вук – Вистина.мк

„Те сакаат мама и тато“: Тијана Дапчевиќ му го честиташе 15 – тиот роденден на синот со фотографии низ годините (фото)

Слаѓана Атанасова — Mon, 05 Feb 2024 07:20:23 +0000

По само два дена од нејзиниот роденден, Тијана Дапчевиќ повторно има убав повод за славење. Кај македонската пејачка со белградска адреса на живеење, на социјалната мрежа Инстаграм на личниот профил сѐ уште пристигнуваат честитки за посебниот ден кој неодамна го славеше кога наполни 47 години, кои пејачката за разлика од многу други познати дами, воопшто не ги крие. А уште додека е во славеничкиот дух успеа да ископа стари фотографии низ годините со цел да му го честита роденденот на нејзиниот наследник Вук, кој дојде до 15-ката. Па така Тијана објави фотосесија од минатото од своето најмило, а во описот на истата напиша: „Син, среќен 15 - ти роденден, биди здрав и среќен, те сакаат мама и тато!“

View this post on Instagram

A post shared by Tijana Dapčević (@tijana.dapcevic)

А покрај честитките следбениците коментираа дека многу си личат. „Исти“, „Копи - пејст“, Неверојатно личите“ - забележаа тие. Кон честитките се придружи и нејзината сестра, македонакта поп пејачка Тамара Тодевска која освен што му честиташе во коментар, објави кратко видео од внукот и на нејзиниот личен профил на споменатата социјална мрежа. „Среќен роденден, љубов теткина“ - напиша Тамара. Додека пак, потоа и заедно позираале пред камерата каде Тамара кратко и јасно напиша дека го сака. Фото: printskrin/instagram/tijana.dapcevic

Вук тргна по стапките на татко му, па нагло смени правец: Синот на Тијана требаше да стане несуден кошаркар, а сега плива во водите во кои е целото семејство на неговата мајка – светот на музиката! (ФОТО)

Антонио Димитриевски — Thu, 05 Oct 2023 09:03:11 +0000

Вук, синот единец на македонската пејачка и од пред некое време актерка Тијана Дапчевиќ неодамна наполни 14 години. Откако заврши основно училиште и славеше полуматура, „малиот двометраш“ на општо изненадување на јавноста се запиша во средното музичко училиште иако до пред три години Вук тргана по стапките на татко му -0 во светот на спортот. Строен на татко му Милан, а Бога ми и на мајка му Тијана кога е височината во прашање, Вук реши своите природни предиспозиции да ги искористи. Така, малиот Дапчевиќ почна да тренира кошарка, спорт по кој Србија е светски прочуена велесила, а и Македонија дала неколку големи европски, па и светски ѕвезди… Од Буштур, преку Наумовски до Антиќ… Така Вук тогаш стана член на кошаркарската школа на едена исто така голема некогашна кошаркарска ѕвезда на КК Партизан и тогашната ЈУ репрезентација, бившиот центар Жељко Ребрача кој сега има своја кошаркарска академија во Белград. „Вук тргна во нова кошаркарска авантура во @akademijarebraca, која е дел од @star_wellness_sport . Среќно сине, затоа што ќе научиш многу од чичко Жељко (и сите тренери што се на академијата)“ – напиша пејачката во пораката покрај заедничката фотографија со синот и кошаркарската легенда. Арно ама, само три години подоцна очигледно ништо од кошарката, па синот на Тијана наместо несудена идна кошаркарска ѕвезда, сега плива во водите во кои цел живот успешно плива семејство на неговата мајка - светот на музиката! Но ова не е само нов почеток во едукацијата, зашто Вук последниве години, како што ќе изјави неодамна неговата мајка, е опседнат со музиката: „Сè што го интересира во моментов е музиката и нејзиното создавање, дури се пронајде во сосема нов жанр, а тоа е „фонк“ музиката, некоја електроника е во прашање. Во главно целата негова генерација најмногу се занимава со тоа и Вук доби многу фанови. Заврши нижо музичко школо, иако до сега навистина не бил љубител на клавирот, тоа не значи дека тоа нема да се промени кога ќе се запише во средното музичко училиште“. Наследникот на пејачката решил неговиот повик во животот да биде музиката, но во сосема поинаков правец од она што го изведува Тијана. „Тој е заинтересиран за музика, за што сум многу среќна и од клучно значење ми е да знае што сака и што сака да прави на млада возраст. Тој е заинтересиран за продукција, има свој профил на „Спотифај“, каде ја презентира својата музика и има свои обожаватели, поточно над милион слушатели“ – ијави гордата мама за Гранд. Тијана признава дека Вук веќе има постигнато забележителни резултати и гордо истакнува дека наскоро ќе се појави на меѓународен фестивал. „Сега оди на некој фестивал, а бидејќи е малолетен, мама и тато одат во Амстердам со него на фестивалот за фонк музика што ја прави. Тој е исклучително популарен во круговите на таа музика. Јас сум горда мајка“ – ќе додаде таа. Тијана и Тамара, покрај Тања и Лидија Кочовски се двете веројатно најпознати сестри во македонскиот естраден шоубизнис. Обете јавни личности, поп пејачки, естрадни ѕвезди со несомнени вокални квалитети за кои нема кој не слушнал. Потекнуваат од музичко семејство продолжувајќи го патот на нивните родители, мама Бранка-некогаш позната македонска пејачка и тато Велко-професор по музика во пензија на Музичката Академија во Скопје. Тогаш нема причина зошто Вук не би ја продолжил семејната лоза? Само што тој по се изгледа повеќе би сакал да биде како Дарко Димитров, отколку како баба, дедо, мама или тета?! Фото: Инстаграм/tijana.dapcevic

Пејачката слатко изненадена: Кога виде кого и донесоа во емисија, Тијана остана подзината! (ВИДЕО)

Антонио Димитриевски — Mon, 02 Oct 2023 07:46:21 +0000

Македонската пејачка и актерка со белградска адреса на живеење Тијана Дапчевиќ е позната како личност која нема влакна на јазикот за нешто што и пречи или едноставно не и се допаѓа. Неретко знае тоа отворено на таквите „да им го плесне в лице“, и да ги шокира со своите изјави. Арно ама, ниту таа не е имуна на шокови и изненадувања, па токму едно такво и се случи деновиве и то среде емисија. Имено, Тијана беше гостинка во една емисија за готвење, кај Тања Анѓелковиќ, автор и водител на ТВ емисијата „Нека ти е слатко“, каде беше и „слатко шокирана“ од страна на домаќинката. Откако талентираното македонско девојќе беше домаќински угостено од водителката и ТВ екипата, следуваше подготовката на специјалитетот на денот - крофни! Она што беше замислено беше и подготвено, следуваше моментот на вистината.... Дегустација на специјалитетот, за која домаќинката и подготви специјално изненадување на гостинката од кое Тијана остана шокирана... Специјален дегустатор! Имено, водителката Тања пријатно ја изненади својата гостинка со тоа што ненајавено на дегустација и го донесе нејзиниот син Вук! А, кога виде кого и донесоа во емисија, Тијана остана подзината! И тоа најмногу заради две нешта. Како прво, нејзиниот син никогаш не гостувал со мајка му и тој заедно со неа сега за прв пат се појавува во една ТВ емисија... А како второ, Тијана иако беше позитивно шокирана, успеа да забележи и не пропушти да искоментира колку убаво Вук се дотерал за појавувањето со мама на ТВ. Специјалитетот сите заедно го дегустираа, а коментарите... „Рапсодија на вкусови“, како што забележи Тијана. Впрочем, може ли да не биде добро и трпезата да не биде слатка на заеднички обед со „син на мајка“!? Фото и видео: Инстаграм/tanjcika/tijana.dapcevic

Синот на Тијана Дапчевиќ слави полуматура, а гордата мајка за тоа се пофали и на социјалните мрежи (фото)

Слаѓана Атанасова — Wed, 14 Jun 2023 07:47:03 +0000

Синот на Тијана Дапчевиќ ,Вук има 14 години, и сега заврши основно училиште. „Оди детето на поламатура. Среќно сине, мама и тато те сакаат“, напиша пејачката заедно со сетот фотографии на кои таа и нејзиниот сопруг позираат со наследникот кој го наследи нејзиниот талент и љубовта кон музиката. - Тој е вистинско момче, неодамна наполни 14 години и сега завршува основно училиште. Се промени во смисла дека стана понезависен, има свои ставови и принципи кои не сака да ги нарушува, иако по тоа се одликуваше кога беше многу помал. Се смени и со тоа што повеќе не оди на кошарка, сега се префрли на теретана – изјавила неодамна нашата пејачката, за српскиот портал Хело. - Сè што го интересира во моментов е музиката и нејзиното создавање, дури се пронајде во сосема нов жанр, а тоа е „фонк“ музиката, некоја електроника е во прашање. Во главно целата негова генерација најмногу се занимава со тоа и Вук доби многу фанови. Заврши нижо музичко школо, иако до сега навистина не бил љубител на клавирот, тоа не значи дека тоа нема да се промени кога ќе се запише во средното музичко училиште - изјавила таа. Вук е слика и прилика на мајка му, а најновите фотографии покажуваат дека синот на Тијана Дапчевиќ израснал во вистинска даса, што е нејзината најголема гордост. Тој веќе е забележително повисок од неа, а извонредната сличност дополнително ја истакнува и неговиот „лежерен“ начин на облекување. На социјалната мрежа „Инстаграм“ не изостана ниту честитката од неговата тетка, пејачката Тамара Тодевска, сестрата на Тијана, па по тој повод негова фотографија објави и таа. Фото: Принтскрин/Инстаграм/Тијана Дапчевиќ/Милош Надаждин

Згасна млад живот: Почина внукот на Боб Марли

Слободанка Илиева — Wed, 28 Dec 2022 10:07:11 +0000

Почина Џозеф Мерса Марли, внук на легендарниот Боб Марли. Имаше 31 година, објави магазинот Пипл. Неговиот портпарол ја потврди смртта. Според радиото WZPP, Џозеф бил пронајден во неговиот автомобил, но официјалната причина за неговата смрт се уште не е објавена. Од него се прости и премиерот на Јамајка. -Нека најде вечен мир додека ние жалиме за неговото заминување, рече Ендрју Холнес.

View this post on Instagram

A post shared by Jo Mersa (@jomersamarley)

Тој е внук на легендарниот музичар Боб Марли и син на Стивен Марли. Боб почина од рак во 1981 година на 36-годишна возраст. Тој имаше 11 деца со седум различни партнерки. Џозеф е роден во Кингстон, Јамајка во 1991 година и уште од мали нозе имал можност да порасне со најдобрата реге музика. На сцената првпат се појави на петгодишна возраст како дел од семејните концерти на семејството Марли. фото: Инстаграм принтскрин

Десетгодишниот син на Милан Калиниќ му признал: „Тато, јас гледам порниќи!“

Антонио Димитриевски — Thu, 22 Sep 2022 12:10:59 +0000

Синот на познатиот актер и ТВ водител Милан Калиниќ е добро воспитано момче и одличен ученик на училиште. Вредностите што Милан и неговата сопруга Сандра му ги пренесоа на наследникот се чувствуваат во секој негов потег, но тинејџерските години го направија своето и земаат данок. Малиот Вук Калиниќ во последно време со своето однесување и изјави на секој чекор ги изненадува своите горди родители, а актерот неодамна во емисијата „Ако прозговорам“ раскажа еден особено впечатлив разговор со својот наследник. Имено, Калиниќ кажал, дека синот му признал дека со пријателите гледа филмови за возрасни. „Пред една година, кога Вук имаше 10 години, се враќавме од тренинг, тој седеше зад мене во автомобилот и ми рече: „Тато, јас и Душан гледавме по**о“. Јас велам, „Во ред, Вујо, и?“, а тој продолжува: „Па, знаеш што прават тие таму“?, а јас велам: „Па, знам, Вујо, одлично“. А тој одговори: „Но, тато, мене тоа навистина ми се допадна“. Велам: „Вујо, тоа е нормално, секој маж сака да гледа по*ниќи. Тоа сака да гледа секој нормален маж, па и жените“, низ смеа изјави водителот, чии грижи со децата очигледно допрва доаѓаат. Фото: Инстаграм принтскрин/kalinic.milan72

Тијана Дапчевиќ позираше на насловна со синот: „Ако се метнал на мене, Бог нека ни е на помош“

Слободанка Илиева — Sat, 23 Jul 2022 05:00:27 +0000

Тијана Дапчевиќ како горда мајка позираше заедно со синот Вук за насловна страница и интервју за српското издание на магазинот Hello. Кога и предложиле да се слика со синот, таа рекла дека ќе се слика, но не е баш сигурна дали ќе се согласи Вук. Со оглед на тоа што нејзиниот наследник официјално стана тинејџер во февруари, заклучиле дека има подеднакви шанси да каже дека навистина му се допаѓа идејата или да заклучи дека фотографирањето е „само фрлање пари“. Неколку дена подоцна, кога беше креирана оваа насловна страница, поп-ѕвездата откри какви дипломатски вештини користела, нагласувајќи дека ниту еден од нив немало да резултира со нејзиниот сопруг Милан, ниту во три животи, бидејќи тој сака да биде „ човек од сенките“. Таа му објаснила на Вук дека би било убаво да се појават заедно и дека сака да покаже колку е горда на него, бидејќи тој е прекрасно дете, а потоа со насмевка додала: „Не е дека е мој, го сака мајка, но тој е навистина добар“. Набрзо дознавме како изгледало продолжението на разговорот, односно убедувањето. ‒ Едно од главните прашања беше што ќе облечат. Му се допадна што стилистот се грижеше за тоа, но мораше да ја скрати косата поради сликата, а тоа не му беше во плановите. Вчера отидов на фризер, бидејќи се фарбам на месец дена, па го зедов и него. (се смее) Бидејќи не и дозволил на фризерката да му ја скрати доволно косата, следниот ден отишол кај негвата фризерка да го „шиша“. Расположението му се менува од час во час, што е нормално на негова возраст, но мама и тато навреме се подготвија. Како? ‒ Го воспитуваме и разговараме со него како што тоа го правеа нашите родители со нас, затоа што мислиме дека потекнуваме од здрави средини и дека сме максимално „здрави во главата“. (се смее) Знаеме што е и што подразбира пубертетот, а научив многу благодарение на тоа што имам десет години помлада сестра. Кога Тамара имаше 13, јас имав 23, па добро се сеќавам на тие денови. Мајка ми тврди дека воопшто не поминав низ пубертет, а и таа и тато велат дека со мене било неверојатно лесно во тој период. Но, тоа што не го почувствуваа мојот пубертет го надомести Тамара. Јас сум инаку многу лесна за „ракување“. Доброто е што Вук ни зборува за се и сешто, а научен е дека, доколку се појави некаков проблем, јас и Милан треба да бидеме првите луѓе на кои ќе се обрати. Дали секогаш знаеш кога е заљубен? ‒ Се разбира дека не, едноставно не ми е дозволено да зборувам за тоа. Дали вие и Милан отсекогаш сте имале договорени ставови за воспитувањето, па „не“ значи „не“ и за вас и за него? ‒ Се случува по моето категорично „не“ да оди кај својот татко, кој нема да верувате, е поблаг. Следниот чекор е двајцата да ме убедат заедно, на што долго се спротивставувам, а потоа се согласувам со задолжителното предупредување: „Ти самиот си одговорен за своите постапки“. Се знае колку долго го чекавте Вук да дојде на свет. Дали се плашевте да не го разгалите токму поради таа причина? ‒ Веднаш знаев дека тоа не доаѓа предвид, бидејќи ми беше јасно дека ваквото однесување ќе ни се врати. Никогаш не го гледавме како дете, туку како малечок, со кого разговаравме како возрасен уште во неговото најрано детство. Кога имаше пет години се интересираше и за музика и за кошарка. Еднаш, додека седевме на ручек, рече: „Сè ме интересира и ме нервира“. Замислете едно петгодишно дете да го каже тоа! Жал ми е што не ги запишав неговите изјави, порано беа неверојатни. Меѓу нив беше: „Знаеш, мамо, не можам повеќе да го правам ова, одам во друга земја да садам чоколадо“. Тој секогаш имал свој став и немаше шанси да го „претегнете“. Јас и Милан ниту сакавме, ниту се обидовме да му наметнеме нешто, само го водевме во насоката во која мислевме дека треба да оди. Секој тинејџер има забелешки од родителите за нешто. За што му забележувате на Вук? ‒ Главно поради глупави работи, кои ме полудуваат. Македонците имаат израз „каде паднало,таму останало“. Кога одам на пат, а после три дена ќе дојдам дома и ќе ѕирнам во неговата соба, имам нервен слом. Дали и Милан мора да ги слуша приказните „среди го ова“ или „зошто е ова овде“? ‒ Не, тој е многу уреден, за разлика од малиот Дапчевиќ, кој го има принципот „моја соба - мои правила“, кое до одреден степен го почитувам. Кога ќе заврши, следи „несмасност“, иако ми е јасно дека имам опсесивно-компулсивно нарушување, дека се’ во куќата мора да биде под контрола. Тоа е неизлечиво, што не значи дека со текот на годините не научив дека реакциите на отстапување од него не се бурни. Кога ја снимаш серијата „Преспав“ во Скопје, месец и половина си отсутна од дома. Како тогаш го организирате семејниот живот? ‒ По десет-петнаесет дена ми доаѓаат или добивам одмор. Би било незамисливо да не се видиме толку долго. Овие двајца се неверојатно добро организирани. Многупати сум кажала дека Милан е прекрасен сопруг, но тој е и прекрасен татко. Исто така, одлично е што е одличен домаќин, така што се’ функционира одлично. Дали се случува да му речете на сопругот: „Не му дозволуваме на Вук да го прави ова или го критикуваме поради тоа, а какви бевме ние на негова возраст“? ‒ „Пораснав“ само во средно училиште. До крајот на основното училиште бев вистинска „бубалица“, а тој период не бил турбулентен ниту за Милан. Веќе се прашувам што не чека кога Вук ќе почне средно. Ако се метнал мене во тој поглед, Господ нека ни е на помош. (се смее) Се сеќавам, кога имав околу петнаесет години, можев сама да ја чувам Тамара, а мајка ми гледајќи ме повторуваше „како сама да се родила“. Голем дел од мојот инает го гледам во Вук, што понекогаш може да биде доблест, а понекогаш и вистинска неповолна положба. Многу е снаодлив, особено на училиште, упорен е, но забележувам и недостаток на амбиција што е карактеристично за мене. Не, не е мрзеливост, напротив, јас од секогаш сум била вистинска пчела, но да сум резонирала поинаку во годините кога имало „џа“ или „бу“, години кои одамна поминале, сигурно ќе имав направено многу повеќе. Убедена сум дека, со малку поголема амбиција, сега би била на Бродвеј, открива Тијана за Hello магазин. фото:Милош Надаждин/Hello magazin извор:Hello magazin

Во најдобро друштво: Вака Тијана Дапчевиќ ги полни батериите пред учеството на Беовизија 2022 (фото)

Христина Ѓоргиевска — Tue, 22 Feb 2022 08:40:13 +0000

Пејачката Тијана Дапчевиќ постојано живее на адреса Скопје – Белград, како поради професионални така и поради приватни причини. Така, до неодамна беше во Скопје каде се снимаше серијата „Преспав“, а таа ја има улогата на Германката Ула, а сега пејачката се подготвува за учество на Беовизија. Кога е во Србија, Тијана ужива во семејната хармонија со сопругот Милан и синот Вук. Иако е активна на социјалните мрежи, таа ретко споделува приватни фотографии. Многу ретко, па дури и никогаш не споделува фотографии од Милан, но некогаш знае да направи исклучок. Така беше и овој пат, кога македонската пејачка на својот „Инстаграм“ објави фотографија на која позира покрај двата најважни мажи во нејзиниот живот, синот и сопругот. Тијана заедно со Милан и Вук ужива во зимските денови на Копаоник. Пејачката со кармин на усните и насмеана направи селфи со Вук и Милан, а нема сомнеж дека ужива во нивно друштво во зимските денови. Веруваме дека пејачката во најдобро друштво ги наполнила батериите и е подготвена за нови ангажмани. Инаку, Тијана ќе учествува на Беовизија 2022 година со песната „Љуби љуби довека“ со која ќе се натпреварува да ја претставува Србија на Евровизија во Италија. фото: инстаграм/tijana.dapcevic/душан петровиќ

„Copy – paste“: Тијана Дапчевиќ објави фотографија од архива, а нејзините следбеници коментираат дека Вук е пресликан на неа

Христина Ѓоргиевска — Sat, 16 Oct 2021 07:00:10 +0000

Тијана Дапчевиќ зад себе има кариера долга повеќе од две децении, а од самиот почеток, па досега често експериментираше и го менуваше својот стил. Сме имале прилика да ја видиме со кратка, долга руса коса, со розова....и во разни други изданија, но секогаш е оригинална и препознатлива. Тијана е активна на „Инстаграм“, па неретко знае да сподели фотографии, некогаш од патување, некои како рекламира производи, често знае да сподели дека готви или пак да извади и некоја фотографија од архива и да се потсети како изгледала некогаш. Така и беше овојпат, кога Тијана на „Инстаграм“ објави фотографија од пред неколку години на која позира во кратко фустанче во крем објава и со кратка коса. „Јас бебе. Фотографирано пред xx години, некој едиторијал за некои весници. Убаво време, а убаво е и сега. Наздравје другари“, напиша Тијана на својот „Инстаграм“. Нејзините следбеници се согласија дека Тијана не се променила многу отогаш, па досега. Меѓутоа, она што многумина го коментираат е дека сличноста помеѓу Тијана и нејзиниот син Вук, односно дека нејзиниот наследник е копија на пејачката. „Вау, колку личи Вук на тебе“, „Љуби го мајка, колку Вук личи на тебе“, „Колку на Вас личи вашиот син, како близнаци сте“, „Вук“, „Беше и остана преубава. Инаку ти на ова фотографија и Вук сте копи – пасте“, се само некои од коментарите кои може да се прочитаат. Инаку, Тијана неодамна ја доведе својата линија до совшренество, па многумина може да и завидат на нејзиниот изглед. Дапчевиќ се прослави и со нејзината улога на Германката Ула во серијата „Преспав“ , a наскоро ќе започне и снимањето на 6-та сезона, па Дапчевиќ ќе дојде во Скопје каде што ќе биде одреден период додека трае снимањето. Ќе се согласите дека на фотографијата Тијана и Вук се „сopy – paste“. фото: инстаграм/тијана дапчевиќ

Синот на Тијана тргна во авантура, но по свој пат: Ќе биде ли Вук новата ѕвезда во познатото семејство? (ФОТО)

Антонио Димитриевски — Mon, 14 Sep 2020 07:39:28 +0000

Тијана и Тамара, двете сверојатно најпознати сестри во македонскиот естраден шоубизнис, обете јавни личности, поп пејачки, повремено водителки, естрадни ѕвезди со несомнени вокални квалитети за кои нема кој не слушнал. Потекнуваат од музичко семејство продолжувајќи го патот на нивните родители, мама Бранка-некогаш позната македонска пејачка и тато Велко-професор по музика на Музичката Академија во Скопје. Тијана мажена одпоодамна, кога и замина да живее во Белград, Тамара пред некоја година... Обете реализирани и како мајки. Тамара ги доби најпрвин ќерката Хана, а потоа и синчето дарен, додека Тијана го има својот Вук, кој полека израсна во вистинско момче, тинејџер кој ги прави своите први самостојни чекори во една област. Иако целото семејство по мајка му е во музичките води,синот на Тијана има поинаква дарба, па реши тргне по друг пат - оној на спортот. Строен на татко му Милан, Бога ми и мајка му Тијана кога е висината во прашање, Вук реши своите природни предиспозиции и дарба да ги искористи. Така, малиот Дапчевиќ почна да тренира кошарка, спорт по кој Србија е светски прочуена велесила, а и Македонија дала неколку големи европски, па и светски ѕвезди... Од Буштур, преку Наумовски до Антиќ... Вук стана член на кошаркарската школа на едена исто така голема некогашна кошаркарска ѕвезда на КК Партизан и тогашната ЈУ репрезентација, бившиот центар Жељко Ребрача кој сега има своја кошаркарска академија во Белград. Прва која со заедничко селфи на нејзиниот Вук му посака среќа и успех во желбата да истрае и научи многу нешта од искусните кошаркарски волци, беше мама Тијана: „Вук тргна во нова кошаркарска авантура во @akademijarebraca, која е дел од @star_wellness_sport . Среќно сине, затоа што ќе научиш многу од чичко Жељко (и сите тренери што се на академијата)“ - напиша во пораката покрај заедничката фотографија со синот и кошеркарската легенда пејачката. Со среќа и од нас... И кој знае...? Можеби токму Вук ќе биде новата ѕвезда во познатото семејство!?