вљубеност – Вистина.мк

Вљубеноста помина, што сега?

Слободанка Илиева — Wed, 30 Dec 2020 13:00:17 +0000

Таа прекрасна љубовна симфонија која сте ја „компонирале“ со саканата личност, одеднаш престанува да свири. Се чини дека до вчера гласот на вашата сродна душа звучел како песна, а денеска ја губи убавината. Кога сте заедно, не се чувствувате како во екстаза, а времето не е исполнето со смеа и мали радости… Очигледно, фазата за идеализација завршила, а фикцијата и хормоните кои влијаеле на способноста на расудување, повеќе не делуваат. Се чувствувате како да сте се симнале од облаци во суровата реалност. Како да се снајдете и да го пребродите „отрезнувањето“ и емотивното нездоволство, бидејќи љубовта уште постои? Замерки, замерки… Зошто одеднаш му пречат нејзините работи оставени насекаде во бањата и станот, а нејзе и пречи начинот на кој тој се движи, облекува, разговара? Колку и да е болно тоа дека поминува фазата на заљубеност, францускиот психолог, Елоди Сенгал, тврди дека отрезнувањето, замерките и караниците можат да го разбудат односот и да ги зближат партнерите, доколку имаат искрени емоции. Ние не сме две половини кои совршено се вклопуваат, туку секој е личност за себе и природно е да го искаже тоа што му пречи, а не да молчи и да се преправа дека е се’ во ред, вели Сенгал. Одеднаш расправија! Кога првпат некој од партнерите ќе го зголеми тонот, и двајцата се прашуваат што тоа се сменило во врската што до вчера била идилична. Во текот на расправиите, илузијата за хармонија распукува во моменот кога партнерите ќе сфатат дека не се „сијамски близнаци“. Елоди советува да не се прави драма околу тоа, туку првата расправија да се сфати како потврда дека врската е – вистинска. Одредена доза на конфликт е неизбежна, дури и посакувана, бидејќи му дава живоста на односот, го продолжува и воспоставува рамнотежа, објаснува психологот. Ноќ без страсти После страствени ноќи кои ви делувале дека траат кратко, бидејќи желбата за секс била френетична, една вечер партнерите само се бакнале и се свртеле еден спроти друг да спијат. На оваа ситуација жените повеќе се паничат, помислуваат дека мажот повеќе не ги посакува, па дури дека и не ги сака. Меѓутоа, францускиот психоаналитичар, Валери Бланко, уверува дека ниедна страст не трае вечно, што не значи дека љубовта престанала. Партнерот не е машина, некогаш може да биде и уморен. Наместо да му префрлате, тестирајте го така што ќе играте на карта – копнеж. Отпатувајте некаде на викенд со пријатели, раздвојте се малку за да видите како ќе реагира кога ќе ве нема. Стигна досадата Се фаќете себе си дека се досадувате во друштво на парнерот, прканите веќе не ви звучат интересно, шегите често се банални, дури и глупави. Што се сменило? Францускиот психолог Елоди вели дека тоа е знак дека сме престанале да му се воодушевуваме на партнерот и се’ што тој работел и зборувал „сме го кревале во висина“, а себе си несвесно сме се ставале во втор план. Тоа е добро, бидејќи најпосле сте сфатиле дека вашиот пртнер не е најпаметен и најзабавен, што значи дека некогаш може да звучи и досадно. Единствен начин да се надмине досадата во врската е да се разговара, да се разменуваат мисли и идеи, а не слепо да се слуша и да се молчи, советува психологот. извор:нетпрес.ком.мк

Може ли да сте вљубени во двајца мажи истовремено?

Слободанка Илиева — Fri, 29 May 2020 12:45:17 +0000

Многу луѓе можат да имаат чувства за две лица истовремено, но она што прашуваме е дали може да сакате две личности во исто време? Одговорот е да според Рамани Дурвбасула, професот по психологија на универзитетот UCLA. Ние сметаме дека љубовта има само еден вкус но навистина има многу повеќе. На пример чоколадото и јагодите се сосема различни но двата вкуса се одлични. Како се случува љубовниот триаголник? „Ние сме сложени и комплицирани суштества и затоа е сосема нормално две различни личности кои поседуваат два различни карактери и тие да влијаат на нас“ – истакнала Рамани. Како што растете и се развивате во единка така со времето можете да наидете на луѓе кои ве привлекуваат и дополнуваат различни ваши аспекти.Едноставно, привлечноста меѓу луѓето е биолошко искуство. Може да се случи иако сте во долга и сериозна врска да запознаете некоја личност на работа која го подига нивото на хормони кај вас. Или може да излегувате во повече мажи и да сфатите дека одеднаш двајца ве привлекуваат. Што да правите ако сте заљубена во двајца? Кога помеѓу двајца мажи треба да одберете еден кај вас се јавува растревоженост и тоа станува едно збунувачко искуство.Продолжете да истражувате и дознајте кои се нивните афинитети, како и плановите кои ги имаат во врска со вас. Отворените врски не се баш најдобро прифатени во друштвата но во овој момент таа најдобро ќе ви одговара. Правилата на отворената врска може да ве водат кон отворен разговор кој не нема никакви граници. За оние кои се повеќе за традиционални врски и сакаат да и се посветат само на една личност, имаме еден совет. Според психиологот Рамани „Знам дека ова е ужасен предлог но е многу добронамерен. Направете список на предности и мнаи кои ги поседува вашиот партнер и бидете искрени кога че ги запишувате. Пред се обрнете внимание на овие работи:Вие сте моментално заплеткани во вртлог на страсти и бран на емоции, но несебичната, цврста и јака љубов секогаш победува на крајот.Размислете на овој начин: Кој сто посто ќе биде покрај вас кога ќе бидете болни? Кој ќе ве сака без обзир на што може животот ќе ви донесе?“ извор:попара.мк

Знаци дека веќе не сте вљубени во партнерот

Слободанка Илиева — Fri, 27 Sep 2019 12:15:02 +0000

Во овие случаи можно е да се појават физички знаци дека веќе не сте вљубени, пред воопшто умот да биде свесен што се случува. Ова се должи на тоа што физичкото и менталното здравје се тесно поврзани, па она што се случува на ниво на свест и потсвест, се манифестира и врз телото. Многумина чувствуваат физички симптоми на своите емоции пред воопшто да сфатат дека тие се случуваат. Тоа е во природата на човекот и не можеме да направиме ништо да го смениме, освен да научиме порано да ги препознаваме знаците и да можеме да се поштедиме од многу непријатни ситуации. Затоа, слушајте го своето тело, кое на следниве начини ви покажува дека веќе не чувствување љубов кон таа личност: 1. Гушење и анксиозност Ако при секоја помисла на партнерот станувате анксиозни, тоа е јасен знак дека нешто не е во ред со вашите емоции. Најчесто гушењето и анксиозноста се проследени со стегање во стомакот, во главата и со неможност да сте опуштени во близина на партнерот. 2. Се повлекувате од јавно покажување емоции Партнерот се обидува да ве бакне додека сте надвор, но вие се повлекувате дури и кога ве држи за рака. Иако на почеток ви се чини дека е нешто моментално и дека во тој миг ви требало простор, вашето тело ви кажува дека веќе не уживате ниту во прегратките, ниту во допирите на партнерот. 3. Имате дигестивни проблеми Промени во апетитот, грчеви во стомакот и необјасниви болки кога сте со партнерот се јасен знак дека вашето тело трпи некаков стрес или анксиозност. Забележете дали овие симптоми се повлекуваат кога не сте во близина, па извлечете заклучок. 4. Ви се менуваат навиките за спиење Слично како и со апетитот, промените во сонот може да бидат аларм, особено ако делите кревет. И повторно, иако мислите дека се работи за моментална потреба од повеќе простор, размислете подлабоко од тоа. 5. Партнерот ви станува одвратен Наеднаш вашиот нос не може да го поднесе телесниот мирис на партнерот до степен што дури и ви се лоши кога е во ваша близина. Да не зборуваме пак за бакнежи или секс. Појасен знак од овој дека веќе не се вљубени, нема. 6. Нервозни сте и чувствувате тензија Ако уште сте во врска со партнер во кој не сте вљубени, почнувате да чувствувате симтоми на стрес, анксиозност, депресија, па дури и реални болки во рамениците, вратот и грбот. Тоа значи дека вашето тело е под стрес и ако причината ја лоцирате во партнерот, време е да се преиспитате за вашата врска. извор:нетпрес.ком.мк