влијание – Вистина.мк

Дали знаевте дека мобилните телефони негативно влијаат на убавината на вашата кожа?

Антонио Димитриевски — Mon, 17 Apr 2023 05:15:14 +0000

Зголемете ја осветленоста на екранот и големината на фонтот на буквите така што да не морате да „мижите“ додека читате. Двапати дневно направете лесна масажа на подрачјето околу очите со хранлива крема. Поткожно воспаление на образите и брадата Често бришете го екранот со антисептичко марамче за да ги отстраните микробите и обидете се да го избегнете разговорот на телефон додека го држите на лице. Во секојдневната нега додадете производи од цинк, тој го намалува осипот и го нормализира лекувањето на кожата. Темни кругови под очите Не ставајте го гаџетот во спалната соба, подобро е да го извадите од собата навечер – тоа ќе го подобри квалитетот на сонот. Наутро нанесете оладени фластери на проблематичните подрачја на 10 минути. Нездрав сивкаст тен Сино светло кое го емитува уредот придонесува на создавање на слободни радикали. Кожата изгледа уморно и побрзо старее. Моќните агенси против стареење ќе помогнат во борбата против тоа.

Научниците открија што се случува по една недела апстиненција од социјалните мрежи

Слободанка Илиева — Fri, 13 May 2022 13:20:30 +0000

Избегнувањето на социјалните мрежи за само една недела може да донесе значајни предности во подобрување на менталното здравје и намалување на депресијата и анксиозноста, потврдија сознанијата од новата научна студија. Научниците од Универзитетот во Бат ги проучувале резултатите од таква апстиненција од социјалните мнрежи кај испитаници на возраст од 18 до 27 години. За оваа студија, испитаниците се замоленио да престанат да користат социјални мрежи во текит на една недела и потоа да продолжат со користење на вообичаениот начин. За некои учесници во експериментот, тоа значело дополнителни девет часа слободно време неделно кои вообичано ги поминувале скролајќи на Инстаграм, Фејсбук, Твитер и на ТикТок. Анализата покажала дека општата придобивка на оние што зеле еднонеделен одмор од социјалните мрежи се искачила од просечните 46 на 55.93 на Warwick-Edinburg скалата за ментална благосостојба. Степенот на депресија во оваа група паднал од 7.46 на 4.84, додека анксиозноста паднала од 6.92 на 5.94 на скалата. „Знаеме дека употребата на социјалните мрежи е толку сеприсутна што многумина од нас тоа го прават речиси без размислување. Знаеме и дека постои загриженот околу влијанието на социјалните медиуми на менталното здравје, па со оваа студија сакавме да видиме како тие делуваат на менталното здравје на луѓето кога би зеле пауза од само една недела“ – истакнува д-р Џеф Ламберт, предводник на научниот тим што го спроведе ова истражување. „Многу од нашите учесници во истражувањето известија за позитивни реакции по исклучувањето од социјалните мрежи, од подобрување на расположението и воопшто помалку тешкотии.Тоа сугерира дека дури и мала пауза може да има многу позитивно влијание“ – додава д-р Ламберт. Ова истражување е спроведено како продолжение на претходните неколку студии реализирани во САД и во В.Британија кои ги поврзуваат социјалните мрежи со зголеменото ниво на депресија и анксиозност кај луѓето. извор:курир.мк

Како бакнувањето влијае врз вашиот организам?

Слободанка Илиева — Mon, 15 Feb 2021 13:20:49 +0000

Дали сте знаеле дека бакнувањето има позитивно влијание врз вашето здравје? На пример, кога ве боли глава и не сте расположени за бакнување со вашиот партнер, правите грешка бидејќи тоа ќе ви помогне да се ослободите од главоболката. Кои се другите здравствени придобивки? Студијата покажува дека луѓето кои се бакнуваат имаат пониско ниво на холестерол. Кога се бакнувате, вашето тело ослободува окситоцин. Овој хормон помага во ублажување на стресот. Бакнувањето исто така може да го намали и крвниот притисок. Ќе ви се подмлади лицето Многу мускули се вклучени во процесот на бакнувањето, а тоа го тонира вашето лице како вистински тренинг. Со помош на бакнувањето може да согорите до 26 калории, а со оглед на тоа дека бакнувањето го зголемува протокот на крв во вашето лице, може да поттикне производство на колаген и еластин, што може да помогне вашето лице да изгледа помладо. Се ублажува главоболката Ако ве боли главата или ве мачат менструални грчеви, можеби би било добро да се обидете да ја ублажите болката со бакнеж. Бакнувањето го намалува крвниот притисок што може да помогне во намалување на болката. Може да ослабете Бакнувањето го поттикнува вашето тело да произведува повеќе допамин. Ако на вашето тело му недостасува овој хормон, можеби ќе почувствувате поголема желба за храна, но допаминот го контролира вашиот апетит и го спречува дебелеењето. Допаминот влијае врз вашето ниво на енергија. Ако имате ниско ниво на допамин, можеби ќе се чувствувате поспано и уморно, но ова може да се реши со помош на бакнувањето, пишува Bright Side. извор:кајгана.ком

Цигара после бурна акција во креветот – еве зошто веднаш да престанете со тоа

Слободанка Илиева — Thu, 04 Feb 2021 14:45:13 +0000

Пушењето цигари после секс се смета за нешто софистицирано со децении наназад, особено во филмовите и сериите, но сепак, вистината е сосема поинаква. Правата вистина е дека палењето цигара после секс е всушност многу лошо, не само за здравјето, туку и за самиот секс. Некои хемикалии што ги содржат цигарите можат да дејствуваат како вазоконстриктори. Само помислете на вазектомија – тоа е постапка низ која поминува мажот со цел да се елиминира неговата можност да ја забремени жената. Еве за што станува збор: Протокот на крв е клучен за создавање на ерекција, а бидејќи цигарите ги стеснуваат крвните садови, многу помалку крв достигнува до пенисот и всушност, станува помал отколку што треба. Постојат и многу други проблеми поврзани со пушењето цигари како што се отежнато дишење и намален капацитет на белите дробови – сето тоа може драстично да го расипе сексот. Влијанието на цигарите… Едно истражување покажа дека само 2 цигари можат негативно да влијаат на ерекцијата кај мажите, но исто така и дека мажите кои страдаат од еректилна дисфункција се често пушачи, или поранешни пушачи. Ако следниот пат сакате да запалите цигара после секс, запомнете дека може да биде и последен пат да го имате, односно да сте во состојба да го имате. извор:попара.мк

Со помалку време на социјалните мрежи се намалува ризикот од депресија

Слободанка Илиева — Thu, 04 Feb 2021 12:45:56 +0000

Помалку време минато на социјалните мрежи го намалува ризикот од депресивно растројство, се посочува во труд на Универзитетот на Пенсилванија. Стручните лица сметаат дека има директна врска меѓу ограничувањето на употребата на Фејсбук, Твитер, Снепчет и Инстаграм и подобрувањето на психичкото здравје на корисниците. Во тек на три недели биле испитани 143 средношколци. Тие биле поделени во две групи – првата имала задача да не ги менува своите навики на интернет, додека пак другата – да биде активна на социјални мрежи само 10 минути дневно. Податоците покажуваат дека кај младите луѓе со ограничен пристап до социјалните мрежи, симптомите на депресија биле значително помали. извор:нетпрес.ком.мк

Нешо, Кискинов и Авторот имаат заедничко – „Влијание“ (ВИДЕО)

Антонио Димитриевски — Fri, 12 Jul 2019 12:10:21 +0000

Велешкиот рапер Нешо го претстави најновиот сингл од неговиот прв самостоен албум „Балканизам“ што го промовираше во мај годинава. Станува збор за темата насловена „Влијание“, за која силите ги здружи со колегите Кискинов и Авторот.

„Овој звук е нешто што ќе ве запрепасти ! Премногу топол звук кој доаѓа од Велес па продолжува до Струмица… Уживајте и се гледаме на ’Д фестивал’ во Дојран на 13 јули во сабота на сцената ’Москито’“, порача Нешо.

„Влијание што лечи му посветувам внимание, и да сум депресивен да ме крене ко востание“, рапува велешанецот во својот најнов сингл, а како звучи сето тоа дознајте во продолжение. https://www.youtube.com/watch?v=xPJ40akg1oE

Научно докажани начини како да влијаете на луѓето без да кажете збор: Сакате луѓето да ви веруваат? Носете сино!

Горан Силјановски — Fri, 21 Dec 2018 14:00:26 +0000

Сите би сакале да го знаат вистинскиот начин како да им пристапат на луѓето или пак како успешно да забележат одредени нешта кои не се забележливи на прв поглед. Сакате да знаете дали луѓето се заинтересирани? Гледајте во нивните зеници. Зениците се еден дел од телото над кој немаме никаква контрола. Екхард Хес во 1975 г. докажал дека нашите зеници се шират кога гледаме во личност на која сме ѝ интересни. Се прашувате дали ѝ се допаѓате на некоја личност? Гледајте во нивните стапала. Најголем дел од луѓето внимаваат на нивните изрази на лицето, но тие не обрнуваат внимание на нивните стопала. Затоа, ако нивните стопала се насочени директно во вас, тоа е сигурен знак дека им се допаѓате. Сакате луѓето да ви веруваат? Носете сино. Сината боја означува доверба, конзервативност, безбедност и сигурност, но и е боја на чистотата. Од друга страна пак, црвената е боја која ја одзема моќта, испраќа негативна енергија и означува опасност. Кога луѓето најмногу лажат? Делот од денот има големо влијание на тоа. Според многу истражувања, луѓето лажат или изневеруваат најмногу кога се уморни. Исто така, докажано е дека луѓето кои обожаваат да стануваат рано, лажат најмногу во текот на ноќта, а ноќните птици пак во текот на утрото. Сакате да делувате важно? Раширете се. Моќните луѓе заземаат многу место. Тие ги рашируваат нивните раце и нозе, правејќи широки гестови и генерално ја исполнуваат собата. На тој начин, тие делуваат сестрано и непосредно, но и изгледаат важно и моќно за останатите луѓе во просторијата. Што најмногу ги возбудува мажите? Мирис на лаванда и пита од тиква. Според многу истражувања, покажано е дека мирисот на лаванда и пита од тиква ги возбудува мажите за неверојатни 40%. Втор на листата е мирисот на крофни. Сакате да убедите некого? Климајте со главата. Доколку сакате одредена личност да ја натерате да каже „да“, климајте со главата. Докажано е дека тоа е заразно и предизвикува добро чувство кај вашиот слушател. Сакате да делувате искусно во сексот? Ставете тетоважа. Истражувањето објавено во Дневникот на индивидуални разлики во САД покажало дека луѓето со тетоважи се сметаат за повеќе подготвени за авантура и со самото тоа поискусни во многу области, а особено во сексот.