заблуди – Вистина.мк

Кинење на облеката, акција на маса: Заблуди за тоа како треба да изгледа еден однос, за сѐ се виновни филмовите

Слаѓана Атанасова — Thu, 06 Apr 2023 11:08:13 +0000

Некои велат дека никогаш не треба да го заборавиме детето во нас и дека треба да останеме вечно млади во духот, без разлика на возраста. Но, кога станува збор за сексот во филмовите, тоа е сосема друга приказна. Секс сцените се практично совршени и во најмалите детали, а најчесто не ја покажуваат вистинската слика за тоа каков е навистина сексот во реалниот живот. Овие 9 работи се најчестите заблуди за сексот, постојано ги гледаме во филмовите и веќе ни се „смачени“: - Никој не е несигурен, никој не се сопнува или паѓа, никој не е несмасен. - Сите доживуваат оргазам неверојатно брзо (особено жените). - Никој не се тушира после секс. - Она што следи никогаш не се дискутира претходно, ниту јасно се дава согласност. - Со само еден потег се „чисти“ целата маса, што очигледно е многу подобро место за секс од нормалниот кревет. - Речиси никој не користи кондом. -Луѓето постојано ја кинат облеката. - Во повеќето случаи се прикажува само мисионерската поза. - Сексот под туш изгледа неверојатно лесно. Извор: Попара.мк

Заблуди кои ви го уништуваат сексуалниот живот

Слаѓана Атанасова — Tue, 04 Apr 2023 09:55:07 +0000

Трејси Кокс, британска авторка и колумнистка специјализирана за книги за запознавање, секс и врски, откри вообичаени заблуди за сексот, кои едноставно не се точни. Меѓу другото, мажите не размислуваат за секс скоро онолку колку што се верува… Има многу заблуди за сексот што мора да се разбијат, па затоа е тешко да се изберат само неколку.

Мажите не можат да доживеат оргазам без ејакулација

Од сите сексуални факти, ова е она што најмногу ги изненадува луѓето. Претпоставуваме дека оргазмот и ејакулацијата се едно исто, но тие всушност се посебни процеси. Ејакулацијата се јавува во простатата и уринарниот тракт, бидејќи мускулните контракции ја присилуваат спермата од телото. Оргазмот се јавува во мозокот. Во скенирањето на мозокот кај мажите, оргазмот е како епилептичен напад: електрична бура што го преплавува мозокот. Започнува од „точка од која нема враќање“, и по една до три секунди започнува ејакулацијата. Апсолутно може да се случи едното без другото, иако оргазмот се чини дека е пријатниот дел. (Мажите кои доживуваат ејакулација без оргазам пријавиле ниско ниво на задоволство) Добро позната студија (Хартман и Фитијан), која опфати 10.000 часа снимање на луѓе како мастурбираат и имаат сексуални односи додека се поврзани со лабораториски уреди, откри дека 12 проценти од мажите можеле да доживеат оргазам без ејакулација или губење на ерекцијата.

На партнерот му припаѓа задачата ве возбуди

Многу луѓе се виновни што веруваат дека е на нивниот партнер да ги расположи за секс. Погрешно. Сите сме одговорни за сопствената возбуда и започнувањето на сексот „топло“, а не „ладно“. Тоа е топло препорачано и сексуално возбудливо и задоволувачко. Допирање, секс-играчка, фантазирање, гледање или читање еротика - пред да започнете да имате секс со вашиот партнер, сето ова има врска со вас, а не со другиот. Ова е особено точно за жените. Жenените кои добро го познаваат своето тело и знаат како да се возбудат имаат позадоволителен сексуален живот од оние кои не го прават тоа.

Мажите помислуваат на секс на секои седум секунди

Никогаш немало никакво истражување за да се потврди овој факт. Тоа е 500 пати на час и повеќе од 8.000 пати во текот на 16 часа (толку будни се повеќето мажи)! Многумина го припишуваат овој „факт“ на озлогласениот научник за секс Алфред Кинси, но неговото вистинско истражување откри дека 54 проценти од мажите рекле дека размислуваат за секс неколку пати на ден, 43 проценти неколку пати неделно или еден месец и четири проценти помалку од еднаш еден месец. Не точно на секои седум секунди, нели? Неодамнешното истражување на Државниот универзитет во Охајо побарало од студентите да ги следат нивните размислувања за секс, храна и спиење користејќи рачен бројач. Резултати: Просечниот маж изброил 19 секси мисли на ден (околу една мисла на час и половина), а просечната жена имала 10 секси мисли на ден (имајте во предвид дека се работи за многу млади возрасни).

Колку повеќе партнери има една жена, толку е поголема нејзината вагина

Хм, не би рекле. Вагиналниот канал е мускул и иако се протега да прима големи предмети - како бебе - не останува таков. Имањето многу партнери, љубовници со голем пенис или користење на големи продорни сексуални играчки нема да влијаат на тоа колку е тесна или „широка“ вагината на жената. Какво чувство при пенетрација ќе има партнерот зависи од генетиката, компатибилноста со партнерот и обликот на мускулите на карлицата. Матката е неверојатно еластична, а формата и големината немаат никаква врска со сексуалната историја на жената.

Пенисот не може да се скрши

Фрактура на пенисот е можна и се случува. Обично се случува кога двојката ја менува положбата додека пенисот е сè уште исправен и внатре, наместо прво да биде изваден, а потоа пренесен во друга позиција. Тоа е многу болно за мажот, но не е трагедија.

Сексуалната фантазија е тајна желба да се испроба нешто

Помалку од една третина од учесниците во истражувањето спроведено од д-р Џастин Лемилер, признаа дека ја реализирале својата најпосакувана фантазија. Лемилер интервјуираше повеќе од 4.000 луѓе за досега најголемата и најсеопфатната студија за сексуалните фантазии. Групниот секс беше најчестата тема - 89 проценти пријавија дека фантазираат за секс во тројка - но други истражувања покажуваат дека само 30 проценти од луѓето навистина го имале. Само три проценти од луѓето воопшто немаат сексуални фантазии, вели Лемилер. Трејси вели дека не е точно дека мажите и жените имаат различни сексуални фантазии во нивните животи. Извор: Кајгана.мк

Најчестите заблуди за врските што „живеат“ во 21-от век

Слободанка Илиева — Tue, 25 May 2021 13:00:28 +0000

Ако вашиот партнер одлучи да работи на себе, да се обиде да промени некои навики затоа што тоа ви пречи, тоа е негов избор, а не ваш … Ова се најчестите заблуди за врските што „живеат“ во 21 век … Спротивностите се привлекуваат Студија на холандскиот универзитет во Гронинген покажа дека изреката „спротивностите се привлекуваат“ не важи кога станува збор за љубовните врски. Има многу малку долгорочни врски во кои луѓето имаат сосема различни карактери. За долга врска, потребно е да имате слични погледи на светот, а спротивностите можат да се издржат само на краток рок, доколку се силни. Некои помали разлики, партнерите обично ги гледаат како симпатични страни на саканата личност, што тие лесно можат да ги игнорираат, се вели во истражувањето. Можете да го промените партнерот Една од најчестите грешки во врската е мислата дека можеме да промениме некого. Секој обид може да доведе до раскинување на врската, а промената е можна само доколку партнерот го посака тоа. Ако одлучи да работи на себе, да се обиде да промени некои навики затоа што тоа ви пречи, тоа е негов избор, а не ваш. Пред бракот треба да се проба заедничкиот живот Денес, повеќе од 80 проценти од паровите живеат заедно пред брак, покажа едно американско истражување. Но, експертите велат дека заедничкиот живот го зголемува ризикот од раскинување. Скоро петтина од паровите кои живееле заедно ја раскинале врската, а само 12 проценти од оние кои не живееле заедно побарале адвокат за развод. Сепак, дали ќе се случи развод зависи и од карактерот на партнерите и нивните убедувања. Партнерите кои не живеат заедно пред брак почесто ја сфаќаат брачната заедница посериозно, а поретко бараат развод, велат психолозите. Мажите се плашат од успешни жени Иако успешните жени на мажите им изгледаат застрашувачки, сепак им се допаѓаат интелигентни жени кои имаат самодоверба. На нив гледаат на еднаков партнер кој ќе им помогне што полесно да се справат со проблемите. Покрај тоа, моќта е секако добар афродизијак, кој мажот ќе знае да го искористи. извор:попара.мк

Заблуди: Вака се лажат жените кога ќе станат љубовници

Слободанка Илиева — Thu, 01 Apr 2021 12:40:40 +0000

Еве ги сите лаги кои жените си ги кажуваат себеси кога ќе се заљубат во зафатен или оженет маж. 1. Неговата сопруга / девојка не знае така да нема да биде повредена Ако се обидете да ги погледнете работите објективно, ќе сфатите дека тоа не е точно. Само затоа што не знае не значи дека не чувствува дека нешто не е во ред и не значи дека нема да дознае. А, кога ќе дознае, тоа целосно ќе ја уништи. 2. Тоа е само физичка привлечност Повеќето луѓе кои се впуштаат во афера се убедуваат дека сето тоа е само физичка привлечност. Тие мислат дека ќе можат да одржуваат алтернативна врска и дека едноставно ќе можат да ја прекинат кога ќе посакаат. За жал, светот не функционира на тој начин. И колку и секој да си ветува себеси дека сето тоа е само физичко, обично не е. Бидејќи, по толку време што го поминуваат заедно, речиси е невозможно барем една личност да не развие чувства. Па, тогаш работите стануваат уште покомплицирани 3. Јас нема да се врзувам Оваа лага е практично продолжение на претходната лага што жените си ја кажуваат себеси кога ќе започнат врска со зафатен маж. На повеќето жени им е многу тешко да бидат интимни со некого подолг временски период без да се заљубат. Иако од самиот почеток се свесни за тоа дека станува збор за маж кој има девојка или жена и нема намера да ја напушти, и покрај тоа што тоа си го повторуваат – на крајот се заљубуваат во него. 4. Ќе ја остави својата девојка / сопруга за мене Тоа скоро никогаш не се случува. Без оглед на фактот дека можеби да ѝ кажува на љубовницата дека е посебна, дека таа е таа, дека не сака да остане со својата девојка / сопруга, во повеќето случаи секогаш ќе бара повеќе време за раскинување или развод. Мажите знаат што сакаат да слушаат жените, особено оние кои се во брак затоа што веќе имаат искуство и не се двоумат да им кажат дека, се додека на тој начин ќе го добијат потребното – малку забава со својата љубовница. 5. Таа е злобна, би му било подобро без неа Оженет или зафатен маж кој ја изневерува својата партнерка сигурно нема да каже ништо за да ја убеди „другата“ жена дека не треба да биде со него. Напротив, многумина од нив дури се обидуваат да ги убедат своите љубовници дека нивната сопруга е страшна, злобна, дека постојано се расправаат, дека врската / бракот е полн/а со драма… Овие изговори можеби се или не се точни, но сигурно остануваат само тоа – изговори. извор:попара.мк

Заблуди за мажите и сексот: Дали им е многу важна големината и дали можат и тие да oдглумат оргазам?

Христина Ѓоргиевска — Wed, 10 Feb 2021 13:18:09 +0000

Многу жени можат да доживеат неколку последователни оргазми за време на сексот, а истражувачот на институтот Кинси, Џастин Лемилер, вели дека тие не се единствените – можат и некои мажи. Од прашањето „дали е опасно кога тестисите ти се поплавуваат“ до врската помеѓу должината на пенисот и сексуалното задоволство, експертите за сексуално здравје на мажите објаснија кои се најчестите митови и што е точно кога станува збор за мажите и сексот.

Мит: Големината значајно влијае на сексуалното задоволство

Наспроти мислењето на многумина, урологот од Здравјето во Орландо и доцент на Медицинскиот факултет УЦФ, д-р Јамин Брамбат, вели дека должината на машкиот полов орган не влијае директно на сексуалното задоволство. – Кога пациентите се жалат дека се загрижени за нивната големина, ги потсетувам дека пенисот е во просек 8,8 см кога е опуштен, или 12 см кога е во ерекција – вели лекарот и додава дека „здрав маж, без оглед дали е со помал или повисок просек, не треба да биде сексуално незадоволен само поради големината ‘…

Мит: Лековите можат да го скратат времето потребно да се постигне ерекција

Пазарот е полн со апчиња кои ветуваат дека ќе го намалат периодот потребен за враќање на ерекцијата по ејакулацијата, но овие апчиња главно делуваат на хормонот наречен пролактин. Сепак, неодамнешното истражување на глувци (кои имаат сексуално однесување слично на луѓето) покажаа дека пролактинот воопшто не влијае на овој период. „Покрај тоа, многу додатоци не се ниту регулирани ниту одобрени од Администрацијата за храна и лекови, па затоа често нема да го земате ниту она што го мислите“, објасни д-р Брамбхат.

Мит: Од „модри тестиси“ може да се умре

Веројатно е застрашувачки да се гледа како тестисите стануваат сини и чувствуваат болка и непријатност, но лекарите истакнуваат дека ова не е „опасна по живот состојба“. Тоа е, велат тие, состојба наречена епидидимална хипертензија која се јавува како резултат на зголемениот проток на крв. – Епидидимална хипертензија се јавува кога на мажите им останува ‘вишок’ крв во тестисите, кога нивната ерекција не завршува со ејакулација – објасни Брамбат. Откако човекот ејакулира, вели тој, крвта се повлекува, но ако не ејакулира, тестисите може да станат сини. Нема лек за оваа состојба, а Брамбат вели дека најдобро е да се ејакулира. Или едноставно почекајте работите сами да „се вратат во нормала“.

Мит: Мажите никогаш не глумат оргазам

Ејакулацијата кај мажите е знак дека достигнале оргазам, но тие понекогаш го „глумат“, вели д-р Брамбат. „Мажите понекогаш глумат стенкање и други звуци на возбуда, а јас можам да обвинам разни лекови и медицински проблеми за отсуството на ејакулатот“, рече Брамбат.

6 заблуди за сексот во кои многумина веруваат

Христина Ѓоргиевска — Fri, 09 Oct 2020 13:15:54 +0000

Верувале или не, постојат секс митови во кои многумина веруваат. Одвоивме 6 заблуди за сексот во кои не треба да верувате.

1. Доколку имате незаштитен секс, сигурно ќе останете бремена Плодноста варира од човек до човек, а незаштитениот секс не мора секогаш да заврши со бременост. Жената може да забремени само кога овулира, што се случува еднаш месечно. Во текот на овулацијата се ослободува зрела јаце-клетка која може да се оплоди во рок од 12 до 24 часа, само тогаш може да дојде до бременост. „Но, дури и незаштитениот секс во текот на тој период резултира со бременост во 20 проценти од случаите“, појаснува д-р Морен Велихан од Центарот за сексуално здравје и образование. На ум треба да ја имате и плодноста на жената која почнува да опаѓа во доцните дваесетти години, така што веројатноста за бременост почнува да се намалува. 2. Доколку ја најдете Г-точката оргазмот е гарантиран „Не ме изненадува кога ќе слушнам дека жените ги лажираат оргазмите додека се со партнерот“, објаснува д-р Гунтер во книгата The Vagina Bible. Вели дека истражувачите кои во последно време ја проучувале тематиката на Г-точката, не успеале да го пронајдат ова посебно место кое во 1950 година наводно го пронашол германскиот истражувач Ернест Графенберг. Д-р Гунтер смета дека веројатно Графенберг погрешно ги протолкувал другите делови на женските гениталии, како нервните завршетоци на клиторисот па тоа го навел како наизглед ново откритие на Г-точката. 3. Невозможно е да имате безбеден секс со некој кој има сексуално-пренослива болест Низ минатото сексуално-преносливите болести биле користени за да ги плашат младите и да ги одвратат од секс. Тоа се методи на образование кои ги стигматизираат луѓето со сексуално-преносливи болести како што се хламидија, гонореја, сифилис и ХИВ. Овие болести можат да се излекуваат, односно да се лекуваат за да се спречи заболениот да ги шири на сексуалниот партнер. Тука се кондомите кои се лесно достапни и со нив се намалува ризикот од сексуално-преносливи болести. Експертите исто така препорачуваат редовна контрола и тестирање на сексуално-преносливи болести. 4. Воздржувањето од секс е единствената ефикасна метода на контрацепција Целосното воздржување од секс дефинитивно е единствениот 100-процентен ефикасен начин на спречување бременост, но за повеќето оваа метода не е реална и ретко се придружуваат на неа. Други форми се контрацепциски средства, кондоми и импланти кои исто така се ефикасни и истовремено овозможуваат луѓето да уживаат во сексот. Така, имплантот е ефикасен дури 99,9 проценти, а пилулите меѓу 92 и 97 проценти. 5. Сексот со повеќе луѓе ве прави „валкани“ Вистина е дека кога имате повеќе сексуални партнери се зголемуваат шансите за добивање на сексуално-преносливи болести, но постојат начини тоа да се сведе на минимум така што ќе користите кондоми. Идејата за секс надвор од бракот или сексот со повеќе партнери прават некој да се чувствува „валкано“ свои корени не влече од науката туку од религискиот концепт на чистота. 6. Жените развиваат посебни чувства во текот на сексот Една жена на Twitter напиша дека во младоста ја учеле дека жените ослободуваат хормон на приврзување за време на сексот, а мажите не. „Според таа теорија, жените развиваат посебни чувства секој пат кога ќе погледнат пенис, така што дефинитивно не би требало да практикуваме секс пред бракот или ќе завршиме толку лошо што ќе мораме да се свртиме кон секуларизам и дроги“, напиша друга корисничка на Twitter. Вистина е дека жените во текот на сексот ослободуваат хормони на среќа како допамин и окситоцин, но истото е и кај мажите. Причината за тоа е што тие хормони доаѓаат од мозокот, а не од гениталиите. извор: Kajгана

Митови и заблуди за љубовта: Има огромна разлика помеѓу сродна душа и животен партнер

Христина Ѓоргиевска — Thu, 28 Feb 2019 14:30:11 +0000

За жал, навистина е голема реткост да видиме луѓе кои го поминуваат својот живот во среќа со својата сродна душа, бидејќи без разлика на тоа колкава е љубовта помеѓу двајца луѓе, таа понекогаш не е доволна за да живеат среќно и задоволно како во бајка. А зошто љубовта не е доволна и дали кога ќе ја изгубиме нашата сродна душа, наместо резерви бираме животен партнер? Изгледа дека на секого понекогаш му е потребна сродна душа, а понекогаш животен партнер. Но, која е разликата? Прочитајте во продолжение. Сродната душа е личноста која е поврзана со вашата душа и може да ја промени или да влијае на неа на одреден начин. Кога тоа ќе се случи, обично доаѓа до раскинување. Животен партнер е пријател на кој можете да се потпрете и со кого се чувствувате сигурно. Можете да им верувате. Чувството на љубов и почит е взаемно и имате чувство дека ја посакувате и имате потреба од другата личност. Како овие разлики доаѓаат до израз? 1. Кај сродните души постои длабока духовна врска. Имате чувство дека се знаете со години. Со животните партнери едноставно е привлекувате и нивните доблести ви се привлечни. 2. Со сродните души често доживувате „дежа ву“, додека со животниот партнер едноставно уживате еден со друг, без оглед на сличностите и различностите. 3. Сродните души знаат како размислува нивниот партнер и речиси изгледа како да можат да си ги читаат мислите. Животните партнери ја немаат оваа карактеристика и нивниот однос повеќе потсеќа на односот помеѓу двајца најдобри пријатели. 4. Сродните души често сфаќаат дека нивната врска најверојатно нема да трае вечно или нема ни да трае долго, но знаат дека тука има љубов и не им пречи непостојаноста. Животните партнери обично сакаат да ја зацврстат својата врска со започнување семејство или со венчавка и така да ја направат трајна. Понекогаш ни е потребна сродна душа, понекогаш животен партнер. Вам што ви е потребно? извор:курир.мк

Најраспространетите погрешни верувања за менструацијата и контрацепцијата

Слободанка Илиева — Tue, 23 Jan 2018 09:33:34 +0000

Резултатите од бројни истражувања за тоа колку младите знаат за контрацепцијата и менструацијата, не се баш добри. Се покажало дека голем број млади не се доволно запознаени со фактите за сексуалното здравје, дека девојките имаат некои погрешни верувања за менструацијата и дека на многумина им е непријатно да се посоветуваат со гинеколог за контрацепција, како и да разговараат со своите партнери за тоа. Погледнете кои се најчестите митови и вистините зад нив.

1. Пилулите не се добри, бидејќи со нив немаме вистинска менструација

Постои многу распространето убедување дека менструацијата ја чисти матката од микробите и мртвите клетки и дека пилулите за контрацепција го поништуваат тој ефект, бидејќи тоа не е „вистинска менструација“. Науката тврди дека не постојат никакви медицински причини за ова верување. Ако менструацијата трае пократко, посиромашно или дури понекогаш изостане што може да се случи доколку користите пилули за контрацепција, тоа не е штетно за вашиот организам.

2. Потребна е пауза од пилулите, за организмот да заздрави

Многу жени сметаат дека е потребно да направат пауза од неколку месеци при редовното земање пилули за контрацепција. Со современите пилули, оваа пауза ја губи својата смисла, а понекогаш, баш напротив, дури и штети. Всушност, постои ризик од тромбоза што е најголем на почетокот на земањето пилули, а потоа се намалува. Со други зборови, ако се направи пауза, поголем е ризикот од тромбоза. Таблетите исто така нема да имаат намалено делување после паузата – времето на земање нема никакво влијание врз тоа.

3. За време на менструацијата не е возможно да се забремени

Шансите се секако помали отколку за време на плодните денови, но бројни примери сведочат за тоа дека ова претпоставка е погрешна. Да имате сексуални односи за време на менструацијата без никаква заштита е слично на играње руски рулет. Може да помине добро, но не може целосно да се исклучи ризикот од бременост, бидејќи оплодување е возможно дури и тогаш. Овулацијата започнува отприлика две недели пред менструацијата, но може да варира. Ако се помести за неколку дена и започне брзо после менструацијата, додека сперматозоидите кои успеале да влезат внатре се сѐ уште живи (просечниот век не им е точно одреден, но може да живеат и до пет дена) – ќе ги имате сите услови за оплодување.

4. Спиралата не е пожелна кај девојките

Жените кои веќе родиле, почесто се одлучуваат за спирала, но факт е дека нема никакви проблеми да ја користат и девојките. Поголемиот дел од девојките можат веќе после првата менструација да користат спирала како заштита од бременост, а таа се препорачува како добра алтернатива во случајот на пречувствителност на естроген.

5. Нормално е менструацијата да биде болна и тука нема помош

Жените чувствуваат различни болки пред и за време на циклусот, во комбинација со обилни и долготрајни менструации. Некои жени се жалат на болни гради и половина, чувство на отеченост и главоболка и им помагаат обични аналгетици, а некои добиваат мигрени кои предизвикуваат мачнини и повраќање и имаат грчеви кои се толку интензивни и болни што може да се споредат со породилните болки и аналгетиците помагаат малку или воопшто немаат дејство. Оваа состојба не треба туку-така да се прифати. Докторот може да помогне за да се пронајде решение, а тоа често лежи во примена на соодветни пилули за контрацепција, кои ја ублажуваат непријатноста и го прават периодот пред и за време на менструацијата поподнослив. извор:кафепауза.мк