Осамна необичен оглас: Се продава бричот на пејачката од „Хурикејн“, со кој пред да се тетовира, го бричелa овој дел од телото (ФОТО)

Антонио Димитриевски — Tue, 21 Dec 2021 11:16:13 +0000

На сајтот кој се занимава со продажба на разни работи се појави оглас кој некои ги насмеаа, а некои воодушевија. Имено, тој што го објавил огласот напишал дека продава брич (бикче) кој бил користен од членката на групата „Хурикејн“, Сања Вучиќ. „Со овој брич и ги избричив влакненцата од грбот на Сања пред да ја направи нејзината тетоважа. Купувачот на овој брич ќе има шанса по купувањето да оди на пијачка со Сања и лично да се сретне со неа. Парите од оваа аукција одат во хуманитарни цели“ - стои во огласот. Цената на бричот е 40.010 динари. Инаку, Сања е позната како обожавател на тетоважи, па не се двоуми да го покаже тоа. „Нема посебна причина, сакам да се тетовирам, тоа е нешто што и инаку го правам (се смее). Имам тетоважа што сакав да ја покријам, па дојдов кај Фиќо. Оваа нема посвета, има една што ја направив на бутот, со цвеќиња, тоа е за секоја жена во мојот живот“ - изјави Сања во емисијата „Премиера“. Каков е интересот и го купил ли досега некој бричот, допрва ќе дознаеме. Фото: Инстаграм принтскрин/sanjalilwolf

Јоце Панов се депилираше на многу незгодно место, па тоа го доживеа… „убиствено“! (ФОТО)

Антонио Димитриевски — Thu, 25 Nov 2021 09:31:27 +0000

Македонскиот пејач Јоце Панов важи за еден од оние кои постојано имаат работа... Тезги, настапи, свирки, на штипјанецот никогаш не му недостасуваат, зашто Јоце знае како да направи незаборавна атмосфера, фантастичен штимунг, луд провод, забава за долго паметење. Токму затоа пејачот е еден и од оние кои мора постојано да се средени „цакум-пакум“. Дотеран, стокмен, уреден, педантен, современ маж - вистински метросексуалец, како што по ново таквите ги нарекуваат! Во поново време Јоце пушти брада и мустаќи што на пејачот му даваат дополнителна доза на мажевност и сериозност. Арно ама, мажевноста понекогаш бара и „женско одржување“, па затоа Јоце реши да замина на машка депилација... И тоа на многу незгодно место! Имено, покрај редовното средување на брадата, за мустаќите да не му растат „одвнатре“ од носот нанадвор, туку само од под носот, Јоце отиде на средување на должината на влакненцата во отворите на дишниот орган. А влакненца како влакненца, каде и да ти растат, на ист начин се отстрануваат. Та биле тие околу препоните или во ноздрите! Малку восок за депилација и неколку стапчиња со памуче за чепкање уши, овој пат пикнати во носот. Додека чекаш восокот да се залепи и зацврсти и некако... А потоа доаѓа моментот на вистината... Или пеколот, кој како го доживува... и поднесува. Јоце Панов го доживеа - „убиствено“! Очигледно толку непријатно болно, што моментот го споделил на своите Инстаграм приказни со „закана за убиство“... до изумителот на депилаторската постапка: „Кој го измислил ова, да одам да го убијам“ - напишал „искубаниот“ Јоце, кој овој пат покажа дека е „мажиште“ на „женски терен“. Патем, откако ја почувствува „сета суровост на убавината“ веројатно и самот се запрашал: Што ли се треба да истрпат жените, во случајов неговите колешки-пејачките, за убавина? И тоа смело, по цело тело!? Фото: Инстаграм принтскрин/jocepanov

влакненца – Вистина.мк

Осамна необичен оглас: Се продава бричот на пејачката од „Хурикејн“, со кој пред да се тетовира, го бричелa овој дел од телото (ФОТО)

Јоце Панов се депилираше на многу незгодно место, па тоа го доживеа… „убиствено“! (ФОТО)