владислав гавриловски – Вистина.мк

„Фанк Шуи“ му оддават почит на Скопје преку превртлива врска во – „Никогаш пак“ (ВИДЕО)

Антонио Димитриевски — Sat, 27 Jan 2024 10:12:14 +0000

Фанк Шуи (Funk Shui) со константната работа на својот израз, ја одбележаа 2023-та со преку 20 концерти во Европа и на Балканот (Берлин, Виена, Гронинген, Белград, Нови Сад, Загреб, итн.), како и издавање на долгоочекуваниот албум “Никогаш Пак” на 31 март 2023 кој резултираше со два распродадени концерти во Скопје во Младинскиот Културен Центар. Нумерите на албумот во рекордно време се позиционираа на најрелевантните топ листи, разгорувајќи го медиумскиот интерес на Балканот. Funk Shui ја започнуваат 2024-та со нов видео спот за песната “Никогаш пак”, издаден денес на 25-ти јануари во 12 часот на YouTube каналот на Funk Shui. “Спотот е снимен низ локациите кои ги искористивме за осознавање и оформување на сами себе во младоста, кои ги осеќаме како дома, можеби повеќе од сопствените тогашни домови. Обидот е да се долови бруталистичката архитектура, потписот на нашето родно место и симболот на солидарноста и давањето, начинот на кој ние го разбирам и сфаќаме Скопје и нешто што можеби се третира и во текстуалноста на оваа песничка. Оддаваме почит кон Скопје заедно со Владислав Гавриловски, визуелниот резидент и камерманско/режисерскиот ум на оваа бетонска градина од спот. Песната е балада за превртливата врска помеѓу писателот и Скопје и неколку скопјани. Сите други писателот ги сака и ќе биде тука за нив, како 78те земји кои беа тука за Скопје по земјотресот во 1963-та”, велат од Funk Shui. Видео записот е на Владислав Гавриловски. Музиката и текстот се на Funk Shui, а аудио продукцијата повторно на Бен Милчев. Синглот “Никогаш пак”, како и истоимениот албум е достапен на сите дигитални платформи за слободно преслушување и се наоѓа на повеќе од 150 дигитални музички продавници.

Полина Тасева умее да ви го покаже сопствениот одраз во – „Огледало“ (ВИДЕО)

Антонио Димитриевски — Tue, 02 Nov 2021 13:31:04 +0000

Атрактивната пејачка Полина Тасева изминатиов викенд повторно нè почести со нов видео запис, овој пат за баладата „Огледало“ со која настапи на годинешниот „Макфест 2021“. Иако не освои награда, таа остави силен впечаток со раскошниот глас, убедливиот сценски настап и раскошниот стајлинг. Музиката и текстот за песната се на Полина и Иван Петровски, кој ги потпишува и аражманот и продукцијата. Видеоспотот е креативна идеја на Полина и Владислав Гавриловски со кого ова и е трета соработа, по "Игра" и "Сè се врти во круг" кои јавноста одлично ги прифати. Видеото е дополнително збогатено со танчерката Ангела Богатинова, која го доловува "одразот" на Полина. И кога ќе се спојат убавината и креативноста на едно место, резултатот е симпатично спакувана видео приказна која ве тера да ја погледнете и по неколку пати. Како сопствениот одраз во огледало. Како она што сакаме да го видиме, кога гледаме во него... Секој во своето „Огледало“ !

Париз виа Скопје, тоа е тој – Star Boy, а неговото време доаѓа на ред… овој пат со – „Мad“ (ВИДЕО)

Антонио Димитриевски — Mon, 14 Dec 2020 12:29:07 +0000

Ванчо, Македонецот кого под неговото уметничко име „Star Boy“, домашната јавност веќе го откри, а сега и полека го запознава и како артист, а и неговата работа како автор, изведувач и сопственик на нов моден бренд за гардероба наречен „Royalty Paris“. „Star Boy“ живее на реалција Париз-Скопје-Берово, а престојот во Македонија го искористи да ја обзнани својата музика, да ги презентира своите први три теми и промовира во јавноста задно со видеоспотовите за нив. Идејата му е да направи интернационална кариера паралелно работејќи на домашната, регионалната и европската музичката сцена, па токму затоа тој снима на неколку јазици, меѓу кои и на македонски. Во последните 3 години од својата професионална кариера Star Boy има снимено видеа од неколку европски градови како што се Париз, Амстердам, Брисел и Лондон кои можат да се погледнат на неговиот официјален Јутјуб канал „Royalty Records“. Концептот: три песни со три видеа до Нова Година, „Star Boy“ успешно го турка, па така по првата тема „Cash game“ која ја промовираше во етерот точно на 23 ноември 2020, еве ја втората, овој пат насловена „Мad“. Самиот тој е комплетен автор на музиката и стиховите, битот е на TaipOnTheBeat, додека миксот мастерингот се изработени од LilPetr Directed. И темата „Мad“ како што е најавено е исто така проследена со видеоспот, кој го потпишува Владислав Гавриловски, а истиот е сниман на неколку локации во македонската престолнина - Скопје. Фотографијата ја изработил на Венко Паркуера, а во новото видео на „Star Boy“ овој пат главната женска ролја ја има едно познато македонско лице од естрадно-модниот свет, македонската манекенка, мисица и модел, Кристина Димитри(евска). „Зборувам вистина па затоа ме мразат, почнав од нула, види ме сега газам“... е еден од суштинските стихови во песната која сериозно ја стресе македонската музичка сцена во жанрот на кој му припаѓа „Star Boy“. Проектот три траки - три видеа до Нова Година комплетно ќе биде реализиран наскоро, како прва фаза од песните кои треба да се најдат и на неговиот дебитантски албум кој ќе содржи 8 теми. Наскоро менаџмент тимот и продукцијата на „Star Boy“ планираат и голема медиумска онлајн промоција со претставување на самиот артист, неговите досегашни песни и видеа, плановите за албумот и целиот концепт околу одвивањето на неговата музичка кариера, како и презентирање на неговата модна линија во Македонија, на новиот моден бренд за гардероба наречен „Royalty Paris“. StarBoy можете да го следите и на неговите профили на социјалните мрежи:@instagram: https://www.instagram.com/starboyoffi... StarBoy @facebook: https://www.facebook.com/StarBoy23Off... Во меѓувреме премиерно погледнете го видеото за втората тема, „Мad“. https://www.youtube.com/watch?v=y0uLeO-Mzww

Давид знае дека мора или вака или никако поинаку – „Немам план Б“ (ВИДЕО)

Антонио Димитриевски — Wed, 25 Mar 2020 14:06:05 +0000

Во време кога сите сме окупирани со паника и претпазливи мерки против пандемијата Давид ни ги разубави деновите објавувајќи нова песна насловена „Немам план Б“. Текстот, аранжманот музиката, миксот и мастерингот ги потпишува Темелко Андреев. Зад видеоспотот стои Владислав Гавриловски, а тој е снимен на повеќе локации а едната од нив е крос патеката во Велес, потоа с во Скопје и во тунелот кај Катланово. Давид досега има издадено неколку песни на Српски јазик како што се: „Мој свет“, „Моја мала“ и „Злато моје“, а за најновата песна вели: „Песната е на Македонски јазик. Иако претходно песните ги правев и на српски, оваа песна нема да има други верзии. Јас имам доверба во мојот продуцент Темелко и затоа текстовите се препуштени во негови раце. Јас сум сè уште млад, мојот тефтер треба уште да се доиспишува. За тоа време ќе научам уште многу нови работи. Исто така уште повеќе ќе се надградам како уметник, бидејќи не сакам никого да копирам. Што би рекол Брут: “Немам музички правец, јас сум музички правец“. Инаку како што самиот вели, песната е инспирирана од личниот живот на Давид кој додава: „Тоа што ми се случувало во последниот период, моите планови и луѓето кои сум ги избришал ,сето тоа е опфатено во песната. Тоа е тоа, немам план Б“. Давид пред некое време беше номиниран на најголемиот музички спектакл во регионот, „Music Awards Ceremony (MAC 2020), а сериозно и се посветува на музичката кариера откако беше исконтактиран од „Балкантон“ тимот на Раста. https://www.youtube.com/watch?v=5WXBah80Lzw&feature=emb_logo

Наташа Малинкова се пронајде себе си во „Биди со мене“ (ВИДЕО)

Антонио Димитриевски — Tue, 26 Nov 2019 11:30:11 +0000

Наташа Малинкова денес, 26 ноември 2019 ја промовира својата најнова песна со наслов – „Биди со мене“ на која како автор се потпишува веќе добро познатиот и проверен нејзин соработник и колега од ноќните настапи, Столе Аврамов. За разлика од претходната тема, ова е нешто сосема поразлично и можеби помалку неочекувано од познатата пејачка, за што таа вели: „Искуството низ годините и ноќните настапи ни се единствениот репер за тоа што би сакала публиката да слуша. Мешање на стилови од ретро, до песни со модерни аранжмани... Сакавме во период кога ни претстојат убави празници, во моменти кога сме опкружени со луѓето што ги сакаме и не сакаат, да им подариме една убава поп - латино тема во која мислам дека секој еден може да се пронајде“ – вели Наташа. Инаку за оваа нова песна Малинкова сними и интересен видеоспот, на кој како режисер се потпишува Владислав Гавриловски. „Тоа е една спонтана приказна за тоа како изгледа едно наше деноноќие. Работата во студио, дел од нашите ноќни настапи, нашите најмили и пријателите. Овојпат честа ја имав статисти во спотот да се појават моите драги колеги и пријатели - Даниел Данн и Марко Марк,а девојката во видеото ни е гостинка од Мелбурн, која случајно и со задоволство прифати да биде дел од ова, за неа прво искуство“ – завршува пејачката.