Ирена Спасовска „го украде“ рецетот за лебот на мама, а на добар пат е да и го „земе лебот“ и на фолк колешката од бившото дуо-трио Алачки (ФОТО)

Антонио Димитриевски — Thu, 10 Dec 2020 08:52:37 +0000

Македонската фолкерка Ирена Спасовска е повеќе од три децении на фолк сцената, која заради познатите околности со корона пандемијата е ставена „во мирување“. И додека со настапите е на „принуден одмор“, Ирена се труди да не се залежи, зашто многу добро знае дека кога ништо не правиш, најчесто јадеш, грицкаш, потпивнуваш... а килограмите бргу се таложат. Потоа, оди да те видам, стопи ги?! Затоа пејачката се обидува да води здрав живот и заради здравјето и заради изгледот. Вежбањето и теретаната веќе знаеме дека оддамна ги практикува. Впрочем секси фотосесите и разголувањето не одат без вежбањето, нешто што Ирена во отсуство на настапи почна често да го практикува. Впрочем, како поинаку да се биде активна и коментирана, ако не на социјалните мрежи? Ама на фотосесија не можеш да се појавиш со „300 кила“, та колку убава и да била, нели? Затоа Ирена не само што вежба и спортува и тренира туку многу внимава и што јаде, што пие, што конзумира... Цедено сокче, смути, тути-фрути... Или понекое „благце“ , чоколадно ама диетално, со стевиа, токму такво какво што сака, а потоа да нема мака и да не и држат теории дека претерала со вишокот калории. А кога ќе тргнеш по тој пат, прво патот те води во ресторан за здрава храна, но полека, полека почнуваш да се интересираш како некои работи се готват или приготвуваат, па со текот на времето стануваш и самиот кулинарски експерт. Така, најновото нешто што Ирена научи да го подготви, можеби наизглед не е којзнае што, ама е многу вкусно. Лепче од цели пченични зрна и хумус со најразлични вкусови. Многу вкусно и здраво... Епа, браво! Намачкај си касни си, лапни - голтни... Ем брзо се приготвува, ем не е некоја инвестиција, а рецептот има семејна традиција. Наречен е лебот на мама... Затоа русокосота фолк дама и најмногу го преферира, а и на социјалните мрежи го рекламира. А кој знае, како тргнало со естрадата, можеби новиот занает ќе и затреба, па ќе добиеме нова метаморфоза - уште една фолк пејачка да стане готвачка. Впрочем, Ирена Спасовска веќе „го украде“ рецетот за лебот на мама, а на добар пат е да и го „земе лебот“ и на колешката Адријана, од бившото дуо-трио Алачки, во кое некогаш членуваа двете фолк пејачки... Па „вкусот на традицијата“ да остане во фолк фамилијата... Некогашна, до душа! Фото: Инстаграм принтскрин/spasovska.irena/@karolina.di.photographer/јутјуб

Адријана Алачки пред камери заедно со ќерка си: Во „Вкусот на традицијата“ имаа специјален рецепт за кој најсреќен беше синот Баже (фото)

Слободанка Илиева — Mon, 23 Nov 2020 07:43:23 +0000

Пејачката и ТВ водителка Адријана Алачки со години е домаќин на популарната кулинарска емисија „Вкусот на традицијата“ во која се негува традиционалната македонска кујна. Адријана пред камери често има гости кои на гледачите им презентираат некој македонски рецепт, а овој пат Адријана имаше специјална гостинка пред камерите- нејзината ќерка Грациела. За вештините во кунната на мама Адријана е добро познато, а сега и Грациела покажа дека го наследила талентот од мајка си. Алачки на профилот на „Вкусот на традицијата“ ги објави заедничките фотографии од дружбата и подготовката на Грацина торта чиј избор не беше случаен. На финалното слатко дело најрадосен беше синот и брат Баже кој исто така се фотографираше заедно со мајка си и сестра си пред да ја пресечат тортата. -Мајка и ќерка!Грацина торта од готвачот а Баже обожава да ја јаде, пишува во описот на фотографиите. Задоволството кога се подготвува за најмилите е уште поголемо, особено што Адријана тоа требаше да го покаже пред очите на јавноста.

вкусот на традицијата – Вистина.мк

Ирена Спасовска „го украде“ рецетот за лебот на мама, а на добар пат е да и го „земе лебот“ и на фолк колешката од бившото дуо-трио Алачки (ФОТО)

Адријана Алачки пред камери заедно со ќерка си: Во „Вкусот на традицијата“ имаа специјален рецепт за кој најсреќен беше синот Баже (фото)