втор дел – Вистина.мк

Фановите едвај го чекаа „Аватар 2“, но најновите информации се разочарувачки!

Слободанка Илиева — Thu, 09 May 2019 10:29:22 +0000

Иако првично беше најавено дека „Аватар 2“ ќе го гледаме наскоро, па потоа во 2021 година, а сега во медиумите се појави разочарувачка информација за сите фанови на филмот на Џејмс Камерон. Имено, „Волт Дизни“, објави дека во наредните осум години планира да го сними продолжението на „Аватар“, новиот серијал од „Војна на ѕвездите“ и адаптацијата на Стивен Спилберг „Приказна од западната страна“. Аватар 2“ наместо во 2021 година, во кината ќе се најде на 17-ти декември 2027-та година.

„Дизни“ вели дека третиот дел во кината ќе се појави во 2023-та година, четвртиот во 2015-та година, а петтиот во 2027-та година, пренесува АП. Камероновиот „Аватар“ до денес го држи рекордот во приход од продадени карти (2,7 милијарди долари), меѓутоа закана му претставува филмот „Avengers: Endgame“.

Унковски и Стефановски работат на продолжението на „Бушавата азбука“ – втор дел

Антонио Димитриевски — Tue, 05 Jun 2018 12:35:17 +0000

Горан Стефановски и Слободан Унковски работат на структурата на сценариото, а оваа серија, за разлика од „Бушава азбука“ ќе биде ориентирана кон македонскиот јазик и неговата употреба и богатство, и евентуално, кон јазиците на заедниците. Се очекува текстот да биде готов до крајот на годината, а реализацијата да се случи во 2019.

Зад серијата стои „2БА продукција“ од Скопје, а развојот на сценаријата за 31 епизода по 30 минути, како спонзорства ги обезбедиле неколку фирми.

Унковски е и продуцент, а креативен продуцент е актерката и професорка на Факултетот за драмски уметности Синоличка Трпкова-Меллес.

“Џуманџи: Добредојдовте во џунглата” заработи 100 милиони долари

Слободанка Илиева — Fri, 12 Jan 2018 12:37:16 +0000

Понекогаш имаме желба да играме некоја друштвена игра, но Џуманџи не е игра која би ја играле ние - тоа е играта која се игра со нас! Светот за прв пат се запозна со Џуманџи во 1995 година во истоимениот филмски хит кој во благајните на кино салите заработи преку 260 милиони долари, каде главна улога играше незборавниот Робин Вилијамс.

22 години подоцна пристигна новата верзија на игра во авантуристичкиот спектакл "Џуманџи: Добредојдовте во џунглата". Кога четири средношколци ќе ја откријат старата видео игра за која претходно никогаш не чуле, влегуваат во забавниот свет на џунглата и стануваат аватари по сопствен избор. За да ја победат играта и да се вратат во реалниот свет, мораат да ја преживеат најопасната авантура во својот живот или ќе останат засекогаш во играта.

Авантуристичкиот филм Џуманџи е продолжение на класиката од 1995 година, во кој овој пат во главни улоги се најдоа Двејн Џонсон, Џек Блек, Кевин Харт и Керен Гилан. Режисер на филмот е Џејк Касдан, кој заедно со глумците му го посветуваат филмот на починатиот глумец Робин Вилијамс.

Според одличната акција, фантастичната актерска екипа и врвната музика, несомнено е дека нè очекува вистински авантуристички спектакл. Филмот заработи преку 100 милиони долари во првата седмица кога се прикажуваше во кино салите.

извор:точка.мк