влажни марамчиња – Вистина.мк

Шест работи кои не би требало да ги чистите со влажни марамчиња: Бидете внимателни

Слаѓана Атанасова — Fri, 24 Mar 2023 12:33:29 +0000

Секогаш мора да запомните дека влажните марамчиња содржат алкохол. Ако ги избришеме чувствителните површини со нив, можеме засекогаш да ги оштетиме. Ова се шестте работи кои не смеете да ги избришете со овие марамчиња. Кожни чанти или кожен мебел Ако вашата омилена кожна чанта се извалка или истурите нешто на парче мебел обложен со кожа, можеби мислите дека најбрзиот начин е да ја избришете површината со влажно марамче, но тоа може трајно да ја оштети кожата. Наместо тоа, набавете средство за чистење на кожата или, за прва помош, нежно исчистете ја областа со сапун и вода. Очила за очи Не треба да ги бришете стаклата со влажни марамчиња, бидејќи тие со текот на времето можат да го отстранат заштитниот слој од површината на стаклото. Исчистете ги со крпа и средство за чистење на очила или со специјална ткаенина за таа намена. Бисерен накит Бришењето на бисерни ѓердани или сличен накит со марамчиња за дезинфекција воопшто не е добра идеја. Амонијакот, кој е вообичаена состојка во овие марамчиња, може да ги оштети деликатните бисери, па тие го губат својот сјај. Екран на допир Да, отпечатоците се насекаде низ вашиот телефон, таблет и други уреди, но не ги бришете со влажни марамчиња. Може да се случи еден дел од екранот да стане трајно заматен. Подобро решение е да користите крпа за очила или средство за чистење на екран на допир. Чувствителна облека Кога ќе истурите нешто на вашата кошула, не посегнувајте по влажно марамче. На овој начин може да се оштетат многу материјали, па затоа е подобро обичното хартивче само да се намокри со вода. Тепих Теписите можат да бидат доста чувствителни и не треба да се перат на никаков начин. Ако истурите нешто на тепихот, подобро е да не посегнувате по влажно марамче, бидејќи тие можат да ја оштетат областа. Наместо тоа, исплакнете со обична вода или квалитетно средство за чистење теписи. Извор: Курир.мк

Влажните марамчиња се корисни, но ако ги правите овие грешки може да имате проблеми

Слободанка Илиева — Mon, 04 Jul 2022 12:15:55 +0000

Влажните антибактериски марамчиња се дефинитивно корисни. Со нив можете да исчистите различни површини, како и вашата кожа. Сепак, нивата неправилна примена може да доведе до некои проблеми. Кои се грешките што можат да се направат со употреба на антибактериски влажни марамчиња? Ги користите повеќе од еднаш Ако сте избришале валкана површина со една антибактериска влажна крпа, но сепак е натопена со детергент и ви е тешко да ја исфрлите, одлучите да ја користите за да избришете нешто друго, ова е огромна грешка затоа што ова е како да ја чистите едната површина, а ја загадувате следната површина што ќе ја бришете. Марамчиња за еднократна употреба се токму тоа – за еднократна употреба и не треба да се користат за чистење на повеќе од една површина, особено ако е потенцијално загадена со опасен агенс, како што се вируси и бактерии. Не ја читате етикетата/декларацијата Етикетите се корисна работа. Тие опишуваат точно што содржат крпите, за какви површини се погодни, а особено дали се опасни за кожата или дали се наменети за кожа. Покрај тоа, постои запишан и рок на траење, како и за секој производ. Прочитајте ги етикетите затоа што ќе ве известат дали марамчињата ќе бидат соодветни за чистење и дезинфекција или едноставно ќе се преправате дека сте исчистиле. Влажни марамчиња фрлате во тоалетната школка Една огромна грешка е фрлање на влажни антибактериски марамчиња во тоалетот. Тие не се направени од хартија. Целулозата се раствора во вода, но не и текстилот од кој се направени влажните марамчиња. Нивното фрлање во тоалетната школка не само што ќе го заглави, туку ќе предизвика и загадување на животната средина. Го чистите телефонот со марамчиња Антибактериски крпи може да се користат на многу површини, но не и на телефони. Тие можат да ги оштетат. Обично, овие крпи се погодни за употреба на тастатури, монитори и лаптопи, но телефонските дисплеи не се меѓу нив. Користете ги само на не стаклени површини на телефонот. Хемикалиите во крпите можат да ја оштетат површината на стаклото на екранот, со што полесно се гребеат и оставаат отпечатоци во употреба. Ги користите на дрво Антибактериски крпи кои не се специјално дизајнирани за дрво, не можат да се применат на тоа. Тие можат да го оштетат. Дрвото лесно ја апсорбира течноста со која е натопена и хемикалиите го оштетуваат. Ги користите за чистење играчки Хемикалиите во влажни антибактериски марамчиња кои не се конкретно за бебиња (кои содржат претежно чиста вода) може да бидат опасни за деца кои играат и ставаат играчки во уста. Препорачливо е да се мијат или исплакнат, така што да нема опасни хемикалии на нив. извор:курир.мк

6 проблеми што марамчињата за отстранување шминка можат да ѝ ги направат на вашата кожа

Христина Ѓоргиевска — Mon, 11 May 2020 13:00:12 +0000

И покрај тоа што бришењето на шминката со влажни марамчиња звучи како благослов по напорниот ден, тоа всушност не е така. Редовното користење марамчиња за отстранување шминка може сериозно да ја оштети вашата кожа и да ви предизвика проблеми. Погледнете каков негативен ефект имаат тие врз вашата кожа.

1. Предизвикуваат сувост

Влажните марамчиња содржат алкохол што ја отстранува вашата шминка, но исто така ги отстранува и природните масла од кожата. Недостатокот на влажност доведува до сувост и сува кожа. Освен тоа, овие марамчиња не го чистат ефикасно вашето лице и оставаат остатоци зад себе, со што ја прават кожата помалку апсорбирачка. Потоа, кога ќе нанесете хидратантен крем, нема да делува како што сакате.

2. Може да предизвикаат алергиски реакции

Користењето влажни марамчиња може да предизвика алергиски реакции. Црвенилото и пигментацијата се вообичаени, но може да има и сериозни реакции. Ако навистина мора да користите влажни марамчиња, се препорачува прво да ја прочитате етикетата и да ги проверите состојките.

3. Тие се причина за затнатите пори и за појавата на акни

Луѓето користат марамчиња за да се ослободат од нечистотијата, од вишокот масло, од шминката и слично, но не се свесни дека лицето не е исчистено целосно. Остатоците доведуваат до затнати пори и појава на акни.

4. Може да предизвикаат карцином

Влажноста во влажните марамчиња не е ништо друго освен хемикалии и конзерванси кои се штетни за вашата кожа. Хемикалиите како што се парабените се поврзани со предизвикувањето рак на градите бидејќи ги имитираат својствата на естрогенот и можат да го зголемат растот на клетките на градите.

5. Може да предизвикаат предвремено стареење

Според познати експерти за нега на кожата, користењето марамчиња за отстранување шминка може да предизвика предвремено стареење на кожата. Кога користите влажни марамчиња, може грубо да ја триете кожата што доведува до незатегната кожа, брчки и пигментација.

6. Не го чистат вашето лице целосно

Влажните марамчиња само ги размачкуваат нечистотијата, бактериите, маслото и шминката низ целото лице. Тие ги разградуваат честичките шминка, но тоа е сè што прават. Најдобриот начин да ја отстраните шминката е со миење на лицето со вода и средство за чистење на кожата. извор: Кафепауза

Британците ги забрануваат влажните марамчиња, а имаат добра причина за тоа

Кристина Петрушевска — Mon, 14 May 2018 11:55:38 +0000

Влажните марамчиња кои се користат за бришење раце или отстранување на шминката од лицето во наредните декади може да бидат „избришани“ бидејќи користат пластика која не е биоразградлива. Производителите ќе мора или да создадат влажни марамчиња без пластика или потрошувачите ќе останат без нив. Истовремено, тие се одговорни за 93 проценти од затнувањето на канализациите во Велика Британија, покажуваат податоците од британскиот водовод. Тоа ги натера произведувачите и владата да се фокусираат на убедување на потрошувачите, влажните марамчиња да не ги фрлаат во тоалетните школки.