роди син, а иако среќните родители се уште не го објавиле името на момчето, странските медиуми пренесуваат дека на малиот му дале име Роки 13. Покрај необичното име, Тревис и Кортни ги изненадија сите со едно правило што го имаат кога е во прашање нивното бебе. Имено, како што пишува „Ју-Ес Сан“, двајцата нема да дозволат луѓето да доаѓаат кога и да посакаат да го запознаат синот, туку тие ќе испраќаат покани. „Кортни и Тревис им кажаа на сите дека ќе земат слободно време само за себе и за своето мало семејство, но и за таа да се одмори“. Потоа ќе испратат покани до поширокото семејство, кое ќе може да го запознае нивниот наследник, но еден по еден“, изјавил изворот за споменатиот медиум. Се надеваме дека Кардашијан ја донела оваа одлука за да го „заштити здравјето на нејзиниот син“. Фото: Принтскрин/Профимедиа

„Никогаш повеќе“: Саша Поповиќ на оваа пејачка засекогаш и ја затвори вратата на „Гранд“ (фото)

Слаѓана Атанасова — Tue, 24 Oct 2023 07:49:38 +0000

Абида Милкуниќ за време на емисијата доброволно се откажа од натпреварувањето во „Ѕвездите на Гранда“, за што неодамна јавноста ја извести видно шокираниот Саша Поповиќ. Абида доби 4 гласа и пофалби од жирито во натпреварувањето и заврши во баражот. Но, кога требаше да настапи во бараж делот, таа самоиницијативно реши да го напушти шоуто, што го затече и Поповиќ. - Имаме еден случај што не ми се случило досега во „Ѕвездите на Гранд“, а тоа е дека еден од натпреварувачите си замина. Таа го напушти натпреварот, си замина и не објасни зошто и како. Тоа е Абида Милкуниќ, затоа никогаш повеќе нема да може да се натпреварува во „Ѕвездите на Гранд“- изјавил Поповиќ. Абида Милкуниќ сега истакнува дека баражот и „паднал тешко“. - Не можам да кажам дека не е, но во ред - изјавила Абида за „Гранд“, додека на прашањето дали очекувањата се преголеми, па затоа и разочарувањето било поголемо, таа одговорила: - Искрено, имав една проба со Вики и се беше супер, но кога дојдов овде се прекинав. Имав трема од сцената, невозможно е без неа. Се обидов да победам, но гласовите кажаа се. Фото: Принтскрин/ТВ Пинк

Десет имиња кои се забранети во светот, вака не може да го крстите детето

Слаѓана Атанасова — Fri, 21 Jul 2023 12:45:10 +0000

Моментот кога парот ќе дознае дека ќе станат родители е исполнет со емоции. Но, изборот на име може да биде покомплициран отколку што мислите бидејќи постојат одредени законски ограничувања. Ако случајно живеете во САД, ќе имате апсолутна слобода во изборот на име. Секако, можеби нема да сакате вашето дете да има тотално „лудо“ име, но тоа е во рамките на вашите права. На пример, во Њу Џерси родителите можат да дадат какво име сакаат, доколку тоа не е непристојно и не содржи бројки или симболи, пишува порталот „Travel and Leisure“. И додека во САД ги имате овие слободи, од друга страна, во другите делови на светот ситуацијата е поограничена. Еве 10 интересни имиња за деца кои се забранети во некои земји. Нутела е забранета во Франција Со извинување до сите љубители на чоколадото, името Нутела е забрането во Франција. Во 2015 година, францускиот суд им забрани на родителите да ја именуваат својата ќерка по овој познат бренд. Нејзиното име сега е Ела. Има само една ИКЕА во Шведска Можеби сте голем обожавател на производите на Икеа, но тоа не ви дава право така да го именувате детето. Акума не е преферирано име во Јапонија Акума на јапонски значи „ѓавол“. Иако не е целосно забранет, властите ги охрабруваат родителите на своите деца да им дадат посоодветни имиња. Заборавете на Луцифер во Нов Зеланд За разлика од Јапонија каде името што значи „ѓавол“ не е строго забрането, тоа е непожелно, во Нов Зеланд името Луцифер, како и голем број други потенцијално навредливи имиња, е апсолутно забрането. Во Мексико не може да ве викаат Робокап или Фејсбук Мексико ги забрани имињата Robocap и Facebook со изговор дека поттикнуваат насилство. Во Португалија не се дозволени скратени имиња и прекари Во оваа состојба, може да се викате Томас, на пример, но не и Том или Тома. Скратените форми на имиња, како официјалните полни имиња, не се дозволени. Јаболка, но нема ниту дуња, цреши и јагоди во Малезија Малезија има прилично строги правила за имиња. Интересно е што властите на оваа земја во 2006 година „избркаа“ бројни прекари и имиња со значење на овошје или зеленчук. Во Италија, Венерди (петок) може да биде само ден во неделата Кога еден маж се обидел да ја именува својата ќерка Венерда, што на италијански значи петок, му било кажано дека не може. Официјалните лица сметаа дека името спаѓа во категоријата „смешни или срамни“ имиња. Гучи, Мерцедес и Шанел „не постојат“ во Швајцарија А Швајцарија има некои строги правила за именување. Така, не можете да именувате дете по веќе постоечки бренд. Линда е апсолутно забранета во Саудиска Арабија Во 2015 година, владата на Саудиска Арабија забрани голем број имиња кои ги сметаа за навредливи, вклучувајќи го и името Линда. Во Македонија личното име на детето го определуваат родителите спогодбено. Во случаите кога родителите не се спогодат во определувањето на личното име на детето или се непознати, личното име на детето го определува надлежниот орган за старателство, односно старателот со согласност од надлежниот орган за старателство. Извор: Курир

Кејт Мидлтон не сакаше да го прекрши протоколот: Децата и побараа автограм, но таа ги одби (фото)

Слаѓана Атанасова — Fri, 26 May 2023 09:47:49 +0000

Познато е дека принцезата од Велс обожава деца, па овој нејзин чин изненади многумина Принцезата Кејт Мидлтон ги изненади луѓето кога одби да даде автограми на собир во Лондон. Имено, Кејт Мидлтон неодамна присуствуваше на Цветниот саем на Челзи во Лондон, каде имаше пикник со присутните деца. Љубопитните деца побарале автограм, но таа морала да ги одбие нивните желби. Принцезата од Велс е позната по својата пристојност, па овој потег изненади многумина. Сепак, членовите на кралското семејство не смеат да потпишуваат автограми за да се спречи ризикот од фалсификат.

View this post on Instagram

A post shared by Simon Perry (@sperrypeoplemag)

-Моето име е Кетрин. Не смеам да се потпишам, тоа е само едно од тие правила. Не можам да си го напишам името, но можам да цртам, им објаснила на децата кога од неа побарале автограм. Иако на кралското семејство не му е дозволено да потпишува автограми, кралот Чарлс еднаш го прекрши протоколот во 2010 година, кога потпиша за жртва од поплавите, пишувајќи „Чарлс 2010“. Фото: Принтскрин/Инстаграм/Профимедиа

Овие правила Кејт Мидлтон мора да ги почитува: Не смее јавно да го прегрне Вилијам, а оваа риба и е забранета до крајот на животот (фото)

Слаѓана Атанасова — Thu, 27 Apr 2023 10:08:03 +0000

Војвотката од Кембриџ Кејт Мидлтон мора да ги следи правилата кои покажуваат дека нејзиниот живот не е секогаш гламурозен, а откако се омажи за принцот Вилијам мораше да се прилагоди на начинот на живот и правилата за живеење во дворот на кралицата Елизабета Втора. Тие правила ги поставила покојната кралица, а некои од нив никогаш не се промениле, како на пример она дека нема право да заработува за леб или да го прегрнува својот сопруг јавно, пренесува Bleacher Breaker. Принцезата никогаш не смее да дава автограми, односно може да потпишува само официјални документи кои претходно биле одобрени од кралицата, а причината за ова правило лежи во стравот дека некој би можел да фалсификува документи на име на член на кралското семејство. . Кејт не смее ниту да профитира од која било работа, па може само да ги објавува своите фотографии, а не да ги продава. Едно од правилата се однесува на бојата на лакот, кој мора да биде природен или бледо розев. А и е забрането и да јаде школки или остриги, правило воведено поради здравствените проблеми што ги претставува оваа храна доколку не се чува правилно. Кога била млада, Кејт носела посмела облека, додека денес носи претежно елегантна облека која не покажува многу делови од телото, а кога се боите во прашање, црната може да се носи само за време на жалост и повремено за ноќни настани. Едно од најнеобичните правила е забраната за играње на друштвената игра Монопол бидејќи, сметаат тие, може да предизвика раздор во семејството. Фото: Принтскрин/Профимедиа

Дарко Лазиќ продолжува да „дивее“ со автомобилот: Пејачот повторно возел без возачка дозвола?! (фото)

Слаѓана Атанасова — Tue, 28 Feb 2023 11:38:49 +0000

На пејачот Дарко Лазиќ во 2013 година трајно му беше одземена возачката дозвола, но тој одвреме-навреме беше зад воланот без разлика на тоа. Сега неговата избраничка на социјалната мрежа „Инстаграм“ сподели видео од Дарко како повторно вози автомобил. Бидејќи фолкерот неколку пати имал проблеми со законот поради прекршоци зад воланот, овојпат направил и уште еден прекршок. На видеото се гледа дека Лазиќ вози на пат за Прага, па постои можност возачкиот испит да го положил во друга земја, поточно во Германија, за која претходно зборуваше. Тој во 2018 година имаше сообраќајна несреќа, каде возел во алкохолизирана состојба па, едвај излегол жив, а потоа нагласил дека никогаш повеќе нема да седне зад воланот. - Имам доживотна забрана за возење, но можам повторно да полагам во Германија. Среќа што не ми ја одзедоа дозволата за мотор и за трактор. Го имам тракторот на дедо ми и го возам кога работам на нива. Возам мотори од мојата дванаесета годин. Кога сум лут и нервозен, седнувам да возам до Нови Сад или Златибор. Така заборавам на сите проблеми и се враќам дома полн со позитивна енергија – изјави Лазиќ. Да потсетиме, Дакро Лазиќ во 2013 година возел автомобил со истечена регистрација, а потоа две години подоцна бил фатен како на пат се забрзува за 80 километри на час повеќе од пропишаната брзина во тој дел од главниот град. Потоа, истата година, повторно неколку пати бил фатен без дозвола и под забрана за возење. Исто така, во 2016 година во градот Умчари возел 20-40 километри на час побрзо отколку што е пропишано во тој дел од патот. Истиот ден му е поднесена кривична пријава и за возење без соодветна возачка дозвола. Лазиќ е казнет и неколку пати поради невнимателно паркирање, а уште неколку пати поради возење без возачка дозвола. Фото: Принтскрин/Инстаграм?Дарко Лазиќ/З. Илиќ/А. Димитријевиќ

Северина направила голем скандал во Хрватска: „ Не е исклучено да добие забрана на националната телевизија“ (фото)

Слаѓана Атанасова — Thu, 01 Dec 2022 08:13:07 +0000

Пејачката Северина Вучковиќ направила проблеми на хрватската телевизија бидејќи на снимањето на новогодишната програма постојано го менувала датумот на пристигнувањето, а кога ги преместија сите други пејачки за да ја сместат, таа на крајот не се појавила. Како што пишуваат тамошните медиуми, Вучковиќ најпрвин ги молела организаторите да го поместат времето за нејзиното закажување, а иако дошле да ја пречекаат, таа не одговарала на повиците и пораките непосредно пред нејзиното пристигнување, а тие набрзо на нејзиниот Инстаграм виделе дека заминала на одмор. - Северина пред еден месец имаше договор со организаторите да дојде во одредено време, па три дена пред снимањето објави дека не може да пристигне во договореното време. Таа побарала се да се пресели за средината на декември, а потоа и објасниле дека е доцна бидејќи материјалот од снимањето на новогодишната програма е монтиран многу порано. На крајот успеале да и го поместат датумот на снимање. Било договорено да помине покрај другите пејачи, а кога и се јавиле да го потврдат времето на пристигнување, таа не се јавила на телефонот - откри на почетокот упатениот извор. Северина не ни навести дека оди на патување, па сите останаа шокирани кога видоа дека таа воопшто не е во Хрватска. -Таа не го спомна одморот и патувањето во Израел. Северина редовно објавуваше фотографии на Инстаграм, се снимаше цел ден, но не одговараше на никого од телевизискиот тим. И праќале пораки, и се јавиле преку Вацап да проверат дали терминот останал, но таа не одговорила. На крајот само се огласи кога се враќаше во Хрватска, но не потврди дали ќе дојде во договореното време на снимање, па челниците дефинитивно побараа замена, со наредба се да се монтира без неа - вели. изворот и додава: - Не е исклучено Северина да добие забрана за наведената телевизија. Таму се лути затоа што ги влечеше, а како што велат, не и е прв пат да се однесува неодговорно. Фото:Принтскрин/Инстаграм/Северина

Марко Булат ја повлече тужбата против жена му: Забраната за ограничување важи, но еве како функционираат (фото)

Слаѓана Атанасова — Tue, 08 Nov 2022 11:37:02 +0000

Марија Булат пред неколку недели го претепа нејзиниот сопруг, пејачот Марко Булат, кој поради повредите заврши во Ургентен центар. Фолкерот ја обвини жената за насилство, а сега во јавноста се шпекулира дека по целиот хаос дошло до помирување. Марија Булат, која не сакала да дефинира дали се смирила со Булат, но во исто време посочила дека телефонски контактираат бидејќи забраната за задржување се уште е на сила. - За Марко не можам да кажам ништо, затоа што забраната законтакт е се уште во сила. Веднаш по расправијата ја повлекол пријавата, но по службена должност забраната за задржување сепак мора да важи. Не знам кога ќе истече. Децата се со мене. Ги носам во градинка, а Марко ги зема од градинка и потоа децата одат кај него. Засега со Марко комуницираме само телефонски и само поради децата, затоа што е важно да бидеме во контакт, барем заради нив. Не треба да кажам ништо повеќе, кога ќе дојде време за се ќе објаснам - посочила Марија Булат. Да потсетиме, Марко тврдеше дека подолго време трпел психичко насилство и дека и претходно имало физички контакти меѓу нив од тој тип. Овој пат настанала расправија, бидејќи Марко ја нарекол „наркоманка“, откако во станот пронашол „некои шприцеви“ кои ги однел на ДНК анализа и било утврдено наводно присуство на психоактивни супстанци. Марија негирала кога тој и кажал и во лутина му удрила неколку шлаканици, почнала да го клоца и гребе. Марко Булат е во јавноста уште од деведесеттите, кога ја започна својата музичка кариера. Тој бил познат како „крал на сплавовите“. Пејачот е седум години во брак со Марија, која своевремено учествуваше во реалното шоу „Задруга“. Фото:Принтскрин/Инстаграм/Милан Илиќ