врсничко насилство – Вистина.мк

Рада Манојловиќ била жртва на врсничко насилство: „Добив шлаканици, ме туркаа, за мене осмолетката беше косовски бој“

Антонио Димитриевски — Tue, 09 Jan 2024 11:58:21 +0000

Рада Манојловиќ отворено призна дека трпела врсничко насилствово основно училиште. Периодот од петто до осмо одделение воопшто не и бил добар бидејќи заедно со другите деца од селото трпела навреди и понижување од учениците кои живееле во градот. Таа дури сега јавно проговори за тоа. „Основното училиште за мене беше косовски бој, Солунскиот фронткој јас ги преживеав. Тоа ми остана во сеќавање засекогаш“ – изјави Рада во емисијата „Пемиера – викенд специјал“, а потоа продолжи: „Зборувам за периодот од петто до осмо одделение, кога се преселивме во Жабаре. Бевме група од 6 - 7 деца од селото, па се преселивме во Жабаре, каде што бевме триесетина. Таму добиви шлаканици, момчињата ме туркаа и ме задеваа. Сите ни се смееја затоа што сме од село. Се облекував скромно, така да се каже. Бевме изолирани од општеството. Ќе играме кошарка, се бира тимот, никој не те бира, остануваш сам и само можеш да гледаш. Секогаш бевме одбивани. Прифатив дека нема сите да ме сакаат, дека секогаш ќе ме туркаат на страна, дека морам да се докажам, да покажам дека вредам. Тоа не беше нешто што се прави со насмевки. Во еден момент почнав физички да се бранам, пресеков... Не бев веќе таа фината, скромна, насмеана личност, туку возвраќаш. Зборуваме за периодот од 10 до 14 години“ - раскажала пејачката и ги советувала сегашните деца. Таа смета дека љубомората и зависта се нешто што ги тера насилниците да ги малтретираат подобрите од себе. „Луѓето понекогаш ја чувствуваат вашата вредност, конкуренција, убавина, талент, интелигенција, а потоа намерно сакаат да ве отстранат. И да си фин, културен, образован, ќе сакаат да те изедат. Нека им биде ова совет на денешните деца, дека мораат да се бранат“. На прашањето на Тања Савиќ, која беше со неа во емисијата, дали е паметно да ги советува децата да возвратат, таа одговори дека само кога го направила тоа го оттргнала насилникот од неа. „Првиот пат кога возвратив, турнав момче кое удри во еден столб, па речиси го осакатив, никогаш повеќе не ме ни погледна, а ме малтретираше цели три години“ - резимираше Рада. Фото: Инстаграм/radamanojlovic

Српската пејачка и актерка Катарина Богиќевиќ минала низ врсничко насилство и гнасни педофилски перверзии: „Не ми праќај фотос од половиот орган, викни ме на кафе“ (ФОТО)

Антонио Димитриевски — Tue, 11 Jul 2023 11:20:12 +0000

Пејачката и актерка Катарина Богиќевиќ, попозната како Кејт, на домашната јавност и е позната од 2012 година од серијата „Фолк“. Оваа талентирана млада дама успешно ја гради својата музичка кариера, но откако стана позната е придружена со бројни непријатности. Пријателите ме претепаа и ми го скршија прстот... Богиќевиќ како девојче била жртва на насилство од своите врсници. Во училиштето ја претепале и и' го скршиле прстот. Родителите на младата актерка немале избор, па веднаш ја префрлиле на друго одделение. - Во основно училиште многу ме малтретираа. Тоа беше ненормално, затоа го сменив одделението. Имав пријателки, тие беа буквално „злобни девојки“ - најсилни, најубави... Ако направиш подобар тест од нив, ќе те сочекаат и ќе те истепаат. Една од нив ми го скрши прстот. Игравме фудбал и четири од нив против дваесет од нас девојки. Секако, бевме повеќе и победивме. Бев капитен на мојот тим... Имавме десет или единаесет години... После тоа ме чекаа. Ме претепаа, ми го скршија прстот... После тоа некое време не одев на училиште. Тато потоа ме префрли во друго одделение - призна Кејт тогаш. Богиќевиќ како млада ѕвезда го доживеала горчливиот вкус на славата и признава дека тешко се справувала со тоа. -Кога почна серијата „Фолк“, бев отсутнаод училиште три месеци. Децата потоа направија анкета „Зошто ја мразиш Катарина Богиќевиќ?“. Мојот најдобар пријател кришум им ги зеде сите тие ливчиња и тогаш видов што мислат сите за мене. Немам убави спомени од основното училиште... Многу ме повредија - неволно се присетила младата актерка. Вознемирувањето од педофили е вклучено и во листата на непријатни искуства на младaта уметница. -Кога работев на серијата „Фолк“ ми пиша педофил. Тоа што ми го напиша е дно на дното, не можам да кажам што напиша... Тие зборови се парализирачки... Моите родители дознаа кој е и го пријавија. За жал, ниту денеска не ја заобиколуваат непријатните понуди и пораки Богиќевиќ: - Навистина ми се гади од тоа. Немам зборови колку е одвратно тоа што го прават мажите. Не е само поради гениталниот орган. Не ми е гајле, знам како изгледа машки и женски полов орган, тоа го научивме на училиште, подоцна го видовме преку сексуално искуство. Тоа е нормална појава, но зошто праќањето и малтретирањето. Ако сакаш да ти се допаднам, ако сакаш да бидеш со мене, ако сакаш да оствариме контакт, покани ме на кафе, биди имагинативен, направи шмек, напиши убава порака и можеби ќе се видиме, ќе бидеме во врска, а можеби и да се омажам за тебе на крај... Мажите го немаат тоа во глава и можеби поради несигурности и комплекси го праќаат она што не треба. Мислам дека е ужасно, одвратно и дека жените треба да се бранат со сите сили. Такви луѓе отсекогаш биле кај мене на блок – истакна Кејт. Фото: Инстаграм/kejtofficial

Васил Гарванлиев имал трауматично детство: „Од детска ѕвезда во Македонија, до училишен булинг во САД“ (ВИДЕО)

Антонио Димитриевски — Sat, 08 Feb 2020 09:06:44 +0000

По конечната одлука на МРТВ, македонските, но и некои од светските медиуми уште повеќе се заинтересираа за Васил Гарванлиев. Момчето кое 1994 година го отпеа најголемиот детски хит „Марионка“, неодамна имаше интервју за најчитаната независна веб - страница на светот, посветена на Еврозија „Wiwibloggs“. Во интервјуто Васил ја отвори душата и раскажа за своите денови од детството. Пејачот зборуваше за тоа како од популарно дете во родната Македонија, станал дете кое е изложено на училишен булинг (врсничко насилство), откако неговото семејство емигрирало во САД. Тогаш Васил бил 7 - мо одделение и вели дека кога го продолжил образованието таму, на англиски знаел да каже само да каже: „yes“, „no“, „hello“, „goodbye“, а останатото биле само гестикулации. „Првиот час на кој присуствував беше физичко. Не можев да ја најдам салата, само одев, а кога наставничката ми кажа нешто, јас не ја разбрав и само климав со главата. Потоа ја испружи раката кон салата, а таму сите седеа на подот, некој рече нешто и сите момчиња покажуваа со прстот во мене, смеејќи се. Поради мојата коса наставничката ме праша дали сум девојче, а бидејќи не знаев што да правам само климнав со главата и некои момчиња низ насмевка рекоа дека јас не знам да зборувам англиски. Тоа ме затвори и една година бев тивок. Од детска ѕвезда во Македонија, до ништо, а на тоа се надоврза и булингот. Сето тоа траеше додека не започнав да пеам.“ - се присетува Васил на првите училшни денови во Америка. На крајот на оваа приказна македонскиот претставник на Евровизија истакна дека музиката всушност му претставувала канал преку кој допирал до луѓето и ги надминувал тешките ситуации во животот. Целото интервју може да го погледнете во продолжение: Извор:#.mk