вода – Вистина.мк

Никако немојте да ги пиете апчињата „на суво“: Еве зошто тоа е опасно

Слободанка Илиева — Thu, 07 Mar 2024 13:00:19 +0000

Некои таблети лесно можете да ги проголтате и без вода, но доколку го практикувате тоа, пожелно е да се ослободите од таа навика, бидејќи постојат низа опасности. На упатствата на сите лекови пишува дека треба да ги пиете со доста вода, а тоа не е без причина. Доколку некогаш сте пиеле апчиња без вода сигурно сте почувствувале тапа болка во белите дробови и потоа некое време не сте можеле ништо да проголтате. Така можете да дехидрирате и да завршите во болница. Пиењето на таблети без пиење на вода може да предизвика оштетување на ткивото на хранопроводот и неговара опструкција. Некои лекови би можеле и да се заглават во хранопроводот, што веројатно нема да го почувствувате, бидејќи во тој дел на хранопроводот нема рецептори за болка. Содржината на таблетите така може да го нагриза ткивото на хранопроводот, што предизвикува чир и рани кои можат да бидат фатални. Речиси сите лекови кои денес луѓето ги користат можат да предизвикаат воспаление на хранопроводот, па дури и витаминот Ц, за кој никогаш не би помислиле. Затоа е многу важно таблетите да ги пиете заедно со довона количина на вода за да ги избегнете овие компликации, освен во случај кога во упатството на лековите не е назначено поинаку. извор:попара.мк

Почнете од утре: Пијте вода со ова растение, ќе бидете здрави и среќни

Слаѓана Атанасова — Thu, 18 Jan 2024 13:15:14 +0000

Овој горчлив корен влијае и на варењето и го забрзува, па затоа е сојузник во губењето на вишокот килограми. Многу е важно како ќе го започнете утрото, бидејќи сите знаеме дека „Денот се познава по утрото“, затоа направете се што е во ваша моќ да го започнете денот што е можно поздраво. Вода со ѓумбир Кога ќе станете, ставете големо тенџере со вода на шпоретот и варете го околу дваесет минути. Потоа во тенџерето додадете ги исечканите парчиња ѓумбир и оставете да се свари. После тоа, можете да ја чувате добиената вода од ѓумбир во голем термос и да ја пиете во текот на денот. Се препорачува внес на најмалку еден литар дневно. Како да пиете? Се препорачува да подготвувате и пиете вода со ѓумбир секој ден, во текот на шест месеци. Исто така, се препорачува овој пијалок да го носите со себе каде и да одите – на работа, шопинг, патување, посета на гости. Важно е напитокот да се пие во голтки во текот на денот. Придобивките од ѓумбирот Ѓумбирот се користи како лек за гадење и повраќање во бременоста, а им помага и на луѓето кои страдаат од мачнини додека возат или пловат. Овој горчлив корен влијае и на варењето и го забрзува, па затоа е сојузник во губењето на вишокот килограми. Исто така, ѓумбирот е богат извор на калциум, фосфор, ниацин, витамин Ц и антиоксиданси, а одличен е и за зајакнување на имунитетот. Водата со ѓумбир е едноставен пијалок кој може да има бројни здравствени придобивки, без разлика дали се користи за детоксикација на телото или за поддршка на процесот на слабеење. Со редовно консумирање, оваа моќна вода со ѓумбир може да стане ваш сојузник во одржувањето на здравјето и виталноста. Фото: Freepik Извор: Курир

Докажано е: Туширањето со ладна вода има бројни придобивки

Слободанка Илиева — Thu, 11 Jan 2024 13:18:23 +0000

Туширањето со ладна вода веднаш штом се разбудите може да биде прилично непријатно, но има голем број придобивки, и ментални и физички. Голема студија од Холандија покажа дека луѓето што се тушираат со ладна вода се помалку отсутни од работа поради болест во споредба со луѓето кои се тушираат со топла вода. Студијата опфати повеќе од 3.000 луѓе, а причината зошто ладната вода го намалува ризикот од заболување сѐ уште не е целосно позната. Некои истражувачи сугерираат дека студената вода може да го зајакне нашиот имунолошки систем. Една студија од Чешка покажа дека младите мажи кои спортуваат и се потопуваат во ладна вода три пати неделно во период од шест недели, го зајакнале нивниот имунолошки систем. Но, потребни се поголеми студии за да се потврдат овие тврдења. Студената вода исто така го активира симпатичкиот нервен систем, дел од нервниот систем кој го контролира и влијае на нашиот одговор „борба или бегство“. Тоа е автоматска физиолошка реакција на настан што се перцепира како опасен, стресен или застрашувачки. Кога симпатичкиот дел од нервниот систем се активира со ладна вода, го зголемува нивото на хормонот норепинефрин. Овој хормон предизвикува зголемување на отчукувањата на срцето и крвниот притисок кај луѓето кои се нурнуваат во ладна вода и е поврзан со подобрување на здравјето. Студената вода, исто така, ја подобрува циркулацијата, а некои студии сугерираат дека ладната вода, исто така, може да помогне при слабеење. Понатаму, ладната вода може да има и голем број психолошки придобивки. На пример, кога студената вода доаѓа во контакт со лицето или вратот, тоа може да ја подобри функцијата на мозокот. Иако сѐ уште не е целосно јасно зошто – ладната вода има голем број позитивни ефекти врз телото и здравјето. Но, пред да одите на ладен туш, треба да знаете дека тоа исто така може негативно да влијае на некои луѓе. На пример, ладен туш може да биде опасен за луѓето кои имаат срцеви заболувања. извор:попара.мк фото:Freepik

Причини зошто треба да пиете вода на празен стомак: Во текот на утрото е особено важно

Слаѓана Атанасова — Wed, 29 Nov 2023 13:23:28 +0000

Што се случува со вашиот организам кога наутро, односно веднаш штом се разбудите, ќе испиете чаша вода на празен желудник?

Помага при отстранување на токсините од телото

Додека пиеме вода таа има природно влијание на варењето. Во текот на ноќта нашето тело се оправува, односно настојува да ги исфрли сите токсини. Кога наутро пиете вода на празен желудник ќе ги исфрлите сите токсини од организмот, ќе се чувствувате посвежо и ќе бидете поздрави.

Го подобрува метаболизмот

Пиењето вода на празен желудник може да ја зголеми брзината на метаболизмот дури за 24%. Зголемениот метаболизам значи и подобар дигестивен систем. Исто така, пиењето вода веднаш после будењето го прочистува дебелото црево, и на тој начин впивањето на хранливите состојки е полесно.

Делува за здраво губење на килограмите

Кога наутро пиете вода на празен желудник, вашето тело ќе се ослободи од токсините и варењето ќе се подобри. Ќе се чувствувате помалку гладно и желбата за јадење ќе се намали. Токму тоа ќе ви помогне да го спречите насобирањето вишок килограми кое го предизвикува прејадувањето.

Ги намалува киселините и проблемите со варењето

Лошото варење предизвикува зголемена киселост во желудникот, а тоа настанува кога киселината повторно се враќа во хранопроводот. Но, кога пиете вода на празен желудник тие киселини се разредуваат, а нивното лошо влијание се ублажува.

Го подобрува изгледот на лицето и тенот

Дехидрацијата предизвикува предвремени брчки и длабоки пори во кожата, а пиењето чаша вода на празен желудник го поттикнува протокот на крв во кожата, што ѝ дава здрав сјај. Исто така, консумирањето многу вода во текот на денот значи и дека вашето тело ги испушта токсините и со тоа изгледот на вашето лице и тен ќе бидат подобрени.

Ќе имате здрава и сјајна коса

Освен тоа што дехидрацијата лошо влијае на кожата, таа има лошо влијание и на растот на косата. Пиењето многу вода ја храни косата однатре кон надвор, бидејќи недоволното внесување вода може да ги направи влакната кршливи и тенки. Консумирањето чаша вода на празен желудник може доста ефикасно да делува на квалитетот на вашата коса.

Го зајакнува имунолошкиот систем

Консумирањето вода на празен желудник помага при чистењето и балансирањето на лимфниот систем, односно води до зголемување на имунитетот. Силниот имунолошки систем ќе ве заштити од разни болести и ќе ги спречи честите боледувања. Токму поради овие причини пиењето вода на празен желудник веднаш после будењето има доста користи, а несомнено ова е една од наједноставните опции за подобрување на квалитетот и начинот на живот без финансиски трошоци. Извор: Попара

Зошто не треба да пиете вода за време на оброците?

Слободанка Илиева — Fri, 17 Nov 2023 14:00:08 +0000

Иако е важно да останете хидрирани и да консумирате минимум два литри вода дневно, сепак водата не треба да ја пиете додека јадете. Имено, доколку внесувате течност заедно со храната, може да се наруши нивото на концентрација на киселината во желудникот и во жолчката, кои се неопходни за правилно варење на храната. Овој совет особено важи за пиење ладна вода, бидејќи таа дополнително го успорува процесот на варење на храната и чувство на тежина во стомакот ќе биде поголемо. Најдобро би било да пиете вода 30-15 минути пред јадење. По оброкот, почекајте најмалку половина час, а уште подобро и еден час, за да пиете вода. „Моја препорака е да испиете два литри вода во текот на денот и да ги пиете постепено, за никогаш да не го преполните и оптоварите желудникот. Преголемо количество вода го нарушува варењето, а покрај тоа, може да се случи вишокот на храна да остане во организмот и да го наруши нивото на инсулин, што доведува до зголемен ризик за дијабетес“, изјавила нутриционистката Ању Сод. извoр:точка.ком.мк

Тест кој покажува дали пиете доволно вода! Ви требаат само неколку минути

Слаѓана Атанасова — Fri, 27 Oct 2023 12:21:35 +0000

Луѓето кои работат или се на отворено за време на топлотни бранови имаат зголемен ризик од дехидрираност, поради што е важно да пиете многу течности. Но, колку точно? Еден начин да проверите дали сте дехидрирани е брз тест за компресија на кожата. Стискајте ја кожата на вашите раце. Кожата со нормална еластичност брзо ќе се врати во својата нормална положба кога ќе се ослободи. Лесната дехидрираност ќе предизвика бавно враќање на кожата во нормална положба Со други зборови – време е за течност. Сепак, постојат подобри индикатори дека на телото му треба вода. „ Дехидрираноста се поврзува со физички симптоми како летаргија, главоболки или сува уста“ – вели германскиот дерматолог Кристоф Либик. Причината, објаснува тој, е тоа што кожата не реагира веднаш на недостаток на течност. „Бидејќи сум дерматолог, секако можам да забележам дека на кожата и недостасува вообичаен сјај и влага“- вели тој, додавајќи дека на лаик му е тешко да процени. Во жешки денови, советува лекарот, треба да пиете повеќе од предложениот минимум литар и половина вода на ден. Тешко дека можете да пиете премногу, забележува тој. Водата е исто така неговиот омилен начин за ладење. Тој со водата од чешма поминува преку дланките и подлактиците. Тој вели дека тоа е најпријатниот начин. ,,Доколку сте надвор за време на сончеви и топли денови, дерматологот вели дека најдобро е да бидете во сенка од 11 до 16 часот. Изложеноста на сонце пред и потоа ќе му помогне на телото да произведе доволна количина на витамин Д и да го зголеми нивото на „хормони на среќата“ “- забележува тој. Кремата за сончање нема да спречи производство на витамин Д, но ќе го зачува вашето здравје. ,,Заштитата од сонце е клучна бидејќи ги намалува шансите за појава на рак на кожа” – рече тој. Извор: Попара

Ова никој не го очекуваше: Сопругата на Дарко Лазиќ му ги мие нозете, а тој ја снима (фото)

Слаѓана Атанасова — Tue, 10 Oct 2023 07:59:16 +0000

Фолкерот Дарко Лазиќ и неговата сопруга Катарина на социјалните мрежи редовно споделуваат фотографии и видеа од нивното секојдневие, а сега пејачот ги изненади сите кога на Инстаграм сподели видео како Каќа му ги мие нозете во леѓен. Тој ја снимал сопругата како му ги брише стапалата, а и двајцата гласно се смееле. - Ти благодарам жено - рече Дарко. Фото: Принтскрин/Инстаграм/Дарко Лазиќ

Уште ги готвите тестенините во вода? Еве зошто тоа е грешка!

Слаѓана Атанасова — Fri, 06 Oct 2023 12:20:07 +0000

Тестенините одамна го освоија светот, вкусни се, сестрани и пред се спасителни во временска криза, бидејќи се подготвуваат многу брзо. Но, ако сепак го готвите во вода, проверете зошто правите „грешка“. Со многу корисен трик во готвењето можете да го подготвите уште побрзо, но и повкусно. Наместо да готвите тестенини во вода, сега можете да ги готвите во сос. Ова ќе ви заштеди многу време – што е совршено за оние денови кога треба да подготвите нешто навистина брзо – а тестенините ќе имаат уште побогат вкус. Гответе ги во сос од домати Подгответе сè за сосот – можете да користите конзервирани домати, да додадете лук, маслиново масло, босилек и сè друго што вообичаено би го користеле за да направите домашни пасирани домати. На крајот додадете малку вода и секако тестенините. Оставете да зоврие и потоа оставете да се свари. На почетокот ќе биде прилично воденo и нема да изгледа многу вкусно, но не грижете се, тестенините ќе ја впијат водата, оставајќи ве со густ сос (скробот од тестенините ќе се погрижи за ова) и навистина богат вкус. И уште една добра страна – ќе извалкате само едно тавче. Сос од пармезан и лук Потребни ви се: еден путер, 4 чешниња лук (ситно сечкани), 2 чаши пилешки супа, 1 чаша млеко, 220 гр тестенини (на пр. фетучини), сол и бибер по вкус, рендан пармезан (по вкус), свеж магдонос. Брзо пропржете го лукот на путер, покријте го со густин и млеко, додајте ги тестенините и посолете и побиберете по вкус. Ставете ги тестенините да зовријат, а потоа намалете ја топлината и варете додека тестенините не се сварат по ваша желба. На крајот измешајте пармезан и сечканиот магдонос. Пица паста Потребни ви се: Маслиново масло, колбас, пиперка, пасирани домати, оригано, босилек, лук, тестенини (на пр. ротини), сол и бибер, моцарела и свеж магдонос. Колбасот (или кое било друго месо по ваш избор) ситно се сечка и брзо се пропржува, се додава ситно сечканата пиперка, се пржи минута-две, па се додава доматот, малку вода и на крај се додаваат тестенините во садот. Кога тестенините ќе зовријат, намалете ја топлината и варете додека не се сварат тестенините. На крајот измешајте моцарела и сечканиот магдонос. Но, ако имате уште малку време и волја: ставете ги тестенините во сад за печење, посипете ги со моцарела и неколку ситно сечкани пиперки и ставете ги во рерна неколку минути – да се растопи кашкавалот и да порумени малку. Може да подготвите и болоњезе, сос од зеленчук, карбонара… Извор: Попара

Пиете вода во текот на оброците? Експертите објаснуваат зошто тоа не е добра идеја

Слаѓана Атанасова — Fri, 22 Sep 2023 12:15:51 +0000

Распространета е навиката меѓу луѓето да пијат вода за време на оброците, меѓутоа, експертите истакнуваат дека таа може да биде бескорисна, па дури и штетна за дигестивниот процес. Водата има многу придобивки за нашето здравје – го поддржува варењето, ја одржува кожата хидрирана, помага при слабеење и обезбедува енергија. Се препорачува да се консумираат најмалку два литра вода дневно за да се одржи оптимално хидрирано телото. Сепак, важно е да се одвои внесот на вода од оброците. Експертите предупредуваат дека комбинирањето на вода со храна за време на оброкот може да ги разреди дигестивните ензими кои се клучни за варење на храната. Ова може да резултира со дигестивни проблеми, вклучително и запек. Покрај тоа, пиењето вода за време на оброците може да предизвика зголемување на нивото на инсулин, што го зголемува ризикот од складирање на маснотии во телото и може да доведе до дебелеење. Експертите препорачуваат да не се консумира вода половина час пред оброк и најмалку час по оброкот за да се избегнат потенцијални дигестивни проблеми. Доколку се чувствувате непријатно додека јадете и сакате да испиете голтка вода, подобро е тоа да го правите постепено, во мали количини, наместо да пиете големи количини вода за време на оброкот. Овој пристап може да помогне во одржување на ефикасно варење и одржување на добро здравје.

Дали е здраво да пиете вода за време на оброк?

Слободанка Илиева — Tue, 19 Sep 2023 12:30:13 +0000

Честопати има полемики околу тоа дали треба да пиеме вода додека јадеме или дали тоа е строго забрането. Некои експерти објаснуваат како водата ја разредува киселината во нашиот стомак која е одговорна за варењето на храната, а некои од друга страна мислат дека водата ја раселува не варената храна од желудникот. Ајде да ја дознаеме вистината: дали смееме да пиеме вода за време на оброците? Прво мора да откриеме како работи процесот на варење. Процесот на варење започнува веднаш штом размислиме за нашиот оброк. Тогаш се создава плунка во устата, која кога џвакаме храна, ги содржи потребните ензими за варење и омекнување на храната. Потоа, омекнатата храна влегува во нашиот стомак каде што се меша со желудочна киселина. Во просек, на желудникот му се потребни околу четири часа за да се вари храната пред да се претвори во течност или хумус. Потоа оди подалеку во цревата од каде што ги снабдува сите хранливи материи во нашето тело. Од друга страна, водата не останува многу во нашето тело, потребни се околу 10 минути за нашето тело да процесира околу 300 милилитри вода. Што би значело дека поминува низ џваканата храна многу брзо, ја навлажнува и брзо го напушта стомакот. Следното што треба да знаете е дека водата не ја раствора нашата киселина во стомакот. Нашето тело е комплексно и многу добар усогласен систем. Нашиот стомак точно знае кога нешто не може да се вари и со тоа лачи повеќе ензими и повеќе киселина за да се изврши тој процес. Дури и ако пиете половина литар до литар вода, тоа нема да влијае на нивото на киселост. Патем, водата влегува во стомакот и со храна, особено со овошје, пример е портокал или лубеница, која во просек се состои од 86 проценти вода. Патем, студиите покажаа дека некои намирници можат да го намалат нивото на киселост во нашите стомаци, но тие многу брзо се враќаат во нормала. Течностите не влијаат на брзината на варење. Нема студии кои докажуваат дека течноста турка цврста храна во цревата пред да се свари целосно. Научниците тврдат дека течноста го напушта телото побрзо од цврстата храна, но тоа не влијае на брзината на варењето на храната. Може да пиете течност додека јадете, едноставно не пијте пред да голтате храна затоа што храната треба да се потопи во плунка што ги содржи потребните ензими за распаѓање и варење. Ако сте навикнати да пиете чај со храна наместо вода, нема ништо лошо ниту во тоа. Истражувањата покажуваат дека нема разлика во нивото на киселост после пиење чај или вода. Температурата на водата што ја пиете не влијае на брзината на варење или на бројот на хранливи материи што ги добивате. Стомакот може да ја загрее или разлади храната до потребното ниво. извор:курир.мк