влијае – Вистина.мк

Не е сеедно: Како должината на врската влијае на причината за раскинување

Слаѓана Атанасова — Tue, 16 Jan 2024 13:33:16 +0000

Раскинувањата, иако се болни, често се случуваат ненадејно, оставајќи ги жените во неизвесност. Преку машка перспектива, Кокс ги издвојува клучните причини за раскинување во кратки и долги врски. Во кратки врски, некои мажи одеднаш може да исчезнат ако жената се обиде да ги промени нивните навики или ако не се заинтересирани за интимни односи. Исто така, мажите може да се чувствуваат непријатно ако жената премногу добро ја познава нивната личност, чувствувајќи се емотивно ранливи. Во долготрајните врски, мажите може да се чувствуваат под притисок да се посветат или можеби ќе запознаат некој друг кој изгледа како подобар животен партнер. Трејси Кокс наведува дека мажите понекогаш не можат јасно да ги изразат своите чувства и страв од посветеност, што може да доведе до ненадејни раскинувања. Оваа анализа дава увид во машките перспективи за раскинувањето, но секоја врска е единствена, па овие причини не можат да се генерализираат за секој случај. фото: FreePik

Како влијае бракот на здравјето? Нова студија открива дека има поврзаност меѓу нашиот љубовен живот и долговечноста

Слаѓана Атанасова — Fri, 12 Jan 2024 13:55:29 +0000

Луѓето кои стапуваат во брак и остануваат во брак имаат подобро здравје од самците, но губењето на брачниот другар може да има сериозни здравствени последици, покажува новото истражување. Бројни истражувања досега докажаа дека оженетите обично имаат подобро здравје од слободните, но неодамнешните истражувања покажаа дека здравствените придобивки од бракот сепак не се толку големи, пишува The Guardian. Во една нова студија, истражувачите откриле дека средовечните и постарите оженети Американци имаат тенденција да го оценуваат своето здравје како подобро од нивните невенчани врсници. Тие исто така пријавиле помалку депресивни симптоми и ограничувања на подвижноста. Од друга страна, разведените или вдовците се во значително полоша состојба од нивните врсници кои никогаш не биле во брак. Ова е особено видливо во бројот на пријавени хронични здравствени проблеми. „Луѓето кои биле во брак пријавиле, во просек, околу 20 отсто повеќе здравствени проблеми и околу 23 отсто повеќе ограничувања во подвижноста“, пишува Журналот за здравје и социјално однесување. Се покажа дека повторниот брак ублажува некои од здравствените проблеми што се јавуваат по разводот или смртта на брачниот другар. Сепак, без разлика дали се нововенчани, овие мажи и жени се уште се во полоша здравствена состојба од оние во долгорочни бракови. „Разводот или смртта се исклучително стресни, а ова високо ниво на стрес остава трајни здравствени последици“, истакнува Линда Џеј Вејт, професор по социологија на Универзитетот во Чикаго. Студијата опфатила 9.100 Американци на возраст над 50 години. Од испитаниците, 55 отсто биле континуирано во брак, 4 отсто никогаш не биле во брак, а останатите биле барем еднаш разведени или вдовици. Извор: Попара

Како зимското сметање на времето всушност влијае врз нашиот организам

Христина Ѓоргиевска — Thu, 04 Nov 2021 14:00:18 +0000

Зимското сметање на времето започнува на 31 октомври кога стрелките на часовникот ќе се вратат еден час назад, односно од 3 часот на 2 часот. А, како таа промена влијае на нашето здравје? Откако ќе се вратат стрелките на часовниот еден час назад, ќе спиеме еден час подолго, но најверојатно потоа ќе нè мачи депресија, ќе бидеме хронично ненаспани, а можни се и кардиоваскуларни проблеми – барем така тврдат експертите. Затоа секоја година се надеваме дека таквата промена ќе се укине. Пред повеќе од 200 години некој се сетил да создаде привид на подолг ден во текот на зимата, т.е. со помош на поместувањето на стрелките на часовникот, што подобро да ја искористи дневната светлина во текот на зимските месеци. Така во втората деценија од 20-от век заживеала идејата наесен стрелките на часовникот да се поместат еден час назад, па така да се направи нешто „корисно“ за луѓето. По повеќедецениска пауза, овој принцип повторно почнал да функционира во 70-те години на минатиот век. Меѓутоа, со текот на времето се покажало дека и не е толку оправдан поради тоа што во тие месеци, од ноември до март се користат повеќе клима уреди, па поголема е потрошувачката на струја, има повеќе сообраќајни несреќи и здравствени проблеми. Медицински истражувања покажале дека поради зимското сметање на времето сме хронично ненаспани, анксиозни, незадоволни, раздразливи, дека луѓето имаат повеќе кардиоваскуларни проблеми, како и компликации при изведување на операции на срцето, а децата имаат проблем со концентрација во училиштата. извор: точка.мк

Како сексот влијае на вашата кожа?

Христина Ѓоргиевска — Wed, 21 Jul 2021 13:30:00 +0000

Здравиот сексуален живот може да го подобри изгледот на вашата кожа, да го намали стресот и да придонесе нашето тело да биде среќно и здраво. Она што се случува со вашата кожа е длабоко поврзано со она што се случува во вашиот живот. На пример, стресот, недостаток на секс и непроспиени ноќи може негативно да влијаат на вашата кожа, што може да резултира со сува, збрчкана и чувствителна кожа. И како сексот влијае на вашата кожа:

Го зголемува нивото на хормони добри за кожата.

Истражувањата покажаа дека жените кои се сексуално активни (вклучително и оние кои мастурбираат) имаат поголемо ниво на естроген, бидејќи количината на хормони се зголемува за време на оргазмот. Естрогенот е клучен за нормалното функционирање на кожата, крвните садови, фоликулите на косата, масните жлезди и меланоцитите (познати како клетки што создаваат пигмент).

Го намалува стресот.

Оргазмите ослободуваат окситоцин, кој го намалува нивото на стрес. Помалку кортизол доведува до помалку распаѓање на колаген и еластин, што доведува до помалку брчки. Едно истражување спроведено на над 3.000 мажи и жени открило дека оние кои имале секс три пати неделно изгледале седум до 12 години помлади од нивната вистинска возраст.

Ја стимулира циркулацијата.

Бидејќи сексот е вид на физичка активност, тој може да го стимулира протокот на крв и кислород во телото. Сексуалната активност влијае и на здравјето и убавината на вашата кожа, па затоа се препорачува да не го занемарувате сексот, што е многу важно за телото и кожата. извор: Попара.мк

Дерматолозите препорачуваат: Сапунот и геловите за туширање треба да се користат само на овие делови од телото

Христина Ѓоргиевска — Mon, 19 Jul 2021 13:00:20 +0000

Повеќето луѓе сметаат дека е исправно секојдневното туширање со гелови за туширање и шампони, но лекарите предупредуваат дека тоа е една од оние заблуди на кои сме склони и дека таквите препарати се користат само за одредени делови на телото. Дерматолозите предупредуваат дека пречестото туширање, особено со разни средства за лична хигиена прават повеќе штета отколку што ѝ користат на нашата кожа. Некои лекари советуваат во текот на туширањето да истриете со сапун само 3 делови од телото и тоа пазувите, препоните и стапалата, додека остатокот треба да го исплакнете само со вода. Д-р Сенди Скотницки од универзитетот во Торонто тврди дека миењето на целото тело со препарати од глава до пети може да доведе до кожни проблеми како егзема. „Пазувите, препоните и стапалата се делови од телото на кои кожата е особено чувствителна, па затоа се склони кон создавање на габи и враснати влакна кои можат да доведат до инфекции“, истакнува Скотницки. Со неа се сложува и основачот на Центарот за жени во Мериленд, д-р Чеви Чејзу кој тврди дека редовното користење на сапуни и купки во текот на туширањето ги уништува корисните микробиоми кои потоа не ја знаат разликата помеѓу добрите и лошите бактерии. „Рацете треба редовно да ги миете со сапун, а покрај нив, средствата за хигиена треба да ги користите често само за пазуви, препони и стапала“, додава Чеви. Тој истакнува дека останатите делови треба да се испираат само со вода, дури и по напорниот тренинг. „Во прилог на тоа говори и истражувањето од 2018 година, објавено во списанието „Science Advances“, кое на кожата на испитаниците открило и сој на бактерии кои се поврзуваат со намалување на ризикот од рак на кожа, кој сапунот и купките го отстрануваат, а водата не“, наведува докторот. извор: точка.мк

Не е ни сексуална, ни емотивна: Еве кој вид измама најмногу влијае на врската и бракот!

Христина Ѓоргиевска — Wed, 09 Jun 2021 12:30:01 +0000

Кој би рекол … Секој има слушнато за сексуална и емтивна измама, но има и друг вид, што се покажа дека е уште почест, но и „поопасен“ од претходно споменатите. Тоа е всушност „финансиската измама“. Не, не станува збор за кражба на пари од партнерот, но не е ни далеку од тоа. Тоа е форма на однесување во врската или бракот што се манифестира со неискреност во врска со финансиската состојба. Поточно, тоа е чин на прекумерно трошење и натрупување на долгови без знаење на партнерот. Оваа форма на неверство вклучува каква било финансиска одлука донесена без консултација со партнерот и која има негативно влијание врз односот или финансиската стабилност на двојката. Бројни студии покажаа дека финансиската измама е во пораст и дека се јавува кај парови на сите возрасти. Според истражување спроведено во Соединетите држави, дури 41 процент од Американците ги криеле своите долгови, празни сметки, позајмување пари и штетни навики на трошење. Импулсивниот таен шопинг и непланираното трошење се меѓу најчестите финансиски проблеми со кои се соочуваат паровите. Кога вистината ќе се открие, постои сериозно нарушување на довербата помеѓу партнерите, а страната од која се криеле проблемите со причина се чувствува измамена. – Тешко е да се поверува дека некој може толку многу да ве лаже, кога мислите дека го разбирате и дека можете да го „прочитате“. Караниците околу парите се потешки и траат подолго, вели Меган МекКој, професор на Универзитетот во Канзас, специјализиран за финансиска терапија, нова форма на терапија која комбинира финансиско и семејно советување. Навиките на потрошувачите обично стануваат проблем кога парот се одлучува за голема инвестиција како што е купување нов автомобил или стан и во неочекувани кризни ситуации кога итно им требаат пари. Токму тогаш се појавува на виделина тајната која личноста ја криела од својот партнер. извор: Попара.мк

Ова нема да им се допадне на мажите: Еве како КОВИД-19 влијае на нивното сексуално здравје доколку се заразат!

Христина Ѓоргиевска — Wed, 01 Apr 2020 12:30:23 +0000

Една студија открива кои се можните ефекти од коронавирусот врз машките хормони кои би можеле да доведат до сексуални проблеми кај мажите, пренесува британскиот портал Експрес. Новата студија носи и нови информации околу коронавирусот и влијанието врз мажите. Според фактот дека мажите се подложни на вируси и поголема е стапката на смртност кај мажите отколку кај жените овој вирус наводно може да остави некои последици врз сексуалното здравје, пренесува порталот. Во истражувањето кое се случило во една болница во Вухан учествувале 81 маж на возраст од 20 до 54 години кои биле позитивни на коронавирусот и кои биле хоспитализирани во јануари оваа година. Со помош на ова истражување се испитувало нивото на тестостерон и лутеинизираниот хормон. Нискиот однос на двата хормона можат да бидат знак на хипогодизам што кај мажите претставува неисправена работа на тестисите или ниско ниво на тестостерон во имплицира смалено производство на овие хормони. Просечниот однос на заболените пациенти од коронавирусот бил 0,74 проценти што од прилика е половина од нормалното ниво. Со оглед на тоа што повеќе од половина од овие мажи се во репродуктивна доба научниците сметаат дека повеќе внимание треба да се посвети на репродуктивниот систем. Сепак овие резултати не се конечни, примероците на крвта не се директни докази за репродуктивните проблеми на пациентите заболени со коронавирусот. извор: Курир.мк