На Карлеуша и го откажаа настапот во Хрватска, а белградската „мала од скандала“ збесна: „Ова е примитивизам, расизам, шовинизам, фашизам, кретенизам, идиотизам…“ (ФОТО)

Антонио Димитриевски — Fri, 14 Jul 2023 11:20:36 +0000

Јелена Карлеуша требаше да настапи во Хрватска, на островот Барбаринац, но надлежните органи и го откажаа концертот. Јелена Карлеуша со денови го најавуваше својот настап за публиката во Хрватска, а сега се огласи преку социјалните мрежи каде ги извести своите обожаватели дека нејзиниот концерт е откажан. „Со жалење ги информирам сите мои фанови во Хрватска дека мојот концерт планиран за утре на островот Барбаринац е откажан од властите во Хрватска. Причината е шокантна и срамна - затоа што доаѓам од Србија“ - напиша Карлеуша на својот Инстаграм профил и продолжи: „Искрено, вакви работи во 21 век?! Примитивизам, расизам, шовинизам, фашизам, кретенизам, идиотизам. Поздрав до сите мои фанови во Хрватска кои масовно купија билети со пораката - ширете мир, љубов, толеранција и не дозволувајте омразата да ја труе заедничката иднина на сите нас добри луѓе! Нека нè обедини музиката! Ве сакам! ЈК“ - споделила пејачката. Веднаш потоа се огласија и организаторите на закажаниот, па откажан настап на Карлеуша, кои само кусо изјавија: „Бевме присилени“! Ова не е првпат во Хрватска да се бара забрана за концерти и настапи на српски пејачи. Неодамна аферата го потресе регионот кога градоначалникот на Пула го забрани концертот на Ана Бекута и Драган Којиќ Кеба. Фото: Инстаграм/karleusastar

Нина Бадриќ банкротираше? Пејачката ги моли хрватските власти да и дозволат да започне со работа

Христина Ѓоргиевска — Tue, 28 Jul 2020 08:57:10 +0000

Хрватската пејачка Нина Бадриќ се огласи на социјалните мрежи и упати апел до властите во нејзината држава да им дозволат на музичарите да започнат со работа. Таа истакна дека со колегите не работат повеќе од пола година, па музичарите се единствени кои останаа без работата од која живеат. „Ми се чини дека сме единствена професија која остана во „lockdown“. Не се донесени јасни мерки на кој начин и под кои услови може да работиме и ние музичарите. Ова не е хоби, ова е серизона работа“, напиша пејачката. Меѓутоа, таа не зборува за пејачите туку и за тоа дека без пари останале и многу луѓе кои соработуваат со нив како што е бендот, организаторите, претставниците на медиуми. „Ова не е хоби, ова не е шега. Од оваа работа зависи егзистенцијата на многу луѓе, а многумина останаа гладни и крпат крај со крај. Го молам Минстерството да се огласи кога сме во прашање ние музичарите и да ни отвори можност, по сите мерки бидејќи здравјето е најважно, да почнеме повторно да работиме“, изјави Бадриќ.

власти – Вистина.мк

Нина Бадриќ банкротираше? Пејачката ги моли хрватските власти да и дозволат да започне со работа