возачка – Вистина.мк

Осамна дебелото досие со прекршоци на Дарко Лазик на кое едвај му се гледа крајот (фото)

Слободанка Илиева — Fri, 01 Sep 2023 09:26:26 +0000

Ден по свадбената веселба на адресата на српскиот пејач Дарко Лазиќ пристигна пресудата за сообраќајната несреќа што ја предизвика пред неколку дена. Возачот призна вина за незгодата која се случи на 23 август, а денеска ја доби и казната од судот за прекршоци. Како што дознава српски „Телеграф“, Дарко е осуден на парична казна од 190.000 динари (скоро 100 илјади денари или 1620 евра) и 10 месеци забрана за возење. На Лазиќ веќе му е одземена српската возачка дозвола поради големиот број казнени бодови, има активна забрана за управување со возило до февруари 2024 година, а со новата казна од 10 месеци, ќе добие забрана за возење до крајот на 2024 година. И покрај забраната Лазиќ не го остава автомобилот и користи возачка од Чешка. Колку треба институциите да го тргнат од улиците, а уште вози, покажува и неговото досие со прекршоци: – 27.12.2013 година – возење нерегистриран автомобил – 19.03.2015 година – пречекорување на дозволената брзина во Белград – 20.04.2015 година – возење со забрана – 22.05.2015 година – возење со забрана – 07.07.2015 година – возење со забрана – 11.08.2016 – непрописно паркирање во Белград – 22.11.2016 година – пребрзо возење и возење без дозвола – 26.11.2016 – непрописно паркирање на аеродромот во Белград – 07.12.2016 година – не сакаше да каже кој го возел автомобилот регистриран на негово име и поминал на црвено – 18.12.2017 – непрописно паркирање во Белград – 17.04.2018 година – возење без дозвола и брзо возење – 23.10.2018 (тешката несреќа во која едвај остана жив) – брзо возење и возење без дозвола – 28 март 2020 година – прекршување на полицискиот час, возење без возачка дозвола – 29 април 2020 година – возење без возачка дозвола фото:FOTO-KOLAŽ: PIXABAY, ANTONIO AHEL/ATAIMAGES/ Instagram printskin

По тепачката со сестра и Едита, Инди во нова неволја: Пејачката фатена без возачка, казната парична или затвор и нова забрана (ФОТО)

Антонио Димитриевски — Wed, 01 Feb 2023 11:10:21 +0000

Пејачката Индира Арадиновиќ Инди утрово била запрена од сообраќајната полиција по што и е поднесена и е прекршочна пријава за возење без возачка дозвола, која пред неколку дена и била одземена. Пејачката била запрена во белградската населба Карабурма, каде што таа живее. Според сознанијата добиени од полицијата, претходно на три месеци и била одземена возачката дозвола. Според законот, за ова дело е предвидена казна затвор од најмалку 15 дена или парична казна од 100.000 до 120.000 динари (околу 50-60.000 денари) и 14 казнени поени. Заедно со овие мерки следува и нова забрана за возење од најмалку осум месеци. Да потсетиме, минатата недела изби голем скандал кога во медиумите се појави видео од тепачката меѓу сестрите Инди и Едита Арадиновиќ. „Не можам да зборувам за самата причина за конфликтот и за активирањето на истиот. Премногу е интимно. Веднаш потоа со Едита отидовме на кафе, мама беше со нас, не прегрна и бакна“ - кусо изјави тогаш Инди. Фото: Илустрација/Инстаграм принтскрин/indy_ara_indira

На Ристе Ристески Новата Година не му тргна со лесно: Пејачот санкциониран од полицијата, а казната ќе му потрае (фото)

Слободанка Илиева — Tue, 03 Jan 2023 08:51:53 +0000

На охриѓанецот Ристе Ристески или попознат како единствениот македонски победник во „Ѕвездите на Гранд“, Новата Година не му тргна со лесно. Веројатно не беше судбина, бидејќи она што му се случи нему, не се случува без причина. Имено, пејачот ноќта пред дочекот на 2023-та управувал со својот автомобил, бил сопрен од сообраќајната полиција која констатирала дека Ристески треба да биде отстранет од сообраќајот и привремено да му биде одземена возачката дозвола.

View this post on Instagram

A post shared by Riste Risteski (@riste_risteski)

Оваа информација не е шпекулација или празни муабети кои дошле до нас, туку Ристе самиот на социјалните мрежи го објави документот за привремено одземање на возачката. Во објавата кратко си напиша „фала“, а бидејќи полицијата има примарна функција да воспостави ред, мир, заштита,примена на правила, веруваме дека му направиле услуга која е баш за фала. Деталите околу овој не така убав почеток на годината за него, не ги сподели, но веројатно откако ќе истече забраната, одговорноста во поглед на прекршокот ќе биде на максимално ниво. Епа, Среќна Нова!

Нема привилегии: Бекам доби забрана, веќе нема да може да го вози своето „Бентли“

Слободанка Илиева — Fri, 10 May 2019 10:10:23 +0000

На Дејвид Бекам му ја одземаа возачката дозвола на шест месеци поради користење мобилен телефон во текот на возењето. Поранешниот капитен на фудбалската репрезентација на Англија се изјасни како виновен пред надлежниот судија и призна дека користел мобилен за време на управувањето на своето „Бентли“ во ноември минатата година. Бекам бил фотографиран од случаен минувач како го држи телефонот додека возел во колона кон центарот на Лондон.

За овој прекршок во Англија се добива шест казнени поени, но бидејчи фудбалерот веќе ги има поради брзо возење, пресудено е да му биде одземена возачката на шест месеци.

Изречена му е и парична казна од 750 фунти. Судијата Кетрин Мур на крајот на процесот му кажала да разбере дека е гужва во сообраќајот и дека возел во колона која едвај се движела, но по закон не постои изговор.