врска – Вистина.мк

Ако се прашувате дали ве сака: Еве 10 знаци дека сте во центарот на неговиот свет

Слободанка Илиева — Tue, 05 Mar 2024 14:00:16 +0000

Прашањето дали сме сакани е многу често прашање во врските и доколку се мачите со тоа, не сте единствени. Како да знаете како се чувства вашата сакана личност? Дури и кога нештата одат одлично, често се случува да се прашувате себеси како се чувствува тој. За среќа, постојат многу знаци кои го покажуваат тоа, а единствено што треба да направите е да ги забележите. Прави планови – доколку личноста со која сте во врска прави долгорочни планови со вас, значи дека е посветена на врската и односот меѓу вас и не планира да замине наскоро. Ве почитува – доколку покажува почит, ве третира како достоен соговорник и еднаков партнер во врската, тогаш голема е веројатноста дека се грижи за вас и ве сака. Внимава на вас – можеби ви остава доволно слобода, но сака да знае како сте и ве проверува кога имате важни настани или пак сте настинати. Искрен/а е – доколку не сте го/ја фатиле во лага и верувате во него, тогаш ве сака вистински и сака да изгради врска и иднина базирана на доверба. Покажува интерес за нештата кои ви се случуваат – доколку и значите на личноста со која сте во врска, таа ќе покаже интерес за нештата кои ви се случуваат и кои ви се вам важни. Ве заштитува – прави напори да ви помогне и се однесува заштитнички кон вас во многу ситуации. Се согласува со вас, но не целосно – внимавајте на луѓето кои се согласуваат со сè што ќе кажете. Можеби не им значите или пак не ве слушаат доволно. Личноста која ве сака ќе се сложува со вас, но ќе ви посочи кога не сте во право. Ве држи за рака – личноста која ве сака можеби нема постојано да ве држи за рака во јавност, но ќе ве фати за рака или ќе покаже друг начин на нежност кога сте со други луѓе, бидејќи едноставно таква е поврзаноста кога луѓето се вљубени. Покажува мала љубомора – можеби нема да прави љубоморни сцени и испади, но ќе се чувствува малку загрозено или пак ќе направи смешни шеги на вашите излегувања со другите луѓе. Не го користи својот телефон додека е со вас – личноста која ве сака ќе ужива во вашето друштво и нема да посака да гледа долго во својот телефон, следејќи ги животите на другите. извор:курир.мк

Рада Манојловиќ бара момче за женидба: „Ми недостига љубов…“

Слободанка Илиева — Tue, 05 Mar 2024 11:35:48 +0000

За Рада Манојловиќ е познато дека со години е без партнер и дека целосно и се посвети на кариерата. Сега пејачката за првпат откри дека се плаши од осаменоста и дека мисли дека е време да се омажи,но ид дека моменално не е заљубена. - Во моментов не сум, но мислам дека кога ќе се случи и ќе почувствувам дека тоа е тоа, ќе сакам посериозни работи. Не би сакала да го поминам животот сама, Се плашам од осаменост и мислам дека сега е време да се омажам и да имам семејство. Кога ќе се вратам дома од шоу и ќе легнам, не можам да ги гушнам песните. Успехот и публиката се убави, но ако немате со кого да го споделите, која е поентата? Јас сум пчена работничка, порано не се чувствував така бидејќи постојано бев „во машина“. Благодарна сум за интересот на публиката за мене, но ми недостасува семејството и љубовта. Важите за една од најубавите и најзгодните пејачки, зошто се уште сте сингл? - Проблемот е само во мене. Дедо ми убаво ми рече после првото, второто, третото: „Ако не ти се допаѓа ниту еден, тогаш ќерко, до тебе е“. Очигледно фантазирам... стареам, сакам да се смирам, некој да ме разгалува и чува, за да не морам веќе се’ да правам сама. Некој треба да ме скокотка и разгалува. Што мора да има мажот за да ве освои? -Нема да лажам, физичкиот изглед ми е најважен. Имаше многу добри момци кои се обидуваа да ме освојат, но ако нема „хемија“, се е за џабе. Не можам да се заљубам во добрина. Тој мора да има очи во кои ќе се видам само себеси и целиот свет. Мора да е и убав и згоден! Сакам да му завидувам на изборот на партнер, но важно ми е некој да преземе дел од мојот товар, обврски, да одиме на ист пат кон заедничка цел. Рековте дека повеќе не ве интересираат долги врски? - Затоа што сум свесна колку години имам. Видов дека долгите врски може да завршат катастрофално, не само во мојот случај. Такви примери имав и во семејството и меѓу пријателите. Не ја разбирам поентата на состанувањето повеќе од две години, бидејќи ако ништо конкретно не се случило дотогаш, тогаш нема да биде. Нема да ги советувам младите да брзаат ако уживаат во „пешачењето“, нема ни да туркам, но време е за нешто конкретно кога станува збор за мене, завршува Рада, а пренесува Курир.рс фото:Instagram printscreen/ radamanojlovic

Кои се најчестите несигурности во една љубовна врска?

Слободанка Илиева — Thu, 29 Feb 2024 13:45:35 +0000

Дали понекогаш се чувствувате несигурно кога станува збор за вашата љубовна врска? Несигурностите се неизбежни за секое човечко битие и тие често можат да навлезат во нашите односи и да делуваат како пречки за интимност и поврзаност. Во продолжение прочитајте за најчестите несигурности во љубовната врска: 1. Дали сум доволно добар/добра? Една од најчестите несигурности во врските е стравот дека не сте доволно добри. Оваа длабоко вкоренета несигурност често произлегува од лични искуства, трауми од минатото или општествени притисоци. За да се реши оваа несигурност, од клучно значење е поединците да работат на градење на сопствената самодоверба и самопочит. Освен тоа, подеднакво важна е и отворената и искрена комуникација меѓу партнерите со цел создавање на средина каде што и двајцата ќе се чувствуваат ценети и сакани. 2. Љубомора и страв од неверство Љубомората е уште една вообичаена несигурност што може да предизвика хаос во односите. Стравот од неверство, без разлика дали е заснован на минати искуства или лични несигурности, може да доведе до посесивност, контрола и постојано сомневање. Ваквите однесувања ја нагризуваат довербата и создаваат токсична средина што ја задушува личната слобода. Градењето доверба е постепен процес кој вклучува транспарентност, доследност и сигурност. И двајцата партнери треба да работат на негување чувство на сигурност во врската и промовирање на индивидуалниот раст и независност. 3. Страв од отфрлање Стравот од отфрлање може да се манифестира како интензивна потреба за постојано уверување, страв од ранливост или одбегнување на вистинските чувства. За да го надминат стравот од отфрлање, поединците треба да научат да ја прифаќаат ранливоста. Клучно е да се создаде безбеден простор во врската каде и двајцата партнери се чувствуваат удобно да ги изразат своите емоции. Активното слушање, емпатијата и разбирањето се од суштинско значење за поттикнување на средина каде што поединците можат да ги споделат своите стравови и несигурности без да наидат на осудување. 4. Несигурност за физичкиот изглед Во денешното општество фокусирано на изгледот, не е невообичаено поединците да се чувствуваат несигурни за својот физички изглед. Оваа несигурност може да доведе до проблеми со имиџот на телото и сомнеж во себе. Притисокот за исполнување на општествените стандарди за убавина може да ја поткопа самодовербата и да создаде чувство на несоодветност. За да се реши оваа несигурност, и двајцата партнери треба да се фокусираат на негување емоционални врски, нагласувајќи ја важноста на личноста, карактерот и заедничките вредности наместо само да се фокусираат на физичкиот изглед. 5. Финансиска несигурност Финансиските несигурности можат да ги заострат односите, што доведува до борба за моќ, незадоволство и стрес. Разликата во приходите, долгот или финансиската нестабилност може да предизвика чувство на несоодветност или зависност. Финансиската сигурност е важна за поединците да се чувствуваат стабилни и сигурни во врската. За справување со финансиските несигурности, клучна е отворената и транспарентна комуникација. Паровите треба да разговараат за финансиските цели, очекувања и одговорности. Дополнително, меѓусебната поддршка во финансиските напори, барањето професионален совет кога е потребно, емпатијата и разбирањето можат да придонесат за поздрава финансиска динамика во врската. 6. Несигурност за емоционалната достапност Некои поединци може да се борат со несигурности околу емоционалната достапност, кои потекнуваат од минати трауми или страв од ранливост. Оваа несигурност може да се манифестира како емоционална дистанца, тешкотии во изразувањето емоции или страв од длабоки емоционални врски. Надминувањето на емоционалната недостапност бара трпение, разбирање и отворена комуникација. Еден од најважните чекори во овој случај е создавањето безбеден простор каде што емоциите можат слободно да се искажат. Откако прочитавте за најчестите несигурности во љубовната врска, можеби ќе сакате да прочитате и кои 5 знаци укажуваат на нездрава љубомора во љубовната врска. извор:курир.мк

Наоми Кембел и на 53 години е синоним за женска убавина, а ова е нејзината нова љубов- 16 години помлад милути милионер?! (фото)

Слободанка Илиева — Thu, 29 Feb 2024 12:10:18 +0000

Светски познатата манекенка и топ модел Наоми Кембел (53) наводно е во љубовна врска со филмскиот продуцент Мохамед Ал Турки (37), пренесуваат британските медиуми. Парот беше виден заедно во неколку наврати на различни јавни настани, а последниот во низа беа БАФТА наградите претходно овој месец во Лондон. Славната 53-годишна манекенка и 16 години помладиот мултимилионер од Саудиска Арабија заедно позирале пред фотографите на црвениот тепих, а „The Sun“ пишува дека тие останале заедно цела вечер. Мохамед и Наоми се пријатели веќе неколку години, а доказ за тоа е фактот што овој богаташ сподели видео со убавицата на својот Инстаграм профил уште во ноември 2021 година. Веќе во декември истата година заедно се појавија на црвениот тепих на фестивалот во Џеда, држејќи се за рака! Оттогаш, тие се редовни на многу настани, вклучувајќи го и Канскиот филмски фестивал минатата година, Париската модна недела во 2022 и 2023 година и низа ексклузивни забави, како што е неодамнешниот роденден на Едвард Енинфул. На специјалната прослава на роденденот на Наоми минатата година во Франција, овој маркантен Арап седеше веднаш до славеничката. Но, блиското пријателство изгледа прераснало во љубов, велат добро упатени извори. Имено, парот неодамна се зближил уште повеќе бидејќи манекенката поминувала многу време на Блискиот Исток, а меѓу нив проработиле „искрите на љубовта“. „Наоми многу внимателно избира со кого го поминува времето, а многу се зближи со Мохамед. Тие ја делат љубовта кон модата и уметноста и имаат многу заеднички пријатели. Наоми беше во Дубаи со него и изгледа дека никогаш не била посреќна. Тие поминуваат многу време заедно и дефинитивно има искра меѓу нив, дури и ако во овој момент сè уште се само пријатели“, вели извор близок до супермоделот. За потсетување, „Црниот пантер“ со години е сингл, барем за јавноста, па практично од 2022 година нема официјална врска откако беше верена за италијанскиот бизнисмен Флавио Бријаторе. Пред него, во раните 90-ти, таа имаше неуспешна веридба и со басистот на U2, Адам Клејтон. Кембел последен пат беше поврзана со раперот Скепта во 2018 година, иако парот не беше премногу транспарентен за нивната романса, а имаше шпекулации дека таа имала афера со Лиам Пејн од „One Direction“. Во минатото ја поврзуваа и со голем број познати мажи како Џерард Батлер, Мајк Тајсон, Роберт Де Ниро, Диди, рускиот милијардер Владислав Дороњин... фото:Instagram printscreen/ naomi

На Тамара Тодевска и цвета во љубовта, но за едно нешто длабоко жали од врската со Лука (фото)

Слаѓана Атанасова — Wed, 28 Feb 2024 10:51:42 +0000

Во љубовта нема граници кога во прашање е разликата на годините. Токму во таа тема се пронајде македонската пејачка Тамара Тодевска која на социјалната мрежа редовно ги споделува убавите моменти со нејзината љубов, архитектот и дизајнер на ентериери, Лука Радовиќ. Иако најчесто девојките ги привлекуваат постари мажи поради некоја нејасна причина, во останатите случаи се е препуштено на хемијата и секако карактерот. Нејзиниот сакан неодамна наполни 31 година, а таа за некој месец веќе навлегува во 39 - тата, но ако се заљубиш не можеш да му кажеш „не“ само поради разликата во годините. Таа сега откри дека жали што не се сретнале порано, за да им биде така убаво, па на кратките приказни на социјалната мрежа за тоа искористи фотографија за да му го каже тоа низ шега. Но се потврди дека годините и љубовта не одат заедно. - Таа: Зошто не се сретнавме порано? - пишуваше на објавата. Бидејќи во нивниот случај постои разликата , следеше нова фотографија од девојка која ја сподели и Лука а за иста пишува за нејзината возраст/ изглед во дадената година. - Таа - 1995 година. Додека тој истата таа година логично, не би можел да и биде момче. - Јас 1995 година. Сепак, денес е сосема поинаку кога и двајцата можат да ги задоволат своите љубовни апетити. Без разлика кој е повозрасниот и колкава е разликата меѓу нив сега најважно е да се има разбирање и голема доза на доверба, а најмногу од сѐ љубов. фото: printskrin/instagram/tamaratodevska

Секој на своја страна: Ана Николиќ повторно „сингл“ (фото)

Слаѓана Атанасова — Tue, 27 Feb 2024 09:09:59 +0000

Пејачката Ана Николиќ раскинала со своето момче Немања со кое беше неколку месеци во врска. Двојката, како што пренесуваат медиумите, раскинала бидејќи имаат премногу слични темпераменти, па во последно време многу се карале. Ана не сакаше да крие колку е заљубена, па продолжи да објавува видеа и ги игнорираше тврдењата на соседите дека тој е со неа само за негова корист, дека таа му е спас и дека дури и се вселил кај неа. Никој не беше задоволен од нејзиниот избор на партнер и сите предвидуваа брз крај. Дури и пријателот на Немања за медиумите откри дека пејачката и нејзиното сега поранешно момче се запознале преку социјалните мрежи, дека веднаш кликнале, но дека не мисли дека врската ќе трае долго бидејќи имаат сличен темперамент и дека тој е конкретна личност исто како и Николиќ. - Немања веќе го нема на мапата. Ана повторно е сама и си го има својот пат. Вози сама и не го спомнува. Се сеќавате дека пред овој дечко имала уште еден, а врската со него траела како јогурт. Не знам дали не можат да го поднесат нејзиниот темперамент и начин на живот или брзо и здосадува се, но знам дека е повторно сингл. Можеби насловите за тоа дека ја искористува ја натерале двапати да размисли со кого е, и затоа го откачила. Некои велат дека повторно е со дечкото, но ништо не е потврдено - изјавил изворот за Курир. Фото: printskrin/instagram/ananikolicofficial

10 прашања кои треба да си ги поставиме пред да се вратиме со бившиот

Слободанка Илиева — Fri, 23 Feb 2024 13:50:05 +0000

Да беа добри, немаше да бидат бивши, е позната поговорка со која многумина од нас ќе се согласат. Меѓутоа, понекогаш се провлекуваме во примамливиот свет на познатото, ја вадиме бравата од срцето и се впуштаме во авантура со бившиот… Можеби таа личност била вашата прва љубов, можеби сте згрешиле и сте ја изгубиле и сега ве мачи каење или можеби чувствата биле толку силни што се уште не можете да престанете да размислувате за таа личност. Понекогаш љубовта е посилна од непишаните општествени правила, а ако сте собрале сила да му простите на партнерот (или самите себе) и сакате да ја надградите врската – никој не треба да ве спречи во тоа. Освен, се разбира, фактот дека причините поради кои раскинавте се толку сериозни што може повторно да бидете повредени. Понекогаш љубовта е посилна од непишаните општествени правила. Реалноста е дека чувствата обично не исчезнуваат веднаш по завршувањето на врската, а токму овие силни емоции се главната причина поради која луѓето не можат да продолжат понатаму. Ако сè уште чувствувате взаемна хемија, тоа значи дека вашата приказна не е завршена. Може ли врската да биде подобра по втор пат? Многу е важно, забележуваат психолозите, уште на почетокот на вториот обид да утврдите дали работите што ве натераа да ја прекинете врската сега се решени. Во никој случај не треба да ги бришеме проблемите од минатото и да се преправаме дека никогаш не се случиле. Отвореноста, искреноста и способноста да се биде искрен со себе се главните вредности кои се потребни за реприза која, под овие услови, навистина може да има среќен крај. За да бидете сигурни дека сте донеле одлука која е добра за двајцата, прво треба да одговорите на 10 прашања кои психолозите ги смислиле за да им помогнат на луѓето во оваа ситуација. Кои се причините поради кои раскинавме? -Што се промени кај мене од тогаш, а што кај мојот партнер? -Како се чувствувам во мојот живот во моментов – дали желбата за реконструкција на врската произлегува од моето лично незадоволство или осаменост? -Дали неговата иницијатива за обновување на врската е поврзана со неговата моментална животна ситуација? На пример, -дали само што раскина со бившиот? -Може ли да ги толерирам неговите особини што ми пречеа порано? -Може ли повторно да го доживеам раскинувањето со таа личност? -Дали и двајцата сме подготвени да разговараме за причините за минатите раскинувања? -Дали си простивме? -Гледајќи пет години напред – дали ќе бидам посреќен со таа личност отколку што сум сега? -Дали споделуваме слични вредности и ставови, односно дали ќе можеме да ги толерираме меѓусебните разлики? извор:поапра.мк

Заљубени сте или само чувствувате силна сексуална привлечност?

Слободанка Илиева — Fri, 23 Feb 2024 11:05:11 +0000

Како да знаеме дали она што го чувствуваме е навистина љубов? Љубовта и сексуалната привлечност имаат заеднички карактеристики: и двете се силни емоции, можеме да доживееме и сексуална привлечност кон луѓето што ги сакаме. Сепак, тоа можеме да го почувствуваме и кон луѓето кои не ги сакаме. Додека крајната цел на сексуалната привлечност е сексот, љубовта е ориентирана кон одржување на врските, одржување на силна врска дефинирана со интимност и заеднички живот. Еве уште неколку клучни разлики помеѓу љубовта и страста: • Љубовта ја исполнува нашата потреба за поддршка. Во културна смисла, ние често ги поврзуваме сексуалната привлечност и љубовта, но има добра причина да се сомневаме дека всушност постојат три различни мотивациони системи. Страста може да биде двигател што ја поттикнува нашата потрага по врски, привлечноста може да ни помогне да направиме разлика помеѓу повеќе или помалку посакуваните партнери, а љубовта може да биде она што нѐ држи во близина и што нѐ поттикнува да се грижиме за другите. Љубовта е особено важна кога сме тажни, исплашени или ни треба поддршка на друг начин. • Љубовта поттикува на искреност. Кога се чувствуваме сигурни во нашите односи – знаеме дека некој нѐ сака и ќе биде тука за нас – постапуваме поавтентично. Ако преиспитуваме нечија доверба, се плашиме дека ќе нѐ напушти или ако мислиме дека можеби нема да биде тука кога ќе ни треба, повеќе сме склони кон лажење или залажување. Со други зборови, чувството на сигурна љубов во врската ја зголемува автентичноста. Малку е веројатно дека само сексуалната привлечност ќе го поттикне истиот степен на автентичност и искреност. • Љубовта нè прави поподготвени да се жртвуваме. Жртвувањето не е забавно: тоа вклучува откажување од нешто драгоцено (на пр. време, пари) и може да има висока цена. Во односите, подготвеноста за жртвување е поврзана со повисоки нивоа на посветеност и инвестиции во врската. Овој вид на врска е послична на љубов отколку сексуалната привлечност; покажувањето планови за иднината и грижа за некого и ставање приоритет на нивните потреби пред сопствените. • Љубовта ги менува ефектите на сексот. Сексот може да ја подобри благосостојбата, но оваа врска е најсилна во љубовен контекст. Врската помеѓу зачестеноста на сексот и важните индикатори за благосостојба (на пр. задоволство од животот, позитивни емоции/расположенија) делумно зависи од преференциите. Наклонетоста е повеќе ориентирана кон љубовта отколку кон чистата страст. • Љубовта е постојана. Чувството на сексуална привлечност може доста брзо да „згасне“, но љубовта е друга приказна. Од еволутивна гледна точка, романтичната љубов не е емоција: таа е нагон, моќен, жилав нагон. Романтичната љубов го засилува нашето внимание и не се откажува лесно. Научниците ја разбираат моќта на романтичната љубов како заснована на системот за наградување во мозокот. Доживувањето на љубовта е длабоко задоволувачко на биолошко ниво. Поврзаното ослободување на допамин ја интензивира потрагата по романтична љубов, што може да ја одрази нејзината улога во репродуктивниот успех. Еден од предизвиците за разликување на љубовта од сексуалната привлечност е тоа што понекогаш сексуалната привлечност е почеток на љубовта, нејзина почетна точка. Навистина, сексуалната привлечност може да ги подготви луѓето за идејата да започнат романтична врска. Сексуалните мисли можат да ја зголемат отвореноста на луѓето да ги споделат своите чувства, да се жртвуваат, да сакаат интимност и да се вклучат во грижлива комуникација. Предизвикот е да одлучите дали вашата динамика завршува со сексуална привлечност или дали и двајцата верувате дека делите слични цели, сакате отворена комуникација и сакате да го интегрирате вашиот заеднички живот. Овие карактеристики ориентирани кон иднината сугерираат дека имате основа за долготрајна врска. извор:курир.мк

Дали знаете во кој период од врската сексот е најстраствен? Можеби ќе ве изненади

Слаѓана Атанасова — Thu, 22 Feb 2024 13:15:15 +0000

Кога врската ќе стане посериозна, чувствувате одговорност прво да му угодите на партнерот, а потоа и на самите себе. Нема сомнеж дека и без проучување знаеме дека почетокот на врската е највозбудливиот период. Тогаш откриваме што ни одговара во врската со новиот партнер. Кога врската станува посериозна, чувствувате одговорност прво да му угодите на партнерот, а потоа на себе, пишува Psychology Today. Многу луѓе имаат и голем проблем да се возбудат кога работите се познати и воспоставени. Затоа најдобриот секс е секогаш на почеток, кога луѓето само што се запознаваат. Студијата потврдила дека во првите 18 месеци од врската љубовниците се најстрасни, а оргазмите се загарантирани. Тоа се објаснува со фазата на врската каде што партнерите научиле што им одговара, а притоа се уште се интересни еден на друг. Тоталната интимност се јавува кога ќе помине страсната фаза. Сепак, многу луѓе никогаш не достигнуваат вистинска интимност, бидејќи ги интересира само таа почетна возбуда и сексуална напнатост. Преглед на 64 сеопфатни студии за сексот во долготрајните врски покажа дека меѓу факторите тесно поврзани со долгорочното одржување на сексуалната желба е разбирањето дека партнерите може да бидат повеќе или помалку заинтересирани за секс во различни периоди; чувство на автономија или способност да се гледате себеси и вашиот партнер како независни личности со посебни грижи; бидете отворени за раст и новост во вашиот сексуален живот; и верување во еднаквост во односите. Извор: Попара

Лена Чолак проговори за врската со синот на Брена: Еве дали пејачката и Виктор се во врска

Слаѓана Атанасова — Thu, 22 Feb 2024 09:11:15 +0000

Во јавноста веќе извесно време се шпекулира дека пејачката Лена Чолак е во врска со синот на Лепа Брена, Виктор Живојиновиќ. Меѓутоа, младата Звезда на Гранд сега решила да открие дали тие двајца се заедно, како и во каква состојба е нејзиниот љубовен живот. Ниту таа ниту Виктор никогаш јавно не зборувале на оваа тема, затоа пејачката решила да стави крај на сите шпекулации, а го открила и својот емотивен статус. - Не сум заљубена и жал ми е што не сум, но кога ќе погледнам од другата страна, подобро ми е, вака сум посмирена. Можеби немам среќа во љубовта, па подобро да го работам она во што имам среќа, а тоа е работата – изјави таа за Гранд. Пејачката признава дека љубовните врски денес се многу променети и дека се станало површно и минливо. -Денес се е променето, мислам дека љубовта е надмината, но не е, тоа е најважно. Тогаш не вреди да се инвестира време и енергија во нешто што денес не вреди за цената и вредноста. Луѓето се доста површни денес, сите гледаат дали нешто не е во ред, веднаш ќе го заменам, најди друг. Сите треба да застанеме и да размислиме што се случува – заклучила таа. фото: printskrin/instgaram/viktorernest/lenacolak