впечатоци – Вистина.мк

Се извинувам ако претерувам, но мислам дека секогаш сум во право – вака Цеца ги сумираше впечатоците од годината што заминува (фото)

Слаѓана Атанасова — Thu, 29 Dec 2022 12:09:09 +0000

Цеца Ражнатовиќ во новото издание на емисијата „Премиера“ ги сумираше впечатоците од годината која веќе за неколку часа е при крај и призна што најмногу ја радува. На самиот почеток зборуваше за 2022 година и призна колку е горда на сето она што го постигнала. Имав одлична година. Успешна серија концерти, одлични настапи, „Гранд“ дојде на „Пинк“, што е на мое големо задоволство - изјави пејачката. Пејачката се присетила и на нејзините почетоци како судија во „Ѕвездите на Гранд“, откри и колку знае да им се налути на колегите, но и призна дека погрешила. - Трчав со брзина на светлината, но на почетокот не ни знаев дали ќе се познаам себеси. Сфатив дека многу се забавувам, особено со Ивана Питерс, која е одлична и како личност и како пејачка. Ако некој не гласа за мојот кандидат, многу ќе се лутам... Ако понекогаш претерувам, се извинувам, но генерално мислам дека секогаш сум во право – се насмеа Цеца. Цеца признала и колкав стрес имала поради првиот јавен настап на нејзината ќерка Анастасија и истакнала колку е горда на патот по кој тргнала. Тој прв настап беше трауматичен за мене, имаше огромна нервоза, се плашеше, имав голем стрес поради тоа. На крајот на денот се беше супер и помина одлично, многу сум горда - изјави Цеца. Фото:Принтскрин/Тв Пинк

Анастасија Деа Богданоска сподели колаж од спомени: Ова се нејзините омилени моменти во 2022-та година (ФОТО)

Слаѓана Атанасова — Mon, 19 Dec 2022 08:10:44 +0000

Новогодишно празничниот амбиент веќе владее насекаде, од улиците, домовите, па се до работните места... Декември се движи веќе кон крајот, а новогодишните празници се на прагот. Елките и декорациите се тука, а новогодишните фотосесии се резервирани за ширење и заокружување на впечатоците и спомените од година што заминува. За новинарката и ТВ водителка Анастасија Деа Богданоска ова беше богата година и за првпат ќе ја дочека како мајка со две прекрасни дечиња. Откако Анастасија и сопругот Богдан Илиевски- Бетмен ја добија ќерката Дениција, годинава во месец април добија и машко чедо како принова. Тогаш сите се прашуваа какво име ќе добие момчето, бидејќи девојчето доби необично име по една од песните на македонскиот поет и писател Петре М. Андреевски, Дениција. Но, тие веднаш не го објавија името на нивното синче, туку ден потоа се огласи тато Богдан: Деа сега доби една преубава идеја за испраќање на годината, па ја сумираше со фотографија која предовогодишно ја подготви за нејзините следбеници и обожаватели, каде откри по што ќе ја памети годината која што полека изминува. - Топ шест омилени моменти од оваа година - наведе водителката. Првата фотографија ја избра од моментот кога беше бремена со Раде, потоа од породилиштето. Тука е и летниот одмор кој на сите ни фали во овој дел од годината и така се нижеа омилените спомени. Деа преку овие фотографии ги обележа нејзините омилени моменти од оваа година со кои можеби ќе ве мотивира ди Вие да си направите ваков спомен колаж за крај на 2022-рата и почеток на Новата. Фото: Принтскрин/Инстаграм/Деа Богдановска

Aндреа со „Circles“ ќе не претставува на Евровизија 2022 во Торино, а еве кои се првите коментари за евровизиската песна

Христина Ѓоргиевска — Thu, 10 Feb 2022 08:30:10 +0000

Пејчката Андреа со песната „Circles“ ќе ја претставува Македонија на Евровизија 2022 во Торино. „Пред сè, благодарам Македонија! Ветувам дека ќе направам сè да ги оправдам вашите очекувања. Честитки за сите учесници во национланиот избор, бевте тешка конкуренција Оваа шанса за мене е одговорност, како професионална, така и лична. Поддршката од страна на публиката и медиумите ми даде голем поттик овие две недели. Александар Масевски, благодарам за Circles! Останува да продолжиме со полна пареа со подготовките за Евровизија и достојно да ја претставиме Македонија во Торино“ – напиша Андреа на социјалните мрежи. „Circles“ на Јутуб досега има над 300 000 прегледи. Ова се некои коментари кои може да се најдат под објавата на евровизиската песна на „Јутуб“. -Искрени честитки, Андреа, гласав за тебе од сите можни и неможни уреди. Многу сум среќен што победи, и ве молам во Торино спремите одличен сценски настап за сигурен влез во финале! PS: за вокалните способности не се сомневам! -Не сакав да коментирам оти мој фаворит беше Цвеќето на тагата и Лара, но уште прв пат кога ги слушнав песните, не пропуштив да забележам дека Андреа има многу уникатен и вонсериски глас - контралто кој е многу редок. Бојата на гласот е исто така прекрасна и многу топла. Андреа има уметнички сензибилитет и буквално ја живее песната. Иако сум од оние закоравените македонските патриотки :) и секогаш преферирам песна на македонски јазик, сметам дека оваа песна треба да се пее на англиски, за разлика можеби од песната на Лара која и на македонски звучеше одлично, па дури и подобро од англиската верзија. Оваа песна е модерна и повеќе ѝ лежи англискиот јазик. Со малку среќа, можеш далеку да стигнеш, а јас ти посакувам многу среќа и да се опуштиш на сцена оти се гледа дека си многу емотивна“. -ОМГ! Како воопшто ја прескокнав твојата песна? Оваа песна треба да се најде на Светски топ листи, како Билборд 100 или на топ листите на Spotify. Со среќа Андреа. Се надевам дека ќе победиш на натпреварот оваа година“. -Браво Андреа, прекрасна песна, прекрасен вокал. Ти посакувам победа во Торино“. - Wow, wow, wow... Браво за песната и текстот, сценски е многу добро, добра дикција на англискиот јазик се гледа дека детето е јазично образовано, музиката е досега најдобро нешто од македонската продукција... Одиме до победа Андреа со тебе сме. - Честитки Андреа, песната е убедливо најдобра, најлесно влегува во уво и звучи светски! Издоминира со својот моќен глас. - Многу ми е мило што оваа песна стигна на евровизија!! Поздрав од Мексико. - Песната е фина, звучи светски, девојката отпеја совршено на англсики, се само дел од коментарите кои може да се прочитаат. Музиката, аранжманот и продукцијата на евровизиската песна ги потпишува Александар Масевски, додека стиховите на песната се заедничко дело на авторот и изведувачот – Александар Масевски и Андреа Коевска. фото: принтскрин/јутуб/andrea

Бојана Скендеровски: „2021 ќе ја паметам по убави нешта на приватен план, но и на професионален план“

Христина Ѓоргиевска — Fri, 24 Dec 2021 08:30:41 +0000

Не делат уште неколку дена до 31 декември и до крајот на 2021 година и почетокот на 2022 година. Познатите веќе покажаа како ги украсиле новогодишните елки, домовите за време на празниците. И оваа година ја одбележа пандемијата со коронавирусот која се уште трае, па сите се надеваме дека во следната година пандемијата ќе заврши. Македонската водителка и пејачка, Бојана Скендеровски за „Женски магазин“ ги сумираше впечатоците и откри по што ќе памети 2021 година. - 2021 -ва е секако подобра година од 2020-та, ќе ја паметам по убави нешта на приватен план, но и на професионален план исто така нештата беа позитивни, нови соработки и проекти, и секако оваа година ја завршувам со нова песна и видео… Зад завесите е мојата најнова песна, ни откри Бојана. Таа откри дека дали нејзините деца пишуваат писмо до Дедо Мраз. - Ќерка ми Искра веќе му пиша на Дедо Мраз за новогодишниот подарок, и тоа писменце веќе патува за Лапонија и сигурно нејзиниот подарок ќе ја чека на Нова година под елката, а Ѓорѓи слушна од сестра му дека Дедо Мраз носи подароци па ѝ рече на Искра да му напише на Дедо Мраз и за неговата желба…. Скендеровски 2021 година ќе ја заврши со нова песна и видео.

View this post on Instagram

A post shared by Bojana Skenderovski (@bojanaskenderovski)

фото: принтскрин/инстаграм/бојана скендеровски

Лила за сите пари уживаше во Дубаи, па ги сумираше впечатоци од егозтичното патување: „Никој нема право да ме учи како да бидам среќна“

Христина Ѓоргиевска — Wed, 17 Nov 2021 09:05:24 +0000

Водителката Лила Филиповска знае како да ужива во од се по нешто. Ако е на снимање ужива во снимањата во студиото и на снимањата на квизот „Се или нешто“. Надвор од секојдневените обврски Лила ужива во патувања, па секогаш кога има време оди на некоја егзотична дестинација. Така изминатиот период, водителката одлучи да ги наполни батериите надвор од Македонија и замина на патување во Дубаи. Таа редовно на социјалните мрежи објавуваше фотогорафии и ги известуваа нејзините следбеници како си поминува, кои места ги посетила... Најмногу внимание привлекоа фотографиите во бикини, на кои водителката позираше на плажа во потоплите краеви. Иако се врати од Дубаи, Лила се уште ги сумира впечатоците од нејзиното патување. Овој пат, водителката повторно објави фотографија на која позира во сино бикини истакнувајќи ги своите облини. -Никој нема право да ме учи како да бидам среќна“, напиша водителката. Тука и е фотографија од пред највисоката зграда на светот Бурџ Калифа -Оној момент кога ќе се најдеш помеѓу најголемите распеани фонтани на светот со директен поглед на највисоката зграда на светот Бурџ Калифа е моментот кога само треба да се препуштиш и уживаш во минутите кои следуваат ❤️ уживање, возбуда, радост се најчестите чувства кои прават вистински емотивен ролекостер…Дубаи град на чудата Лила одговараше и на прашања на нејзините следбеници поврзани со патувањето во Дубаи и кои се условите да се оди таму. Имено, како што истакна доколку сакате да одите во Дубаи, иако сте вакцинирани, треба да имате и негативен ПЦР тест и на слетување на аеродром повторно ви прават тест. На прашањето дали сака да живее таму, водителката одговори: -Под услов да имам работа која ќе сакам и добро друштво. Со кој си појдена, праша некој од следбениците?, а Лила се пошегува објавувајќи фотографија со статуетка од Дејвид Бекам. Како е во Дубаи? -Топло, чисто, средено, грандизозно...како да светот се преселил во Дубаи. Има се што ќе посакаш, убаво време, супер плажи, шопинг, уникатни градби, пријатни луѓе и спомени за цел живот. Кој знае да ужива знае да ужива, а Лила дефинитивно е една од нив. фото: принтскрин/инстаграм/лила филиповска

Нада Топчагиќ со импресии од роденденот на Ибра во Милано: „Колегите можат само да ми плукнат под прозорец и да ‘цркнат’ од љубомора“ (ФОТО)

Антонио Димитриевски — Wed, 06 Oct 2021 10:03:45 +0000

Пејачката Нада Топчагиќ (68) се појави на роденденската забава во Милано на фудбалската мегаѕвезда Златан Ибрахимовиќ, а по гала забавата изјави дека Ибра и таа се светски фаци, и дека колегите од естрадата можат само да и „плукнат под прозорец“! Нада со насмевка зборуваше за тоа како го поминала времето во Италија, па открила дека фудбалерот ја сака толку многу што ја запознал со речиси сите гости, кои биле воодушевени од нејзината енергија. „Беше феноменално во Милано! Мислам дека сега дури и врапчињата на гранка знаат колку се почитуваме Златан и јас. Слободно можам да кажам дека ова е пријателство кое ќе трае со години. Подготвив неколку изненадувања за неговиот роденден, во договор со блиските луѓе, се организирав себеси така што се' помина според планот и во најдобар ред. Му го отпеав „на увце“ мојот најголем хит „Јутро је“, исто така можам да се пофалам дека сите гости скокнаа да играат. Што да ви кажам, јас и Ибра сме светски фаци! Сето ова го заслужив. Колегите од сцената можат само да ми плукнат под прозорец! да пукнат и цркнат од љубомора! Мојата кариера повторно е во полн сјај, целиот естраден свет зборува за мене. Веројатно сега ќе бидам распната од моите колеги“ - вели пејачката која е многу горда што нејзиниот познат хит се пее надвор од границите на нашата земја: „Песната 'Јутро је' е извонреден хит што се слуша и денес, исто како и првиот ден кога ја објавив. Така што можам да разберам зошто повеќето колеги ми љубоморат, но таквите коментари не ме допираат. Се гледам себеси, мојот напредок и работа. Ибрахимовиќ побара мојата песна да се пушти на фестивалот во Сан Ремо, сите се сеќаваат на тоа, се сеќавам дека не можев да заспијам од среќа! Јас и Златан навистина се зближивме и верувам дека отсега постојано ќе се гледаме на родендени. Тој е спортски великан и нормално е да ме импресионира сакајќи и почитувајќи ме“ - заклучува Нада.

View this post on Instagram

A post shared by Johnny Micalusi (@johnnymicalusi)

Фото: Инстаграм принтскрин/johnnymicalusi/topcagicnada

На Ирена Спасовска и недостасува шеикот: Фолкерката се присети на посетата, повторно посака да му се прошета низ вилаетот, па вети дека наскоро се гледаат (ФОТО)

Антонио Димитриевски — Fri, 26 Mar 2021 08:33:30 +0000

Во овој период од една година и нешто повеќе, естрадата е паркирана во лер, принудно ставена во мирување заради коронапандемијата, но тоа не значи дека естрадните ѕвезди буквално само мируваат. Особено оние од понежниот пол. Колку повеќе трае „изведувачкиот пост“, естрадните дами толку се поактивни на социјалните мрежи. И тоа во разни варијанти. Од рекламно - инфлуенсерски фотографии, до најобични секојдневни работи и активности што ги правата во изнуденото изобилство на слободно време. Меѓу поактивните е и фолк пејачката Ирена Спасовска, која е се’ поприсутна на социјалните мрежи, или што би рекле „кисне“ на на Фејссбук и Инстаграм. Се разбира со своите новосподелени фотографии. Од оние на кои рекламира разно-разни производи и услуги, преку разголените фотографии кои од неа веќе и не се изненадување, па се до секојдневието или носталгично присетување на нејзините патувања на егзотични дестинации, пред да се појави чумата на 21-вот век - короната и „новото нормално“. Уште кон крајот на минатат година Ирена јавно се пожали дека нејзе најмногу и фали авантура, патување со авион, па дури и „пафтањето“ на стујардесите со рацете.

„Ако некогаш некој не прими да му долетаме, ветувам дека со внимание ќе го следам делот на стујардесите кога „пафтаат“ со рацете и ќе го ценам секој момент поминат во авион. И две кафиња ќе купам и парфем и што пие авион… Само да полетаме веќе некаде, ова веќе не се издржува“ - напиша тогаш Ирена објавуваќи фотографија од 2018 година пред да полета на зацртаната дестинација. Арно ама, наместо на подобро, очигледно работите со коронапандемијата тргнаа на полошо, па уште повеќе сите нас, па и неа, не „заковаа“ дома, што Ирена особено тешко го поднесува. Затоа фолкерката очигледно листајќи ги старите спомени преку сподеклените фотографии, налета на оние накои со најголема страст се сеќава. https://arhiva.vistina.com.mk/radio-mileva/irena-spasovska-dozivuva-treta-mladost-arapska-vecher-a-pod-shator-i-prirodno-bujni-balkanski-gradi-na-plaza-foto/ Арапскиот свет, Доха во Катар, преубавиот провод, прекрасно минати денови и ноќи (белким?) во шеиковиот „вилает“, наречен „молот на шикот“ со вештачко небо, канали, гондоли... Луксуз, раскош, убавина... Уживање во животот и сопствената слобода со полни гради, користејќи го секој слободен миг за одмор, релаксација, авантура… Моменти на кои фолкерката не можеше носталгично да не се присети. Очигледно на Ирена и недостасува шеикот и сето она што тој го поседува и нуди како можност за провод и авантура, па затоа и фолкерката се присети на својата посета, повторно посака да му се прошета низ вилаетот и вети дека наскоро се гледаат... Со шеикот или со „молот на шикот“, пејачката детално не прецизираше. Освен тоа дека одново ќе седнат на по едно Смути, за шеикот да не и се лути! Ама, ако е по онаа народната: „Какво радување- такво сеќавање“, повеќе од очигледно е дека впечатоците од спомените на „молот на шеикот“ кај Ирена Спасовска се повеќе од силни! Затоа таква е и нејзината девиза, во првата прилика, да направи реприза! Фото: Инстаграм и Фејсбук принтскрин/spasovska.irena

Радмила Манојловиќ ги сумираше впечатоците од 2020та: „Многу плачев во текот на целата година“

Христина Ѓоргиевска — Thu, 31 Dec 2020 09:27:55 +0000

Пејачката Радмила Манојловиќ спаѓа во оние пејачки која едвај чека да заврши 2020та година. На прашањето со кој би се сменила на 24 часа, таа одговори: -Не би се менувала со никој, но би ја променила 2020та, навистина беше претешка. Изгубив многу драги луѓе, повеќе време поминував на гробишта отколку на било кое друго место...Што побрзо да заврши овој кошмар и никогаш да не се повтори ова 2020та година“, вели пејачката и додава: „Многу плачев во текот на целата оваа година и за жал тоа не беа солзи радосници“, изјави пејачката за курир.рс На прашањето што посакала од Дедо Мраз, таа вели: „Не е клише, но здравје, здравје, здравје. Кога сте здрави, се можете. И да заврши короната, па да живееме и работиме нормално“ заклучи Манојловиќ.

Ирена Спировска за 2020та: „Оваа година беше да научиме да цениме сè што имаме“

Христина Ѓоргиевска — Wed, 25 Nov 2020 07:57:55 +0000

Останува речиси уште еден месец до крајот на 2020та година, годината која ни наметна нова реалност, нови правила на живот, нова нормалност и година во која речиси сè е ограничено, па дури и гушкањето и бакнувањето со блиските. Кој би рекол пред 9 месеци дека толку многу ќе се смени светот? 2020-та дефинитивно ќе се памети по коронавирусот кој започна да се шири, да владее и го покори светот. Чумата на 21-иот веќе однесе многу жртви, многумина останаа без родители, баби, дедовци, пријатели, а луѓето живеат во страв и паника. Короната им ги расипа плановите на многумина, па им се изнасмеа на луѓето в лице, покажувајќи дека не треба да прават долгорочни планови, бидејќи не знаеме што не чека утре. Естрадните уметници се на принуден продолжен одмор, со месеци немаат настапи, а и ретко кој издаде песна, видеоспот, албум... Најголемиот дел од времето го поминуваат во своите домови и преку социјалните мрежи се дружат со фановите. Македонската водителка Ирена Спировска изминатиот период најголемиот дел од времето го поминуваше во својот дом, на работа, или некаде во природа, на планинирање. Деновиве, таа ги сумираше впечатоците од 2020та година, па во еден цитат опиша што научила од годината која наскоро ќе заврши. „Оваа година не беше за да добиеме сè што сакаме. Оваа година беше да научиме да цениме сè што имаме“, напиша Спировска. Годината на короната не потсети дека треба да го чуваме своето здравје, да го сакаме она што го имаме, зашто не знаеме што не чека утре.

Поранешната сопруга на Жика Јакшиќ ги сублимираше впечатоците од 2019 година: „Ми се случија многу убави работи“

Христина Ѓоргиевска — Tue, 31 Dec 2019 11:06:16 +0000

Поранешната сопруга на Жика Јакшиќ и водителката на „Пинк“ телевизија за порталот пинк.рс ги отвори вратите од својот дом и го покажа новогодишниот амбинет. Водителката ги сублимираше впечатоците од 2019 година, па откри по што ќе ги памети претходните 365 дена. „Судир на човекот со реалноста....Така би ја опишала оваа година. Светот со широко отворени очи го гледаше пожарот во Амазон и поплавите во Венеција, земјотресите кои го погодија нашиот регион....2019 година ќе биде запамтена како година со многу предизвици“ вели водителката. Дајана во 2019 година имаше многу успеси на професионално поле, па ги сублимираше впечатолците од претходниот период. „Многу убави работи ми се случија на професионално поле. Освен што водам емисии, бев и модератор на „Жена лидер“, а тоа ми направи посебно задоволство. Се гордеам на рабоните успеси кои оваа година не беа воопшто мали. Мислам дека најголем успех ми е капањата „Иднината на Србија“ која ја водев пред 150 000 луѓе“ вели водителката и додава: „Не сум човек кој сака промени. Ретко доаѓаат во мојот живот. Сакам цврсто да стојам нозе, мирвно и повлечено. Освен тоа што напредував на професионално поле, ништо не се промени во оваа година. Ќе бидам среќан и задоволна ако и следната година биде како и оваа“ вели Дајана. Пауновиќ истакна дека поради работата оваа година ќе остане дома во Белград да ја дочека Новата година.