впечаток – Вистина.мк

„Кога влезе, останав без текст“: Гоца Тржан искрено проговори за првата средба со Драгана Мирковиќ (фото)

Слаѓана Атанасова — Tue, 28 Nov 2023 11:26:57 +0000

Малкумина знаат дека Гоца Тржан била една од соработниците на Драгана Мирковиќ уште кога била анонимна, уште пред групата „Тап 011“. Тогаш таа се занимаваше со пеење, но немаше поим дека ќе добие повиќ да пее придружен вокал за Мирковиќ. - Јас всушност тогаш пеев, имав свој бенд. Пеев во разни претстави. Драгана тогаш навистина снимаше песни кои беа многу различни, беа многу тренди и во тој момент ме повика Срѓан Моби да дојдам во студио. Бидејќи правеше придружни вокали, снимаше, па да дојдам во студиото Пинк, бидејќи му отпеав неколку придружни вокали за песна за фестивалот Буда. Така дојдов во студиото Пинк и она што навистина ме импресионираше беше кога Драгана влезе во студиото. Беше облечена како мало девојче. Се сеќавам на начинот на кој беше облечена, врзана коса, беше девојче, беше само пријатна, нормална и толку насмеана, опуштена - изјави пејачката и потоа додала: - Дури подоцна кога станав популарна и кога почнав да ги запознавам сите луѓе што ги познавам преку ТВ, сфатив дека сите големи ѕвезди се крајно нормални луѓе. Исклучително пријатни и добро воспитани. Дека само луѓето кои не се сигурни во себе, имаат проблем со својата кариера и безбедност, тие прават нешто околу тоа. Луѓе кои се навистина големи ѕвезди, немате проблем со нив. Фото: Принтскрин//Instagram/gocatrzan/dragana_mirkovic

Првиот впечаток се создава за 27 секунди, а една работа е поважна од изгледот

Слободанка Илиева — Tue, 25 Apr 2023 12:07:30 +0000

Повеќе од четвртина од испитаниците сметаат дека довербата стекната во тие моменти е пресудна за првиот впечаток, а дури 63 отсто од испитаниците сметаат дека таа трае цел живот… Првите работи што ги забележуваме кога се среќаваме со други луѓе се нивната насмевка (23 проценти), нивните очи (13 проценти), а она што го нарекуваме прв впечаток се формира за само 27 секунди, покажа студијата заснована на истражување спроведено во Велика Британија. Повеќе од една третина од возрасните (35 проценти) веруваат дека првиот впечаток е клучен кога станува збор за воспоставување нови врски, а исто толку и оние кои веруваат дека е тешко да се промени тој прв впечаток откако ќе го усвоиме. Како резултат на тоа, истражувањето спроведено меѓу 2.000 луѓе покажало дека 40 отсто од луѓето се чувствуваат нервозни, а 35 отсто од нив дури и вознемирени кога запознаваат некој нов, пишува „Мирор“. Од друга страна, дури 82 отсто од испитаниците велат дека кога другата личност им се насмевнува, се чувствуваат посигурни за време на состанокот. Половина од анкетираните (51 процент) сметаат дека пријателската насмевка е најдобриот начин да оставите добар впечаток кај некој што штотуку сте го запознале. Потоа следат добрите манири (43 проценти) и директниот контакт со очите (35 проценти). Други методи вклучуваат да се биде на време (29 проценти), разговорот да тече (23 проценти) и паметното (природно) облекување (15 проценти). Трите најважни средби Истражувањето исто така ги идентификувало ситуациите во кои луѓето најмногу сакаат да ги импресионираат другите. Трите најважни ситуации биле интервју за работа (68 проценти), љубовен состанок (52 проценти) и средба со родителите на партнерот (38 проценти). извор:курир.мк фото:Pixeles

Мажи, ова е добитна комбинација на која ниедна нема да одолее

Слободанка Илиева — Wed, 07 Apr 2021 12:40:07 +0000

А вие, што прво забележувате кај мажот? Па, секако, прво го забележувате целокупниот физички изглед. Но, дали забележувате нешто посебно? Многу жени ќе речат дека гласот обично го забележуваат прво, особено кога е длабок и доминантен, бидејќи тој може целосно да го засени остатокот од изгледот на мажот, па дури и да го смени целокупниот впечаток на подобро. За жените, мажите со подлабок глас изгледаат секси, моќно и самоуверено. Дамите сакаат високи мажи, бидејќи со нив се чувствуваат побезбедни. Овој вид на размислување, односно чувството е охрабруван уште од античко време. Истражувањето на Универзитетот во Јута покажа дека претпочитањето на повисоките мажи датира од камено време, бидејќи и тогаш се сметало дека повисоките мажи ќе ги штитат полесно отколку пониските. Ако длабокиот глас и висината се надополнети со брада, тогаш добиваме непобедлива комбинација. И, иако ретко кога жената ќе противречи на висината и длабокиот глас, како клучни физички квалитети, за брадата дефинитивно ќе се дискутира повеќе. Сепак, според повеќето истражувања, повеќето дами, сепак, претпочитаат кога мажите имаат брада, отколку кога лицето им е избричено. извор:попара.мк

Адријана Кеш е идеална жена… по сите стандарди и (не)пишани правила! (ФОТО)

Антонио Димитриевски — Thu, 15 Oct 2020 07:36:04 +0000

Една стара скопска, градска поговорка, за која некои до душа тврдат дека била машка - шовинистичка, други дека била фраерска, вели: „Вистинската жена мора да биде госпоѓа на улица, домаќинка во кујна и ку*тизана во кревет“! Дали е така или не, нема да навлегуваме, ама она што сигурно држи вода е дека денес се помалку, има такви жени. Всушност, речиси и да ги нема, зашто се врста во исчезнување или што би рекле природна реткост што треба со закон да се заштити. И бидејќи закони за такво нешто нема, вистинскиот маж ќе мора сам да си ги измисли... Се разбира, доколку налета на таква жена, а и доколку не згреши во проценките. Дека такви жени се' уште постојат, има понекој доказ, ама дека постојат и помеѓу познатите, докажа или барем се обиде да го стори тоа, македонската фолкерка Адријана Ацевска, попозната како Адријана Кеш. Водена од „светот тројство“ да се биде врв(на) и на улица и во кујната и во спалната, Адријана реши уште еднаш своето мајсторство да го потврди на дело. Или поточно, на социјалните мрежи, за што ги искористи приказните на својот Инстаграм. Дека е госпоѓа или поточно господарка на сцената - многупати докажала. На улица не само што е госпоѓа, туку и вистинска лавица која се бори за своите права: човечки, егзистенционални, уметнички... покажа откако се појави на неодамнешниот протест на музичарите пред владата, каде беше една од неколкуте женски фолк ѕвезди од естрадата! Кога е кујната во прашање, иако многумина мислат дека дамите од естрадата што заради обврските, што заради природата на работата, кујната ја имаат заменето со онаа од кафеаната или ресторанот, Адријана покажа дека и не е баш така. Не барем кај сите! Романтична вечера за двајца - „Home made chicken parmigiana“ или во слободен превод: Домашно подготвено пилешко со пармезан... за двајца!? Барем според бројот на чинии. Специјалитетот на Адријана звучи италијански, изгледа светски, а колку вкусно го подготвила домаќинката? Ќе треба да каже оној, од зад втората чинија! И конечно за впечатокот на „идеална жена“ да биде комплетен доаѓаме до она третото - спалната... Ама не (само) за спиење. Зашто по романтичната вечера за двајца, по некое непишано правило, би требало да следи логично продолжение на настаните кои асоцираат на... кревет! „Јас и ти... Дали го смееш она што го сакаш?“ - гласи пораката или поточно прашањето за добра или бурна ноќ на Адријана Кеш? Ако е она првото, ќе остане само пуста желба, па од ноќта, само сништата евентуално ќе ти бидат бурни! Ако е второто, тогаш... работите стојат поинаку. Тогаш љубовта не е само збор, туку и дело... Со можност впечатокот за „иделана жена“ да се комплетира! Впрочем и впечатокот е најсилен додека е свеж, а тоа веројатно добро го знае и Адријана Кеш! Можеби затоа и оној од сношти побрзала да го сподели на своите Инстаграм приказни? Иако нејзината приказна сè уште не е завршена! Фото: Инстаграм принтскрин

Детали во машкиот изглед на кои жените “паѓаат”

Елена Трајчева — Mon, 02 Dec 2019 13:15:52 +0000

Иако изгледот не е пресуден, сепак е важен за првиот впечаток кој ќе го остават мажите кај жените:

1. Модерно одело кое го истакнува телото 2. Кошула и фармерки соодветни за градбата на телото 3. Кожна јакна и кожни додатоци 4. Елегантен џемпер или џемпер ролка 5. Носењето на стилски часовник и стилски очила 6. Модерни тренерки кои не личат на "торба" 7. Елегантен капут 8. Стилски патики или елегантни чевли

Каков отпечаток – таков впечаток! (ФОТО)

Антонио Димитриевски — Thu, 19 Sep 2019 11:54:15 +0000

Старата изрека вели: „Нема втора шанса, за прв впечаток“! И навистина искуството не учи дека е така! За многу нешта... Ако не и за се'! Добро, не дека не постои „поправен испит“, ама сепак... Ако уште од прва се покажеш, па стекнат мислење дека те бива... Работата ти е завршена. ќе тераш на долги стази! Рековме во многу нешта, па и во „тоа пустињето“, што културно го викаат водење љубов, стручно секс, а народски е...е. Еееее... тоа де! Таму најмногу важи, оној што го викат кумановци: „Какво радување - такво сеќавање“. Или автомеханичарски речено: „Каков потисок - таков утисок“. Или: „Каков отпечаток - таков впечаток! - најлитературно кажано. Што сликовито прикажано би изгледало отприлика - вака:

Српската претставничка ги откри своите впечатоци за „Евровизија“: „Ништо не ме изненадува“

Христина Ѓоргиевска — Tue, 21 May 2019 08:43:24 +0000

Овагодинешното издание на Евровизија се одржа во Тел Авив, а српската претсавничка Невена Божовиќ го освои 17-то место. По нејзиниот настап таа си отвори душата и ги откри свои впечатоци. Таа е задоволна од своето претставување на Евровизија, а посебно и е драго што се нашла на исто место како и Мадона.

„Среќна сам што Мадона настапуваше на Евровизија. Бевме присутни додека даваше интервју и имаше убави совети за сите учесници“ вели Невена за Курир, па го прокоментира настапот и нашата претставничка Тамара Тодевска.

„На Тамара и посакувам се најдобро, имаше одличен настап. На Евровизија ништо не ме изненадува, посебно кога станува збор за гласањето, не знам кои се критериумите“ вели Божовиќ.

Невена ја претставуваше Србија со песната „Круна“ и го освои 17-то место, а Тамара Тодевска ја претставуваше Македонија со песната „Proud“ и го освои осмото место.