возраст – Вистина.мк

Премлада за „теткица“, превозрасна за тинејџерка: Снеже Велков ќе ви објасни како изгледа жена по 42-та… или барем тие како неа! (ФОТО)

Антонио Димитриевски — Wed, 06 Mar 2024 08:37:21 +0000

Роденден е денот што го чекаме цела година... Особено кога сме деца, а потоа? Потоа кој како! Особено, која - како! Дамите најчесто се почувствителни на стареењето, најверојатно заради природата на женското тело, ама сепак повеќето знаат како да се носат со возраста. А кога ќе дојдат родендените, на дамите не им се бројат годините... Така е барем по бон-тон, иако новото време изроди нови правила, па веќе никој и не прашува за возраста. Ако естетиката и сексапилот на дамата ти „фаќа око“... Па за натаму - ќе видиме! Возраста едни ја маскираат со естетски зафати, други со козметички препарати, трети оставиле на мајката природа, па што дал Бог... А една од оние кај што и природата и Бог дале „нешто конкретно“ уште од старт па се' до денес и на лик и на дело, е македонската ТВ водителка и пилатес инструкторка Снеже Велков. Во духот - девојченце, во ликот „бејби - фејс“, премлада за „теткица“, сепак по лична карта (и од старите и од новите - сеедно) превозрасна за тинејџерка, славеше роденден. Годините не ги крие, па затоа Снеже Велков и самата решила „сликовито“ да објасни како изгледа жена по 42-та... Или барем тие како неа! Ова се нејзините 15-тина „оче наш“ заповеди, за кои се' уште цврсто се држи како за... За што и да е, важно што подолго да трае... „Малку за мудрување многу за лудување. Таман за посматрање и припазување. Уште млада за пензионирање, троа стара за глупирње. Таман за ресетирање и од насобрани ствари зачистување. Уште млада за апаратче за притисок, ама таман за апарат за кафе. Млада за бастун стара за на шипка, таман за сукало во кујна. Млада за на бања, стара за во када, таман за на море. Млада за пеги стара за акни таман за целулит. Млада за појас за кичма, стара за минич- таман за одело. Млада за на физикална стара за во игротека таман за на точак. Млада за старачки екскурзии стара за диско таман за на концерт. Млада за јавување кај Роберт на утринска стара за на Дајте музика таман за на Нешто Конкретно. Млада да заборавам неправдини, стара да памтам глупости таман да уживам во убавини. Млада да не дослушувам, стара да избувнувам таман да терам све у пи*ку матер. 42 Машла“ - споделила водителката. Нека ти е најсреќен, ти неверојатно „божествена“ жено! Фото: Фејсбук и Инстаграм/velkovsneze

Александар Тарабунов во временска машина: Пејачот се соочи со староста предвреме (фото)

Слободанка Илиева — Mon, 04 Dec 2023 08:35:05 +0000

Современата технологија во денешно време овозможува да видиме и направиме нешта кои порано биле незамисливи. Па така, ако некогаш дамите мораше да бидат нашминкани за да изгледаат совршено или помладо пред објектив од мобилен, тоа веќе не е потребно покрај многуте филтри кои ги овозможуваат постоечките платформи на актуелните социјални мрежи. Филтрите ги користат многумина, едни поради забава, а други со редовна пракса од секојдневието. Филтрите постојано се усовршуваат, а евен таков кој функционира како временска машина кон иднината во поглед на изгледот ја проба и пејачот Александар Тара. Го стисна копчето за старт, чекаше, чекаше се до далечната 2073 година, односно 50 години подоцна кога тој би имал дури 84 години. Оригинално и необично, а исто така и предизвукувачки за проба. Тара не сакаше да замине подалеку, доста му беше само блиц поглед на деветата животна деценија, па се врати назад на своите убави 34 години полни со свежина, енергија и виталност. фото: instagram printskrin/ aleksandartarabunov

Еве колку пати навистина е нормално да имате сексуален однос со партнерот

Слободанка Илиева — Tue, 10 Oct 2023 11:30:03 +0000

Сексуалноста е интимна тема која може да предизвика различни реакции и мислења. Сепак, постои истражување кое ни дава увид во сексуалните навики на луѓето и нуди насоки за тоа што се смета за нормално. Едно истражување, спроведено од Институтот Кинси, ни дава некои статистички податоци за сексуалната активност на различни возрасти. Според нивните резултати, просечниот број на сексуални односи варира во зависност од возраста. Младите возрасни (18-29 години) имаат просечно 112 сексуални односи годишно, додека лицата на возраст од 30 до 39 години имаат во просек 86 сексуални односи годишно. За луѓето на возраст меѓу 40 и 49 години, таа бројка паѓа во просек на 69 сексуални односи годишно. Ова истражување исто така откри дека 13 отсто од брачните парови имаат секс неколку пати годишно, 45 отсто неколку пати месечно, 34 отсто два до три пати неделно, додека 7 отсто имаат секс четири или повеќе пати неделно. Речиси половина од брачните парови имаат секс неколку пати месечно. Важно е да се напомене дека овие податоци се просечни вредности и дека постои голема варијација во сексуалната фреквенција кај паровите. Секој пар има свои уникатни потреби и желби, па затоа е тешко да се дефинира универзална „нормала“ кога станува збор за сексуалната активност. Исто така, треба да се земе предвид дека факторите како стрес, замор, здравствени проблеми и други животни околности можат да влијаат на сексуалната зачестеност во врската. Секоја личност има свои индивидуални потреби и преференци кога станува збор за сексуалноста. извор:курир.мк

Софија Лорен и на 88 години е поим за дама (фото)

Слободанка Илиева — Wed, 21 Jun 2023 09:15:23 +0000

Прославената и една од најпознатите италијански актерки, Софија Лорен се уште е важи за грациозна и елегантна жена, а иако ретко се појавува во јавноста, нејзините обожаватели се воодушевени секогаш кога ќе добијат шанса да ја видат. Таа стекна голема популарност на млада возраст кога го зазеде местото на најубавата жена на светот на сите времиња. Таа неодамна го отвори својот ресторан, а сега странските папараци ја уловија како излегува од хотел. Софија денес има 88 години и се уште изгледа феноменално. Елегантна како и секогаш, насмеана и добро облечена, иако се забележува дека е тешко да се движи. фото:Принтскрин Јутјуб/Инстаграм/ Greg Williams

Ова се идеални години за брак! Погледнете дали вашата врска се совпаѓа со овие пресметки

Слободанка Илиева — Mon, 12 Jun 2023 11:58:26 +0000

Повеќето парови решаваат да му дадат шанса на нивниот брак во првите пет години од нивниот заеднички живот, пред да решат дека едноставно нема да успее и ќе им треба развод. Истражувањето открило дека луѓето на возраст од 28 до 32 години имаат помала веројатност да се разведат во првите години од бракот. Овие години се сметаат за идеални за влегување во брачна заедница и даваат поголеми шанси бракот да биде поуспешен. Претходните истражувања покажаа дека колку подоцна се ожениш толку е помала веројатноста да се разведеш. Новите податоци покажуваат дека големи се шансите за развод за оние кои се венчаат како тинејџери или во раните дваесетти години, како и за оние кои се постари кои ќе се решат на овој чекор околу 45-та година од животот. Кај постарата популација постара од 45 години, шансите за развод се зголемуваат за 5 проценти. извор:попара.мк

Роберт де Ниро проговори за тоа како се носи со улогата на татко на седмо дете

Слободанка Илиева — Wed, 07 Jun 2023 11:49:26 +0000

Легендарниот холивудски актер Роберт де Ниро ја коментираше веста дека неговиот колега, оскаровецот Ал Пачино ќе добие дете на 83 години. Американскиот актер Роберт Де Ниро неодамна во емисијата „Today“ ја коментираше веста дека неговиот колега Ал Пачино наскоро ќе добие дете. Роберт и Ал заедно глумеа во филмот „Ирецот“, а Де Ниро е среќен што Пачино ќе има ново засилување. - Тој е неколку години постар од мене. Господ да го благослови - изјави Роберт. Роберт призна дека тој и Ал веќе планираат состаноци со најмалите деца. - Ќе си играме со играчки на подот - рекол актерот. Да потсетиме, Де Ниро неодамна ја шокираше јавноста со тоа што случајно призна дека добил седмо дете. Имаше две деца, Дрина и Рафаел, со првата сопруга Дајан Абот, а со втората сопруга Грејс Хајтауер има уште две деца: Елиот и Хелен. Тој ги има близнаците Арон и Џулијан со поранешната девојка Туки Смит. фото:EPA Images

Која е совршената возраст за брак? Еве што вели науката

Слободанка Илиева — Mon, 20 Mar 2023 14:00:15 +0000

За да ви биде успешен бракот, влијаат многу работи. Повеќето парови се одлучуваат да му дадат шанса во првите пет години од заедничкиот живот, пред да одлучат дека не е како што треба и дека е потребен развод. Истражувањата покажаа дека луѓето на возраст од 28 до 32 години поретко се разведуваат во првите години од бракот. Овие години се сметаат за идеални за стапување во брачна заедница и даваат поголеми шанси дека бракот ќе биде поуспешен. Претходните истражувања покажаа колку подоцна стапите во брак толку се помали шансите дека ќе се разведете. Новите податоци покажуваат дека е голема шансата за развод кај оние кои се венчаат како тинејџери или во раните дваесетти, како и кај оние кои ќе се одлучат на овој чекор околу 45 години. Како причина за зголемен степен на развод кај луѓето над 30 години се наведуваат предиспозициите кои овие луѓе ги имаат. извор:попара.мк

С*кс по 40-тата: Неколку работи што треба да ги знаете

Слободанка Илиева — Fri, 18 Nov 2022 13:14:25 +0000

До 40-тата година многу парови имаат повеќе слободно време – децата се пораснати, веќе имате стабилна работа, конечно можете да се опуштите и да уживате во сопствениот живот. Но, дали сексот се вклопува во концептот на „сопствен живот“, што може да се очекува од „секс сцените“ во иднина, дали вреди да се зборува за тоа со партнерот и дали постои начин да се продолжат годините на сексуална активност? Дознајте ги одговорите на овие прашања подолу. Секс по 40 Повеќе слобода Тврдењето дека зачестеноста на сексот се намалува по 40-тата година е еден од митовите за стареењето. Всушност, многу парови признаа дека со почетокот на оваа ера, нивниот интимен живот, напротив, почнал да добива нови нијанси. Во САД, според студија, околу 70% од мажите и 74% од жените имаат редовен секс по 40-тата година од животот. Околу 30% одржуваат блиски врски до 70-тите години. Паровите над 40 се повеќе мотивирани да истражуваат различни аспекти на сексуалноста. Послободни се, поотворени за нови работи – се обидуваат да играат, заедно да гледаат еротика… Веќе се сексуално сигурни и подготвени за посвесна интимност, велат експертите. Предиграта ќе биде подолга Ова веќе не е мода, туку неопходност. Мора да се земат предвид хормоналните промени во телото на мажите и жените. На паровите на оваа возраст им треба повеќе време за да ја искусат желбата за интимност. Но, многу жени, напротив, оваа ставка ја сметаат за плус, забележувајќи дека партнерите по 40-тата година стануваат помалку себични и многу подобро се справуваат со сексуалните задачи отколку во младоста. Сè уште ви треба заштита Староста не штити од сексуално преносливи болести и бременост. Да, природата го создала човекот на таков начин што тој може да репродуцира потомство на млада возраст, бидејќи порано дури и на 30-годишна возраст тие се сметаа за речиси стари. Затоа, по 40-тата година се случуваат сериозни промени во телото на жената, се менува хормоналната позадина, расте ендометриумот во матката… Но, сите овие аргументи за неможноста за зачнување се спротивни од реалноста: бременоста е можна, но мора да ги земете предвид сите можни здравствени ризици. Сексот по 40 ќе биде подобар со спорт Желбата по 40-та останува иста, но сега телото веќе може да се однесува на предавнички начин. Лекарите велат дека треба да бидете повнимателни ако почувствувате боцкање или притисок во градите – можни се проблеми со срцето. Подобро би било сексот да не ви е единствената физичка активност. Пријавете се во теретана или вежбајте дома, трчајте, пливајте, подобрете го вашето здравје. Слободно разговарајте со партнерот Затишје во интимниот живот е карактеристично за парови на која било возраст. Прашањето е како да се излезе од оваа ситуација. Разговарајте. Разговорот за секс во пар не е секогаш здрав. Почесто тоа е критика, која тешко ја зајакнува желбата за поврзување. Важен дел од решавањето на проблемите е можноста за мирна, разумна, детална дискусија. Ако тоа не функционира, не двоумете се да контактирате со психолог. Секс по 40 и оргазам Лекарите го побиваат митот дека со возраста човекот ја губи способноста да доживее задоволство. Иако, поради објективни причини, некои парови може да почувствуваат непријатност за време на сексот. Сепак, ова може да се реши ако побарате лекарска помош. Мажите можат да бидат поотпорни Со возраста, мажите имаат поголема контрола врз процесот и можат да го продолжат сексот. Повнимателни се на желбите на партнерот. Мажите треба да ја преиспитаат исхраната Пред да отидете во аптека за лекови кои го зголемуваат либидото, обидете се на побезбеден начин да ја одржите вашата „машка моќ“. Одговорот е во исхраната. Ќе помогнат таканаречената класа на материи од растително потекло, кои при внесување ја активираат работата на ензимите. Боровинки, цреши, ротквици, интегрални житарки, риба и морски плодови, растителни масла, грав, јаткасти плодови – сето тоа има благотворно дејство, пред сè, на срцето. Секс по 40 и блискост на партнерите На 40 години не мора да планирате секс како порано. Паровите, најчесто, веќе живеат сами. Слободните вечери можат да бидат посветени на разговор, одење во кино, некоја заедничка активност која носи пријатни емоции и на двајцата. Интимноста по ваквите вечери повеќе нема да биде обична. Обрнете внимание на вашето тело Телото се менува со текот на годините, сакале ние или не. Но, исто така е важно да го сакате. Грижете се за вашето здравје, престанете да јадете брза храна и откажете се од лошите навики. Секс по 40 и право на одбивање Не треба да го сфатите отфрлањето на сексот како отфрлање на себе. Отфрлената личност реакцијата на партнерот ја доживува како навреда. Сфатете го тоа како нормална ситуација, како да сте го извеле на вечера, а тој не е гладен. Одбивањето не може да се сфати лично, тоа најверојатно значи едноставно „некое друго време“. Главниот сетилен орган Интимноста не е само секс. Обрнете внимание на главниот орган на сетилото, а тоа не е она што мислите. Всушност, тоа е кожата. Допирањето, дури и ако не планирате да бидете интимни, ќе ви помогне да се зближите и да ви даде пријатно чувство. Ова е начин подобро да се запознаете и повторно да го разгорите огнот што можеби изгаснал во врската. извор:курир.мк

Слаткар го покажа наследниот: Моша веќе е потпораснато момченце (фото)

Слободанка Илиева — Fri, 23 Sep 2022 09:04:42 +0000

Уште откако дојде во нивниот свет, синчето на раперот Марко Слаткар и екс-мисицата и водителка Сања Николиќ, Моша, е центарот на нивниот универзум. Иако следбениците многупати преку коментари на социјалните мрежи побараа да видат на кого личи наследникот, познатите родители не сакаат да го изложуваат неговиот идентитет пред очите на јавноста. Тоа е така се уште, бидејќи иако тато Слаткар често го снима наследникот, ликот на Моша се уште не сме го виделе јасно. Овој пат, на своите „стори“ објави тато Марко го чуваше Моша додека си игра во дворот, веќе доста активно две ипол годишно детенце кое во месец април следната година ќе полни три години. Кога го прашаа Моша кој повеќе го сака – мама или тато, одговорот бешше „повеќе мама“, на што полна со себе гордата мајка го прегрна и го бакна синчето. Тато не беше задоволен од одговорот, но што е тука е, мама во најголем број од случаите е број еден за секое детенце, особено на таа возрат. За потсетување, Марко и Сања се венчаа во 2014 година, а станаа родители во 2020. фото:Инстаграм принтскрин/Слаткаристика

Цеца лутито распали по оние што и префрлаат за годините: „Ако овие од 35 се тетки, кучки, милфици, баби… Ние речиси на 50 што сме, мртви?“

Антонио Димитриевски — Thu, 25 Aug 2022 11:45:18 +0000

Фолк ѕвездата Цеца Ражнатовиќ поради годините не дозволува никој да и каже како треба да се однесува. „Сега за жена кога ќе наполни 35 години, велат дека е тетка, кучка, милфица... А ние што сме 40 плус? Што сме ние? Мртви ?! Бидејќи овие од 35 се баби, особено ако не се омажиле... Неверојатно“ - изјавила фолк ѕвездата, а потоа објаснила дека жените на нејзина возраст не се за фрлање. „Тоа се жени кои граделе кариери, тоа се жени кои се во цутот на најдобрите години. Еј, во четириесеттите, тогаш жената созрева и психички и емотивно, зборувам од искуство. Кој е тој што одредува како да се чувствувам сега?! Никој нема право да ми каже дали сум стара или млада, тоа е примитивизам“ - заклучи Цеца, која има 49 години и која стана и баба, откако нејзиниот син Вељко доби дете со снаата Богдана. Фото: Јутјуб и Инстаграм принтскрин/cecaraznatovic