Драгана Мирковиќ има вродена болест, а досега имала две операции (фото)

Слаѓана Атанасова — Tue, 22 Aug 2023 10:56:43 +0000

Пејачката Драгана Мирковиќ е родена со развојна дисплазија на колкот, што е честа состојба која вклучува комплексни абнормалности во развојот и растот на коските, зглобовите и тетивите во пределот на колкот. Поради овој здравствен проблем таа мораше да направи две хируршки интервенции, а тогашните прогнози на лекарите беа дека ќе има ограничувања во секојдневните активности до крајот на животот. Првата операција Драгана ја направила како дете, а следната интервенција ја имала во 2016 година. Тогаш била хоспитализирана поради влошување на состојбата, што ја спречило да настапи без прекин и нормално да функционира. - Проблемот со изместениот колк се појави една година по раѓањето, потоа имав една операција, но сега морав да одам на друга и да го решам проблемот, поточно да го оперирам колкот - изјави тогаш Драгана за „Стар“. . По операцијата се опоравила во својот дом во Виена, одела со помош на патерици и секојдневно вежбала со физиотерапевт. Лекарите и забраниле да седи на ниско столче, да седи со скрстени нозе, да носи товар, да стои на оперираната нога и наеднаш да ја префрли тежината на неа, да лежи на грб. Драгана еднаш раскажа како нејзиното семејство се плашело дали ќе може да оди по операцијата што ја имала како дете. За среќа, закрепнувањето помина добро иако тоа беше стресно време за пејачката. - До втората година бев во болници, во гипс долго време, на терапии, одвоена од мајка ми затоа што не и дозволуваа да биде со мене. Тоа беше страшна траума за мене, долго време се плашев од болница, имав кошмари. Кошмарите траеја до моите тинејџерски денови, се разбудив од страв, врескајќи. Откако проодив како што треба, не можеа да ме спречат, да ме натераат да седнам да јадам. Бев крајно немирно дете – рекла таа. Фото: Принтскрин/Инстгарам/Србија Данас

вродена болест – Вистина.мк

Драгана Мирковиќ има вродена болест, а досега имала две операции (фото)