втор круг – Вистина.мк

Хаос на почетокот на вториот круг: Цеца кажа само еден збор, а Марија и Вики завојуваа (фото)

Слаѓана Атанасова — Thu, 12 Jan 2023 10:23:35 +0000

Екипата на емисијата „Ѕвездите на Гранд“ продолжува со опасно темпо, па оваа сабота се емитува првата емисија од вториот круг на најпопуларното музичко натпреварување на Балканот. Сега сѐ излегува на виделина, па лесно ќе се види колку менторите работеле со младите пејачи, но и колку натпреварувачите ги слушале и применувале се што им било кажано на пробите. Веќе во првата емисија од овој круг започнаа жестоки расправии на жирито, а сите френетично се борат нивните кандидати да се пласираат во следниот круг од натпреварувањето. Цеца на самиот старт на шоуто многу се изнервира, па на сите им одржа лекција за паметење, но на колегите од жирито им порача да не бидат толку строги со кандидатите бидејќи сѐ уште е самиот почеток на натпреварот. - Секако, не се согласувам со жирито, сега сите пеат како Павароти и секој како Павароти направил големи кариери, добро, тоа не е точно - изјави Цеца која не можеше да го сокрие бесот. Како што течеше емисијата, страстите се вжештуваа, па Марија и Вики жестоко се скараа поради кандидат кој е во тимот на Виолета. - Изгледаш како да си дојден да доставиш нечија пошта, не мислам на гардеробата, туку на говорот на телото - рече Марија. Но, Вики не можеше да остане имуна на овие зборови, па жестоко одговори: -Тоа момче не пее, туку гради монтажни куќи и не пее. Само што ќе почне да пее, не може се да научи за два дена - рече Вики, а Марија во свој стил ја заврши дискусијата: - Зарем веќе почна, чавко? А ти момче разбуди се убаво или земи чекан и гради куќи - заклучи Марија. Фото:Принтскрин/Јутјуб/ТВ Пинк

Стевчо Јакимовски: „Веднаш ќе направиме четири нови градинки, ќе ја реконструираме салата ‘Партизан’ и ќе направиме нови паркинг места (ВИДЕО)

Антонио Димитриевски — Tue, 26 Oct 2021 11:13:15 +0000

Кандидатот за градоначалник на општина Карпош и лидер на „ГРОМ“, Стевчо Јакимовски во интервју за Курир.мк, вели дека во општината најголем приоритет во иднина ќе биде сите деца да бидат згрижени во градинка. -Четири нови градинки мораме под итно да направиме и во секоја од постоечките градинки од две до четири занимални да додадеме плус, бидејќи 800 деца ни чекаат упис во градинките. Втор приоритет е решавањето на паркирањето, мораме подземни гаражи, мораме надземни гаражи, по готово во делот на Карпош 1, кај Министерството за економија, овде во Карпош 3, Лептокарија, Порта Влае мораме да ја решиме, вели Јакимовски. Тој додава дека во неговата програма за младите луѓе се вклучени многу проекти, особено за најмладите, да имаат добра заштита, како и давање на стипендии на талентираните ученици и спортисти. -Со моето доаѓање уште во 200-та година, ние сите спортски терени во Карпош ги осветливме, веќе игралиштето во Влае го направиме и со вештачка трева, планираме сите спортски терени да бидат со вештачка трева. Игралиштето Сокол, планираме да го покриеме, детските игралишта исто така ни се приоритет, она што е важно е и кејот на Вардар, уште една велосипедска патека ќе направиме, уште една патека само за трчање исто така ќе направиме. Салата Партизан исто така ќе се реконструира и ќе се стави бесплатно на користење на граѓаните на Карпош, вели Јакимовски. Целото интервју, погледнете го подолу во видеото:

„Да пееш со синот е нешто најубаво на светот“: Софче Џорлева доби засилување во „Никогаш не е доцна“

Христина Ѓоргиевска — Tue, 17 Dec 2019 08:37:30 +0000

Започна вториот круг на емисијата „Никогаш не е доцна“, а прва настапуваше добро позната кандидатка Софче Џорлева која во првиот круг го остави жирито без зборови. Во првиот круг, Софче ги воодушеви сите со својот глас и добрата песна, а за вториот круг одбра ромски хит односно „Geljan dada“ од Шабан Бајрамовиќ. Штом започна со пеење, македонската учесничка веднаш доби аплауз од публиката во студиото. По нејзиниот одличен настап, жирито имаше само пофални зборови за Софче. „Ромскиот јазик ви оди добро, ми се допаѓа. Секоја чест“ изјави Ален Адемовиќ, а Катарина Грујиќ прокоментира дека има одлична енергија и дека совршено пее. Во вториот круг има ревијален дел каде што кандидатите пеат во дуети, а овој пат Софче доби засилување од нејзината поддршка, односно нејзиниот син Огнен Здравкоски која претходната година беше во „Ѕвездите на Гранд“. Софче и Огнен заедно ја отпеајаа „Зoшто си ме мајко родила“, а публиката во жирито стана на нозе. „Да пееш со синот е нешто најубаво во светот“ изјави Софче по настапот. По изведбата на „Зошто си ме мајко родила“, на сцената се прудржи семејството на Софче, а водителката Драгана Катиќ истакна дека со овој гест пратила најубава фотографија во светот. Нејзиниот настап може да го погледнете во видеото подолу на 8:20.

Добра “професорка“: Maкедонците од „Ѕвездите на Гранд“ ги започнаа подготовките за вториот круг со Вики Миљковиќ

Христина Ѓоргиевска — Wed, 13 Nov 2019 09:11:23 +0000

Во септември започна новата сезона на регионалното музичко „Ѕвездите на Гранд“ каде и оваа година има и македонски претставници. Како и претходната сезона, правилата во музичкото шоу остануваат речиси исти, со некои мали измени. Имено, членовите на жирито имаат и улога на ментори, па заедно со своите екипи и соработници ги подготвуваат кандидатите за следните кругови. Во оваа сезона, наместо продукцијата, има и гост – ментор кој гостува само една емисија и може да одбере некој кандидат, па во таква улога ќе ја видиме и македонската пејачката Тијана Дапчевиќ. https://arhiva.vistina.com.mk/radio-mileva/tijana-dapchevikj-so-neverojatna-stilska-transformacija-se-pojavi-vo-dzvezdite-na-grand-i-gi-ostavi-site-so-podotvorena-usta-foto/ Како и во досегашните сезони, така и оваа година во музичкото шоу има македонски претставници, а меѓу нив Стефан Виличковски, Марио Арангеловски, Александра Темелков, Гоце Бошковски... https://arhiva.vistina.com.mk/radio-mileva/samo-shto-se-pojavi-na-scena-publikata-go-pozdravi-so-aplauz-aleksandar-temelkov-povtorno-vo-dzvezdite-na-grand-napravi-haos/ Александар Темелков и Гоце Бошковски за свој ментор ја одбраа пејачката Вики Миљковиќ. Бидејќи наскоро започнува вториот круг на музичкото шоу, Вики Миљковиќ и нејзината екипа започнаа со подготвките на нејзините кандидати. Имено, Александар и Гоце се најдоа во студиото на Миљковиќ каде ги бираат песните за следниот круг, работат на грешките, интерпретација и целосниот настап. Темелков на својот „Фејсбук“ објави фоготафија од студиото, а во описот напиша: „Професионално се подготвуваме за вториот круг со мојот ментор Вики Миљковиќ и Ташке“ напиша Александар на заедничката фотографија. И Гоце Бошковски сподели дел од атмосферата во студиото на Миљковиќ. Инаку, добро е познато дека српската пејачка целосно е посветена на своите кандидати и има ангажирано цела екипа, односно шминкер, фризер, стилист, психолог кои професионално и посветено работат сите заедно. Како Вики ќе ги подготви македонските кандидати и дали ќе поминат во третиот круг, останува да видиме.

„Ти си сине лудило“: Филип Пецовски со енергичен настап го запали студиото на „Гранд“ (видео)

Христина Ѓоргиевска — Mon, 04 Feb 2019 08:21:17 +0000

Во последната емисија на „Ѕвездите на Гранд“ настапуваше и Филип Пецовски од Скопје.Во првиот круг, Филип се претстави во одлично светло и публиката ја воодушеви со својот енергичен настап. Тој за ментор ја одбра Јелена Карлеуша со која деновиве работеше на негово претставување во вториот круг. https://www.youtube.com/watch?v=04F6amxVAng&t=258s Во саботата, тој се претстави со песните „Уби ме ти“ од Бобан Рајовиќ и „Лагала нас мала“ од Тони Цетински.

Карлеуша седеше на столчето до Поповиќ и го следеше енергичниот настап на Филип.

Тој со своите интерпретации ја крена публиката на нозе и направи вистинска атмосфера. Пецоски освои вкупно пет гласа и директно помина во следниот круг.

Вики Миљковиќ беше единствена која не даде глас и го критикуваше дека тој е вистински шоумен, но дека пеењето не било најдобро. Џорџе Давид истакна дека во баладите не треба да ја троши својата енергија, тоа да го чува за некоја брза песна.

„Ти си роденa ѕвезда, тоа е сигурно. Јас често внимавам на пеењето, но првпат целиот настап да те надмине пеењето и се. Ти си сине лудило, одиме понатаму“ истакна Босанац. Марија не беше задоволна од пеењето на Филип, но истакна дека тој знае да прави шоу.

„Ако сме реални, овој кандидат да е последен на светот не би му дала глас. Меѓутоа, ти припаѓаш на онаа група изведувачи кои спаѓаат во групата на забавувачи. Сите ние секогаш да се забавуваме. Мене тоа ми се допадна и секоја чест“ вели Шерифовиќ. Како Филип ќе се претстави во третиот круг останува да видиме.