владимир поповски – Вистина.мк

Второ, па машко: Анастасија Петреска стана мајка по вторпат (фото)

Слободанка Илиева — Thu, 30 Jun 2022 12:53:13 +0000

Естрадната фолк-двојка Анастасија Петреска и Владимир Поповски станаа родители по вторпат. Пејачката и ќерка на пејачот Наум Петрески, повторно го искусува мајчинството,семејството е проширено за уште еден член, овој пат со машко бебе. Во првата бременост Анастасија не многу сакаше да открива како ги поминува деновите во блажена состојба и да објавува фотографии на социјалните мрежи, но сега за второто знаеше да објави по некоја фотографија. Убавата вест ја сподели гордиот татко кој и се заблагодари на сопругата. За потсетување, Анастасија и Владимир во 2019 станаа родеители за првпат на малата Андреа која има три годинки. фото: фејсбук/инстаграм принтскрин/Владоимир поповски/Анастасија Петреска

Анастасија Петреска бремена по вторпат: Пејачката се пофали со нараснатиот труднички стомак (фото)

Слободанка Илиева — Mon, 28 Mar 2022 07:15:34 +0000

Естрадната фолк-двојка Анастасија Петреска и Владимир Поповски ќе станат родители по вторпат. Пејачката и ќерка на пејачот Наум Петрески, повторно ќе биде мајка, а семејството ќе биде проширено за уште еден член. Во првата бременост Анастасија не многу сакаше да открива како ги поминува деновите во блажена состојба и да објавува фотографии на социјалните мрежи, но сега за промена како второ вакво искуство, таа откри дека со Владимир повторно ќе станат родители. Облечена во лежерно издание Анастасија позираше со трудничкиот стомак во прв план, а според симболот од сино срценце во опис, претпоставуваме дека сакаше да открие дека овој пат носи машко. За потсетување, Анастасија и Владимир во 2019 станаа родеители за првпат на малата Андреа која пред три недели наполни три годинки. фото:инстаграм/анастасија петреска

До неодамна го криеја лицето на бебето, а сега Анастасија Петреска и Владимир за првпат ја покажаа ќерката (фото)

Слободанка Илиева — Sun, 12 May 2019 08:27:29 +0000

Македонската естрадна брачна двојка, Анастасија Петреска и Владимир Поповски во месец март добија нова животна улога- станаа родители. Бебенцето доби модерно име кое и го дадоа мама и тато, а одлуката била малата принцеза да се вика Андреа.

Додека беше бремена, фолк пејачката и ќерка на пејачот Наум Петрески, не ги откри пред јавноста своите труднички денови, а откако се роди Андреа, ја покажуваше, но го криеше нејзиното лице.

Сега, по повод нејзината молитва и крштевка, а и црковниот брак на мама и тато кој се случија во ист ден, тие добија желба тоа да го објават на социјалните мрежи и пред сите да ја откријат својата неизмерна среќа.

За потсетување, Анастасија и Владимир се свршија на почетокот од 2018 годината, односно во месец јануари додека беа на зимување во Бугарија, потоа склучија граѓански брак, а во една прилика изјавија дека ќе прават мала свадбена прослава. фото:инсатграм/фејсбук

Анастасија Петреска и Владимир Поповски добија ќерка – еве кое модерно име го доби нивната наследничка

Слободанка Илиева — Wed, 06 Mar 2019 08:08:58 +0000

Македонската естрадна брачна двојка, Анастасија Петреска и Владимир Поповски добија нова животна улога- станаа родители. Убавата вест на социјалните мрежи ја соопшти сестрата на Анастасија и ќерка на фолк пејачот Наум Петрески, Сања, која се пофали дека станала тетка. Бебенцето доби модерно име кое и го дадоа мама и тато, а одлуката била малата принцеза да се вика Андреа.

Инаку, целата бременост на пејачката помина без многу помпа околу покажувањето на трудничкото стомаче, па од пејачката не видовме ниту еден таков момент од нејзините труднички денови. За потсетување, Анастасија и Владимир се свршија на почетокот од 2018 годината, односно во месец јануари додека беа на зимување во Бугарија. Честитки! фото:инсатграм/фејсбук

Пејачот Владимир Поповски и зет на Наум Петрески заврши на патерици – дедото му дојде во посета (фото)

Слободанка Илиева — Sun, 17 Feb 2019 09:00:40 +0000

Фолк пејачот на групата „Биоритам“, сопруг на пејачката Анастасија Петреска и зет на Наум Петрески, Владимир Поповски, заврши со повреда на ногата од која е на патерици и на домашно лекување. За да не му биде досадно додека е во таква состојба, на посета му дојде дедо Наум со уште неколку пријатели, а бидејќи е познато дека Наум е голем гурман, дружбата не остана без здравица и закуска.

Откако Владимир ја објави фотографијата, следбениците и пријателите го прашаа како е и што се случило, но тој не се огласи со одговор за тоа што му се случило и како се здобил со повредата. Инаку, Анастасија и Владимир пред еден месец и официјално стапија во граѓански брак и се потпишаа во матично, а пејачката на своето презиме го додаде и она на сопругот.

За неколку месеци тие ќе станат родители на нивното прво дете кое открија дека ќе биде девојче.

Наум Петрески станува дедо: Ќерката на познатиот пејач е бремена

Христина Ѓоргиевска — Thu, 22 Nov 2018 08:09:43 +0000

Ќерката на македонскиот пејач, Наум Петрески, Анастасија Петреска на почетокот на годината му кажа „да“ на својот избраник Владимир Поповски, пејач на групата „Биоритам“. По свршувачката, естрадниот пар не направи свадба. Меѓутоа, имаат голема причина за радување, а тоа е приновата во семејството.

Имено, Анастасија е бремена и во март следната година ќе стане мајка. Оваа вест за „Жеснки магазин“ ја потврди идниот дедо односно пејачот Наум.

„Многу сум радосен, немаше посреќен човек од мене кога Анастасија ми соопшти. Воопшто не ми беше важно дали ќе ни се роди внук или внука, но пресреќен сум што таа ќе роди девојче. Нека биде убава на мама и талентирана за музика на мама и на тато“, изјави Петрески. Анастасија и Владимир нема да прават голема и гламурозна свадба. По раѓањето на бебето ќе направат приватна забава, а поканите ќе бидат за најблсиките. Честитки.

(ФОТО) Тој пејач, таа пејачка: Се свршија на Божиќ – ова е новата брачна двојка на македонската естрада!

Слободанка Илиева — Mon, 08 Jan 2018 09:00:03 +0000

Магијата за време на новогодишните и Божиќните празници дополнително ги буди сите убави чувстава во нас, особено оние љубовните. Божиќ е празник кој повеќето го минуваме дома со најблиските, но некои практикуваат да отстапат од традицијата и да заминат на некое зимско патување, секако со саканите. Фолк пејачката Анастасија Петреска и нејзиниот сакан, пејачот на групата „Биоритам“, Владимир Поповски, решија празничниот период да го минат во Бугарија, а таму да ја официјализираат својата љубов.

Имено, вчеравечер на социјалните мрежи естрадната двојка се пофали дека нивната врска доби нова димензија, а Анастасија го покажа и вереничкиот прстен на раката.

Ова зимување ќе го паметат по многу убави доживувања и искуства, но најмногу по чинот на запросувањето.

Инаку, Анастасија и Владимир својата врска во медиумите ја обелоденија пред околу седум месеци.