во срцето – Вистина.мк

Виктор Апостоловски и порача – „Убиј ме“ иако ја има во срцето (ВИДЕО)

Антонио Димитриевски — Fri, 22 Feb 2019 11:20:21 +0000

Виктор Апостоловски на својот 28-ми роденден го промовираше неговиот втор албум насловен „Во срцето“. Во присуство на артисти, медиуми и пријатели Виктор ги испеа сите песни од албумот кој содржи 11 композиции.

Албумот е комплетно авторско дело на Апостоловски, а само за песната „Ни јас, ни ти“ во соработка е со Панче Касапски, Огнен Неделковски и Илија Ќосевски.

По минатонеделната промоција на својот втор албум „Во срцето“, Виктор Апостоловски сега го промовира и најновиот сингл насловен „Убиј ме“. Новиот видео запис на Виктор е снимен во бодибилдинг и фитнес клубот Магнус и Визура Хоум.

Камерата е на Синиша Ќирковиќ – Сики и Влатко Симоновски, како главна улога во спотот се појавува кик бокс шампионката Викторија Варадинова.

Како и на останатите 10 песни на албумот, така и на оваа комплетен автор е самиот Апостоловски, кој самиот си го режираше и видеото, а на гитара му гостува колегата и сограѓанин Влатко Симоновски. Како изгледа и звучи „Убиј ме“ дознајте во продолжение. https://www.youtube.com/watch?v=hKX4VQK_vyk

Виктор Апостоловски од ова го фаќа – „Нервоза“ (ЛИРИК ВИДЕО)

Антонио Димитриевски — Fri, 18 Jan 2019 11:27:33 +0000

„Напишана во 2011 година… ден-денес вистина“, вака Виктор Апостоловски ја претстави својата нова песна насловена „Нервоза“, во која на гитара му гостува колегата Влатко Симоновскии која ќе се најде на претстојниот албум насловен „Во срцето“ што се очекува да излезе наскоро. „Во секој бунт барам спокој, секогаш е некој крив, но кој?! Иако живеам поезија и проза, засекогаш е моја е таа… проклета нервоза!“, пее мултиталентираниот битолчанец, кој освен што пишува, компонира, пее и свири, викендов ќе се обиде да се докаже и како диџеј.

На претстојното издание, кое ќе го наследи првенчето „Во моите сни“ од 2015 година и е насловено по истоимената песна од 2017, освен „Нервоза“ ќе се најдат и неодамна објавената „Знам“ и „Бон тон“, а целиот материјал е опишан како „стилски разнолик, но истовремено претставува тематска целина што раскажува еден дел од неговиот живот, односно сите песни се автобиографски“.

„Најчесто пишувам за она што мене ми се случува, понекогаш дури и пред да ми се случи. Иако немав некој зацртан план, кога ќе ги погледнам сите песни, тие се сите поврзани“, откри Виктор неодамна, а што има да каже за својата „Нервоза“ дознајте во продолжение преку неговото ново лирик видео. https://www.youtube.com/watch?v=riPzK0VdaZE Извор:РадиоМК

Виктор Апостоловски открива кого го носи „Во срцето“ (ВИДЕО)

Антонио Димитриевски — Tue, 24 Oct 2017 10:46:14 +0000

Уметниците своите чувства ги преточуваат во дела, а токму тоа го направи и Виктор Апостоловски со својата штотуку објавена песна насловена едноставно „Во срцето“, која стигна заедно со видео приказна.

„Имав потреба да си ги истурам чувствата за ситуацијата што ми се случи неодамна, која ми се има случено и претходно, а за која се напишани и ’Pathetic’ и дел од ’Not on U (Аllergic)’. Од таа ситуација излезе километарски текст кој немаше како да го раскажам, освен да го рецитирам“, изјави тој најавувајќи ја новата песна, која е „снимена во еден здив, а спотот во неколку часа“.

Главната улога во видеото ја има Моника Матеска, а покрај неа се појавуваат и Сара Манчевска, Викторија Филипоска и Стефано Соколовски, кој направи и фото-сесија што ќе биде објавена подоцна, а зад камерата застана Синиша Цирковиќ – Сики. Дел од сцените се снимени во скопскиот паб „Ќош“, а како изгледа и звучи сето тоа можете да видите и слушнете во продолжение. https://www.youtube.com/watch?v=RrG2kF_roX4