Се вљубуваме три пати во животот! Само една љубов е вистинска, еве како да ја препознаете

Слободанка Илиева — Fri, 15 Jan 2021 14:20:41 +0000

После сите бродоломи, порази и емоционални рани, важно е да не престанете да верувате во љубов Психолозите истакнуваат дека ние навистина се вљбуваме три пати во животот, и секоја од овие љубови се раѓа од посебна причина. Прашањето е – Која од овие љубови е навистина вистинската? Обично се заљбуваме за прв пат во младоста, најчесто во средно училиште. Оваа љубов обично е идеализирана и тогаш ни се чини како најубавата бајка. Врската ја започнуваме со мислата дека оваа љубов ќе трае вечно, дури и кога ќе се појават предизвици. Во оваа љубов, многу е поважно како другите нè гледаат, отколку она што навистина го чувствуваме. Втората љубов е комплексна емотивна врска која нè учи, односно не охрабрува да откриеме што сакаме и што ни треба во љубовта. Во оваа љубов често сме изложени на манипулации или лаги. На почетокот мислиме дека овој пат избравме нешто уникатно и правилно за нас, и на крајот сме убедени дека направивме грешка. Понекогаш оваа врска може да биде токсична – емотивен ролеркостер, полн со подеми и падови, од кој стануваме зависни. Но, оваа врска има и своја добра страна, од неа учиме што е љубов и што всушност не е. После оваа врска, се враќаме во себе, со многу повеќе љубов и знаеме што повеќе НЕ сакаме од партнерот, и што ни треба. Овие врски носат важна лекција – тие нè учат дека во секоја врска треба да останеме доследни на самите себе и да развиваме поголема самодоверба и самодоверба. И третата љубов е вистинската. Тоа е љубов што не ја очекуваме и не ја планираме, едноставно се случува. Доаѓа во време кога сè изгледа невозможно и прави нераскинлива и необјаснива врска помеѓу две души. Во оваа врска нема идеалистички очекувања од партнерот, нема притисок и сè е толку убаво и крајно едноставно. Тоа нè охрабрува да се развиваме духовно, да останеме верни на самите себе, а неговата главна карактеристика е почитта. Во оваа љубов има апсолутна слобода, но и најубава приврзаност. Се чувствувате пријатно, задоволно и исполнето, и секој разговор е лек, додека секој предизвик е шанса за заедничко учење и напредок. После сите бродоломи, порази и емоционални рани, важно е да не престанете да верувате во љубовта. Постојано тропа на вашата врата и ќе влезе во вашиот живот кога ќе го отворите срцето и бидете навистина подготвени за неа. извор:попара.мк

Зошто вљубувањето во лето е поразлично од вљубувањето во која било друга сезона?

Христина Ѓоргиевска — Thu, 19 Jul 2018 12:48:19 +0000

Вљубувањето е чувство како никое друго. Искуствата како првиот бакнеж, пеперутките во стомакот и желбата да ја видите личноста во која се вљубувате никогаш не застаруваат. Со новата љубов доаѓаат и нови возбудливи нешта. Но, дали имате забележано дека вљубувањето во текот на летото е подобро од вљубувањето во која било друга сезона? Зошто вљубувањето во лето e поразлично од вљубувањето во која било друга сезона? Деновите се подолги, послободни сте, па уште пред да се вљубите вашето расположение е подобро. Иако зимата може да биде навистина романтична, во текот на летото можете да поминувате повеќе време на отворено со саканата личност. Постојат и биолошки причини за тоа зошто летната љубов е поубава, како и објаснувања кои имаат повеќе смисла. 1. Имате повеќе можности да запознаете нови и интересни луѓе Во текот на летото често ве канат на забави на отворено, одите на базен и слично. Се мешате со луѓе кои не ги знаете или со кои имате разговарано само неколку пати. Љубопитноста за новата мистериозна личност во комбинација со доброто време и позитивната енергија е совршен рецепт за вљубување, а постои и научна причина зошто оваа привлечност е поинтензивна. Љубопитноста го зголемува производството на допамин, хормон поврзан со возбудата и очекувањата, што прави паровите да чувствуваат поголема сексуална привлечност еден кон друг. 2. Имате помалку обврски и сте поспонтани Со помалку притисок од работата, училиштето и семејството, летото изгледа како пауза од остатокот од годината. Не сте зафатени со испити и не се обидувате да добиете некој бонус на работното место. Интеракциите се поопуштени, а донесувањето одлуки не е толку тешко. Летото ги тера речиси сите да излезат од својата школка. 3. Топлото време го подобрува вашето расположение Според едно истражување од 2004-та година од Универзитетот во Мичиген, топлото време навистина го подобрува расположението и го отвора вашиот ум. По само 30 минути поминати на сонце, луѓето се поотворени за нови искуства, како среќавање нови луѓе и започнување разговор. Ова секогаш може да предизвика романтична или сексуална привлечност. Изложеноста на сонце го поттикнува производството на допамин и серотонин, како и хормонот наречен MSH кој пак го зголемува вашето либидо. 4. Се чувствувате посекси Во текот на летото луѓето настојуваат да се хранат поздраво. Сакате полесна храна за разлика од студените месеци. Причината за ова е што сонцето може да ве дехидрира и ве тера да сакате храна на база на вода како цитрусни овошја, спанаќ и ладни супи. Овој здрав начин на исхрана, во комбинација со активностите на отворено прави да се чувствувате поудобно во вашата кожа. Покрај тоа, во топлите месеци носите помалку облека и покажувате повеќе од вашето тело. Оваа самодоверба им е привлечна на другите, а костимите за капење, кратките панталони и маичките ве прават неодоливи. 5. Нема притисок за обврзување Многу често летната љубов може да се нарече и летна авантура. Дел од она што ја прави возбудлива е тоа што нема потреба од разговори за иднината. Само сакате да уживате во моментот. Според статистиките на Фејсбук од 2010-та и 2011-та година, од мај до август имало повеќе раскинувања кај сите возрасни групи за разлика од останатите месеци од годината. Едно можно објаснување за оваа драстична промена е тоа што паровите знаат дека после летото ќе треба да поминуваат повеќе време одвоени. Иако овие податоци покажуваат зголемен број на раскинувања, тоа значи дека има помалку врски кои траат во текот на летото, а тоа за вас се повеќе потенцијални партнери. Извор:пулс24

вљубување – Вистина.мк

Се вљубуваме три пати во животот! Само една љубов е вистинска, еве како да ја препознаете

Зошто вљубувањето во лето е поразлично од вљубувањето во која било друга сезона?