втора шанса – Вистина.мк

Џејла Рамовиќ призна дали го преболела поранешниот – пејачката откри работи од нејзиниот личен живот (фото)

Слаѓана Атанасова — Thu, 30 Nov 2023 12:13:10 +0000

Пејачката Џејла Рамовиќ го држи својот приватен живот подалеку од очите на јавноста и ретко зборува за тоа. Џејла неодамна излезе од долгогодишна емотивна врска, а сега откри дали и било тешко да го преболи раскинувањето. -Тоа е завршена приказната, го преболев. Често го имам овој сомнеж за разни работи и секогаш кога треба на нешто да му дадам втора шанса, секогаш помислувам: „Тоа е како да му давам втора шанса на поранешниот“. Верувам дека луѓето можат да се променат, но втора шанса на љубовта досега не сум дала - искрена е поранешната победничка на „Ѕвездите на Гранд“. Инаку, иако често патува и сама располага со сопствените финансиски средства, една ситуација ѝ го промени погледот на светот. - Откако работам, не зависам од никого и не поставувам лимит ако нешто ќе ме прави среќна, се трудам да се задоволам себеси, особено кога бев сама во Барселона, но кога сватив дека кафето на аеродром чини 8 евра, ја подвлеков таа линија. Се шокирав и тогаш си реков: „Ова е навистина скапо“ – изјави Рамовиќ, која тврди дека нема проблем со неконтролирано трошење пари. - Горда сум на себе затоа што знам да се справам со парите. Вложувам во се по малку, се трудам да ги задоволам сите полиња - тврди пејачката. Фото: Принтскрин/Instagram/dzejlaramovic

Дарко Лазиќ ги призна грешките: „Господ ми даде втора шанса“ (фото)

Слаѓана Атанасова — Mon, 13 Nov 2023 11:41:08 +0000

Пејачот Дарко Лазиќ во емотивна исповед се отвори за своето семејство и истакна дека жали што во еден момент се разделил од родителите. Тој во претходните изјави во медиумите истакна дека жали и за сообраќајната несреќа која за малку ќе го чинеше живот. - Најмногу жалам што ја доживеав таа несреќа, морав уште малку да се грижам за себе. Направив голема штета на моето семејство и на луѓето кои ме сакаат, можев да умрам, да не постојам повеќе. Кога би можел да го вратам времето, единственото нешто што би го променил е да се сакам и почитувам малку повеќе себеси – рече тој и додаде: - Бев на работ на смртта, кога човек ќе се извлече од таа ситуација, тогаш сфаќа дека Господ не им дава на сите втора шанса. Потоа се прашуваш: 'Чекај малку мајсторе, уште колку, не си веќе сам на овој свет?!' Лазиќ признава дека во еден момент бил толку понесен од славата што се оддалечил од семејството и дека во тој период никој не можел да влијае на него. - Потекнувам од добро семејство и ги учам моите деца да бидат добри луѓе, некој може да каже дека сум ваков или онаков, но никој не може да каже дека сум лош човек. Имам мои „бубачки“, сите се занесуваат од славата, парите, општеството, ќе се трудам да не ги прават истите грешки како мене. Во тоа време немаше кој да ме поведе на вистинскиот пат, немаше кој да ми каже „Стоп, не треба да биде така“. Ме понесе популарноста, ќе кажам не знам по кој пат, се лаже секој што ќе каже дека е различно. , морав да успеам затоа што удрив со глава во ѕид, а можев и да ја загубам главата - призна Дарко. Фото: Принтскрин/Ата Имаџес/Часлав Вукојичиќ

Дали е добра идеја да му дадете втора шанса на бившиот?

Слаѓана Атанасова — Mon, 03 Jul 2023 14:00:22 +0000

Размислувате да ја обновите врската со поранешен дечко? Во многу ретки ситуации тоа е добра идеја, најчесто бидејќи сигурно сте имале добра причина да раскинете Но, сепак има неколку ситуации кога можеби инстинктот не ве лаже, особено ако со дечкото сте се разделиле, а не сте раскинале поради некоја непремостлива разлика. Како и да е, ова се петте ситуации што укажуваат дека можеби е добра идеја да се смирите со бившиот: Мислите на него во важни моменти Ако помислувате на него во моменти што ви се навистина важни, тоа значи дека ви недостига и сакате со него да ги споделите тие значајни настани и мигови. Преиспитајте се дали бил тука за вас во минатото во такви неповторливи мигови и како сте се чувствувале тогаш. Се обидувате да го направите љубоморен Ако смислувате начини да го направите бившиот љубоморен, тоа значи дека уште ви е важно што мисли за вас. Ако го имате преболено, тогаш нема да се грижите за неговото мислење. Убаво размислете дали ви е потребен тој или само сакате да бидете „победникот“ во играта „кому му е подобро по раскинувањето“. Ги споредувате другите мажи со него Ако сите потенцијални партнери ги споредувате со него (а не со другите бивши) и никој не може ни „да му се доближи“, јасно е дека уште имате длабоки чувства за него. Можеби е време да престанете да му барате замена и или да се смирите со него или едноставно да бидете сами некое време. Ви недостигаат ситниците Нормално е по раскинувањето да ви недостига генералното чувство дека сте во двојка, големите моменти и спомени што ги имате со таа линост. Но, ако ви недостигаат ситници, како израз на лицето, фраза што често ја користел, песна што му била омилена... тоа се знаци дека ви недостига личноста, а не врската, а тоа значи дека ако и тој се чувствува така, може да си дадете втора шанса. Извор: Кајгана.мк

Размислувате за втора шанса, одговорите на овие 3 прашања ќе ви кажат дали треба да го направите тоа

Слободанка Илиева — Wed, 05 Apr 2023 12:31:37 +0000

Доколку сте во дилема дали некому да му дадете уште една шанса, обрнете внимание на тоа дали се кае, колку е искрен и што всушност знаете за таа личност. Веројатно сте се соочиле со дилемата дали некому да му дадете втора шанса во одреден момент од животот. Психотерапевтот Марко Јовашевиќ истакнува дека во таа одлука би можело да ви помогне доколку одговорите на следниве прашања: Дали личноста се кае? Каењето е природен одговор на извинување или подготвеност за промена, но често крие автоматизам, каде што човекот „покажува каење“, но ништо не научил од тоа, па ги повторува истите работи одново и одново. Треба да имате јасни докази дека личноста научила од своите грешки. Ако личноста ве обвинува или ја префрла одговорноста, тогаш не е вистинско каење кое води до промена. Дали личноста е искрена? Дали личноста покажува дека е свесна за својата одговорност или спинува или ја негира одговорноста? Дали оваа личност често лаже, особено за „ситници“? Не е паметно да им се дава шанса на луѓето кои се склони кон лаги. Дали сте свесни и искрени (во себе) која е таа личност? Забележете како таа личност се однесува кон другите, не само кон вас. Дали сака да озборува или да зборува зад грб? Исто така, треба да го знаете минатото на таа личност, особено во однос на другите, и да го земете тоа во предвид. – Не можете само да го прифатите зборот на другите дека ќе се променат. Без докази не можете да верувате, бидејќи без докази за промена не можете ни да донесете одлука дали сакате некому да му дадете втора шанса – нагласува психотерапевтот. извор:курир.мк

Размислувате да дадете втора шанса? Одговорите на овие 3 прашања ќе ви кажат дали треба да го направите тоа!

Слаѓана Атанасова — Fri, 24 Mar 2023 12:58:08 +0000

Доколку сте во дилема дали некому да му дадете уште една шанса, обрнете внимание на тоа дали се кае, колку е искрен и што всушност знаете за таа личност. Веројатно сте се соочиле со дилемата дали некому да му дадете втора шанса во одреден момент од животот. Психотерапевтот Марко Јовашевиќ истакнува дека во таа одлука би можело да ви помогне доколку одговорите на следниве прашања: Дали личноста се кае? Каењето е природен одговор на извинување или подготвеност за промена, но често крие автоматизам, каде што човекот „покажува каење“, но ништо не научил од тоа, па ги повторува истите работи одново и одново. Треба да имате јасни докази дека личноста научила од своите грешки. Ако личноста ве обвинува или ја префрла одговорноста, тогаш не е вистинско каење кое води до промена. Дали личноста е искрена? Дали личноста покажува дека е свесна за својата одговорност или спинува или ја негира одговорноста? Дали оваа личност често лаже, особено за „ситници“? Не е паметно да им се дава шанса на луѓето кои се склони кон лаги. Дали сте свесни и искрени (во себе) која е таа личност? Забележете како таа личност се однесува кон другите, не само кон вас. Дали сака да озборува или да зборува зад грб? Исто така, треба да го знаете минатото на таа личност, особено во однос на другите, и да го земете тоа во предвид. – Не можете само да го прифатите зборот на другите дека ќе се променат. Без докази не можете да верувате, бидејќи без докази за промена не можете ни да донесете одлука дали сакате некому да му дадете втора шанса – нагласува психотерапевтот. Извор: Попара.мк

На повторна проба: Рада Манојловиќ му даде втора шанса на Харис Берковиќ (фото)

Слаѓана Атанасова — Thu, 29 Dec 2022 09:06:47 +0000

Рада Манојловиќ и Харис Берковиќ ги решија сите несогласувања и одлучија да се помират, но според соопштувањето од медиумите вешто ја кријат својата врска бидејќи таткото на Рада Манојловиќ се противи и не го одобрува, затоа што верува дека пејачот сиве овие години ја мамел ќерка му. Неодамна Харис сериозно сакаше повторно да го освои срцето на пејачката и инсистираше да се види со неа, па постојано биле во контакт, а потоа се сретнале. Штом дошол од Босна во Белград, Харис се упатил во станот на Рада каде што имале сериозен и многу долг разговор. - Рада и Харис по долг разговор се помириле. Сфатиле каде грешат и дека емоциите се уште се присутни. Сепак, Рада јасно му кажала дека не сака да се забавуваат со години, бидејќи веќе е доволно возрасна и сака да стане мајка, на што тој рекол дека разбрал дека сака се со неа. Сепак, тие сѐ уште не сакаат јавно да ја признаат врската, а причината е таткото на Рада Манојловиќ. Тој е лут на Харис, мисли дека си играл со ќерката и и ги потрошил годините. Најмногу сака да има внуче, а кога Рада ќе му каже дека е трудна со Харис, дури тогаш ќе омекне. Затоа решија да се гледаат исклучиво во нејзиниот стан, да видат како ќе продолжи да функционира и дали има смисла новата шанса што си ја дадоа – изјавил добро упатен извор близок до пејачката. -Колку што знам, кога ќе завршат празниците, двајцата планираат да одат на одмор во Дубаи, за да се одморат и да се посветат еден на друг. Рада му порача на Харис да не му кажува на семејството дека се повторно заедно, туку да остави време се да се искристализира – заклучува изворот за „Стар“. Фото:Принтскрин/Инстаграм

Дајте му втора шанса, ако првиот с*кс не е добар

Слаѓана Атанасова — Thu, 21 Jul 2022 13:30:45 +0000

Жени, дознајте зошто мажите понекогаш потфрлуваат и затоа не осудувајте ги веднаш. Сепак, за сексот не постои онаа добро познатата- нема втора шанса за прв впечаток. Машкиот лош мозок Мажите сакаат да остават силен прв впечаток, посебно кога сексот е во прашање. Но, во сексот важна улога игра психологијата, па често умеат сами себе да се избезумат и да се убијат во поим. Се обидуваат да не упропастат некој момент. А, тогаш нормално го упропастуваат со самото размислување. Недостиг на вежби Можно е мажот да не е во форма, ако не бил со девојката некое време. Но, тоа не е лошо. Знаете ли кој е одличен првиот пат? Мажите кои постојано ставаат цртки и не се баш прибирливи во изборот на девојка со која тоа го прават. Таквиот е супер за комбинација, но не ако и нешто ви значи. Пијалок Премногу испиени чаши од било што се гаранција за исплашен и мек пенис. Веројатно тоа понекогаш ви се случило, така што ова и не е некое преголемо изненадување. Виновен е кондомот Ако мажот завршил една врска во која девојката користела пилули (или не користела заштита) можеби ќе му биде тешко да се врати на кондоми. Но, кога ќе ја поврати контролата на кондомот, сексот може да биде неспоредливо подобар. Непозната територија Во ситуации кога допрва го открива вашето тело, мажите лесно може да се случи да го изгуби ритамот. Ќе му биде потребно некое време да го пронајде прекинувачот за вклучување како и истражување на некои деликатни перформанси. Не е лесно да и се каже на девојката дека направила нешто поради што пенисот постанува мек. Премногу е рано Не му поаѓа на секое момче од рака да ја одведе својата девојка со која излегува во кревет така брзо, колку што допуштаат законите на физиката. Понекогаш ако се впуштате во секс прерано, ситуацијата може да постане едноставно непријатна. Таа паника стапува на сцена, а добриот секс не сака паника.

Најстраотните сообраќајни несреќи на ѕвездите од македонската и регионалната естрада: Само неколкумина добија втора шанса! (ФОТО)

Антонио Димитриевски — Sat, 02 Jul 2022 08:00:57 +0000

Сообраќајните несреќи за жал, оставија трага во животот на многу познати лица од естрадата. Се разбира кај оние кои за среќа ги преживеаја тие страшни моменти, а неизмерна тага, длабока болка и вечна жалост кај семејствата, обожавателите, јавноста... по оние кои прерано ги загубија своите животи во тие страшни трагедии.

Тоше Проески е еден од оние по кои тагуваше не само Македонија, туку и целиот регион, Балканот, па и светот, откако го загуби својот живот во сообраќајната незгода. Почина на 16 октомври 2007 година во сударот во близина на Нова Градишка, а во моментот на несреќата патуваше кон Загреб. Во сообраќајна незгода, возачот на автомобилот беше полесно повреден, како и менаџерката на Тоше, Љиљана Петровиќ.

„Триангл“ ќе останат како запаметени по тоа што се првата македонска рок група која во својата авторска музика вметнува етно елементи и македонски фолклорни мотиви. За жал, брилијантните гитарски импровизации на тогашниот музички гуру на групата, гитаристот Борче, ќе згаснат заедно со неговиот живот. Тој во почетокот на 80-ите, само неколку години од основањето на бендот ќе загине во тешка сообраќајна несреќа на денешната улица „Васил Ѓоргов“ во скопската населба Козле, во која ќе бидат тешко повредени и некои од останатите членови на групата, меѓу кои и денес се' уште активниот музичар и лидер на реоформените „Триангл“, басистот Кокан Пандиловски.

Од оние познати македонски естрадни ѕвезди што на ваков несреќен и насилен начин прерано го загубија животот, секако уште најмногу се памети страшната сообраќајна несреќа во која на 31 август 1983 година, на патот Куманово-Свети Николе загинаа популарната македонска пејачка на забавни песни Сашка Петковска - Липша, како и трите главни члена на првата македонска балетска група „Авона“ - Вељко Павичевиќ (26), Петранка (27) и Евдокија (23).

Во истата несреќа загинаа 9 лица, меѓу кои и естрадни уметници, нивни пријатели, колеги, како и припадници на тогашната ЈНА. Автобусот во кој патувале требало да оддржи концерт за припадниците на ЈНА кои се наоѓале на извршување на редовните обврски кај Свети Николе.

Покрај овие три, Македонија уште ќе ја памети и големата трагедија што се случи во 1995 година на патот Охрид - Скопје, кога во страшна сообраќајна несреќа животот го загуби познатиот македонски композитор, текстописец и пејач, Владимир Нејашмиќ - Бато, во чиј паркиран автомобил крај патот удри друго возило. Во трагичната несреќе животот покрај него го загубија и неговата сопруга и малотната ќеркичка. Бато беше познат како автор на музиката на многу поп, фолк, детски песни и композиции и стихови за нив, меѓу кои и текстот на легендарната „Свирете ја зајди, зајди“ со која Олгица Христовска победи на „Макфест“ 1992. година. Од регионот, најсвежо ни е сеќавањето кога една од најголемите југословенски ѕвезди на народна музика Шабан Шаулиќ им подлегна на повредите со кои се здоби во тешка сообраќајна несреќа во Германија. Шеесет и седумгодишниот Шаулиќ настрада рано утротоо на 17 февруари 2019 год. на пат за Дортмунд, во близина на Билефелд, на враќање од концертот што претходната вечер го одржал во овој град. Тој по несреќата итно бил префрлен во болница, каде што починал. Сообраќајката ја предизвикал пијан и дрогиран возач, Германец со турско потекло.

Кон крајот на 2018 година српскиот фолк пејач Дарко Лазиќ беше примен во КБЦ Земун по ужасната сообраќајна несреќа на патот Суботиште-Брестац. Едва преживеа, а денес тој сè уште се справува со последиците.

Во 2013 година, пејачката Вања Мијатовиќ доживеала сообраќајна несреќа на враќање по концертот од Нови Сад кон Белград. Возилото го возел нејзиниот колега, Стефан Петрушиќ, а со нив била и сега екс сопругата на Дарко Лазиќ, Ана Севиќ. Сите тројца, за среќа, поминале без сериозни повреди.

Дарко Радовановиќ и неговиот менаџер, Александар Милошевиќ, починаа во јуни 2011 година во сериозна сообраќајна несреќа што се случи на обиколницата на Оструњски мост до Сурчин. Пејачот остави зад себе сопруга и ќерка.

Љубиша Стојановиќ - Луис го загуби животот на возраст од 59 години, кога со својот автомобил во јули 2011 година преминал на другата коловозна лента и преизвикал директен судир со друго возило, управувано од унгарски државјанин.

Кон крајот на летото во 1986 година, во сообраќајна несреќа на тлото на Херцеговина, прерано згаснаа животите на две млади сараевски рок ѕвезди: Дражен Ричл - Зијо – тогашниот гитарист и пејач на групата „Црвена јабука“ и Аљоша Буха, басистот на бендот. Несреќата се случила додека патувале накај Мостар, каде требало да одржат концерт. Дражен изгубил контрола над воланот по лизгавиот асфалт и починал набргу по сообраќајката. Буха, со тешки телесни повреди бил префрлен во Белград на лекување, но починал две недели подоцна на дваесет и четиригодишна возраст. Дражен Ричл со групата „Црвена јабука“ сними само еден - нивниот прв албум, по што местото на главен вокал го презема тогаш нивниот клавијатурист, Дражен Жериќ - Жера.

Фолк иконата на 70-ите, пејачката Силвана Арменулиќ, почина во ужасна несреќа што се случи пред 42 години. Нејзината трагична смрт тогаш предизвика големо внимание во јавноста, особено поради бројните мистериозни околности што ги следеше несреќата. Небојша Савељиќ, член на групата „Монтенегрос“, почина на 28 годишна возраст во 1999 година, во сообраќајна несреќа на патот Подгорица-Цетиње, кога со автомобилот удри во карпа. Со него настрадаа и неговата девојка Тања и неговиот пријател Аца. Ипче, помладиот брат на фолкерот Јашар Ахмедовски имал само 28 години, кога загинал во сообраќајна несреќа во јули 1994 година на Ибарската магистрала, во близина на селото Шопиќи кај Лазаревац. Во Загреб низ една од градските улици на хрватската престолнина во далечната 1993 година, со автомобилот загина и познатиот кантавтор Томислав Ивчиќ, кого екс-југословенската публика го памети по големиот далматински хит “Вечерас је наша фешта”…

Александра Младеновиќ му даде втора шанса на Михајло: Пејачката и синот на Шабан Шаулиќ, неодамна раскинаа, па сега одново се заедно (ФОТО)

Антонио Димитриевски — Thu, 24 Sep 2020 08:28:54 +0000

Александра Младеновиќ му даде втора шанса на своето момче Михајло Шаулиќ и ја обнови врската со него. Пејачката и наследникот на Шабан Шаулиќ раскинаа пред само една недела, а причина за тоа беше запаѓањето во криза на врската и многуте расправии. Тогаш Александра ја потврди оваа информација. Сепак, се исполни желбата на нивното заедничко опкружување, зашто друштвото беше убедено дека двојката ќе се смири и дека кризата е само моментална. Пред неколку дена, Александра и Михајло се сретнаа, разговараа и ги „испеглаа“ разликите во својата врска, откако сфатија дека не можат без еден без друг друг. Доказ дека се смириле е фотографијата што ја направија папараците на српски Курир минатата недела. Двојката беше уловена на забава во едно белградско кафуле и судејќи според насмевките на нивните лица, би се рекло дека се среќни. Колку не можат еден без друг, покажува и фактот дека во еден момент, кога песната го погоди, Михајло тој стана и заигра, па иако Младеновиќ сè уште седеше, тој цело време ја држеше за рака. Потоа, пред сите, тие се прегрнувале и бакнувале, а како што велат очевидци, сега на нивната врска „и цветаат рози“. Нивните пријатели веруваат дека двојката наскоро ќе застане пред олтар, како и дека веќе разговарале за таа можност. Иако сметаат дека е рано за брак, сепак пријателите сметаат дека тие би можеле да го кажат судбоносно „да“ во средината на следната година. Исто така се шпекулира дека Александра и Михајло наскоро ќе започнат да живеат заедно.

Нина Бадриќ претходната година ја раскина свршувашката, а сега откри на кои мажи не им дава втора шанса

Христина Ѓоргиевска — Fri, 08 Mar 2019 11:55:25 +0000

Нина Бадриќ важи за дама со стил, а во интервју за стори.рс откри што значи да се биде жена во 21 век. „Од мајка ми ја наследив силата. Мојата мајка е посебна жена, борец, многу духовита и силна личност која нема страв пред ништо. Иако има 73 години, витка е како девојче. Никогаш не се жали, а никогаш не ме гледаше како ѕвезда“ вели Бадриќ.

View this post on Instagram

Budi zahvalan ??

A post shared by Nina Badric (@badrich) on Mar 1, 2019 at 1:55am PST

Во октомври претходната година таа ја раскина свршувачката со бизнисменот Тони, а сега откри на какви мажи не им дава втора шанса. „Најлошо што ми се случувало е да мојот маж престанува да биде витез и заштитник на моето срце. Кога не е искрен. Кога лаже. Кога се прави дека му е сеедно и дека се зема здраво за готово, а уште полошо е кога ќе сфати предоцна. На таквите не им давам втора шанса“ вели Бадриќ и додава:

View this post on Instagram

Uživajte u vikenduuuu!??

A post shared by Nina Badric (@badrich) on Feb 23, 2019 at 8:55am PST

„Не треба човекот да го оцените според лошото искуство.Тоа треба да се заборави. Има прекрасни мажи.Може само да се верува на добра личност, не е важно дали е маж или жена. Треба да гледате во нечија доброта. И кога ќе најдете таква личност, тоа е непроценливо“ вели пејачката.