власта – Вистина.мк

На Миа Костова „тортурата“ на недолжните граѓани при вадењето нови документи и ја прели чашата, па и се истури власта: „Вие сте дно… Истов овој народ треба да ве собере и фрла по контејнери“ (ВИДЕО)

Антонио Димитриевски — Thu, 11 Jan 2024 08:51:09 +0000

Нова Година и Божиќ поминаа, ама проблемите ни останаа... И не само што останаа старите, туку истите ни се апдејтуваа и мултиплицираа, а преку ноќ ни се накалемија и нови... Пушти вести или отвори портали, социјалални мрежи и не можеш да не видиш до кое дереџе сме дојдени... Саде очај, чемер, беда, смрт и јад... Дното оддамна е допрено, сега во истото се закопуваме како во жива песок... Се' подлабоко и подлабоко...! Дур не се удавиме. Револуционери оддаммна нема, особено не после 27-ми април, па додека мнозинството молчи и ги чека „своите 5 минути“ за „одмазда“ со пенкало на избори, социјалните мрежи вријат. Сите од гласни - погласни, а меѓу нив и некои од познатите личности... До душа, со полно право. Една од оние која редовно е „без влакна на јазикот“ за се' што се случува без оглед дали и неа лично ја тангира и допира е Миа Костова. Македонската водителка „на стен бај“ и актуелна инфлуенсерка која важи за една од највлијателните, своето убоито оружеје - социјалните мрежи и тоа како ги користи. Најчесто и најмногу за да укаже на сите аномалии и исчашени вредности во општеството и на оние од „дното на врвот“, да им го покаже местото. По празниците изгледа на Миа се' и се собра, па најпрвин во Фејсбук статус проба „умерено“ да искоментира што ја иритира деновиве. “Во два дена имаме информација за загаден воздух кој кај новородени е еднаков на две испушени кутии цигари, упад на аеродром во контролна кула и ќотек на вработен како и најава за ромски бал со Цеца и Теа Таирович. Нас никој ништо не ни може! Ми од плина и бензина Израел и Палестина, једне ночи волиш ме, друге ночи мрзиш ме лалалала Трулу вишњу …“ Сепак, она што и ја прели чашата на русокосата инфлуенсерка, беше „тортурата“ на недолжните граѓани при вадењето нови документи. Редици и турканици, стари, изнемоштени лица, пензионери, жени, мајки со мали деца, со часови на минусни температури да чекаат и да се туркаат во хаосот и безредието кои оние од власта го иницираа. Миа Костова со едно споделено видео на кое се пресликани очајот, бедата и понижувањето на сопствениот народ, жестоко удри по оние кои ваквата состојба ја создадоа. Ова е навреда! Најдолно третирање на сопствениот народ. Ова е за секоја осуда за е*ени документи кои мора да се извадат, а дел од нив се извадени лани... Вие сте дно! Заслужувате да ве собере истиов овој народ и да ве фрла по контејнери“ - им порача Миа Костова на оние од „дното на врвот“ во државата! Фото и видео: Фејсбук и Инстаграм/

Панчо – ДНК распука по „килавата власт“ која ја води „северната циркуз држава“: „Мајку ви ваша неспособна, до кога ќе не е*авате?“

Антонио Димитриевски — Thu, 04 Mar 2021 08:14:39 +0000

Владимир Блажев, алијас ДЈ Шорти или уште попознат како Панчо од ар ен би дуото ДНК, е познат во јавноста не само по музиката. Заедно со Андреј, својот компањон од дуото, многу често покажале и докажале дека нивните хумани мисии се „повеќе од возможни“, да помагаат, ублажуваат па дури и спасуваат нечии животни судбини. Голем патриот, кој неизмерно си ја сака својата татковина Македонија, секогаш отворен, искрен, без „влакна на јазикот“ Панчо не се срами да и „плукне на реалноста в лице“, особено ако таа реалност е сурово предизвикана од некој, кој за сметка на сите останати ужива на туѓ грб, при тоа не правејќи ништо освен што безобразно, безобзирно и криминално ги полни сопствените џебови. Иако, како и на повеќето од народот, оддамна „му е пукнат филмот“, Панчо експлицитно и бесно јавно и се обрати на власта со пишан ферман на својот Фејсбук профил, отприлика токму во моментите кога владеачкото парарламентарно мнозинство од власта набрзина „шверцерски“ и гласаше „наместена доверба“ на Владата, а со тоа и себе си, без да и остави простор за дебата и забелешки на опозицијата, покажувајќи уште еднаш дека „мува не ги лази“ за никого... освен за себе! „Па добро бе мајку ви ваша неспособна до кога ќе не е*авате буквално со Е, како бе не ви е срам не ве сфаќам, како е можно да немате грам човечност во вас? Тврдам дека до сега да имавте ЕДЕН, пази ЕДЕН со малку МОЗОК ќе ја решевте кризава многу одамна како што се реши и држи под контрола во Нов Зеланд, Австралија и Кина од каде и дојде болеста. Прост пример: Затвори се' 21 ден и отпосле, ставај буквално се' што влегува во земјава по 14 дена во изолација при влез и тоа е тоа... ПРЕедноставно е. Кога велам ЗАТВОРИ, мислам на ЗАТВРОРИ да важи подеднакво за сите, а не да мижите каде не ви е сигурно и јајцата ви се џамлии. Ете ви ги хотелите кои поради кризата не функционираат и спроведувајте ги луѓето таму со полиција и нека си го платат и престојот зошто вие 100% не може и не сте способни да им го обезбедите затоа што поважни ви се бифтеците, лешниците и бадемите за вашите газови. Проста логика еве поправете ме ако грешам. Ќе каже некој ама не може така, ама знаеш индустријата, економијата, бла, бла, бла… Чекајте бе луѓе, 12 месеци животариме тоест не живееме, а мала земја сме и е многу лесно да ја контролираш, исчистиш и да функционираш внатре, ама за тоа треба МОЗОК и желба. За вакцините не ни сакам да зборам, на еден обичен трговец од Кванташки пазар да му дадевте задача ќе ви ги испорачаше до сега #РЕАЛНО. Жално за сите нас кај живееме и многу нормално е да се нема доверба во ниту еден политичар, дека вие не сте политичари туку себични луѓе кои најбитно и примарно ви е да си ги обезбедите финансиски вашите 2-3 поколенија, а визијата за напредок на земјата и граѓаните кои ве гласале е сведено на една голема НУЛА. Срам сте голем и немој да мислите дека некој се' уште ви верува. Циркуз држава“ - со овие зборови Панчо им се обрати на „килавата власт“ која ја води „северната циркуз држава“!

Раперот Bizzy со стиховна „ода на гадоста“ за сите гнасотии на власта во – „Не можеме“ (ВИДЕО)

Антонио Димитриевски — Fri, 10 Jul 2020 16:15:22 +0000

„ 15-ти е денот, исправи се со нас, Боже извади не од пекол!“ - се само дел од стиховите од најновата песна на македонскиот рапер со уметнички прекар Бизи, кој е само еден од илјадниците млади луѓе кој не можејќи повеќе да ја поднесе мизеријата на владеењео на СДСМ на чело со Зоран Заев, па во својата своевидна „ода на гадоста“ ги опеал, или поточно раскажал, сите гнасотии на власта! Темат насловена „Не можеме“ е своевидна ретроспектива на раскрчмувувањето и на името, јазикот, идентитетот, државата... И на сето друго - од историјата, преку економијата, до екологијата... што за нивниот мандат на владеење Заев и неговите неспособни и алчни социјадемократи успејаа да го продадат, уништат, укинат, упропастат... Рап ода во стихови за суровата голгота и македонскиот од по пеколот според протоколот на корумпираните и криминогени умови од престолот на власта и нивните измеќари. Темата „Не можеме“ како антипод на нивниот изборен слоган „Можеме“, во која е опишано сето она што од нив е направено, а со тоа всушност предадено, измамено, ограбено и осакатено чистото македонско ткиво, длабоко вткаено во прозата и поезијата на македонските книжевни великани Петре М. Андреевски и Блаже Конески, чии мисли и цитати во вид на стихови се интегрирани во песната. Сепак, „Не можеме“ во себе не ги носи само срамните слики на предавството, поразот, гнилежот и мизеријата од животот на дното, до која Македонскиот народ е доведен последниве 4 години, туку и силна оптимистичка порака дека, како што авторот вели: „Ме боли душа, но пиреј се македонските сни, време е Јуда да сфати дека народот е тим!“ „ Ете затоа 15-ти е денот, исправи се со нас, Боже извади не од пекол!“ - порачува младиот рапер во името на илјадници млади, десетици илјади гладни, стотици илјади обесправени, понижени, избркани, згазени... Македонци, со моќна порака до нив, токму на овој датум да излезат и да гласаат... Да гласаат за Божја правда, за човечки слободи, достоинство, нормален живот и иднина за себе и своите деца. Но и со порака за оние, другите: „Не можете да исчезнете, но можете да си“... https://www.youtube.com/watch?v=IfW1YTiBJG4&feature=youtu.be&fbclid=IwAR16PFcI_P1_2dsG5t3pK-q5CoRbnAFx2kuKVErkC42iMkT6W3WQ9NF0cV4

Панчо од ДНК ја прозва власта: „Естрадата е тотално заборавена и никој не зборува за неа“?!

Антонио Димитриевски — Tue, 26 May 2020 07:05:02 +0000

Корона пандемијата кај нас никако да стивне... Напротив, дури зема и замав, па секој ден имаме повеќе новозаболени отколку во т.н. пик, нови починати, се' уште карантин, изолација, полициски час... Од една страна на власта устата и е полна со повици за брзи избори, на кои во вакви услови наместо гласови ќе броиме новозболени и починати, а од друга страна мафта со некакви први, втори, трети пакети на мерики, од кои никој не е задоволен. Цели дејности и индустрии се заборавени, забаталени, маргинизирани и оставени сами на себе, па затоа секојдневно наместо насмеани, задоволни и среќни лица, гледаме катанци на вратите и натписи од типиот: дуќанот се издава, локалот се продава, просторот се рентира... Туризмот, угостителството, естрадата, ивент индустријата, па и добар дел од културните дејности се на „респиратор“... На умирање. А без нив, ќе умре и нашиот идентитет како народ, како Македонска нација! Естрадата и ивент индустријата каде по дифолт е се' во приватна сопственост, државата дефинитивно ги заборави! Илјадници естрадни уметници, пејачи и пејачки, музичари, продуценти, автори, со месеци се без „скршена банка во џебот“, оставени самите на себе, да живеат од заштеда, позајмици, кредити... а при тоа да немаат можност ништо да заработат. Истата приказна, копи - пејст е и со т.н. ивент индрустрија. Менаџери, извршни продуценти, организатори на концерти, изнајмувачи на озвучување, осветлување, сценска опрема... Сите тие сосе нивните вработени и семејства се препуштени на стихијата. Кој ќе преживее - ќе раскажува... Или ќе се кае и проколнува!? И за нив власта молчи, ништо не зборува, никој не ги споменува... Оставени, заборавени, дискриминирани... А се работи за илјадници луѓе во Македонија, плус нивните повеќечлени семејства, кои од пристојна и солидна заработка, негрижата на државата и власта речиси ги претвори во социјални случаи... Од газди во питачи! Премиерката на соседна Србија, Ана Брнабиќ на пример, веќе дозволи одржување на најголемиот фестивал во Европа „Егзит“ каде се собираат неколку стотици илјади луѓе во август. Во Хрватска Министерството за култура и „Хрватското здружение на музички уметници“ се во акција за помагање и субвенционирање на најзагрозените естрадни уметници и музичари, кои освен своите настапи кои ги нема, немаат друг извор на егзистенција за себе и нивните семејства, додека во Македонија помошта од државата за оваа фела е само мисловна именка! Нашето Министерство абер нема да и помогне на естрадата, или пак ЗАМП, кој кога беа неговите интереси во прашање, дури се дрзна да забранува македонска музика со месеци на медиумите, а касата ја полни до небо токму од парите на естрадните уметници. Неговите челници сега скриени како глувци во глувчешка дупка, си молчат и си крцкаат од колачот, ниту на крај памет да им падне да бидат хумани, да се фатат за џебот и да им помогнат на најзагрозените од оние, кои истиот тој џеб дебело им го полнат! И додека естрадата диши на „респиратор“ или подобро речено како риба на суво „на шкрги“, меѓу првите се јави Владимир Блажев, алијас ДЈ Шорти или познат како Панчо од ар ен би дуото ДНК, кој отворено и јавно ја прозва власта преку својот Фејсбук, дека нивната дејност е заборавена, а ивент индустријата и естрадните уметници грубо дискриминирани. По неговиот јавен повик до владата можеби некому од власта... ќе му текне?! Како што им текнуваше да прават спектакли на кои трошеа стотици илјади државни, или поточно, наши пари, за Цеца, Брена, Аца Лукас, Жељко Јоксимовиќ, Северина... Од „Струмица опен“, преку „Пиво фест“ во Прилеп до „Штипска пастрмајлијада“... и уште стотици локални „селски игранки“ за турбо забава на народот и политички поени на власта!