воспаление – Вистина.мк

На Ричард Гир му дијагностицираа пневмонија: Холивутскиот актер итно хоспитализиран (фото)

Слаѓана Атанасова — Mon, 20 Feb 2023 11:04:37 +0000

Холивудскиот актер Ричард Гир моментално е во Мексико со членовите на неговото семејство кои се опоравуваат откако му беше дијагностицирана пневмонија. Гир бил на одмор со семејството во Нуево Ваљарта, а штом почувствувал проблеми отишол во болница, каде лекарите го советувале да остане со нив преку ноќ за да ја следат неговата состојба. Светските медиуми јавуваат дека Гир бил примен во болница поради силна кашлица и воспаление на белите дробови. Но, подоцна бил пуштен на домашно лекување откако една ноќ поминал во болница со антибиотска терапија. За здравствената состојба се огласи неговата сопруга која истакна дека најлошото поминало и тој сега задравува и ќе биде добро. Актерот со семејството бил во Мексико по повод 40 -от роденден на сопругата. Фото: Принтскрин/Инстаграм

Миљана Кулиќ смисли план: Вака планира да симне 20 килограми, а потоа да се омажи за Бебица (фото)

Слаѓана Атанасова — Wed, 22 Jun 2022 11:22:44 +0000

Задругарката Миљана Кулиќ итно била вратена од Турција, каде што отпатувала за хируршки да го намали стомакот. Лекарите процениле дека Миљана Кулиќ во овој момент не е подготвена за операција. Се обиделе да ја излечат во Турција, а потоа и рекле дека е најдобро да се врати во Србија додека не биде целосно здрава. Кулиќ добила бронхитис поради што не била подготвена за операцијата. - Миљана помина низа прегледи кога дојде во Турција. Ја прегледале кардиолог, пулмолог, оториноларинголог, анестезиолог... Утврдено е дека има бронхитис и воспаление на ушите, и одлучиле дека во овој момент не е подготвена да оди под нож - вели извор близок до Кулиќ. Во таа прилика се огласи Миљана Кулиќ која рече дека е многу разочарана што мора да се врати, но рече дека не се откажала од операцијата. - Настинав, добив бронхитис, па не можеа да ми стават анестезија. Добив инфекција на увото, имав температура и докторите рекоа прво да се излечам, па да се вратам. Бев многу разочарана, бев очајна кога требаше да се вратам, но можеби е подобро така. Најважно е се да оди како што треба кога ќе се оперирам - вели Миљана. Таа открива дека за една или две недели ќе се врати повторно во Турција. - Повторно одам таму на почетокот на јули. Мислам дека тогаш ќе завршам се. Ќе влезам во следната сезона. До септември дефинитивно ќе ослабам најмалку 20 килограми, а до Нова година ќе бидам како „милион долари“. Потоа ќе правам гала свадба со Бебица - изјави Кулиќ. Фото: Принтскрин/Ата Имаџес/Јутјуб

Мишо Ковач одново итно хоспитализиран: Пејачот повторно заврши во болница (ФОТО)

Антонио Димитриевски — Fri, 26 Nov 2021 12:46:08 +0000

Легендарниот хрватски пејач Мишо Ковач, како што дознаваат медиумите, сношти, 25 ноември 2021 г. повторно завршил на болничко лекување, откако итно бил хоспитализиран на одделот за пулмологија. Семејството и пријателите се во страв поради неговото здравје и се плашат дека ќе се случи најлошото. Да потсетиме, Мишо на крајот на октомври заврши во болница, а по неколку дена лекарите решија да го пуштат на домашно лекување и дополнителни прегледи кои беа неопходни за да се уверат во неговата здравствена состојба. Меѓутоа, пред два дена, според хрватските медиуми, Мишо имал висока температура, која го скршила одвнатре, а дури вчеравечер брза помош дошла да го земе во Строжанац. Мишо живее во станот кој го изнајмил со својата сопруга Лидија, каде пристигнала брзата помош и веднаш го хоспитализирала пејачот. Како што беше соопштено, медицинскиот персонал и лекарите се сомневаат дека се работи за воспаление на белите дробови, но дека е во прашање почетна фаза. Мишо Ковач еднаш беше тестиран на коронавирус, но како што соопштија, резултатите од тестот покажале дека и тој и неговата сопруга Лидија се негативни на Ковид -19.

Српскиот пејач хоспитализиран, се сомнева дека е заразен со корона

Христина Ѓоргиевска — Sat, 27 Jun 2020 08:16:01 +0000

Коронавирусот се уште е присутен во целиот свет, а во последно време неколку јавни личности се позитивни на Ковид 19. Пејачот Љуба Перучица на својот „Инстаграм“ објави фотографија од болницата на „Бежаниска коса“ во Белград. „Драги мои, ова ќе биде моја единствена изјава и ве молам да не ме вознемирувате. Не сум единствен кој се лекува, телефонот ми ѕвони, а тоа не ме неривира само мене туку и луѓето кои се тука. Имам воспаление на белите дробови, се уште не ги добив резултатите од Ковид 19, но секако се сомнева на оваа болест. Се чувствувам добро, не сум на апарати, ги примам потребните лекови и за неколку дена ќе бидам дома. Би ги замолил сите кои беа во контакт со мене, да внимаваат и да се проверат доколку имаат некои симптоми. Чувајте се и благодарам на разбирањето“, напиша пејачот на „Инстаграм“. Потсетуваме, неодама Цеца Ражнатовиќ и Вељко оздравија од коронавирус, а сега и тенисерот Новак Ѓоковиќ е позитивен на Ковид 19.

Српските медиуми откриваат: Лепа Брена итно завршила в болница! (ФОТО)

Антонио Димитриевски — Sat, 08 Dec 2018 09:10:19 +0000

Пејачката трпела силни главоболки со денови и на крај морала да посети лекар. Итно и бил направена скен на главата во една приватна клиника, каде што пристигнала многу исплашена, објавија доцна вчеравечер, 07.12.2018 г. речиси сите српски портали како: Телеграф, Ало, Курир, Глоси....

Сосопственичката на "Гранд продукција" минатата недела се борела со напади на мигрена, поради што таа се испаничила и одлучила детално да се испита. Како што дознава српски Курир од свои извори, пејачката првпат му се јавила на својот лекар и добила терапија од аналгетици, но нивниот ефект бил краткотраен и незначителен. Потоа третманот продолжил со инфузии.

„Во вторникот попладне, Брена се јави во нашата клиника и не замоли да и се направи скен на главата што е можно поскоро, бидејќи таа трпеше силни главоболки. И закажавме снимање за следниот ден - претпладне. Таа дојде кај нас и му се пожали на докторот дека неколку пати ги менувала терапиите, од кои болката и се намалувала, но брзо се враќала. Сакаше да биде сигурна дека не е ништо сериозно, бидејќи нејзиниот лекар ѝ рекол дека веројатно има воспаление на синусите. Снимката траеше околу 20 минути, а резултатите беа готови за помалку од еден час, бидејќи Брена побара да го добие извештајот истиот ден. Таа беше вознемирена и загрижена, што и се очекуваше, но не паничеше“ - изјавил соговорникот на Курир.

За среќа, скенерот покажал дека нема место за страв и загриженост, но долготрајниот третман е задолжителен, бидејќи синусното воспаление кај пејачката е многу силно. „Сите нејзини синусни канали и беа практично затворени, не знам како таа успеала толку долго да ги издржи болките. Во такви случаи, на пациентите понекогаш им вршат хируршка интервенција, но кај неа нема потреба од хируршка процедура. Нашиот оториноларинголог по испитувањето откри дека третманот мора да продолжи со силни антибиотици и лекови за лачење на секретите, со задолжителни инхалации секој ден. Контролата е закажана за една недела и ќе видиме каква е состојбата“ - тврди изворот.

Новинарите на Курир ја побарале Лепа Брена, но таа не се одзвала на нивните повици - пишува српскиот портал Глоси.

Да се надеваме дека Брена ќе го санира своето здравје па ќе може да пее и нема да дојде до откажување на закажаните концерти, вклучувајќи го и оној во Скопје што треба да се одржи на 15 декември во ВИП Арената „Борис Трајковски“.