врат – Вистина.мк

Силните главоболки поврзани со болката во вратот

Слободанка Илиева — Tue, 26 Dec 2023 12:30:04 +0000

Мигрената, се чини, е меѓу најчестите типови главоболка, но точната причина за оваа, како и за состојбата со интензивни главоболки сè уште не е позната. Сепак, тим од научници од Германија дојдоа до сознанија дека тие непријатни појави веројатно се поврзани со поголемо оптоварување на мускулите на вратот. Докторите проучувале резултати од магнетна резонанца на 50 пациенти, со цел анализа на поврзаноста меѓу зачестеноста на главоболката, болката во вратот и движењата на мускулите на лицето. Конкретно се сосредоточиле на големите триаголни ткива коишто се протегаат низ задниот дел на вратот и водат до главата и лопатките на рамената. Скеновите со магнетна резонанца направени од научниците покажале дека во деновите кога учесниците страдале од болки во главата и вратот, тие исто така покажале повисоки нивоа на стрес и напнатост на вратот, што укажува на тоа дека тие мускули биле воспалени. Со други зборови, многу веројатно, силните главоболки се последица на болка во вратот. Ова посочува дека воспалението во вратот, коешто може да се развие поради неколку причини – лошо држење на телото, недостаток на сон, повреда или стрес, може да биде поврзано со мигрена и силни главоболки. – Нашите наоди ја посочуваат улогата на мускулите на вратот во патофизиологијата на примарните главоболки. Затоа, третманите насочени кон мускулите на вратот може да доведат до истовремено олеснување на болката во вратот, покрај главоболката. Неинвазивните третмани кои директно целат кон местото на болката во мускулите на вратот, на пр. масажа или акупунктура, можат да бидат многу ефикасни и побезбедни од лековите, изјави Нико Солман. Според Американската фондација за мигрена, двајца од тројца возрасни во САД страдаат од интензивни главоболки, а над 37 милиони Американци страдаат од мигрена. Но, според наводите, сè уште не е пронајден универзален третман и лек. извор:курир.мк фото:freepik

Лепа Лукиќ цел живот ги крие вратот и рацете, а знаете ли зошто?

Слаѓана Атанасова — Tue, 26 Sep 2023 06:34:12 +0000

Пејачката Лепа Лукиќ зад себе има 56 години успешна кариера, а на почетокот имала многу стравови и комплекси, но со помош на една пејачка се „ослободила“ од нив. Како што рекла, често ги криела рацете и вратот мислејќи дека е недостаток што има долг врат и раце. - Имав многу комплекси кога првпат почнав да настапувам. Еднаш побарав да ја поканам Тереза Кесовија на промоција. Честопати, во минатото, ги криев рацете и вратот мислејќи дека е недостаток да имам долги раце и долг врат. Меѓутоа, додека пеевме заедно, таа секогаш велеше „Раце горе, зошто ги тргаш рацете?“, почнав да ја слушам – објасни Лепа и откри како ги надминала стравовите. - Бевме на ручек, а јас носев ролка. Таа ја зеде, ја расцепи до крај со рацете и рече: „Никогаш повеќе не носи го тоа, така носат жените со мал врат за да биде подолг, имаш долг врат“. После тоа се ослободив од сите комплекси и уживав - изјави Лепа за ТВ Курир. Извор: Принтскрин/Немања Панчиќ/Часлав Вукојичиќ

Старлетата и бивша ријалити учесничка во „Задруга“ настрада во сообраќајна несреќа: „Жива сум, но боли… многу боли“ (ФОТО)

Антонио Димитриевски — Mon, 18 Jan 2021 12:12:04 +0000

На социјалната мрежа Инстаграм, старлетата Наташа - Москва ги вознемири своите следбеници сликајќи се како лежи и носи таканаречена „шанцова јака“ околу вратот. Популарната натпреварувачка во втората сезона на реалното шоу „Задруга“ преживеала сообраќајна несреќа. „Жива сум, но боли... многу ме боли“ - изјавила ријалити вездата. Москва објаснила дека станува збор верижниот судир, во кој и самат била учесник. „Имав сообраќајна несреќа. Тоа беше верижен судир во Загреб, но не по моја вина“ -кусо рекла Наташа. Во оваа несреќа Москва го повредила вратот. „Дислокација, исчашување и изместување на зглобовите и лигаментите во пределот на вратот“ - се наведува во извештајот на лекарот откако Наташа завршила со брза помош в болница.