владимир блажев панчо – Вистина.мк

Андреј и Панчо од „ДНК“ открија зошто не се дружат приватно (видео)

Христина Ѓоргиевска — Wed, 02 Dec 2020 08:58:58 +0000

Неодамна во вестите на www.vistina.com.mk имавте прилика да прочитате дека дуото од ДНК, Андреј и Панчо не се дружат приватно. Имено, Владимир Блажев или Панчо одговараше на прашања на неговите следбеници, а на прашањето дали е точно дека не се дружи со Андреј, тој одговори дека воопшто не се слушат и не се гледат. https://arhiva.vistina.com.mk/radio-mileva/go-prashaa-pancho-od-dnk-shto-misli-za-luna-gjogani-negoviot-odgovor-beshe-kratok-i-jasen/ За „Бекстејџ“ сега тие ја открија вистината за нивниот однос. „Во денешно време со пандемијата, јас не знам кој со кого одржува нормален контакт. Сите се пазат. Што е до моментите кога се’ нормално функционира ние сме се гледале двапати, трипати во месецот, на проба, во студио, на настапи, концерти. Каков може да ни биде односот? По 22, 23 години низ се што поминавме заедно, убави работи, раѓање на деца, мекици, женачки, на големите концерти кои сме ги одржале заедно може да се видат нашите емоции, знаеме да се гушнеме, дефинитивно музиката е она што најмногу не спојува. Нема лоша нота меѓу нас, се’ е во ред. Функционираме професионално, малку сме различни во однос на начинот на живот и можеби поради тоа ретко се гледаме. Но, тука сме за важните работи во животот“, вели Андреј. И Панчо ја кажа својата страна на вистината. „Јас многу пати досега кажав дека ние воопшто не се дружиме и дека не сме блиски. Не се слушаме и не гледам причина за никаков проблем. ДНК е институција и ќе си функционира. За среќа на сцена функционираме феноменално иако слушаме различна музика. Некогаш не го принувам да снима нешто ако не му се допаѓа. Тој ги пее песните од срце и ако нешто не му се допаѓа може да корегира и тоа е тоа. Немам никаков личен проблем со него. Се знаеме 18+ години, никогаш не сме биле блиски, никогаш не сме се дружеле толку. Тој си има негови ритуали и принципи, јас си имам мои. Тоа е нормално, различни сме карактери. Тој сака ракија и пиво, јас не сакам ракија и пиво. Тој не сака спорт, јас сакам спорт. Тој сака да седи дома, јас не сакам да седам дома. Тоа е мал дел зошто не се дружиме. Кој и да работи била каква професија во канцеларија немора да се сака со секој и да се дружи приватно, едноставно треба да има респект и почит“, вели Панчо. Целото интервју погледнете го во видеото подолу.

Mиа Костова го прокоментира статусот на Панчо за тангите на плажа (видео)

Христина Ѓоргиевска — Fri, 07 Aug 2020 06:59:35 +0000

Деновиве, една од главните теми во медиумите кога станува збор за македонската естрада и јавна сцена е статусот на Владмир Блажев односно Панчо од „ДНК“ за тангите на плажа во Охрид. Имено, тој на својот „Фејсбук“ напиша објава истакнувајќи дека не е секој г*з за танга по плажа. Овој негов статус предизвика реакции кај фиминистките, инфлуенсерките, но и кај некои познати дами кои истакнаа дека си го сакаат своето тело. Некогашната македонска водителка Миа Костова се вклучи во живо на „Инстаграм“ и го прокоментира статусот на Панчо. „Прво и основно, познавајќи го Панчо, без никаква потреба да го бранам, го извадија и го извадивте од контекст. Единствено нешто за кое јас имам замерка кога е во прашање статусот е последните две емоџи со кои им даде до знаење на жените кои имаат вишок на килограми дека се свињи. Тоа му беше голема грешка, но верувам дека не мислел кој знае колку лошо. А она што јас го читам кога ќе го прочитам статусот на Панчо е нешто што во моментот кога погледнал некаде или видел нешто му засметало. Не е дека тој имал право да каже кој како ќе се носи. И јас навистина многу почитувам девојки „oversize“ кои се носат извонредно добро со килажата која ја имаат“ вели Костова во видеото и додава: „Едноставно во тој момент не му се допаднало тоа што го видел. И точно се сложувам, сметам дека не смееше да се обрати ниту во еден момент со емоџи прасе, тоа му е единственото нешто што сметам дека го погреши. Ова другово едноставно е лично мислење. И не мора Панчо да е манекен и да метар и 90 за да има лично мислење“, вели меѓудругото Миа во „лајвот“ на Инстаграм. Исто таа и истакна дека секој од нас се нашол барем еднаш во ситуација да коментира бидејќи тоа ни е во природата. Целото излагање и целиот „лајв“ може да го погледнете во видеото подолу.

View this post on Instagram

A post shared by ♎️Миа Костова♍️ (@miandrija) on Aug 6, 2020 at 12:02pm PDT

Панчо ДНК во обид да ги закопа воените секири со Слаткар: „Како постар сакам јавно да му се извинам“

Слободанка Илиева — Tue, 28 Jan 2020 08:26:48 +0000

Војната преку медиумите помеѓу Панчо ДНК и Марко Слаткар започна минатата година кога Слаткар во една негова песна го посочи својот колега Панчо како човек кој е доказ дека во Македонија за да успееш не ти треба талент. Панчо пак, тогаш не остана имун на тоа што Слаткар го навреди во песната и уште тогаш, додека беше во Америка го возврати ударот кон раперот. Топката не ја спушташе ниту едниот, ниту другиот. Сега, нештата преминаа во друга димензија, односно Панчо се одлучи да ги закопа воените секири поттичкнат од загубата на НБА ѕвездата Коби Брајант. Панчо прилично се расплени во својот статус на Фејсбук, кој ви го пренесуваме во целост.

Погоден од вчерашната трагедија и прераното згаснување на животот на Коби Брајант, човекот со кој израснаа многу генерации, рол модел, идол на многу спортисти, кошаркарски фанови, човек кои едноставно не можеш а да не му се восхитуваш на желбата за победа и истрајноста. Колку и да го “убивал” твојот сакан NBA тим потајно ни бил симпатичен на сите. Поентата на овој статус ми е тотално друга. Вчера се запрашав, а верувам и сите вие, зошто треба да се случи некоја голема трагедија за сите да не спои? Зошто треба да се случи нешто вакво за да сфатиме дека денес сме тука, утре веќе не сме? Зошто да се мразиме едни со други? Зошто да не дадеме поддршка и кажеме : БРАВО, ФАЛА, ИЗВИНИ, ТЕ САКАМ на сите оние за кои стварно тоа го мислиме, а не го кажуваме од пуста суета или љубомора? Размислував дали имам некој таков во мојот живот и сфатив дека имам еден човек кои се вика Марко или на јавноста познат какоСлаткаристика коj го знам и се познаваме минимум 15 години. Јавноста е запознаена за нашата “нетрпеливост” која според мене генерално излезе од нигде никаде и дури и ја не знаев зошто и од каде е сета таа омраза упатена кон мене од негова страна. Да не должам многу, како постар сакам јавно да му се ИЗВИНАМ ( иако никогаш не слушнав од него за што бев “нападнат” од негова страна) и да си го тргнам целиот оној товар кои ми седел како грутка во душата сите овие години наназат. Исто така сакам да кажам дека сум му ПРОСТИЛ за се што кажал за мене, едноставно животот е толку краток за да чувам “ТОКСИЧНИ” мисли кои ми ја одземаат енергијата зошто како што кажав ЖИВОТОТ Е ПРЕУБАВ за да го трошиме на лоши негативни работи. Слушнав дека наскоро ќе стане татко и му посакувам од се СРЦЕ само убавини во тој поглед, а истото тоа ќе му донесе сосема нов ментален склоп и поглед кон светот. Исто така сакам да ви кажам на сите мои колеги, музичари, уметници дека музиката и уметноста не е трка на 100метри и нема тука победник. Победници сме сите ние кои твориме, бидејќи музиката е една од ретките универзални јазици кои ги обединуваат луѓето и прават посреќни. Не чекајте да се случи “KOBE” за потоа да сфатите што сте изгубиле и да се каете дека не сте кажале се што сте имале на УМ. П.С - Сакајте се, почитувајте се и поддржувајте се! Ваш Панчо, завршува Владимир Блажев- Панчо кој сега како што вели е ослободен од товарот кој му бил како грутка на душата.

Во ова јавно извинување беше означен и Слаткаристика, но сепак, од него немаше ни трага ни глас. За својата постапка Панчо доби илјадници лајкови и коментари во кои се пишува дека има големо срце, дека е голем човек и вреди да се прочита секој збор во неговото јавно извинување. Дали Стакар ќе возврати во иста мера или ќе остане резервиран и ќе ја задржи својата „нетрпреливост“ кон колегата, останува да видиме...