забава – Вистина.мк

Пејбој зајачица открива бизарни детали за Леонадро Ди Kаприо: „Има чудни фетиши во кревет“

Слободанка Илиева — Thu, 07 Mar 2024 12:17:53 +0000

Плејбој моделот Хике Конингс (22) проговори за бакнежот со актерот Леонардо Ди Каприо и неговите чудни навики во кревет. Двајцата се запознале во клуб во Лос Анџелес. Во еден момент и пришол менаџерот на Ди Каприо и и рекол дека актерот сака да ја запознае, пишува Дејли Мејл. Конинг тогаш му кажала на Ди Каприо дека знае дека излегува само со убавици помлади од 25 години, на што тој одговорил: „Виновен сум!“ Хике откри дека актерот бил шокиран што таа одбила покана во неговиот дом.

View this post on Instagram

A post shared by ♥ HIEKE ♥ (@hieke_konings)

- Тогаш се бакнавме, беше во ред, но никаде блиску до најдобриот бакнеж во мојот живот. Ме покани да си одам дома со него, но јас одбив. Беше шокиран, претпоставувам дека не беше навикнат, но беше љубезен - изјавила манекенката, додавајќи: - После тоа и пришол на друга девојка и со неа отишол дома. Некои од моите пријателки спиеја со Леонардо и рекоа дека има бизарна навика во кревет. Една ми рече дека цело време држел слушалки во ушите „за да не мора да ја слуша“, а на друга и ставил перница на главата – откри таа и додаде: - Дефинитивно е премногу стар и премногу извитоперен - заклучила манекенката на Плејбој. фото:Instagram printscreen/ pagesix/ hieke_konings

Марија Луиса покаже дека и пејачките имаат душа: „Кралицата на бакшишот“ и другарките седнаа да слават, па откако песната ја погоди, го направи она, што најчесто нејзе и го прават (ВИДЕО)

Антонио Димитриевски — Mon, 12 Feb 2024 09:30:11 +0000

За Марија Луиса Тодоровска е оддамна познато дека важи за „кралица на бакшишот“. Пејачката едноставно е магнет за кој „се лепат пари“ па речиси и да нема настап на кој гостите не ја опсипуваат со домашни или странски банкноти, кои како што некој рече, фолкерката знае како да им ги извлече не само со пеење, туку и со вештината на своето естрадно умеење. А тука сексапилната битолчанка е неприкосновена, како ниту една друга пејачка! Зашто кога ќе ги погоди со песната, па уште ќе знае со нив да ја сподели и емоцијата, сеедно дали е тажна или весела, гостите во тие моменти се претвораат во дарежливи клиенти, на кои заедно со гласот на пејачката од звучниците, банкнотите сами им излегуваат од паричниците! Затоа Марија е вистинска „ бакшиш кралица“ кога е во прашање умешноста на професијата! Арно ама, сте се запрашале ли некогаш, како и е нејзе? Знае ли таа да се весели и забавува? Може ли и неа да ја погоди песната? Ужива ли понекогаш и самата во она што секојдневно го прави за туѓо уживање и разонода? Во последно споделеното на своето Инстаграм стори, Марија Луиса Тодоровска покажа дека со другарките седнаа да слават, па откако песната ја погоди, таа го направи она, што најчесто нејзе и го прават! Иако за викенди обично Марија има ангажмани, сепак успеа да го мине дождливиот ден со другарките... Само онака заради дружба и дневен провод или нешто да прослават - сеедно, важно да е весело. Кафеана без мезе и ракија разбирливо - не бидува, како и забава без песна. А кога свирачите ќе ти ја погодат песната, паричникот сам се отовра за да го сподели бакшишот со музиката! Та било тоа и од портмонето на Марија, која покажа дека и пејачките имаат душа... И тоа широка. А и дарежлива рака! Една, па уште една и уште една... Илјадарките сами летаат! Ама, кому му е гајле, важно да е опуштено и весело! Само тоа остава траен печат во срцето! Фото и видео: luisa.todorovska

Не можеа да ги контролираат страстите: Љуба Перуќица со сопругата се бакнуваа во јавност (фото)

Слаѓана Атанасова — Wed, 17 Jan 2024 09:33:16 +0000

Откако станаа родители, поранешната водителка Катарина Колозеус и фолк пејачот Љуба Перуќица избегнуваат да излегуваат во ноќниот живот бидејќи сакаат што повеќе да му се посветат на својот наследник Алексеј. Љуба дури и го намали бројот на настапи за да помине што повеќе време со синот и сопругата. - Поминаа речиси два месеци откако се породив и оттогаш мојот живот целосно се промени, сега единствено важно е што сака Алексеј. Поради природата на работата на Љуба, јас сум некој кој поминува повеќе време со детето, но морам да кажам дека улогата на родител целосно го промени и сега се труди секој момент да го помине дома со нас, дури и намали неговата работа малку само за помалку да пропушти во неговото растење.Тој е толку полн со љубов и нежност кон малиот што таа би му подарила уште пет деца само за да ја гледа таа радост што подолго - изјавила неодамна Катарина за Еспресо.рс Катарина и Љуба синоќа направија преседан и излегоа да се забавуваат. А она што многумина имаа можност да се уверат и самите е дека Катарина изгледа поубаво од било кога. Поради неговата привлечна сопруга, убедени сме дека многу мажи му завидуваат на Перуќица, а насмевката на лицето на пејачот најдобро го поткрепува тврдењето колку е среќен Љуба кога е со својата поубава половина. фото: printskrin/instagram/ljubaperucica

Најубавата жена во Холивуд ја покажа интимната зона: Нејзиниот фустан го одзема здивот, а тоа што e одоздола ќе ви го зголеми притисокот (фото)

Слаѓана Атанасова — Wed, 27 Dec 2023 12:04:32 +0000

Папарацо фотографите ги „уловиле“ холивудската актерка Меган Фокс и нејзиниот вереник Машин Ган Кели на свечен состанок, односно додека излегувале од престижен ресторан во Малибу. После тоа, парот продолжи на божиќната забава кај семејството Кардашијан/Џенер, а атрактивната актерка била решена да го покаже целиот свој шарм, вклучително и најинтимниот. Убавата 37-годишна девојка блесна во многу провокативен фустан, кој бара беспрекорна фигура, но и малку ексцентричност и храброст. Станува збор за долг, бел корсет-тоалета која има четири процепи за врвка на предната страна кои откриваат повеќе отколку што треба. Изгледа дека Меган Фокс не носи ништо под фустанот, дури ни гаќички, а доказ за тоа е што на нејзиниот стомак јасно се гледа тетоважа со змија...

View this post on Instagram

A post shared by 𝗠𝗘𝗚𝗔𝗡 𝗙𝗢𝗫 ꜰᴀɴꜱ (@meganfox.fans)

Сепак, повеќе од сигурно е дека не е прв пат актерката да се појави во јавноста без долна облека, па често го шокира модниот свет со предизвикувачки комбинации.Изданието го комплетираше со проѕирни сандали, со платформи, сребрена клач чанта и светкав, скап накит, а над се стави бел мантил.Косата ја собра во лежерна пунџа и се одлучи за заводлива шминка.Од друга страна, Кели избра многу понеформална облека во неговиот препознатлив стил - црни, кожени, широки панталони и дуксер, со многу накит и чизми со предимензиониран ѓон.

Фото: Printskrin/Instagram/meganfox.fans

„99 Мегастарс“ ја стартуваше македонската временска музичка машина и не врати во 90-ите: Забава до бесвест, освежени спомени и вредни награди (ФОТО)

Антонио Димитриевски — Fri, 01 Dec 2023 09:51:44 +0000

Последниот ден од месец ноември беше таканаречениот мегаден кога Државната лотарија на Македонија преку проектот „99 Мегастарс“ ја стартуваше македонската временска музичка машина и не врати во времето на 90-ите. Некогашните меѓу кои дел од нив и сегашни и се' уште актуелни и популарни македонски поп - рок, рап и ар ен би ѕвезди на големата сцена во салата „Јане Сандански“ ни ги освежија спомените со своите најпознати хитови од времето на првите години на слободна, независна и суверена Македонија. Повеќе од 25 изведувачи и групи ги пееја своите незаборавни хитови кои ја обележаа нивната кариера во 90-ите, споделувајќи незаборавни моменти со публиката во салата, која пееше танцуваше и се забавуваше во еден глас со нив. И оние кои растеа и најубавите тинејџерски години ги минуваа со овие песни и нивните наследници, оние помладите од новите поколенија, кои само ги слушнале на радио, виделе на ТВ и едвај нешто малку знаат за музиката и музичките херои од времето на нивните родители. За жал и покрај целата кампања, салата не беше полна до крај или не барем онолку, колку што македонските музички артисти и нивната музика заслужуваат, што само дополнителнно ја покажува комплетната апатија кон сопственото богатство, музички наследство, непочитување на своите вредности... Одраз на комплетно погрешната политика сиве овие години и на државата и на оние кои ја воделе во поглед на културата, естрадата, забавата, украдениот медиумски „прајм тајм“ простор за „духовна убавина“ од страна на политиката и политичарите во спрега со медиумските олигарси, наметнатиот поданички дух дека туѓото е подобро и поубаво, комшиското е поквалитетно и позабавно... од сопственото. А не е или ретко кога е! И уште многу коцки во „мозаикот на апатичната безнадежност“ во која насила не втурнаа „политичките авети“ и оставија да се (у)давиме до крај... Токму можеби затоа е вистинско време за комплетен ресет на „сопствениот мајндсет“, време за нова „духовна ренесанса“ која секако треба да се гради на темелите на сопствените стари вредности, меѓу кои и музиката од 90-ите. А вчерашната вечер беше показател дека токму 90-ите можеби се и најплодната декада за македонската забавно музичка естрада. Период кога беа создадени безброј песни, а од нив најголем дел станаа хитови, многу пак останаа евергрини... Рефрени кои и ден денес звучат доволно свежо за да се пеат како да се вчера компонирани и испеани! „99 Мегастарс“ како синоним на едно време на процут и на музиката и на забавно-музичките емисии во ТВ етерот беше најавено како уникатно искуство со добра македонска музика и една поинаква, позабавна лотарија на Државна лотарија, која ги овозможи Мегавин наградите и „99 Мегастарс“ шоуто, кое како концепт ги оправда очекувањата! Наградниот фонд повеќе од богат и привлечен: 5 луксузни патувања за двајца во Дубаи, 10 гејминг лаптопи Lenovo, 10 iPhone 14 Pro и еден автомобил BMW кои покрај песните и забавата, вечерта им беа доделени на најсреќните. Настанот го водеа и водителите од она, но и ова време, неповторливиот Игор Џамбазов и единствената Марјана Станојковска, додека во бекстејџот или така наречената „зелена соба“ која всушност беше бела, беа Мартин 99 Трпчевски и Миа Костова. Сите заедно, секој на свој начин, очекувано, беа апсолутно на висината на задачата. Журката започна со ДЈ Мац кој како увертира во шоуто додека публиката се' уште влегуваше во салата пушташе на сцената дел од македонските хитови од „она време“. Звуците на познатите рефрени и хит песни од македонската музика во времето на 90-ите и почетокот на новиот милениум ги донесоа и тогашните музички имиња, па така на сцената ги видовме: Искра Трпева, Peace Brothers, Куку Леле, Марјан Стојановски, Кристина Арнаудова, Ребека, Маја Гроздановска-Панчева, Ристо Самарџиев, Александар Ристовски – Принц, Бени Шаќири, Андријана Јаневска, Верица Пандиловска, Арчи, Бојана Скендеровски, Ламбе Алабаковски... Некои од нив физички по малку видоизменети, но во своите настапи и изведби се' уште сигурни и убедливи, а нивните хитови незаборавни, што го докажа и публиката која заедно со нив ги пееше. Дел од своите хитови изведоа и некои популарни артисти кои се појавија малку подоцна, во почетокот на новиот милениум како Александар Тарабунов или Тони Зен, на пример. Хитовите пак кои ги пееле некои од тогаш популарните пејачи кои веќе не живеат во Македонија или за жал повеќе не се меѓу нас, за да не изгледа дека биле заборавени, ги изведоа изведувачи од помладата пејачка генерација или онаа, која во моментов е актуелна како: Ивона Јо, Дуо Дис, Наде Талевска, Сара Мејс, Теа Трајковска, Дарко Гроздановски, Мила Николовска-Ѓумар... кои изведоа незаборавни песни од Есма Реџепова, Маја Оџаклиевска, Ерзана, Тоше Проески, Влатко Илиевски, Цветанка Глигорова, Маја Вукичевиќ... Покрај аудио-визуелното доживување олицетворено во бина со големина од 120 квадратни метри, повеќе од 100 квадратни метри лед екрани, „зелена т.е. бела соба“, ВИП делот за новинарите и медиумите на кои беспрекорно им беа озвозможени сите услови за работа и добија ВИП третман, осмислен беше и надворешниот дел, односно просторот пред салата кој беше замислено да биде наменет за сите оние кои нема да бидат во можност да влезат во салата и пред СЦ „Јане Сандански“ да бидат поставени лед екрани и шатори каде бесплатно ќе се дели топол чај. Освен тоа настанот беше емитуван и на профилите на социјалните медиуми на Државна лотарија на Македонија, како главен поддржувач на проектот кој сосема ги оправда очекувањата, без оглед на сите ситни пропусти и „апатичниот однос“ на публиката кога е посетеноста во прашање, иако влезот во салата беше бесплатен. Затоа пак уште еднаш се потврди дека она што како музичко наследство го имаме, а ни го оставија авторите и изведувачите од 90-ите и почетокот на овој век е... „бесценето“! Фото: Приватна архива

Цеца сака да се журка, а ваква одамна не сме ја виделe: „Сакам со тебе да танцувам“ (фото)

Слободанка Илиева — Wed, 22 Nov 2023 12:28:31 +0000

Балканската ѕвезда Цеца Ражнатовиќ е една од најпопуларните пејачки во регионот, а добра атмосфера и е загарантирана каде и да се појави. Имено, таа сега на својот Инстаграм профил објави фотографии од забава каде била, а покажа дека може да се забавува и приватно. Нејзините фотографии го з„апалија“ интернетот, па фановите ја опсипуваа со коментари. -Сакам со тебе да изграм, стои во описот, а кандидати кои се пријавија виртуелно имаше доста. „Ти си моја омилена и премногу забавна“, „жената е змеј, таа секогаш знае да се забавува, исто како и сите околу неа“ „Луда, убава си и премногу згодна, само уживај“. Енергијата низ клубови со помладите е сосема поинаква, а Цеца очигледно ужива во тоа и не им се дава на годините. Вака насмеана имаше и зошто да биде бидејќи веќе е познато дека ќе стане баба по третпат. фото:Instagram printscreen/ cecaraznatovic

Љуба Перуќица во солзи на прославата за раѓањето на синот: Пејачот призна дека сака три деца (фото)

Слаѓана Атанасова — Fri, 10 Nov 2023 12:47:14 +0000

Популарниот пејач Љуба Перуќица вчера стана татко. Тој откако ја сподели радосната вест на Инстаграм истата вечер имаше голема прослава по тој повод. Во еден момент тој одржал говор пред семејството и пријателите каде открил дека сакал дете долги години. „Благодарам на сите што дојдовте. Вечерва тука се луѓето кои се најблиски и најважни за мене и Каца. Луѓе кои треба да бидат тука и кои се надевам дека ќе бидат со нас уште многу години на сите наши следни собири, кои ќе ги има многу, се надевам“, изјавил пејачoт пренесува Гранд и додал: „Прво морам да ве замолам за аплауз за мама. Бев со некоја која 9 месеци беше бремена и можам да кажам дека им се восхитувам на жените за се што прават, секоја чест. Второ, аплауз за Алексеј. Љуба потоа открил како се чувствува. „Многу сум емотивен цел ден. Чекавме толку години, се трудевме, знаевме дека некогаш ќе се случи и се случи, фала богу. Се надевам дека по Алексеј, ако даде Господ, ќе имаме девојче. Јас сум и за трето - изјавил тој а забавата продолжила да трае до доцните часови. Фото: Принтскрин/Инстаграм

Брена и Прија во тандем го растресоа деколтето и замешаа со колкови: „Ајде снашке!“ (видео)

Слободанка Илиева — Fri, 10 Nov 2023 10:23:37 +0000

Пејачката Лепа Брена во хотел во Белград одржа промоција на новите производи на компанијата „Лејди Б“. Станува збор за линија долна облека за жени на кои за балканската ѕвезда периодов е нов бизнис. По ревијата и официјалната промоција следеше и забава каде главна ѕвезда секако беше Брена со микрофонот во рака, но како засилување до себе ја имаше и снаата Пријовиќ. Видеото од Брена и Прија стана вистински хит на социјалните мрежи. Додека Александраиграше до Брена, таа ја бодреше: „Ајде снајка“!

@radio.svetski #lepabrena #lepabrenakraljica #brena #ladyb #aleksandraprijovic #aleksandraprijovic🎶 #aleksandraprijovic❤️ #zvezdegranda ♬ original sound - RADIO SVETSKI

фото:Инстаграм принтскрин/Лепа Брена

Другарките во диско шема за „Ноќта на вештерките“: Катарина Ивановска и Ана Стојановска маскирани, како од хорор филм лансирани (фото)

Слободанка Илиева — Wed, 01 Nov 2023 08:10:41 +0000

Секоја година на 31-ви октомври во голем број земји се слави празникот „Ноќта на вештерките“, а овој глобален тренд на маскирање од година во година не се одминува ниту кај нас. Додуша, за разлика од минатата година поголем дел од познатите Македонци како да сфатија дека ова не е во нашата традиција и нема зошто би се обележувал кај нас, па денот, одосно ноќта помина како и секоја друга, а не специјална за празикот кој се верува дека има пагански корени. Сепак, поединци, без оглед на возраста ја активираа својата фантазија и имагинација, преобразувајќи се во разни страшни ликови и суштества, па вечерта беше идеална за журка низ скопските клубови. Познатите другарки, манекенката Катарина Ивановска и актерката Ана Стојановска се споија за заедничка забава под маски, па од она што го покажаа на своите Инстаграм „стори“, инспирација веројатно им беа „Адамс фемили“. Тикви, портокалово светело, морничави маски и музика по вкус, им ја направи повозбудлива вечерта на Ана и Катарина заедно со друштвото, па моментите ги споделија јавно. Додека за манекенката и нејзиниот приватен живот, односно за наводниот инцидент меѓу нејзините екс- партнери кружат вести по порталите, нејзе очигледно не ја тангира медиумскиот фокус, па си ја тера на забава. Со или без маски, што е тука е и до каде е! фото: ERICA SIMONE/GETTY IMAGES/ Instagram printskrin/Ana Stojanovska

Јелена Карлеуша ги дувна свеќичките: Пејачката со две торти, а едната со силна симболика (фото)

Слаѓана Атанасова — Fri, 18 Aug 2023 08:36:22 +0000

Пејачката Јелена Карлеуша го прослави 45 -от роденденот во својата луксузна вила на Дедиње, каде ги собрала семејството, најблиските пријатели и соработници. Последниве денови Јелена Карлеуша има што да прослави, а покрај роденденот пејачката по 11 години објави и 11. албум „Алфа“, а потоа најави издавање на уште еден албум, 12-ти по ред, „Омега“. Целата околина пред базенот беше уредена во алфа стил, а Јелена имаше дури и две торти од кои ги дуваше свеќите со својот нов „Karly b**ch“. Едната торта е во форма на планета, на чиј врв беше фигурата на Јелена, додека другата е подискретна, но и со фигура на нејзиниот лик од спотот за истоимената песна. Сепак, најголемо внимание привлече самата Јелена, која беше облечена во долг златен, металик фустан, додека гостите уживаа во песните од албумот „Алфа“. Фото: Принтскрин/Инстаграм/Јелена Карлеуша