Тијана Дапчевиќ со моден егзибиционизам: Деколте какво не носела и шминка од која нема да ја познаете (фото)

Слободанка Илиева — Tue, 16 May 2023 07:04:01 +0000

Виолончелист,пејачка,актерка, па и менекенка во обид, Тијана Дапчевиќ е мултиталент кој може да се снајде на секое од овие полиња на уметноста. Не е првпат да ја видиме во улога на модел, ама ниту како манекенка на модна писта. Тоа повторно се случи на ревија во Белград која беше во чест на починатата дизајнерка Вивиен Вествуд или попозната како легендардната „панк баба“. Во стилот кој Вествуд го негуваше со години како една од најзначајните современи дизајнерски во светот, беше испочитувана и на српската модна сцена. Тијана Дапчевиќ беше привилегирана да биде дел од ова модно случување, а за оние кои не беа непосредно присутни, им покажа преку неколку фотографии на Инстаграм. Корсетиран фустан со деколте кое ги истакнува градите, пресеци во делот на рамениците и ѕвонести ракави. Главниот фокус беше на драматично нашминканите очи и панк фризурата. „За се’ те бива“, „Професионалец“, „Ти си создадена за се’“ – беа само мал дела од реакциите на следбениците на Тијана кои ги оставија во коментар. Тијана секоаш е подготвена за моден егзибиционизам, а иако ужива да го негува својот андроген изглед, мора да се признае дека Тијана многу лесно може да се адаптира од дама, бунтовничка, па се до уникатна панкерка како во случајов. фото:Инстаграм принтскрин/тијана дапчевиќ/вивиен вествуд

Почина модната дизајнерка Вивиен Вествуд

Антонио Димитриевски — Fri, 30 Dec 2022 10:28:09 +0000

Британската дизајнерка Вивиен Вествуд, едно од најголемите имиња на британската мода позната по бунтот и предизвикувањето на авторитетот, почина во четвртокот, 29 декември 2022 г. на 81-годишна возраст. „Вивиен Вествуд почина денеска мирно и опкружена со своето семејство во Клафам, Јужен Лондон. На светот му требаат луѓе како Вивиен за да се променат на подобро“ - напиша нејзината модна куќа на Твитер. Кариерата на Вивиен беше обележана со бунт и политички ангажман. Таа беше позната како постојан активист и ги носеше работите за кои се грижеше на модните писти, како што се борбата против климатските промени, загадувањето или поддршката на основачот на Викиликс, Џулијан Асанж. Протестни маици со пораки или транспаренти носеа нејзините модели на модните писти. Вествуд го изгради своето име на контроверзниот панк и њу вејв стил од 1970-тите. „Единствената причина поради која сум во мода е да го уништам зборот сообразност“ - рече Вествуд во биографијата од 2014 година. „Не ми е грижа за ништо ако го нема тој елемент“. Нејзината облека, како што рече, „има приказна, идентитет, карактер и цел“.

вивиен вествуд – Вистина.мк

Тијана Дапчевиќ со моден егзибиционизам: Деколте какво не носела и шминка од која нема да ја познаете (фото)

Почина модната дизајнерка Вивиен Вествуд