возврати – Вистина.мк

Откако Стефан Лазаров се поднови со „Мече“ на четири тркала, хејтерите веднаш го „исплукаа“: Јутјуберот погоден од коментарите, жестоко им возврати на ударите (ФОТО)

Антонио Димитриевски — Wed, 11 Oct 2023 07:30:44 +0000

Стефан Лазаров иако не работи во ниту еден официјален медиум со текот на времето стана медиумски мегапопуларен лик на Интернет со својите подкасти, кои публиката на Јутјуб едвај чека со задоволство да ги проследи. Патем, социјалните мрежи јутјуберот обилно ги користи, па секојднениот престој на нив му е како престој во „втор дом“, од што јавноста може да дознае се што професионално и приватно на Лазаов му се случува. Токму на својот Инстаграм, Стефан деновиве сподели дека се подновил со „ тегет металик Мече“... Скап автомобил кој му бил отсекогаш сон да го има, а сега сонот успеал да си го оствари. Првото сочување со неа во салонот за автомобили, чинот на потпишување на документите и моментот на преземањето на колата заедно со неговата тазе сопруга Марта, Лазаров природно ги овековечил со видео кое подоцна го споделил на социјалните мрежи.

View this post on Instagram

A post shared by Stefan Lazarov (@_lazarovv)

Другиот ден дури и направил видео за својот Јутјуб канал, на кое ги собрал пријателите за да им ги слушне и сними мислењата и реакциите за новиот љубимец на 4 тркала... А и да им даде да свртат по едно кругче... Ама внимателно, под негова контрола и надзор! Арно ама, очигледно менталитетот во земјата во која живееме па и пошироко на Балканот, изгледа е таков, што овде можат се' да ти простат освен успех!? Зашто туѓиот најмногу ги иритира и нервира, па устите на хејтерите им се полни со злоба, завист, љубомора... Веднаш го „исплукаа“, а јутјуберот погоден од коментарите, реши жестоко да им го возврати ударот на својот Фејсбук:

„Читам денес на Твитер како мерцедесот ми бил подарен, купен на лизинг, даден од спонзор, сум се еб*л у г*, устата ми знаела и сум бил сељак.

Јас ќе ви посакам да си го живеете својот живот и да бидете среќни за туѓиот успех за да може да ви дојдат убави моменти и во вашиот. Со љубомора само тонете и гниете во вашиот гнев. Стефан се што прави од самиот почеток прави сам, со труд и макотрпна работа. Ќе ве оставам да ке*ате, само тоа и можете, а јас за своите луѓе и оние кои ме поддржуваат ќе давам се од себе секогаш!

Успех во оваа држава може да се направи и секогаш ќе се трудам да ги мотивирам оние кои веруваат во мене“ - јавно им порачал Лазаров на „неверните Томи“, плукачите и хејтерите на туѓата среќа!

Дали и колку неговата рекција ќе ги допре или „ќе ги боли уво“ па и понаму ќе продолжат да хејтаат е друга работа... Ако не друго барем по „емотивното празнење“ јутјуберот си ја смири совеста, а душичката му дојде на место, па сега Лазаров со мирно срце може да си го испие утринското кафенце!

Фото: Инстаграм/_lazarovv

Видео: Јутјуб

Теодора Џехверовиќ вака ја правда голотијата: „Порано сликарите сликаа голи жени и тоа беше уметност“ (ФОТО)

Антонио Димитриевски — Fri, 28 Jul 2023 12:54:26 +0000

Теодора Џехверовиќ често ја провоцира јавноста со содржината што ја објавува на социјалните мрежи, а сега со најновата објава повторно успеа да предизвика лавина коментари. Теодора овој пат провокативно позираше речиси гола, во еротска долна облека, а нејзините фотографии беа критикувани од нејзините следбеници. Ја споредија со старлетите од српската сцена.

View this post on Instagram

A post shared by ᏆᎬᎾᎠᎾᏒᎪ (@teodoradzehverovic)

„Штета што толку убава и симпатична девојка, сакан лик, кој успеа како пејачка, прави од себе Анџела Вештица, Шавија и Крунич… Мизерно и тажно, особено голема штета, вели коментар од еден корисник на социјалната мрежа. Теодора не остана имуна на овој коментар, а на критиките одговори. „Порано сликарите сликаа голи жени и тоа беше уметност. Штета што со вакви очи гледате на некои работи, навистина голема штета“, напиша пејачката. Фото: Инстаграм/teodoradzehverovic

Кристина Димитриевска добила „неприостоен предлог“: „Професорот“ со „недолична понуда“, пејачката со „брутална одмазда“… на социјалните мрежи (ФОТО)

Антонио Димитриевски — Mon, 06 Mar 2023 07:31:00 +0000

Кога стануваш познат, популарноста ти расте, се’ повеќе си експониран во медиумите, па и луѓето на социјалните мрежи почнуваат да се занимаваат се’ повеќе со тебе, со твојата работа, приватноста, твојот живот… Стануваш мета и на оние кои те обожаваат, и оние кои не можат „да те смислат“! И тоа е белким логично објаснување за цената што ја плаќаат јавните личности. Но, ако покрај популарноста си уште згодна, атрактивна, сексапилна, привлечна, пожелна и провокативна, а секојдневно ја бомбардираш јавноста преку својот Инстаграм профил со скокотливи, заводливи и предизвикувачки фотографии, може да ти се случи се' и сешто. Меѓу сите комплименти, пофалби и позитивни коментари, да има и по некоја „чудна“ понуда... И тоа во вид на „неприсоен предлог“ или поточно недолично прашање... како што тоа и се случило на Кристина Димитриевска. Македонската мисица и пејачка обзнани на своите Инстаграм приказни нешто што не е ниту прв пат, ниту само нејзе и се има случено, иако е далеку од пристојно и вообичаено. По интернет просторот „ординираат“ секакви чудаци, „оперираат разни пациенти“, само што за многумина од нив дијагнозата не е докажана. Потребно е да се најдат во прилика, во ситуација да се почувствуваат „слободни и опуштени“ за да добијат самодоверба да го покажат вистинското лице. Освен, ако не е во прашање нешто сосема друго, но за тоа - подоцна! Имено, Кристина Димитри јавно се пожали и обзнани дека поедин господин и нудел или поточно се интересирал за „цената на нејзините услуги“!? Но, не на оние пејачките, естрадните, ниту инфлуенсерските, туку за нешто сосема друго... Многу поприватно и поинтимно, директнно прашувајќи ја преку порака, „која и е тарифата“ за... знаете веќе што!? Норамално, убавицата „извадена од штикли“, распаметена и лута решила „брутално да го возврати ударот“ со тоа што непристојниот предлог во вид на индискретно прашање, директно „му го шлапнала“ на своите Инстаграм приказни сосе име и презиме, фотографија и потекло, до трето колено... Или како што самата меѓудругото напишала: „А сега следува реклама за малиов и поука за ако на некој следно му падне на памет да пише вакво нешто!“ - тргнала со својата возвратна офанзива навредената тетовка и продолжила: „Е вака сега... Секој што ќе се осмели вакво прашање да напиша, да изглуми мангуп ќе помине и славно, а може и неславно да заврши! капирам дека 90% од атрактивните жени се на продажба, ама си го утнал профилот мангупче. Кристина заработува со својата професија и мозок... А гледам имаш ќерка, жена, внуки... Стај ги на продажба сите на куп! Еве со оваа реклама на моето стори ќе ви тргне бизнисот, ама не мешајте ме мене во тие валканици“ - возвратила видно изнервирана мисицата и пејачка на ист начин, што и покрај сета навреда, претрпена душевна болка и фрустрација, баш и не би требало да биде нејзино ниво на комуникација, за во продолжение да се правда со зборовите: „Морав да се спуштам на вашето ниво, пошто на мое ниво нема да се рабереме“. При тоа дополнила дека се надева, дека дотичниот и сите останати како него, ќе извлечат поука од ова! Во меѓувреме Кристина добила порака од уште една, за неа непозната личност која во комуникацијата со мисицата тврди дека човекот и бил професор во средно и дека воопшто не е таква личност. Се сомнева дека некој му го злоупотребил профилот за да се задскрие зад него кога и го поставил „непристојното прашање за тарифата“ на пејачката, со што доаѓаме до она што може да биде веројатност, која на почетокот од текстов ја оставивме за подоцна!? Но, ако е така, „професорот“ е тој што треба случајот да го пријави во МВР и кај останатите соодветни органи и институции. Во меѓувреме Кристина Димитри тврди дека има сигурни докази дека и на други девојки истиот лик им праќал недолични пораки, па тоа дополнително го споделила: „Вака сега... Од истиов 'мангуп' ми пуштија девојки докази дека им пишува и нуди неморални работи. А згора на се', професор е, а јас за кодекси треба да го учам... Дипломирав маркетинг и менџмент (затоа од мене добиваш реклама квалитетна)“ - продолжила во ист стил да биде немилосрдна мисицата и за крај, резимирала со предупредувачка порака: „Луѓе, внимавајте кој им предава на вашите деца“ - без да појасни дали случајот можеби таа го пријавила во полиција и кај останатите надлежни органи, кога веќе како што вели, има и други докази за непристојните понуди на професорот?! Се разбира ако воопшто е тоа тој и доколку навистина не се работи за хакирање и злоупотреба на нечиј профил?! Фото: Инстаграм принтскрин/kristina.dimitry

Елена Николовска, најсексапилната скопска фризерка доби непристојни предлози и понуди на Инстаграм, па брутално им возврати: „Гениталиите што ми ги праќате во порака, може треба на вашите девојки и сопруги да им ги препратам?“

Антонио Димитриевски — Wed, 05 Jan 2022 09:27:42 +0000

Елена Николовска е млада, успешна девојка, која ја одбрала „уметноста на разубавувањето“ за свој занает, за животна определба. Патем, шармантната сопственичка на „социјалната фризерница“ не е само добра фризерка, туку и раскошна убавица, која покрај фризерските вештини, знаење и умеење, важи за најсексапилната скопска фризерка. Атрактивна, згодна, телесно надарена со пон која ситна естетска корекција, Елена покрај фризерските ремек дела, не ретко знае да сподели и по некоја фотографија од приватноста. И тоа не било каква, туку провокативна, која знае да ја заскокотка машката фантазија, да ја поттикне волшебната игра на сетилата, па листата на додворувачи на девојката чиј брачен статус се' уште е „соло“ рапидно да порасне. Можеби мажите во живо немаат толкава храброст, ама на социјалните мрежи газдарицата на „социјалниот салон“ за разубавување, по секоја провокативна фото-објава или скокотлив пост, ја чека ново изненадување... Или цела дузина?! Елена веројатно е навикната да се справува со „машката понуда“, но она што го добила како „непристојни предлози“ пред Нова Година, изгледа и неа и ја „прелеа чашата“, па на „непристојната понуда“ убавицата реши брутално да одговори... И да возврати со со ултиматум! Имено, Елена малку пред тоа објавила неколку „жешки фотографии“ со скокотливи пораки... Лично и персонално чувство, желба или страст сеедно, кои некои од нејзините следбеници на Инстаграм ги сфатиле како „повик за исполнување еротски желби“, па на атрактивната фризерка почнале да и испраќаат „непристојни предлози и валкани понуди“ во вид на текстуални, а веројатно и фото пораки. Изнервирана од тоа што е погрешно разбрана, а и од начинот на кој е третирана, Елена јавно им возвратила на „љубопитните пастуви“ кои радо би сакале да бидат на местото на оние од нејзините фотографии. Или можеби да најдат свое место во „жешките пораки“ на „вистинската жена“? Само што желбата за сраст е едно, а начинот на кој таа се остварува е нешто сосема друго... Вака - НЕ сигурно, што и самата фризерка им го плесна, онака жестоко в лице со својот статус: Какви беа реакциите на „безобразните додворувачи“ само Елена знае, но после ова две нешта се сигурни: Ако нивните „непристојни предлози“ стигнеа таму каде што таа ги предупреди, празниците сигурно нема(ше) да им бидат пријатни! А од друга страна сексапилната газдарица на „Social Hair Salon“ си има своја политика и практика, како во бизнисот така и во приватниот живот. Нејзино лично право. А „недокваканите“ понудувачи на „непристојни предлози“ белким по ова ќе ја научат лекцијата дека: Во старт на девојка/жена не и се нуди, особено не јавно, ОНА, по што, ако си вистински фраер, таа на крај самата ќе посака да посегне! Во спротивно, ем може „да те изеде срам“, ем може „дебело да го јадеш“ од онаа до тебе, шо веќе „ти ја знае понудата“, ама се' уште не знае кај се' ја нудиш?! Фото: Фејсбук и Инстаграм принтскрин/Nikolovska Elena/elenabahamas

Опозицискиот политичар Бошко Обрадовиќ жестоко ја прозва, Карлеуша брутално му возврати: „Јас како родена белграѓанка не сум сигурна дека сме родени во ист град, кој го нарекувате „свој“!

Антонио Димитриевски — Tue, 04 Jan 2022 11:05:18 +0000

Јелена Карлеуша одговори на прозивката на опозицискиот политичар Бошко Обрадовиќ, кој нејзиниот новогодишен настап го нарече антимузички и промоција на хомосексуалноста. „Белград, главниот град на Србија, повторно се посрамоти од антимузичкиот настап на Јелена Карлеуша и промовирањето на хомосексуалноста со која ги мамат младите во пресрет на фискалната Нова година, сето тоа емитувано на националната фреквенција. Злобниот Весиќ го понижи повторно нашиот Белград и Србија“ - напиша Обрадовиќ на Инстаграм, а Карлеуша брутално му возврати одговарајќи: „Вие сте ми мене супер, многу ми е жал што таков музички стручњак како тебе не е нов член на жирито на „Ѕвездите на Гранд“! А и згодни сте, сигурно би направил одличен рејтинг со овие „кул“ фашистички испади кон своите граѓани и јавните личности (Цеца е премногу досадна). Од каде сте? Јас како родена белграѓанка не сум сигурна дека сме родени во истиот град што го нарекувате 'свој'. Ние белграѓаните никого не мразиме, за нас сите се добредојдени во овој град, вклучително и вие“, напиша Јелена и додаде: „Смрт на фашизмот - слобода на народот“. Карлеуша се осврна и на забелешката на Бошко Обрадовиќ за заменикиот градоначалник на Белград, како што го нарече „злобниот Весиќ“: „А тој злобниот Весиќ, како што го нарекува овој човек, го направи Белград центар на светот во новогодишната ноќ, донесе 100.000 туристи од целиот регион на дочек и покажа дека сме град со големо срце што не ги дели луѓето по националност, вера или сексуална ориентација. Го сакам Белград“ - заклучи Карлеуша. Фото: Инстаграм принтскрин/karleusastar

Кошаркарката Милица Дабовиќ ја обвинуваа за проституција, а таа разголена им возврати со уште пожестока провокација (ФОТО)

Антонио Димитриевски — Thu, 19 Aug 2021 10:19:01 +0000

Кошаркарката Милица Дабовиќ не се двоуми да се фотографира во провокативни и крајно предизвикувачки пози, најчесто во костими за капење. Но, сега таа отиде чекор понатаму. Имено, Милица беше фотографирана во многу разголено секси издание, за кое малку жени сигурно би имале храброст да се одлучат. Во преден план ги стави како и секогаш своите раскошни облини, кои се покриени со плетен мини градник со мотиви на прасенца преку брадавиците. Можеме да видиме и дел од познатите тетоважи во пределот на меѓуножјето... ...Иако евидентно е дека на Милица не и е грижа за критиките дека се однесува премногу слободно, кои патем, ги добива без престан. Фото: Инстаграм принтскрин/milica.dabovic.13

Новата песна „Ковид и секс“ на Сања – Барбика предизвика голема полемика, па, по коментарите на фолкерката „и пукна филмот“: „Толку ви е капацитетот да процените…“ (ФОТО)

Антонио Димитриевски — Wed, 16 Jun 2021 08:55:33 +0000

Македонската фолкерка Сања Барбика Цинцева како постојано да е во конфликт со некого?! Пред извесно време прво ги нападна медиумите, па имаше „извесни недоразбирања“ со поедини свои колешки како што е нејзината имењачка Сања Сани Гроздановска, каде јавно падна размена на „тешки зборови“, но „војната на фолк ѕвездите“очигледно краеше кратко. Се' се сведе на „блиц крик конфликт“ од локален карактер на двете фолкерки, кои отакао „си земаа мерка“ набрзина „ги закопаа воение секири“, па прогласија примирје во името на чесноста, музиката и уметноста. Сања – Барбика ги „обвини“ медиумите и јавно им се извини на колешките: „Сепак сме колешки и водиме јавен живот, не ни доликува јавно да се провоцираме и навредуваме“! (ФОТО) – Вистина.мк (vistina.com.mk) Деновиве Барби има нова песна. До душа таа беше една од ретките кои снимаа и работеа и за време на корона пандемијата, која е главен лајт мотив во новата музичка „тема по мерка“ на расната струмичка фолкерка. Имено песната „Ковид и секс“ и видеото кои деновиве ги промовираше преку ноќ предизвикаа цунами од најразлични коментари и полемики. Едни ја пофалија за храброста, други за идејата на забавен начин да ја искористи коронапандемијата, додека на трети не им се допадна ама баш ич, па прогласувајќи ја песната за шунд и кич, ја обвинија пејачката дека се потсмева и поигрува со катастрофата која зацрни многу човечки судбини и одзеде илјадници животи. Не можејќи веќе да ја поднесе таа пресија на наводниот „говор на омраза“ кон неа од хејтерите, струмичката фолкерка реши во свои раце да ја превземе работата и да ја скрои по своја мерка. Сања - Барбика јавно се обрати преку социјалните мрежи, поточно на својот Фејсбук профил, прозивајќи ги оние што ја плукаат и „жалат“, а заблагодарувајќи им се на оние што ја поддржуваат и фалат: „Почитувани хејтери, Долго размислував на крајот одлучив да оделам малце време и за вас.Свесна бев дека незнаете да ја препознаете храброста да се донесат новите трендови кај нас, но ете и овој пат решив да бидам во првите и покрај тоа што знаев на какви коментари ќе наидам. Ама ако не Ви замерувам, толку Ви е капацитетот да процените и да вреднувате, само не ми е јасно како ги поддржувате естрадните уметници од регионот со овој жарн на музика, а нас домашните не плукате, вреѓате и понижувате, од мене простено Ви е. На крајот од денот ако не Ви се допаѓа не слушајте и не гледајте, сите ние имаме различни вкусови, а во тоа сум сигурна бидејќи покрај многуте хејтерски коментари, добив дупло повеќе поддржувачки и охрабрувачки коментари, да бидам искрена Ви благодарам и на едните и на другите. Имало и коментари од типот дека сум ги исмејувала жртвите од Ковид, НЕ НЕ НЕ, како би ги исмејувала кога и јас лично го прележав вирусот, темата на песната е таква се со цел малце позитива да дадеме на се околу ковид вирусот, да ја тргнеме барем на неколку минути негативната енергија! Ве сака Сања Барби, наскоро се гледаме и дружиме на најдобрите забави! П. С. Сигурна сум дека на истите често ќе ја барате да ја пеам Ковид и секс“ - дословно им порача струмичката Барбика. Некои од колегите и колешките премолчеа, а некои ја искоментраа нејзината храброст, возвраќајќи и со коментари за поддршка како Тања Блажева на пример или само со лајк како Сузана Гавазова, Душко Георгиевски, групата „Респекти“...! Дури и познатиот Иван Исцелител не остана „покус да не искоментира, до душа со поучна кумановска поговорка за оваа пригода, која кој знае, можеби донекаде и... „држи вода“? „Још не се родија, тј што на свите им угодија“!? - напишал „исцелителот“! Фото: Инстаграм/Фејсбук и Јутјуб принтскрин

Елена Ристевска го возврати ударот на бугарска провокација: „Јас сум Македонка… Чиста!“ (ФОТО)

Антонио Димитриевски — Wed, 31 Mar 2021 08:05:53 +0000

Македонската пејачка Елена Ристеска објави серија подразголени фотографија на својот Фејсбук профил, како реклама за својата нова, сопствена козметичка линија, со што привлече огромно внимание кај следбениците на социјалните мрежи. Позитивните коментари се редеа како нишка од бисери, а имаше и такви кои не живеат во Македонија, а сепак ја коментираа убавината на Елена. Меѓу останатите свој коментар остави и еден Бугарин, кој се обиде сето ова да го искористи за дневна политика и да ја испровоцира нашата пејачка. „Само една Бугарка може да е толку убава“ - напиша тој. Елена Ристеска не му остана должна, па веднаш гордо и достоинствено му возврати: „Краси Панчев, мислиш, МАКЕДОНКА!!! Чиста!“ - му напиша кратко и јасно Елена во одговорот. На бугарскиот обожавател сега веројатно му е појасно како изгледа македонската убавина. Останува само нејасно, дали и после ова официјална Софија одново ќе ги повика нашите дипломати во минстертвото за надворешни работи во бугарската престолнина, за да им упати... протесна нота?! Или подобро Елена да им испрати музички ноти преку едно свое ЦД за да слушнат поубаво, на кој јазик „Доживотно“ пее убавата Македонка? Фото: Фејсбук принтскрин/Elena Risteska

Душан Свилар го возврати ударот на Дара Бубамара: „Не ја знам, која е таа?“

Христина Ѓоргиевска — Mon, 24 Feb 2020 09:41:36 +0000

Дара Бубамара како гостин ментор во „Ѕвездите на Гранд“ го подготвуваше Тарик Јашар (17) за вториот круг во музички натпревар „Ѕвездите на гранд“, а нејзината изјава шокираше многумина. Откако влезе во следниот круг, пејачката му рече на својот кандидат: „Ајде, дете, да ме бакнеш, како се справив со ова за тебе!“ Бидејќи сите се согласија дека Тарик е млад, убав, талентиран и добро образуван, Саша Поповиќ изјави дека го потсетил на Душан Свилар, победникот на една од сезоните на ова музичко шоу. „Тој е поубав од Свилар!Душан е убав, исто така, но малку мртов!“, одговори Дара. Меѓутоа, изгледа ова изјава на пејачката не го победи Свилар. Тој за ало.рс изјав дека не се пронаоѓа во изјавата на пејачката и дека одамна не го гледа шоуто во кое стана популарен. „Која е таа?Не знам дали таа мислеше на мене кога кажа дека Душан Свилар е мртов? Не сум единствен пејач со тоа име и презиме. Има уште тројца кои го имаат исто име и презиме како мене“ вели пејачот. „Одамна не го следам тоа натпреварување и не гледам „Ѕвездите на Гранд“ . Не знам што се случува и не знам кој што коментира. Дотичната не ја познавам, па не знам зошто би мислила на мене кога ме нема запознаено лично“ вели Свилар за „Ало“: Иако победи во музичкото шоу тој истакна дека не следи новите наптреварувања. „Навистина немам време. Неодамна имав концерт во Белград и Нови Сад. Се занимавам со пеење на друг начин и се трудам својата кариера да ја градам на културен начин“ вели Душан.

Антониа Гиговска машки го возврати ударот кон нејзиното момче Иван од „Либеро бенд“ (ВИДЕО)

Антонио Димитриевски — Wed, 18 Sep 2019 09:53:59 +0000

Веќе и врапчињата знаат дека младата Антониа Гиговска е во среќна врска со пејачот Иван Јованов. Во едно неодамнешно интервју за естрадниот ТВ магазин „Бекстејџ, вокалот во составот на Либеро бенд јавно на својата сакана и порача да прекине да јаде макарони, односно тестенини секој ден. Имено, токму ова јадење е нејзина најголема слабост, а Гиговска освен што ги дегуситира секој ден, исто така самата и ги приготвува. Тоа го направи и пред камерата на Бекстејџ... Кој би рекол дека Антониа е девојка за се'! Тестенините беа „машки“ - со јајца, добија оцена 10, а Гиговска и машки реши да го возврати ударот, па еве со што го предизвика Иван... https://www.youtube.com/watch?v=ghuD9svsHbw