Како да си ја вратите желбата за секс?

Христина Ѓоргиевска — Tue, 16 Nov 2021 14:30:09 +0000

Често се јавува проблем кога едниот од партнерите сака повеќе секс, додека другиот повеќе сака да прави некои други активности. Во долготрајните хетеросексуални врски, жените обично сакаат да се чувствуваат емотивно поврзани пред да одлучат да имаат секс, додека мажите таа емотивна врска ја имаат по сексуалниот однос. Се разбира, ситуацијата може да биде и обратна. Во секој случај, тоа создава чувство на отфрлање, фрустрација и незадоволство кај двајцата партнери. Еве што да направите ако тоа се случи...

Планирајте ги сексуалните средби

Да, ставете го сексот во вашиот календар. Можеби не звучи „секси“ или „спонтано“, но треба да го одредите времето кога сте целосно слободни и неоптоварени. Не мора нужно да очекувате секс, само создадете прозорец на можности за да се случи секс. Сексот започнува во мозокот. Затоа, обидете се секси однесувањето да биде редовно на вашиот календар. Што правите со тоа време целосно зависи од вас двајца, но забавувајте се. Можете да се галите, орално да се задоволувате, да си раскажувате секс фантазии...

Сексот е на прво место, храната на второ

Ако имате закажано романтичен состанок, имајте секс пред вечерата. Никој не сака да има секс кога е подуен, има гасови и е уморен. Ова често доведува до чувство на разочарување кога ноќта не оди според планираното.

Идентификувајте ги вашите пречки и што ве возбудува

Откријте што ве кочи и што ве возбудува. Треба да ги елиминирате работите кои ве погодуваат, а да ги засилите оние кои ве „палат“.

Волја и расположение

Направете навика да бидете подготвени да се вклучите во активности кои ќе предизвикаат возбуда. Смислете неколку идеи кои ќе ве расположат. Ова ќе помогне да се одржи врската помеѓу вас и вашиот партнер. Кога паровите се чувствуваат поврзани, имаат поголемо задоволство во врската. Доколку се чувствувате задоволни во вашата врска, бидете подготвени да се вклучите во работи кои ќе ја поттикнат возбудата која ќе доведе до желба. Овие работи можат да бидат психички или физички. Танцувањето е одличен начин да се предизвика возбуда, па затоа вежбајте заедно, пробувајте нови работи.

Фокусирајте се на предиграта

Предиграта е од суштинско значење за двајцата партнери. Не ограничувајте ја предиграта со неколку минути до секс. На жените често им требаат 20-45 минути за да го достигнат врвот на возбудата, поради што не треба да се занемари предиграта. Вашата имагинација е единствената граница овде. Оставајте му романтични писменца, праќајте секси СМС пораки во текот на денот, преземете иницијатива и потрудете се партнерот да се чувствува посебно. извор: кајгана.мк

Пред да се вратите на поранешната љубов, поставете си ги овие шест прашања

Христина Ѓоргиевска — Thu, 05 Nov 2020 14:30:38 +0000

Зошто раскинавте? Дали навистина ви недостасува или сте осамени? Ова се само некои од прашањата што треба да си ги поставите пред повторно да го понудите срцето на поранешната љубов. Раскинувањето не е лесно да се преболи, но ако размислувате да му се вратите на бившата љубов пред првиот чекор, треба да се запрашате зошто го правите тоа. Расчистете со самите себе дали ви недостасува вашиот партнер или едноставно се чувствувате осамено и не сакате да бидете сами. Пред да реинвестирате во таа врска, поставете си шест прашања бидејќи повторно ризикувате да го скршите срцето.

1. Дали вреди да се спаси оваа врска?

Ова е многу важно прашање – само треба да ја запомните причината и да утврдите дали вреди да се спаси врската. Размислете дали можете да ги надминете работите што ве разделија, да ги решите проблемите и да се издигнете над работите што ве мачеа.

2. Можете ли да започнете одново во таа врска?

Ако одлучите да се смирите со бившиот, најдобро е да започнете од почеток, советуваат брачните терапевти. Така, ќе започнете нова врска без незадоволство и емотивен багаж што може да ве спречи. Обидете се да не му судите на бившиот врз основа на старата врска, туку фокусирајте се на новата врска.

3. Дали се сакате доволно за да не си дозволите повторно?

Ова е важно прашање, особено ако имало некаква навреда или омаловажување во врската. Дали се сакате доволно за да не си дозволите повторно вакво однесување или се согласувате на нови манипулации.

4. Дали бившиот е навистина она што го сакате или тој ја има таа титула со причина?

По раскинувањето, луѓето носталгично се сеќаваат на врските и лесно забораваат на тешките моменти. Ова е причината зошто тие често сакаат да се вратат на бившиот. Сепак, важно е да не дозволите розовите очила или страста да ви го замаглуваат видот, предупредуваат брачните терапевти.

5. Дали сте сигурни дека не правите грешка?

Враќањето назад во неговите раце му дава надеж дека работите може да се променат, и тоа не е најдобриот избор ако не сте целосно сигурни во која насока сакате да одите.

6. Дали го правите тоа за да се усреќите себеси или другите?

Најдобро е да се обидете повторно ако го правите тоа од вистински причини, во спротивно ќе повредите некого. извор: убавина и здравје

вратите – Вистина.мк