водителки – Вистина.мк

Водителките западнаа во празнично расположение: Александра и Милена ги нишаа колковите пред новогодишната елка, па продолжија и во кафеана (фото)

Слаѓана Атанасова — Sat, 30 Dec 2023 08:06:43 +0000

Водителките на утринската емисија на Канал 5 телевизија, Милена Антовска Станковска и Александра Илиевска Пановска се повеќе од активни на социјалните мрежи, а своите следбеници често ги информират за сите активности и новитети. Тие две неодамна се споија и видно расположени застанаа пред новогодишната елка во студиото додека беа на работа и направија хаос со нивниот весел танц. Милена вниманието го привлече со ултра кусиот „минич “ со кој во преден план ги истакна долгите нозе и ги покажа танцувачките вештини. Александра пак во светкав комплет со истото темпо заводливо нишаше со колковите, врцкајќи се додека клекнуваше до земја насмеана до уши. Дека не им недостасуваат енергијата и стилот за да го истакнат најдоброто од себе докажаа и сега со видеото кое го постираа на социјалните мрежи.

View this post on Instagram

A post shared by Aleksandra Ilievska (@aleksandra_panovska_ilievska)

За да биде целосно празничното расположение Милена го надополни и со чаша црвено вино која црвсто ја држеше во раката додека се забавуваа. Но ова беше само загревање, а новогодишната еуфорија заедно со колегите ја продолжија во една скопска кафеана, како што е редот и како што прават сите периодов пред Нова година. И таму пееја и задоволно се смееја за убав крај и во добро расположение да ја започнат Новата 2024 година. Фото: Printskrin/Instgaram/aleksandra_panovska_ilievska/milena_antovska

Водителките Ирена и Адријана во ист фустан пред камери, првин го носеше едната, а потоа го позајми другата (фото)

Слободанка Илиева — Sat, 07 Oct 2023 07:00:32 +0000

За дамите кои имаат јавна професија и се појавуваат пред камери и публика, нималку не е лесно постојано да се биде стилизиран од глава до петици. Многумина сигурно ќе помислат дека ова е сосема спротивно, но ТВ водителките и пејачките тоа со сигурност ќе го потврдат дека е една секојдневна задача која бара инспирација, време и посветеност.

View this post on Instagram

A post shared by Irena Spirovska (@irenaspirovska)

За ТВ водителките Ирена Спировска и колешката и пејачка Адријана Алачки, оваа секојдневна активност е делумно олеснета бидејќи за нивниот стилски печат пред камери се грижат стилисти задолжени конкретно за тоа. И токму кога би помислиле дека пропуст за изборот на стајлинзите не може да се случи, кај колешките на емисијата „Везилка“ видвме модна реприза. Истиот модел на лелеава, волуменозна свилена беж толета со впечатлив масивен ѓердан како детаљ околу вратот, прва ја носеше Ирена на сцената на „Охрид фест“. Случајно или намерно, или пак моделот од модната куќа која ги стилизира и се допадна и на Алачки, па решија и нејзе да ја дотераат во исто. Овој пат идентичниот модел го носеше и Адријана неколку дена подоцна. Бидејќи временската разлика беше куса, овој момент не остана незабележан, а за тоа сведочат и објавите на Инстаграм. Впечатливиот ултра модерен и екстравагантен модел не остана незабележан, а и на двете им прилега одлично. Сигурно е дека Ирена и Адријана знаеја за ова, но допаѓањето во случајов им се поклоп, па по цена на тоа да биде и забележано дека носат исто. фото:Instagram printskrin/Adrijana Alacki/Irena Spirovska

Ирена Спировска и Марјана Станојковска во специјално издание: Водителките во фокусот на сцената од „Охрид фест“(фото)

Слаѓана Атанасова — Tue, 05 Sep 2023 07:00:23 +0000

Интернационалниот музички фестивал „Охрид Фест – Охридски трубадури“ е во редот на најстарите во земјава кој ги надмина европските граници со гледаност на дваесетина телевизии и музички канали и секоако со јубилејот кој годинава одбележа три децении. Атрактивните гости на "Охрид фест" беа вистински предизвик за седмата сила, но голем впечаток оставија и водителките Ирена Спировска и Марјана Станојковска кои го привлекоа вниманието со нивните уникатни фустани. На фолк-вечерта, водителка домаќин беше Ирена Спировска која смени повеќе тоалети од една позната македонска модна куќа. Нејзиниот едноставен, но впечатлив фустан остави впечаток поради кројот во стил на грчката Афродита. Ирена во него едноставно доминираше, а на нејзиниот профил на социјалната мрежа „Инстарам“ постираше видео како позира задоволна и полна со себе.

View this post on Instagram

A post shared by Irena Spirovska (@irenaspirovska)

- „Божествена“, „Убавица“, „Како самовила си“, беа дел од позитивните коментари кои се редеа под објавата. Но, ништо помалку впечатлива не беше ниту водителката Марјана Станојковска заедно рака под рака на сцената водеше со македонскиот актер Васил Зафирчев. Марјана највпечатлива беше во свечената светкава тоалета припиена за телото налик како сирена со посебен детаљ на цвет доминираше на јубилејното 30 - то издание на „Охрид фест“ на импресивната интернационална вечер, кога Дадо Топиќ ја испеа „Македонија“ песна стара 50 години. Инаку, според програмата, водители покрај Ирена Спировска (Фолк вечер) и Марјана Станојковска, беа и Васил Зафирчев и Ване Марковски (бекстејџ) кои ги повторуваа ударните реплики на двете фанатстични вечери полни со добра музика каде влезот беше слободен и сите беа добредојдени. А, ние со причина можеме да се пофалиме дека нашиот портал Вистина. ком.мк доби фестивалска благодарница за долгогодишна успешна соработка и професионално следење на фестивалот, кој својот јубилеј го прослави со големите пејачки имиња и во вистинска фестивалска атмосфера со што потврди дека е најдобар. Фото: Принтскрин/Инстаграм/ Ирена Спировска/ Марјана Станојковска

Провокацијата колективен дрес-код на роденденот на „Убавина и здравје“: Познатите Македонки која од која посекси, а Вера Мештеровиќ заедно со широката насмевка ја сподели и долната облека (ФОТО)

Слободанка Илиева — Thu, 18 May 2023 09:15:32 +0000

Перманентноста и истрајноста во медиумскиот простор во земјава е тешка, напорна и макотрпна упопорност и стремеж кон успехот. „Убавина и здравје“ успеаја во тоа дури и повеќе од деценија. Вчеравечер во еден ноќен клуб во градскиот парк во Скопје се славеа два родендени, односно два во едно, 15 години за магазинот „Убавина и здравје“ и уште 10 јубилејни за порталот „Убавина и здравје.мк“. Горди на успехот што го постигнале и приканата што досега ја испишале, пратија покани до колегите, естрадата, соработниците... Доделија и награди за општествено одговорни компании, групи и поединци - филантропи. Роденден е свеченост, па како што е редот, славениците треба да се испочитуваат со честитка и желба за многу повеќе од гостите кои дојдоа дотерани од глава до петици и со најважниот аксесоар – насмевката. Дамите секако беа во фокус, а иако немаше одреден дрес – код, провокацијата суптилно излезе дека била најчестиот избор на повеќето од познатите Македонки кои дојдоа да ги испочитуваат славениците и да им честитаат за досегшаното и да им посакаат уште многу повеќе, да се дружат меѓу себе ама и да бидат видени. Пејачки, новинарки, водителки, манекенки, секоја во свој моден филм од стајлиг што мислеле дека е вистинскиот за нив и приликата. Лила секогаш расположена за позирање пред фотообјективите го покажа својот избор на ултра кусо коктел фустанче во металик нијанса и асиметрични пресеци и истакнат макси детаљ кај рамото. Комбинацијата ја заокружила со високи потпетици на платформа во истата нијанса. Дополнителен и најважен аксесоар од целосниот визуелен приказ беше статуетката што Лила ја држеше во рацете, а и припадна за неодамнешната “Најинспиративна приказна” од исповедта за борбата со опаката болест која ја победи. Секоја дама беше маркантна и посебна на свој начин, но ТВ водителката и модел, Вера Мештеровиќ како да издоминира над сите дами. Нејзиниот избор беше транспарентен комбинезон од провидна тантела под кој се гледаше црната долна облека. Гаќичките ниту суптилно немаше намера да ги сокрива, но генерално таа изгледаше префинето без да биде вулгарна, туку напротив доминантна секси дама со наметката како завршеток кој открива онолку колку што треба. А, на моменти и малку повеќе од тоа. Во редот на највпечатливите беше и нејзината колешка, водителката Милена Антовска- Станковска со изборот на црно коктел фустанче со деколтиран корсет од кој во фокусот беа градите, а црните дамски ракавици и високите потпетици дадоа доза на елеганција и гламур. Александра Пановска- Илиевска беше нешто поумерена со комбинацијата од широки свилени принт панталони споени со црно сако под кое имаше тантела, а под неа се гледаше градникот кој и доведе до минимална провокативност. Пред фотообјективот беа и водителките и колешки од утринската програма на ТВ Алфа, Ирена Спировска, Ивана Јаневска, Анастасија Богдановска, и водителката на „Срце на дланка“, Оливера Петрушевска која доби награда за хуман ТВ проект. Четворката од Алфа за разлика од останатите беа умерени и елегантни со избор на едноставни и безвременски парчиња. Русокосата трендсетерка Агнеса Органџиева сакаше да покаже дека брендираното е нејзин избор, овој пат комплет на „Долче и Габана“ со цветен принт од кежуал панталони со висок ластик струк и топ од кој го истакната бујното деколте. Пејачката, модел и мисица Кристина Димитриевска е секаде каде што е забавата, а за неа стајлингот веќе разбирливо мора да биде сексапилен и провокативен. Изборот сега и беше на трико црн шорц комбинезон со пресеци кој ја истакна нејзината совршена градба. Едноставна, но ефектна и впечатлива! Се’ на се“ роденденска забава и моменти кои и тоа како му требаат на јавниот живот во престолнината и цела Македонија. Повод за хумано и убаво, мерак за покажување, а и уважување. Нека е честит роденденот и со годините да се множат уште многу вакви пригоди за сатисфакција, поттик, па и модна парада. Фото: Инстаграм принтскрин

Марјана Станојковска и Вера Мештеровиќ во фустани кои одземаат здив: Македонските водителки го собраа целото внимание на Виенски бал (фото)

Слободанка Илиева — Mon, 15 May 2023 07:29:07 +0000

Гламурот, елеганцијата и престижот, уште еднаш беа попратни синоними на традиционалниот Виенски Бал во Скопје кој изминатиот викенд, односно во саботата се одржа по 22-ри пат во хотелот Александар Палас. По музиката на Штраус и уметноста од легендарниот музички дух на Виена пулсираше Виенскиот бал, настан под покровителство на амбасадата на Република Австрија во Скопје, а во организација на Здружението за културна соработка Јохан Штраус. Балот на едно место го собра дипломатскиот кор, општествениот и културниот живот, како и од деловниот свет, а гостите се дружеа, танцуваа и густираа од богатото мени со избрана храна. Редовно, како и секоја година, па така и оваа требаше да се испочитува традицијата на настанот, односно задолжителниот дрес- код, и тоа, за дамите – свечена долга тоалета, а за господата – темни костуми или смокинг. Водител домаќин на настанот беше Вера Мештеровиќ која смени две црни тоалети со дизајнерски потпис на домашна етикета. Екстравагандна, гламурозна и раскошна, Вера едноставно доминираше, баш онака како што доликува за водител на настан од ваков карактер. Модна кралица во црно која со својата маркантност и впечатлива појава беше една од најгламурозните. Ништо помалку впечатлива не беше ниту водителката Марјана Станојковска која беше гостинка, но ултра впечатлива со бајковидна и драматично црвена волуменозна тоалета во принцеза крој со истакнати раменици. Пуштената долга руса коса, впечатливата шминка, накитот и целосниот моден визуелен приказ и Марјана ја направија да биде рамо до рамо со највпечатливите. Секако, Виенскиот бал беше една модна парада на гламур и авангарда од кој доминираа дамите.

View this post on Instagram

A post shared by Виенски Бал Скопје, Wiener Ball Skopje (@wienerball.mk)

Инаку, според програмата, се претставија Оркестар Јохан Штраус, диригентката Бисера Чадловска, Танцова школа Прима Данца, Танцова школа Врачар од Србија, Свингерси, вокалните солисти Драган Бобиќ – Дексо, Калина Велковска, Вејчеслав Поповски, балетот од НОБ, првенци на балетот Саша Ефтимова и Балаж Локсеи, Мирослав Митрашиновиќ и Христина Наќевска. фото:Инстаграм принтскрин/Вера Мештеровиќ/Марјана Станојковска/wienerball.mk

Една водителка од своето „Ами Џи шоу“ ќари, а другата му замина од емисијата: Огњен Амиџиќ се најде во ситуација „фати – пушти“ (ФОТО)

Антонио Димитриевски — Tue, 11 Apr 2023 10:50:13 +0000

Тијана Стоисављевиќ, водителка на „Ами Џи шоу“, им најави на Огњен Амиџиќ и на останатите членови на екипата дека наскоро ќе го напушти шоуто. Иако на почетокот сите беа изненадени од нејзината одлука, кога ја слушнаа вистинската причина се израдуваа. Имено, Тијана е бремена во петтиот месец, а таа и нејзиниот сопруг, поранешниот фудбалер Михајло Милутиновиќ чекаат принова. Тијана вешто ја криеше бременоста и цело време работеше напорно. Сепак, сега е време малку да се одмори и да го дочека породувањето кое е планирано за август. „Вистината е дека сум во блажена состојба. Се оди според планот, без никакви проблеми. Потполно сум смирена и опуштена, па работев сите овие месеци без никаков напор“ – изјави водителката. Инаку, Тијана носи мало девојче, што посебно го израдувало нејзиниот сопруг Михајло. Да потсетиме, неодамна како бомба одекна веста дека водителот Огњен Амиџиќ повторно е вљубен. Овој пат во својата колешка Мина Наумовиќ, атрактивна речиси 20 години помлада од него бринета, која се појавува во „Ami G Show“ како дел од сегментот: „Внимавај, Мина“. Фото: Инстаграм принтскрин/ognjenamidzic/tijana.stoisavljevic/callmenaumi

Елегантни, женствени, сексапилни: Македонските водителки беа риби и пол на „Златна Бубамара“ (фото)

Слаѓана Атанасова — Fri, 17 Mar 2023 10:17:11 +0000

Ако за светот Оскарите се најважниот настан во годината и таму ги гледаме најголемите фаци на Холивуд во нивните најдбри изданија, за нас во Македонија тоа е „Златна Бубамара“. Вчеравечер, во спортскиот центар „Борис Трајковски“ се одржа 26-то издание на „Златна Бубамара на популарноста“ на која присувствуваа голем број на јавни личности од светот на музиката, глумата, политиката, спортот... Се разбира, очекувањето на публиката беше забава, а јавните личности имаа повеќе работа, односно подготовки околу нивниот изглед и претставување пред многубројната публика иако некои можеби не се качија на сцена. Тука беа и нашите убавици, водителките од ТВ екраните кои на нивните Инстаграм профили го објавија сталингот, шминката, фризурата и гардеробата која ја избрале. Новинарката и ТВ водителка Анастасија Богданоска на социјалната мрежа објави видео од нејзиниот избор кој остави голем впечаток бидејќи, направи идеален спој и баланс меѓу јин и јанг, а во описот на англиски јазик напиша: „Сите зборуваат за наоѓање на енергетскиот биланс женско-машко“ - навитсина тоа и го покажа, а совршено и прилегаше бидејќи, водителката знае добро да го носи.

View this post on Instagram

A post shared by Anastasija Dea (@anastasiia_dea)

Згодната водителка Милена Антовска- Станковска објави неколку кратки видеа од подготовките за изгледот од атмосферата на настанот, но и од нејзините колешки, а објави и фотографии од нејзиниот избор на гардероба, за кој доби и доста позитивни коментари.

View this post on Instagram

A post shared by MILENA ANTOVSKA STANKOVSKA♑ (@milena_antovska)

Вера Мештеровиќ некогашната мисица и модел, а сега актуелна ТВ водителка беше елегантна како и секогаш, а блескаше во креацијата која го истакнува нејзиното деколте, а ги покриваше нејзините долги и атрактивни нозе. Таа најпрво објави заедничка фотографија со нејзините колешки. А, потоа покажа и дел од атмосферата и фотографирањето пред позирањето почетокот на манифестацијата. И шармантната водителка Александра Пановска често ја гледаме во елегантни комбинаци, па така беше и овој пат. Александра објави фотографија каде напиша дека сѐ поминало одлично! Ова беше нивниот избор за овогодинешното издание на „Златна Бубамара“ а која или чиј моден избор најмногу ви се доапаѓа, останува ваше. Фото: Принтскрин/Инстаграм/Фејсбук

Долгите нозе сите први ги забележуваат, но знаете ли колку се високи евровизиските водителки на РТС, Драгана Косјерина и Кристина Раденковиќ? (ФОТО)

Антонио Димитриевски — Mon, 06 Mar 2023 11:07:06 +0000

Водителските парови на српскиот избор за „Песна на Евровизија“ ги засенија сите кога се појавија на големата сцена. Годинава на музичкиот фестивал презентери беа Драгана Косјерина, Кристина Раденковиќ, Стефан Поповиќ и актерот Милан Мариќ. Додека Косјерина и Мариќ беа на сцената, Кристина и Стефан беа задолжени за зелената соба и атмосферата меѓу натпреварувачите.

View this post on Instagram

A post shared by Dragana Kosjerina (@dragana.kosjerina)

Сепак, сите погледи беа вперени во водителките, кон нивниот изглед и стајлинг. Сите три вечери блеснаа во елегантни фустани, кои ги истакнаа нивните витки фигури. Поради тоа, многумина се запрашаа колку всушност се високи тие две, со оглед на тоа што изгледаат како манекенки и топ модели. Косјерина има навистина манекенска градба и нејзината висина е 176 см, а секогаш носи високи потпетици, па често изгледа повисоко од луѓето околу неа, па многумина и завидуваат поради тоа. Кристина исто така може да се пофали со таква градба.

View this post on Instagram

A post shared by Kristina Radenković (@krisradenkovic)

Водителката на квизот „Сложувалка“ е висока 175 сантиметри, а речиси секогаш носи штикли, па нејзините долги нозе секогаш се во преден план. Фото: Немања Николиќ/Инстаграм принтскрин/krisradenkovic/dragana.kosjerina

Ведрана Ѓорѓевиќ повеќе не е дел од „Голден карпет“: Водителката си замина, Миро Кацаров најавува нов концепт – манекенки, пејачки, спортистки, инфлуенсерки… во улога на водителки (ФОТО)

Антонио Димитриевски — Tue, 31 Jan 2023 08:33:24 +0000

Она што беше најавено, се случи... Атрактивната Ведрана Ѓорѓевиќ повеќе не е водителка на естрадниот магазин „Голден Карпет“ кој се емитува на Канал 5 телевизија. Водителката си заминала од емисијата поради оправдани причини, е офицалното соопштение на организаторите организаторите. Неофицијално, висината на нејзиниот хонорар почнала да станува проблем, откако во оваа држава спонзорите кои и онака се доволно „исцицани“ од политиката, се помалку се заинтересирани за инвестирање во забавата! Од друга страна информациите говорат дека иако заминува, Ведрана Ѓорѓевиќ брзо ќе се врати на ТВ екраните. Или барем во медиумскиот бизнис, зашто како што наголемо се зборува во естрадно-медиумските кулоари, еден голем мобилен оператор од соседството кој веќе е влезен во Македонија и нуди телекомуникациски и интернет услуги, а наскоро отвора и своја телевизија, па Ведрана ќе биде едно од првите ТВ лица во тој нов голем проект!? Во меѓувреме, таа во една своја изјава вака го искоментира своето заминување од „златнот тепих“: “Дел бев од “G-Carpet” додека траеше договорот на моите спонзори, а тоа е крајот на јануари. Ако имате такви сознанија од неофицијални извори, верувам дека ви било кажано зошто нема да соработуваме повеќе. Не станува збор за некакво недоразбирање со Миро, не знам од каде сето тоа, тоа се само шпекулации. Што се однесува за стартување на нов тв проект, секако тоа не е исклучено, но за сето тоа ќе Ве известам кога ќе дојде време за тоа. Сега главниот фокус ми е снимање на реклами, имам и сопствена продукција и постпродукција va_dventure е нашиот официјален профил на Инстаграм кога можете посетете го истиот и видете со што се занимавам“ – ќе потврди убавата водителка. Во меѓувреме посилната половина од водителското дуо и авторот на проектот, Миро Кацаров не седеше со скрстени раце, но не се ни обиде да и најде постојана замена на Ведрана, туку пристапи кон еден друг концепт. Имено, манекенки, пејачки, спортистки, инфлуенсерки.... во иднина ќе бидат во улога на водителки н „Голден Карпет“! Со нов концепт кој гледачите за прв пат ќе имаат можност да го видат и искусат во Македонија во февруари стартува еден поинаков „Голден Карпет” на Канал 5 телевизија. Концепт кој како што вели организаторот, гарантира забава со најпознатите јавни личности од регионот. По разделбата со Ведрана која го напушта магазиниот, „Голден Карпет“ продолжува со нов уникатен концепт на овие простори - во секоја емисија со нова водителка. „Секоја недела ќе ги замениме улогите со една јавна личност од понежниот пол која ќе ја добие можноста да биде од другата страна на микрофонот и да се испроба во водителскиот свет. Токму затоа секоја недела на Канал 5 телевизија во „Голден Карпет“ заедно со Миро прашањата ќе ги поставува позната личност од македонскиот шоу- бизнис и модниот свет“ - порачуваат од тимот на Кацаров. Оттука се наметнува сомнежот дека сепак гласините за „секнувањето на чешмата“ кога е приливот на спонзорите во прашање е можеби главната причина за заминувањето на водителката? Зашто новиот концепт во себе содржи „гратис водење за една употреба“, што секако мошне ја олеснува финансиската состојба и не го загрозува опстанокот на „Златниот тепих“, кому во поинаква консталација на односите, можеби и му се закануваше негово „завиткување и пакување“... во заборав! Вака, по „Златниот тепих“ и понатаму ќе чекорат познатите, популарни и селебрити фаци... Отсега, само во друштво на Миро Кацаров! Инаку, „Џи - Карпет” започна со емитување во 2020 година, во екот на корона пандемијата, и за овие 3 години стана препознатлив и еден од најгледаните ТВ Магазини со солиден рејтинг во македонскиот етер. Нудеше забава, смеење, ексклузивни приказни, познати фаци за гости и несекојдневни содржини, кои овој пат ќе бидат спакувани во новиот концепт на „Голден Карпет” кој и понатаму ќе се емитува секоја недела во 19:30 часот на Канал 5 телевизија. Фото: Инстаграм принтскрин/vedrana_edrana/miroslavkacarov

И Александра и Милена се приклучија на предизвикот, па покажаа какви биле како малечки (фото)

Слободанка Илиева — Thu, 22 Dec 2022 09:31:44 +0000

Деновиве погледнавме доста фотографии од детството на познатите, а сето тоа благодарение на предизвикот „Сети се“ на сос Детско село за среќно и поубаво детство. Ако вчера ги видовме Каролина, Марјна и Калиопи, денес со свои фотографии ги гледаме и колешките водителки Александра Илиевска и Милена Станковска. -Имам многу фототграфии од моето детство кои што ми се многу драги и од нив ми навираат солзи и од убавина, но и заради носталгија од некои убави времиња, пишува Милена која како што напиша има доста фотографии од детството, па секогаш има да покаже некоја што не сме ја виделе досега.

View this post on Instagram

A post shared by MILENA ANTOVSKA STANKOVSKA♑ (@milena_antovska)

-Пред нас е најубавиот период во годината, познат по големите семејни слави и новогодишни прославувања. Овие денови, за сите нас значат многу. Јас во новогодишен амбиент далечната 1985, пишува Александра за фотографијата каде е бебенце во рацете на татка си.

View this post on Instagram

A post shared by Aleksandra Ilievska (@aleksandra_panovska_ilievska)

Предизвикот „Сети се“ стана досета интересен за познатите, така што периодов имаме да видиме уште многу од нашите познати јавни личности како деца.